1. ANG GIPANGGA NGA PARASAN Domingo Hunyo 26

a. Alang sa unsang mga katuyoan nga gimugna sa Manlalang ang Hebreo nga nasud? Genesis 12:2; Deutoronomeo 7:6-8; 26:17-19 b. Ngano nga kining Nasura mahimong mapasalamaton man gayud nga nasud? Deutoronomeo 32:9:12 c. Gi-unsa sa Dios pagplano alang sa Hebreo nga nasud nga panalangin sa uban nga mga nasud, ug sa unsa nga kini aplikado kanato karon? Deutoronomeo 4:5-8; Mateo 5:16 “ Ang Dios nagtan-aw sa matag-usa sa Iyang katawhan; Siya dunay mga plano sa matag-usa kanila. Maoy Iyang tuyo nga niadtong nagkinabuhi sa Iyang balaang kasugoan mahimong lahi nga katawhan....“Dili lamang niini nga kalibutan apan sa Unibersyo kita mohimo sa pagpadayg sa mga prinsipyo sa Gingharian sa Dios.” Testimonies, vol 6, pp. 12,13

---

2. ANG KAHIMTANG SA PARASAN KARON Lunes Hunyo 27

a. Ngano nga napalaw man ang Dios sa parasan nga Iyang gihigugma? Isaias 5:1-4 “ [Ang Nasud sa mga Hudeo] naghandum sa pagpaigo ngadto sa ilang kaugalingon sa bunga sa parasan nga niini sila gihimo nga mga tinugyanan. Ang ilang pagkamasinahon ug kahangol naghimo kanila sa nga mahimong talamayon bisan pa sa mga hentil. Busa ang kalibutan sa mga hentil gihatagan ug okasyon sa mali nga pagsabut sa kinaiya sa Dios ug sa mga balaod sa Iyang gingharian.”Prophets and Kings, pp. 20–21 b. Kanus-a nga ang iglesia dili makadala ug bunga gikan sa tinuod nga paras? Juan 15:4 “ Ang Ginoo nagtanum sa Iyang iglesia ingon usa ka paras sa tambok nga uma... Apan kini nga paras nga gitanum sa Dios nihandag ngadto sa yuta ug mibulibod ang iyang mga gamot sa tawhanong mga supporta. Ang iyang mga sanga milipang pag-ayo , apan kini nagdala ug bunga sa ihalas nga paras....“ Ang Dios naghatag ug dagkong mga panalangin sa diha sa Iyang Iglesia. Ang hustisya nagkinahanglan nga siya mouli niini nga mag talento uban ang tubo. Ingon nga ang bahandi sa kamatuoran nga gitugyan kaniya nagdugang, nagdugang usab ang iyang obligasyon. Apan imbis nga palamboon kini nga mga gasa ug moabante ngadto sa kahingpitan, siya nahulog man hinoon gikan sa iyang nakab-ot sa sayong kasinatian. Ang pagbag-o sa iyang esprituhanong kahimtang miabot sa hinayhinay ug halos dili mamatikdan. Sa dihang siya misugod sa pagpangita sa pagdayeg ug pakig-abyan sa kalibutan, ang iyang pagtuo nahanaw, ang iyang kadasig naluya, ang iyang mainiton nnga pagtaugyan naghatag ug luna sa patay nga promalidad. Matag lakang sa pag- abante ngadto sa kalibutan mao ang paglakang palayo sa Dios. Sa dihang ang garbo ug ambisyon sa kalibutan gpangga, ang espritu ni kristo mibaya, ug pag-indigay, kalibog ug kassamok miabot sa paglibog ug pagpaluya sa iglesia.” Testimonies vol. 5, pp. 240, 241. c. Unsang matang sa bunga ang gihandum sa Dios nga makita kanato? Galacia 5:22, 23 “ Ang bunga nga gitunguha ni Kristo, human sa mapailibon nga pag-atiman, nga gihatag sa Iyang iglesia, mao ang pagtuo, pailub, gugma, mapuangoron, lanitnong panghunahuna, kaaghop. Kini mao ang mga pungpong sa bunga nga nahinog taliwala sa bagyo ug panganud ug kangitngit, ingon man usab diha sa silaw sa adlaw.”Ibid, p. 117

