Unang Sabado Nga Halad
Ang Republika sa Paraguay usa ka nasirado sa yuta nga nasud sa South America, diin kini giutlanan sa Argentina, Bolivia, ug Brazil. Ang populasyon sa palibot 6.1 milyon nga mga lumulupyo, 96.1% kanila nag-angkon sa Kristiyanismo (88.3% Katolisismo ug 7.8% nga ubang Kristiyanong tinuohan); 2.6% nag-angkon nga walay relihiyon, ug ang nahibilin sa ubang mga relihiyon o wala gitino. Ang nasudnong ekonomiya gibase sa panguna sa agrikultura—ilabi na sa soybeans—ug sa miaging 50 ka tuig, ang Paraguay nakaugmad usab ug dakung industriya sa hydroelectric power.
Ang unang mga membro sa SDA Reform Movement miabot dinhi gikan sa Hungary sa katuigang 1940 ug ang buluhaton miuswag pa sa katuigan sa 1950 pinaagi sa colporteur nga ministeryo ug sa ulahi sa katuigang 1970 pinaagi sa medikal nga misyonaryo nga buhat. Karon kita adunay usa ka talagsaon nga grupo sa matinud-anon nga mga membro sa nag-unang mga ciudad.
Sulod sa daghang mga tuig kami adunay usa ka natural nga sentro sa kahimsog nga naglihok sa kapital nga ciudad sa Asunción, nga nakapahimo kanamo sa pagpahat sa ebanghelyo sa daghang kalag ug sa pagtudlo sa estilo sa kinabuhi sa nahibilin nga katawhan sa Dios. Uban sa tabang sa Dios ug sa among daghan ug nahibaloan nga grupo sa mga propesyonal, kami naglaum nga buhion ang klinika—apan karon aron kini molihok isip pagkab-ot sa ciudad, nga adunay pagpalapad sa kabanikanhan aron sa pagtuman sa sugo sa Dios: “ ‘Pahawa sa mga ciudad. Tukora ang inyong mga sanitarium, inyong mga eskwelahan, ug mga opisina nga layo sa mga sentro sa populasyon.’ ”— Selected Messages, bk. 2, p. 357.
Uban niini nga panglantaw diha sa hunahuna, kita nakaangkon ug usa ka luna sa yuta sa usa ka angayan kabanikanhan nga dapit sa departamento sa Paraguarí, mga 66 ka kilometro (41 ka milya) gikan sa kaulohan. Naa na kami simbahan ug balay alang sa magbubuhat diha sa maong propedad, apan kini mao lamang ang sinugdanan. Ang tumong mao ang pagtukod ug daghang kagamitan nga buhatan (multifunctional center) nga adunay panguna nga sentro sa maayong panglawas, eskwelahan sa simbahan, kapilya, ug pasilidad alang sa pagpalambo sa pagsuporta sa kaugalingong patigayon sa mahimsog nga pagkaon.
Among gihangyo ang pagkamanggihatagon sa among tibook kalibutang mga igsoon sa pagtabang kanamo dad-on kini nga tumong sa katumanan. Ang imong paglambigit makahimo niini nga posible sa paghatag ug bag-ong kusog sa katapusang hugna nga gikinahanglan aron makompleto ang proyekto. Kita nagasalig sa gahum ug kahibulongang gracia sa Dios ug nakasigurado nga panalanginan sa Ginoo ang mga paningkamot sa atong komunidad sa tibuok nga kalibutan sa paghatag gahum ug pagpalapad sa pagpangwali niining bahina sa Iyang ubasan.
Ang inyong mga kaigsoonan gikan sa Paraguayan Field