Domingo
, Pebrero 16
1. SI JESUS DIDTO SA SICAR
a. Diha sa Iyang panaw ngadto sa Galilea, diin man si Jesus ug Iyang mga tinon-an mihunong? Juan 4:6.
“Samtang si Jesus naglingkod sa kilid sa atabay, Siya naluya tungod sa kagutom ug kauhaw. Ang panaw sukad pa sa buntag taas kaayo, ug karon ang adlaw sa udto mibunal diha Kaniya. Ang iyang kauhaw nadugangan pinaagi sa paghunahuna sa mabugnaw, makapalagsik nga tubig nga haduol kaayo, apan dili maabut Niya; kay siya walay pisi ni banga sa tubig, ug lawom ang atabay. Ang kapalaran sa tawo anaa Kaniya, ug naghulat Siya alang usa ka tawo nga moduol aron magkuha.”— The Desire of Ages, p. 183.
b. Kinsa ang miadto sa atabay, ug unsang pabor ang gihangyo ni Jesus kaniya - ug unsay angay nato makat-onan gikan niini? Juan 4:7.
“Ang panagdumot tali sa mga Judeo ug Samariahanon nagsanta sa babaye gikan sa paghatag ug usa ka kalooy ngadto kang Jesus; apan ang Manluluwas nagtinguha sa pagpangita ug yawi ngadto niini nga kasingkasing, ug uban sa taktika nga natawo sa balaanong gugma, Siya nangayo, wala gitanyag, ug usa ka pabor. Ang paghatag ug usa ka kaayohan mahimong dumilian; apan ang pagsalig nagpukaw ug pagsalig. Ang Hari sa langit miduol ngadto niining sinalikway nga kalag, naghangyo ug serbisyo diha sa iyang mga kamot. Siya nga naghimo sa dagat, nga nagkontrolar sa mga katubigan sa daku nga kahiladman, nga mao ang nag-abli sa mga tuboran ug mga agianan sa yuta, mipahulay gikan sa Iyang kakapoy diha sa atabay ni Jacob, ug nagdepende diha sa kalooy sa usa ka dumoluong alang sa gasa sa usa ka mainom nga tubig.”- Ibid., - Ibid., p. 184.
Lunes
, Pebrero 17
2. USA KA LAHI NGA MATANG SA TUBIG
a. Giunsa ni Jesus pagtawag ang atensyon sa babaye ngadto sa gasa sa kaluwasan? Juan 4:10.
“Ang tubig nga gitumong ni Cristo mao ang pagpadayag sa Iyang gracia diha sa Iyang pulong; Ang Iyang Espiritu, ang Iyang pagtudlo, maoy usa ka makatagbaw nga tuburan ngadto sa matag kalag. Ang matag laing tinubdan nga ilang adtoan mapamatud-an nga dili makatagbaw. Apan ang pulong sa kamatuoran sama sa mabugnaw nga mga sapa, nga girepresentahan maingon sa mga tubig sa Lebanon, nga kanunay nga makapatagbaw. Diha kang Cristo anaa ang kahupnganan sa kalipay hangtud sa kahangturan.”— Testimonies to Ministers, p. 390.
b. Unsa ang reaksyon sa babaye sa gitanyag ni Cristo? Juan 4:11, 12.
“Ang pagpanabot sa babaye wala makasabut sa kahulogan ni Cristo; siya nagtoo nga siya naghisgot bahin sa atabay sa ilang atubangan.”— The Spirit of Prophecy, vol. 2, pp. 140, 141.
c. Giunsa ni Jesus pag-ila tali sa usa ka matang sa tubig ug ang lain — ug sa unsang paagi kini nga mensahe makahatag usab ug kaayohan kanato? Juan 4:13, 14; Bugna 22:17.