---

3. NAGASALIKWAY SA USA KA MABAW NGA KASINATIAN Martes Hunyo 28

a. Ihulagway ang kahimtang sa parasan sa Ginoo diha sa sayo nga paghari ni Uzzias, hari sa Judah? 2 Hari 15:1-3; 2 Chronicas 26:1-7,15. “ Ang taas nga paghari ni Uzzias [ giila usab nga Azarias] sa yuta sa Judah ug Benjamin gilangkuban pinaagi sa usa ka kalamboan labaw kay sa uban nga mga hari sukad sa pagkamatay ni Solomon, duolan sa duha ka gatosan ang miagi. Sa daghang mga katuigan ang hari nagdumala uban ang kaalam. Ilalum sa panalangin sa langit ang iyang mga sundalo nakakuha pagbalik sa pipila ka mga tirotoryo nga nawala sa milabay nga mga katuigan. Mga siudad nangatukod ug napalig-on, ug ang posisyon sa nasud taliwala sa nagapalibot nga katawhan sa labihan napalig-on. Ang patigayon nabuhi, ug ang bahandi sa mga nasud miagay didto sa Jerusalem.”- Prophets and Kings, p. 303. b. Hinganli ang pipila ka mga esprituhanong kakulangon nga nagpangitngit sa hulagway? 2 Hari 15:4 “ Kining gawasnon nga paglambo [Ilalum ka Uzzias] ... Wala maubanan pinaagi sa usa haum nga pagpabuhi sa esprituhanong gahum. Ang mga serbisyo sa Templo nagpadayon sama sa nangagi nga mga tuig, ug ang mga panon sa katawhan nagkatigum sa pagsimba sa buhi nga Dios; apan ang garbo ug pormalidad sa hinayhinay mikuha sa luna sa pagpaubos ug sinseridad. Ibid pp. 303,304. c. Unsaon sa usa ka pagkapakyas pagsalikway sa dautan maghampak kanato? Song of Solomon. 2:15 “ Daghan ang nagpangga ug nangatarungan sa depikto sa ilang mga kinaiya; apan kining tanan kinahanglan matambalan. Matag pagsimang gikan sa husto kini sala, ug ang sala kinahanglan nga isalikway. Dili mahimo nga kita maglakaw sa tinamhangan atubangan sa atong mga kaigsoonan ug atubangan sa kalibutan.“Daghan ang nagsugid sa ilang mga sala sa subli-subli apan wala magsalikway kanila pinaagi sa tinuod nga paghinulsol. Gawas nga kita adunay lig-on nga katuyoan ang tabang sa grasya sa Dios , kusgan nga resolusyon ug matukawon nga pagbantay mahimong kawang ug walay gahum sa dihang ang tentasyon mohasmag sa kalag.” The sign of the Times, March 6, 1884.“ Kini mao ang mga gagmayng milo modaot sa parasan., gamay nga mga pagpasagad, gamay nga mga kakulangon, ginagmay nga pagpalayo gikan sa prinsipyo,.nga maoy nagbuta sa kalag ug nagbulag niini gikan sa Dios.” In Heavenly places, p. 226

