Nusrɔ̃lanyenye ƒe Dodokpɔ Kpukpui Srɔ̃gblɔ: “Eyata ne amea ɖe le Kristo me la, eya nye nuwɔwɔ yeye: Xoxotɔ la nu va yi, kpɔ ɖa, nuwo katã zu yeye! ” (2 Korintotɔwo 5:17).
Nuxexlẽ si wona:
Steps to Christ, ta 7, axa 57–65.
“ Menye nu nyui wɔwɔ ɣeaɖewoɣi kple nu gbegblẽ wɔwɔ ɣeaɖewoɣie ɖea amenyenye fiana o, ke boŋ nya kple nuwɔna siwo nye numame na amewo ƒe nɔnɔmee. ”— Steps to Christ, axa 57, 58.
1. GBƆGBƆ ƑE DƆWƆWƆ Kwa, Das 9
a. Nufiame kae Kristo fia le dzimetɔtrɔdɔa ɖɔɖɔ me? Yohanes 3:5 – 8.“ Ðewohĩ ame mate ŋu agblɔ ɣeyiɣi alo teƒe si tututu wòle o, alo adi nɔnɔme siwo katã kplɔ wo nɔewo ɖo le dzimetɔtrɔ ƒe ɖoɖoa me o, gake esia meɖo kpe edzi be metrɔ dzime o. . . Abe ya, si womekpɔna o, evɔ wokpɔa eƒe ŋusẽkpɔɖeamedziwo nyuie hesea le eɖokui me ene la, Mawu ƒe Gbɔgbɔ le eƒe dɔwɔwɔ ɖe amegbetɔ ƒe dzi me. Ŋusẽ ma si gbugbɔna dzɔna, si amegbetɔ ƒe ŋku aɖeke mate ŋu akpɔ o, dzia agbe yeye le luʋɔ me; ewɔa ame yeye aɖe le Mawu ƒe nɔnɔme me. ”— Steps to Christ, axa 57.b. Tɔtrɔ kawoe ado le amesiwo trɔ dzime vavã ƒe agbenɔnɔ me?Romatɔwo 12:9–18;2. 2. Korintotɔwo 5:17 .“ Togbɔ be míate ŋu awɔ naneke atsɔ atrɔ míaƒe dziwo alo ana mía ɖokui nawɔ ɖeka kple Mawu o hã la, togbɔ be mele be míaɖo ŋu ɖe mía ɖokui alo míaƒe dɔ nyuiwo ŋu kura o hã la, míaƒe agbenɔnɔ aɖee afia nenye be Mawu ƒe amenuveve le mía me.Woakpɔ tɔtrɔ aɖe le nɔnɔme, numamewo, nusiwo yome míeti me. Vovototo si me kɔ eye woatso nya me le nusi wonye tsã kple nusi wonye fifia dome. . .“Enye nyateƒe be gotagome nuwɔna ƒe ɖɔɖɔɖo ate ŋu anɔ anyi Kristo ƒe ŋusẽ yeye manɔmee. Ŋusẽkpɔɖeamedzi ƒe lɔlɔ̃ kple didi be woade bubu ame bubuwo ŋu ate ŋu ahe agbenɔnɔ si le ɖoɖo nu vɛ. Bubudede ame ɖokui ŋu ate ŋu ana míaƒo asa na vɔ̃ɖinyenye ƒe dzedzeme. Ðokuitɔdila ate ŋu awɔ dɔmenyonuwɔnawo. Ekema mɔ ka dzie míato anya amesi ƒe akpa dzi míele?“Amekae si dzi la le? Ameka gbɔe míaƒe tamesusuwo le ?”— Afim., axa 57, 58.