“Kinahanglan natong ampingan ang gugma ug pagpasalamat, kinahanglan nga kita motan-aw ngadto kang Jesus ug mahimong mausab ngadto sa Iyang dagway. Ang resulta niini mao ang pagtubo sa pagsalig, paglaum, pailub, ug kaisug. Kita makahimo sa pag-inom sa tubig sa kinabuhi nga gisulti ni Cristo ngadto sa babayeng Samariahanon. Siya miingon: ‘Kon Ikaw nahibalo sa gasa sa Dios, ug kon kinsa kini nga nagaingon kanimo, Hatagi Ako ug mainom; mangayo ka unta Kaniya, ug ikaw hatagan Niya ug buhi nga tubig. . . . Bisan kinsa nga moinum sa tubig nga akong igahatag kaniya dili na gayud uhawon; apan ang tubig nga akong ihatag kaniya mahimong diha kaniya usa ka atabay sa tubig nga nagatubod ngadto sa kinabuhing walay katapusan.’ Kini nga tubig nagrepresentar sa kinabuhi ni Cristo, ug ang matag kalag kinahanglan nga makabaton niini pinaagi sa pagduol ngadto sa buhi nga pakigdugtong uban sa Dios. Unya mabulahan, mapaubsanon, mapasalamaton nga pagsalig mahimong usa ka nagapabilin nga prinsipyo sa kalag. Ang walay pagtoo nga kahadlok mawala sa atubangan sa buhi nga pagtoo. Atong pamalandungon ang kinaiya Niya nga mao ang unang nahigugma kanato.”— Testimonies to Ministers, p. 226.
Martes
, Pebrero 18
3. BUHING TUBIG
a. Giunsa sa Samariahanon nga babaye pagpakita nga siya wala pa gihapon makasabut sa mga pulong ni Cristo? Juan 4:15.
“Ang diosnon nga gracia nga Siya lamang ang makahatag, maingon sa buhi nga tubig, makaputli, makapahamugaway, ug makapalagsik sa kalag.
“Si Jesus wala magtunol sa ideya nga ang usa lamang ka giladmon sa tubig sa kinabuhi paigo na alang sa nagadawat. Siya nga makatilaw sa gugma ni Cristo magapadayon sa pagpangandoy sa dugang pa; apan siya dili na mangita pa ug lain. Ang mga bahandi, kadungganan, ug mga kalipayan sa kalibutan dili makadani kaniya. Ang kanunay nga tiyabaw sa iyang kasingkasing, Dugang pa Kanimo. Ug Siya nga magpadayag ngadto sa kalag sa panginahanglan niini nagapaabut aron sa pagtagbaw sa iyang kagutom ug kauhaw. Ang matag tawhanon nga tinubdan ug pagsalig mapakyas. Ang mga atabay mahubsan, ang mga linaw mahimong uga; apan ang atong Manunubos maoy usa ka dili mahurot nga tuburan. Mahimo kitang moinom, ug moinom pag-usab, ug kanunay makakaplag ug bag-ong tagana. Siya nga gipuy-an ni Cristo adunay tuboran sa panalangin diha sa sulod sa iyang kaugalingon — ‘usa ka atabay sa tubig nga mobuswak ngadto sa kinabuhing walay katapusan.’ Gikan niini nga tinubdan kita mahimong makakuha ug kusog ug gracia nga paigo alang sa tanan niyang mga panginahanglan.”—The Desire of Ages, p. 187.
b. Sama sa babayeng Samariahanon ug ang mga dumuloong sa kamingawan sa Exodus, sa unsang paagi nga kita kanunay mapakyas sa pag-ila sa kahibulongang gracia nga nagaagay gikan kang Cristo? Salmo 78:15, 16, 19, 20 (unang bahin); 114:7, 8.