2. BE NÀNYE NUWƆWƆ YEYE Dzo, Das 10
a. Kutsetse kawoe amesiwo yɔ fũ kple Gbɔgbɔ la tsea? Galatiatɔwo 5:22, 23.“ Ame siwo va zu nuwɔwɔ yeyewo le Kristo Yesu me la atse Gbɔgbɔ la ƒe kutsetsewo. . . Nu siwo wolé fui tsã la, wolɔ̃ wo fifia, eye nu siwo wolɔ̃ tsã la, wolé fui. Dadalawo kple ɖokuitɔdidilawo va zua ame fafawo kple ɖokuibɔbɔlawo le dzi me. Tofloko kple ɖokuidodoɖedzi va zua ame veviwo eye womedea ame dzi o. Ahatsunolawo ƒe susu dzea akɔ anyi, eye ame siwo gblẽa nu le ame ŋu la nɔa dzadzɛ. Woɖea xexeame ƒe kɔnu kple atsyã dzodzrowo ɖa. Kristotɔwo madi ‘ gotagome atsyɔ̃ɖoɖo ’ o, ke boŋ ‘ dzime ƒe ame ɣaɣla, le nusi megblẽna o me, le gbɔgbɔ fafɛ kple tomefafa ƒe atsyɔ̃ɖoɖo gɔ̃ hã me. ' 1. Petro 3:3, 4. ”— Steps to Christ, axa 58, 59.“ Gbɔgbɔ Kɔkɔe ƒe ŋusẽkpɔɖeamedzi enye Kristo ƒe agbenɔnɔ le luʋɔ me. Míekpɔa Kristo heƒoa nu kplii o, gake Eƒe Gbɔgbɔ Kɔkɔe la te ɖe mía ŋu le teƒe ɖeka abe alesi wòle teƒe bubu ene. Ewɔa dɔ le amesiame si xɔa Kristo me kple to edzi. Amesiwo nya Gbɔgbɔ la ƒe nɔƒe la ɖea Gbɔgbɔ la ƒe kutsetsewo fiana — lɔlɔ̃, dzidzɔ, ŋutifafa, dzigbɔgbɔ blewu, tufafa, nyuiwɔwɔ, xɔse. ”— The SDA Bible Commentary [E. G. White Comments], babla 6, axa 1112 .b. Nukae nye dzimetɔtrɔ vavãtɔ ƒe kpeɖodzi? Ezekiel 33:14, 15.“ Dzimetɔtrɔ vavãtɔ ƒe kpeɖodzi aɖeke meli o negbe ɖe wòwɔ ɖɔɖɔɖo hafi. Ne egbugbɔ adzɔgbeɖeɖea ɖo anyi, gatsɔ nu si wòda adzoe la na, eʋu eƒe nuvɔ̃wo me, eye wòlɔ̃ Mawu kple ehati amewo la, nuvɔ̃wɔla ate ŋu aka ɖe edzi be yetso ku me yi agbe me.“ Ne míeva Kristo gbɔ eye míezu eƒe amenuveve tsɔtsɔke ƒe gomekpɔlawo la, lɔlɔ̃ dona ɖe dzi me. Agba ɖesiaɖe le bɔbɔe, elabena kɔkuti si Kristo dea ame dzi la le bɔbɔe. Dɔwɔwɔ va zua dzidzɔ, eye wòtsɔa vivisese sa vɔe. Mɔ si dze abe viviti tsyɔ edzi tsã ene la, klẽna kple keklẽ siwo tso Dzɔdzɔenyenye ƒe Ɣe la gbɔ.“ Woakpɔ Kristo ƒe nɔnɔme ƒe lɔlɔ̃ le eyomedzelawo me. Enye woƒe dzidzɔ be woawɔ Mawu ƒe lɔlɔ̃nu. Lɔlɔ̃ na Mawu, dzonɔameme ɖe Eƒe ŋutikɔkɔe ŋu, ye nye ŋusẽ si ɖua ame dzi le míaƒe Ðela ƒe agbenɔnɔ me. Lɔlɔ̃ na eƒe nuwɔnawo katã nya kpɔ eye wòde bubu eŋu. Lɔlɔ̃ nye Mawu tɔ. Dzi si womekɔ o la mate ŋu anae alo awɔe o. Dzi si me Yesu ɖu fia le la me koe wokpɔnɛ le. ' Míelɔ̃, elabena eyae gbã lɔ̃ mí ’ 1 Yohanes 4:19 . Le dzi si wotsɔ Mawu ƒe amenuveve wɔ yeyee me la, lɔlɔ̃e nye nuwɔna ƒe gɔmeɖose. Etrɔa asi le amea ƒe nɔnɔme ŋu, eɖua nusiwo ʋãa ame dzi, eɖua dzodzrowo dzi, eɖea fuléle dzi kpɔtɔna, eye wònaa lɔlɔ̃awo dea bubu wo ŋu. Lɔlɔ̃ sia si ŋu luʋɔ dea asixɔxɔe la naa agbea vivina eye wòɖea ŋusẽkpɔɖeamedzi si kɔa ame ŋu ɖe gotagome katã dzi. ”— Steps to Christ, axa 59.
3. VODADA EVE Bra, Das 11
a. Vodada siwo me afɔku le kawoe ame geɖe siwo gblɔna be Kristotɔwo lɔ̃na ɖe edzi? Filipitɔwo 3:9; Romatɔwo 10:3; Yakobo 2:17.“ Vodada eve li siwo ŋu Mawu ƒe viwo vevietɔ amesiwo va ɖo ŋu ɖe Eƒe amenuveve ŋu teti koe nye ema la nakpɔ nyuie le. Gbãtɔ si ŋu woƒo nu tsoe xoxo enye be woalé ŋku ɖe woawo ŋutɔ ƒe dɔwɔwɔwo ŋu, aɖo ŋu ɖe nusianu si woate ŋu awɔ ŋu, be woana wo ɖokui nawɔ ɖeka kple Mawu. Ame si le agbagba dzem be yeazu ame kɔkɔe to ye ŋutɔ yeƒe dɔwɔwɔwo me le sea dzi wɔwɔ me la, le nusi mate ŋu adzɔ o la tem kpɔ.Nusiwo katã amegbetɔ ate ŋu awɔ Kristo manɔmee la, woƒo ɖi kple ɖokuitɔdidi kple nuvɔ̃. Kristo ƒe amenuveve ɖeɖeko, to xɔse me, ye ate ŋu ana míanɔ kɔkɔe.“Vodada si to vovo na ema eye afɔku leme boo enye be Kristo dzixɔxɔse ɖea asi le amegbetɔwo ŋu tso Mawu ƒe se dzi wɔwɔ me; be esi wònye be to xɔse ɖeɖeko me míeva zua Kristo ƒe amenuveve ƒe gomekpɔlawo ta la, míaƒe dɔwɔwɔwo meku ɖe míaƒe ɖeɖekpɔkpɔ ŋu kura o.”— Steps to Christ, axa 59, 60.b. Aleke nubabla yeyea ƒe ŋugbedodoa na wòdze ƒã be Kristo ƒe amenuveve meɖe mí tso toɖoɖo Mawu se ƒe me o? Hebritɔwo 8:10; 10:16.“Mawu ƒe se la nye Eƒe nɔnɔme ŋutɔŋutɔ ɖeɖefia; enye lɔlɔ̃ ƒe gɔmeɖose gã la ƒe nɔnɔme, eye eyatae wònye Eƒe dziɖuɖu ƒe gɔmeɖoanyi le dziƒo kple anyigba dzi. Ne wogbugbɔ míaƒe dziwo wɔ yeye le Mawu ƒe nɔnɔme me, ne woƒã Mawu ƒe lɔlɔ̃ ɖe luʋɔ me la, ɖe womawɔ Mawu ƒe sea dzi le agbe me oa? Ne woƒã lɔlɔ̃ ƒe gɔmeɖose ɖe dzi me, ne wogbugbɔ amegbetɔ wɔ yeyee le Amesi wɔe ƒe nɔnɔme nu la, nubabla yeye ƒe ŋugbedodoa va eme [Hebritɔwo 10:16 ye woyɔ]. Eye ne woŋlɔ se la ɖe dzi me la, ɖe matrɔ asi le agbenɔnɔ ŋu oa? Toɖoɖo—lɔlɔ̃ ƒe subɔsubɔ kple nuteƒewɔwɔe nye nusrɔ̃lanyenye ƒe dzesi vavãtɔ.”—Afim., axa 60.“ Mawu bia le ɣeyiɣi sia me be nusi tututu wòbia tso atsu kple asi kɔkɔe siwo le Eden si, toɖoɖo bliboe na Eƒe nudidiwo. Eƒe se la gakpɔtɔ le nenema le ɣeyiɣiwo katã me. Womeɖiɖi dzɔdzɔenyenye ƒe dzidzenu gã si woɖe fia le Nubabla Xoxoa me ɖe anyi le Nubabla Yeyea me o. Menye nyanyui la ƒe dɔe wònye be wòagbɔdzɔ Mawu ƒe se kɔkɔe ƒe nyawo gbɔdzɔ o , ke boŋ be wòahe amewo ava afisi woate ŋu alé eƒe sededewo me ɖe asi le.“ Kristo dzixɔse si xɔa luʋɔ la menye nusi ame geɖewo tsi tre ɖi na be enye o. ‘ Xɔe se, xɔe se, ’ nye woƒe ɣlidodo; ‘ ɖeko nàxɔ Kristo dzi ase, eye àkpɔ ɖeɖe. Eya koe nye nusi wòle be nàwɔ. ’ Togbɔ be xɔse vavãtɔ ɖoa ŋu ɖe Kristo ŋu bliboe hena ɖeɖekpɔkpɔ hã la, ana wòawɔ ɖeka kple Mawu ƒe se bliboe. ”— The SDA Bible Commentary [EG White Comments], vol. 6, axa 1073 .