“Gibunalan ni Moises ang bato, apan ang Anak sa Dios mao kadto, nagtaptap sa panganod nga haligi, nagbarog tupad kang Moises, ug mihimo sa tubig nga nagahatag ug kinabuhi sa pag-agus. Dili lamang si Moises ug ang mga anciano, kondili ang tibook katilingban nga nagbarog sa halayo, nakakita sa himaya sa Ginoo; apan kon ang panganod gikuha pa, sila unta mangamatay pinaagi sa makalilisang nga kasanag Niya nga nagpuyo didto.”- Patriarchs and Prophets, p. 298.
“Ang mapuangoron nga presensya ni Cristo diha sa Iyang pulong kanunay nakigsulti sa kalag, nagarepresentar Kaniya ingon nga atabay sa buhi nga tubig aron sa pagpalagsik sa giuhaw nga kalag. Maoy atong pribilehiyo ang pagbaton ug buhi, magapabilin nga Manluluwas. Siya ang tinubdan sa espirituhanong gahum nga gitisok sa sulod nato, ug ang Iyang inpluwensya modagayday diha sa mga pulong ug mga buhat, nga nagapalagsik sa tanan sulod sa natad sa atong inpluwensya, magapahimugso diha kanila ug mga tinguha ug mga pangandoy alang sa kusog ug kaputli, alang sa pagkabalaan ug kalinaw, ug alang nianang kalipay nga dili magdala ug kasubo uban niini. Kini ang resulta sa usa ka nagpuyo nga Manluluwas.”— Testimonies to Ministers, p. 390.
Mierkules
, Pebrero 19
4. SI JESUS MISUGOD SA PAGPAKITA SA IYANG ILHANAN
a. Unsang bag-o nga suheto ang gihisgutan ni Jesus diha sa Iyang pagpakig-storya sa babaye nga Samariahanon - ug giunsa niya pagtubag? Juan 4:16, 17 (unang bahin).
“Sa kalit giliso ni Jesus karon ang paghisgutanay. Sa dili pa kini nga kalag makadawat sa gasa nga iyang gihandom nga ihatag, kinahanglan nga siya madala sa pag-ila sa iyang sala ug sa iyang Manluluwas. Siya ‘miingon ngadto kaniya, Lakaw, tawaga ang imong bana, ug balik ngari.’ Siya mitubag, ‘Wala ako’y bana.’ Sa ingon sila naglaum sa paglikay sa tanang pangutana niana nga punto.”- The Desire of Ages, p. 187.
b. Giunsa ni Jesus pagdugang ang iyang (sa babaye) tubag - ug sa unsa nga kini magpahinumdom kanato mahitungod sa tanan nga Iyang nahibaloan mahitungod sa matag usa kanato? Juan 4:17 (katapusang bahin), 18; Salmo 139:7, 8, 11, 12.
“Ang pagkadaku sa Dios alang kanato dili masabtan. ‘Ang trono sa Ginoo anaa sa langit’ (Salmo 11:4); apan pinaagi sa Iyang Espiritu anaa Siya presente bisan asa. Siya adunay usa ka suod nga kahibalo sa, ug usa ka personal nga interes diha, sa tanan nga mga buhat sa Iyang kamot.”—Education, p. 132.
“Ang langitnong mga manolonda nag-usisa sa buhat nga gibutang dinhi sa atong mga kamot; ug diin adunay usa ka pagbiya gikan sa mga prinsipyo sa kamatuoran, 'nakulangan' ang nahisulat diha sa mga talaan.”— Child Guidance, p. 155.