4. XƆNAME NYE NUNANA FEMAXEE Ku, Das 12
a. Nukae wokpɔa mɔ na tso ame siwo di be yewoaxɔ agbe mavɔ la gbɔ? 1. 1. Yohanes 5:2, 3; 1. 1. Korintotɔwo 7:19.“ Ne ètsɔ ɖokuiwò na [Kristo], eye nèxɔe abe wò Ðela ene la, ekema, togbɔ be le wò agbe me ate ŋu anye nuvɔ̃wɔla hã, le Eya ta wobu wò ame dzɔdzɔe. Kristo ƒe nɔnɔme tsi tre ɖe wò nɔnɔme teƒe, eye woxɔ wò le Mawu ŋkume abe ɖe mèwɔ nuvɔ̃ o ene.“ Gawu la, Kristo trɔa dzi. Enɔa wò dzi me to xɔse me. Ele be nàlé kadodo sia me ɖe asi kple Kristo to xɔse kple wò lɔlɔ̃nu tsɔtsɔ na Eyama atraɖii me; eye zi alesi nèle esia wɔm la, awɔ dɔ le mewò be nàlɔ̃ eye nàwɔ nusi dze eŋu. Eya ta àte ŋu agblɔ be, ‘ Agbe si menɔna fifia le ŋutilã me la, menɔa agbe to Mawu Vi la ƒe xɔse me, amesi lɔ̃m, eye wòtsɔ eɖokui na ɖe tanye. ' Galatiatɔwo 2:20. Eyata Yesu gblɔ na eƒe nusrɔ̃lawo be, ' Menye miawoe le nu ƒom o, ke boŋ mia Fofo ƒe Gbɔgbɔe le nu ƒom le mia me. ' Mateo 10:20 Ekema ne Kristo le dɔ wɔm le mia me la, miaɖe gbɔgbɔ ma ke afia eye miawɔ dɔ nyui mawo ke — dzɔdzɔenyenye ƒe dɔwɔwɔwo, toɖoɖo.“ Eya ta naneke mele mía ɖokui si si ŋu míaƒo adegbe le o. Gɔmeɖoanyi aɖeke mele mía si si dzi míato ado mía ɖokui ɖe dzi o. Míaƒe mɔkpɔkpɔ ƒe gɔmeɖoanyi ɖeka kolia le Kristo ƒe dzɔdzɔenyenye si wobu na mí, kple esi Eƒe Gbɔgbɔ wɔ dɔ le mía me kple to mía dzi la me. ”— Steps to Christ, axa 62, 63.b. Togbɔ be Aƒetɔ la wɔ ɖoɖo be amewo katã nakpɔ ɖeɖe hã la, nukatae ame aɖewo to mɔa dzi? Efesotɔwo 2:8, 9; Dɔwɔwɔwo 4:12; Romatɔwo 9:30 – 33.“ Le esi teƒe be míaɖe asi le amegbetɔ ŋu tso toɖoɖo me la, xɔse, kple xɔse ɖeɖekoe nana míekpɔa gome le Kristo ƒe amenuveve la me, si wɔnɛ be míete ŋu ɖoa to. . .“Nu ma si woyɔna be Kristo dzixɔse si gblɔna be yeɖea asi le amewo ŋu tso toɖoɖo Mawu ƒe agbanɔamedzi me la, menye xɔse o, ke boŋ dadae. ‘Amenuveve mee woɖe mi to xɔse me.’ Gake ‘xɔse, ne dɔwɔwɔ mele esi o la, eku.’ ‘Efesotɔwo 2:8; Yakobo 2:17. Yesu gblɔ le eɖokui ŋu hafi wòva anyigba dzi be, ‘Edzɔa dzi nam be mawɔ Wò lɔlɔ̃nu, Oo Nye Mawu: ẽ, Wò se le Nye dzi me. ‘Psalmo 40:8 . Eye hafi wòagayi dziƒo la, eɖe gbeƒã be, ‘Melé Fofonye ƒe sededewo me ɖe asi, eye menɔ Eƒe lɔlɔ̃ me. ‘Yohanes 15:10. Ŋɔŋlɔ la gblɔ be, ‘Esia dzie míeto nyae be míenyae, ne míelé Eƒe sededewo me ɖe asi. Ame si nya be yele Eyama me la, ele be wòazɔ abe ale si wòzɔ ene. ’Yohanes I, 2:3-6. ‘Elabena Kristo hã kpe fu ɖe mía ta, eye wògblẽ kpɔɖeŋu ɖi na mí, bena miadze eƒe afɔɖoƒewo yome. 'Petro I, 2:21. ”— Afim., axa 60,62.
5. XƆSE ME NƆNƆ Yaw, Das 13
a. Aleke apostolo Paulo nɔ agbe le aʋadziɖuɖu me? 1. 1. Korintotɔwo 15:30, 31 .“ Ele be mialé kadodo sia me ɖe asi kple Kristo to xɔse kple miaƒe lɔlɔ̃nu tsɔtsɔ na Eyama ɖaa me, eye zi alesi miewɔ esia la, awɔ dɔ le mia me be mialɔ̃ eye miawɔ nusi dze eŋu. ”— Steps to Christ, axa 62, 63.“ Kristo le Eƒe amegbetɔnyenye me wɔ nɔnɔme deblibo aɖe, eye nɔnɔme siae wòtsɔ na mí be yeana mí. ' Míaƒe dzɔdzɔenyenye katã le abe avɔ ƒoɖiwo ene. ' Yesaya 64:6. Nusianu si mía ŋutɔwo míate ŋu awɔ la, nuvɔ̃ ƒo ɖii. Gake Mawu ƒe Vi la ' ɖe eɖokui fia be yeaɖe míaƒe nuvɔ̃wo ɖa;eye nuvɔ̃ aɖeke mele eme o. ' . . . Kristo ɖo to sea ƒe nudidi ɖesiaɖe. Egblɔ le eɖokui ŋu be, ‘ Edzɔa dzi nam be mawɔ Wò lɔlɔ̃nu, Oo Nye Mawu; ẽ, Wò se la le Nye dzi me. ’ Psalmo 40:8 . . . . To Eƒe toɖoɖo blibo me la, ena wòanya wɔ be amegbetɔ ɖesiaɖe nawɔ ɖe Mawu ƒe sededewo dzi. Ne míebɔbɔ mía ɖokui ɖe Kristo te la, dzia wɔa ɖeka kple Eƒe dzi, lɔlɔ̃nu la ƒoa ƒu ɖe Eƒe lɔlɔ̃nu me, susua zua ɖeka kple Eƒe susu, wotsɔa susuawo yia aboyo me nɛ; míenɔa Eƒe agbe. Esiae nye nusi wòfia be woado Eƒe dzɔdzɔenyenye ƒe awu. ”— Christ’s Object Lessons, axa 311, 312.b. Dzidzɔ kae hakpala la ɖe fia le eya ŋutɔ ƒe agbe me? Psalmo 119:97.“Ne míele nu ƒom tso xɔse ŋu la, vovototo aɖe li si wòle be woabla ɖe susu me. Dzixɔse ƒomevi aɖe li si to vovo kura tso xɔse gbɔ. Mawu ƒe anyinɔnɔ kple ŋusẽ, Eƒe nya ƒe nyateƒenyenye, nye nyateƒenya siwo Satana kple eƒe aʋakɔwo gɔ̃ hã mate ŋu agbe le dzi me o. Biblia gblɔ be ‘abosamwo hã xɔe se, eye woʋuʋuna; ‘gake esia menye xɔse o. Yakobo 2:19. Afisi menye Mawu ƒe nya dzixɔxɔse koe le o, ke boŋ lɔlɔ̃nu ƒe ɖokuibɔbɔ ɖe Eyama te; afisi wotsɔ dzi na Eyama, lɔlɔ̃ siwo wotsɔ ɖo Eŋu la, xɔse si wɔa dɔ to lɔlɔ̃ me eye wòkɔa luʋɔ ŋu la li. To xɔse sia me la, dzi la zua yeye le Mawu ƒe nɔnɔme me. ”— Steps to Christ, axa 63.
AME ƉOKUI ƑE NYABIASEWO Fi, Das 14
1. Ƒo nu tso dzimetɔtrɔ ƒe kpeɖodziwo ŋu.2. Vovototo kae le ame xoxo kple ame yeye dome?3. Gblɔ afɔku eve siwo wòle be míaƒo asa na le míaƒe gbɔgbɔmegbenɔnɔ me.4. Ne míele agbe le amenuveve te la, teƒe kae toɖoɖo le?5. Tamesusu, didi, kple susu kawo ŋue wodea asixɔxɔe ne Kristo le dzi me?