“Ang balaod sa Dios makatugkad sa mga pagbati ug mga motibo, ingon man sa panggawas nga mga buhat. Kini nagpadayag sa mga tinago sa kasingkasing, nga nagdan-ag sa kahayag sa mga butang sa wala pa ilubong sa kangitngit. Ang Dios nahibalo sa matag hunahuna, matag katuyoan, matag plano, matag motibo. Ang mga basahon sa langit nagrekord sa mga sala nga nahimo unta kon aduna untay kahigayonan. Dad-on sa Dios ang matag buhat ngadto sa paghukom, uban sa matag tinago nga butang. Pinaagi sa Iyang balaod Iyang gisukod ang kinaiya sa matag tawo. Maingon sa pintor nga magakopya sa hulagway sa nawong diha sa canvas, mao man ang mga bahin sa matag indibidwal nga kinaiya gibalhin ngadto sa mga libro sa langit. Ang Dios adunay hingpit nga hulagway sa kinaiya sa matag tawo, ug kini nga hulagway Iyang gitandi sa Iyang balaod. Iyang gipadayag ngadto sa tawo ang mga depekto nga makadaut sa iyang kinabuhi, ug nagtawag kaniya sa paghinulsol ug sa pagtalikod gikan sa sala.”—The SDA Bible Commentary [E. G. White Comments], vol. 5, p. 1085.
Huebes
, Pebrero 20
5. SI JESUS NAGPADAYAG SA IYANG KAUGALINGON INGON NGA MANLULUWAS
a. Unsa may sa katapusang naamgohan sa babaye didto sa atabay mahitungod kang Jesus? Juan 4:19. Kadto ba nga pag-ila paigo?
“Ang tigpaminaw mikurog. Usa ka misteryosong kamot ang nagpakli sa mga panid sa kasaysayan sa iyang kinabuhi, nga nagpadayag nianang iyang gilauman nga tipigan nga matago hangtud sa kahangturan. Kinsa man Siya nga makabasa sa mga sekreto sa iyang kinabuhi? Dihay mitungha sa iyang mga hunahuna sa eternidad, sa umaabot nga Paghukom, diin ang tanan nga karon gitago igapadayag. Sa kahayag niini, ang konsensya mapukaw.
“Wala gayud siyay ikalimod; apan misulay siya sa paglikay sa tanang paghisgot sa usa ka suheto nga dili siya intresado. Uban sa lawom nga pagtahud, siya miingon, ‘Sir, nasabtan ko nga Ikaw usa ka propeta.’ Unya, naglaum sa pagpahilom sa konbiksyon, siya miliso ngadto sa mga punto sa relihiyosong kontrobersya. Kon kini usa ka propeta, siguradong makahatag Siya kaniya ug instruksiyon mahitungod niining mga butanga nga dugay nang gilalisan.”— The Desire of Ages, pp. 187, 188.
b. Sa dihang ang babaye nagpakitag paglaum sa pag-abot sa Mesias, unsa ang gisulti ni Jesus kaniya? Juan 4:25, 26.
“Ang inbitasyon sa ebanghelyo kinahanglan nga dili pagamyon, ug ipresentar lamang ngadto sa pipila nga mga paborito, kinsa, sa atong pagtoo, mopasidungog kanato kon ilang dawaton kini. Ang mensahe kinahanglan ihatag ngadto sa tanan. Bisan asa nga ang kasingkasing abli sa pagdawat sa kamatuoran, si Cristo andam sa pagtudlo kanila. Iyang gipadayag ngadto kanila ang Amahan, ug ang pagsimba nga hinangponon ngadto Kaniya nga nagabasa sa kasingkasing. Alang sa ingon wala siya migamit ug mga sambingay. Ngadto kanila, ingon ngadto sa babaye sa atabay, Siya miingon, ‘Ako nga nagasulti kanimo mao Siya.’ ”— The Desire of Ages, p. 194.
Biernes
, Pebrero 21
PERSONAL SUBLI NGA MGA PANGUTANA
1. Nganong si Jesus wala gayud maghimog milagro alang sa Iyang kaugalingon?
2. Unsang tinubdan ang gigamit ni Jesus aron sa paggiya sa babayeng Samariahanon ngadto sa ebanghelyo?
3. Unsa ang gisulti sa Agalon mahitungod sa tubig sa kinabuhi?
4. Nganong gihisgotan ni Cristo ang personal nga kinabuhi sa babayeng Samariahanon?
5. Pagngalan ug usa ka saad nga may kalabutan sa pag-abot sa Mesias.