---

4. NAMANSAHAN PINAAGI SA GARBO. Miyerkules Hunyo 29

a. Ngano nga katalagman miabot kang Uzzias? 2 Chronicas 26:16-21; Numeros 15:30 “ Ang sala nga merisulta sa dakong katalagman kang Uzzias maoy usa sa pagpangahas. Diha sa paglapas sa usa ka piho nga sugo ni Jehovah, nga wala apan mga kaliwat lamang ni Aaron ang makapangalagad ingon nga sacerdote, ang hari misulod didto sa sanctuario ‘sa pagsunog ug insenso ibabaw sa altar.’Si Azarias ang labawng sacerdote ug iyang mga kaubanan mihangyo ug nangalyupo kaniya nga dili padayonon ang iyang tuyo. “Ikaw nakalapas, sila miingon, dili kana sa imong kadungganan .” (2 Chronicas 26:16,18).Si Uzzias napuno sa kasuko nga siya , ang hari, kinahanglan pagabadlongon. Apan siya wala tugoti sa pagpasipala sa sanctuario batok sa nagkahiusa nga pagsukol niadtong diha sa otoridad. Samtang nagbarog didto , diha suko nga pagrebelde, siya sa kalit gilapdos uban sa usa langitnon nga paghukom. Ang sangla mitungha diha sa iyang agtang. Sa iyang kasubo siya mipalayo, ug wala na gayud misulod sa sawang sa templo. Hangtud sa adlaw sa iyang kamatayon si Uzzias nagpabilin nga sanglahon- usa ka buhi nga ihemplo sa binuang nga pagsalikway gikan sa tino nga “gisulti sa Ginoo” Dili sa iyang taas nga posisyon ni sa kataas sa iyang pagpangalagad pwede nga ihangyo ingon katarungan alang sa mapangahason nga sala nga pinaagi niini maoy nakamansa sa naghinapos nga mga tuig sa iyang paghari, ug nagdala ibabaw sa iyang kaugalingon sa silot sa Langit..” Prophets and Kings, p. 304. b. Gi-unsa pagtagad sa Dios ang garbo? Probervio 6:16; James 4:6 “ Siya kinsa nahulog diha pipila ka mga makauulaw nga mga sala, mobati sa iyang kaulaw ug kakabus ug sa iyang panginahanglan sa grasya ni Kristo; apan ang garbo mobati nga wala nagkinahanglan, ug busa nagsirado sa kasingkasing batok kang Kristo nga sa dili matukib nga mga panalangin nga Siya mianhi sa paghatag.” Steps to Christ, p. 30“ Garbo, pagsalig sa kaugalingon, paghigugma sa kalibutan, pagpangita ug sayop, kapaitan, kasina, mao ang gidala nga mga bunga sa daghan nga naga-angkon sa relihiyon ni Kristo. Ang ilang pagkinabuhi anaa sa kasukwahi gayud sa kinaiya ni Kristo... Uban niini nga pagkakabig si K,risto walay kadugtungan.” The Review and Herald, Azpril 15, 1902.

---

5. NAG-ATUBANG SA MGA RESULTA O NAGAPILI SA PAGBALAAN. Huwebes Hunyo 30

a. Ihulagway ang padayon nga kahimtang sa Israel ug Judah sa panahon nga si Isaias gitawag sa pag-alagad ingon nga propeta. Isaias 1:1-9, 21-23. “ Ang paghari ni Uzzias nagkaduol na sa pagtapos , ug si Jotham nagdala na sa daghang mga palas-anon sa gingharian, sa diha si Isaias, sa halangdon nga linya , gitawag, kasamtangan sa iyang pagkabatan-on, ngadto sa misyon sa pagpanagna..... Ang diosnong proteksyon gikuha na, ug ang mga kasundalohan sa asserya halos mipuno na sa yuta sa Judah.“ Apan ang katalagman gikan sa gawas, bisan daw wala na silay paglaum, dili sama sa kaseryuso sa katalagman nga nagikan sa sulod.. Ang pagkamasupilon sa iyang katawhan maoy nagdala sa ulipon sa Dios sa pinakadako nga kabalaka ug pinakalawum nga depresyon.” Prophets and Kings. P. 305 b. Unsa ang naglangkub sa makuyaw nga kahimtang sa sa mga matinud-anon, kaniadto ug karon.? Salmo 11:3 “Uban sa pagdaugdaug ug bahandi miabot ang garbo ug gugma sa pasundayag, labihan nga kahubog ug usa ka espiritu sa hudyaka....Masal-anon nga pagkinabuhi nahimong sagad taliwala sa tanang matang nga ang dyutay kinsa nagpabilin nga matinud-anon ngadto sa Ginoo kasagaran gitintal sa pagkapildi sa kasingkasing ug mihatag sa dalan sa kaluya ug kawalay paglaum. Ibid, p. 306.“ Samtang ang uban nagtinguha sa yutan-on nga mga kalipayan , kamo magtinguha sa dili masayop nga kasigurohan sa gugma sa Dios, sa kamasingkamuton, mainiton nga pagatuaw; Kinsa ang magpakita kanako unsaon nako paghimo ang akong pagkatinawag ug pagkapinili nga sigurado?” Testimomnies vol 2, 145

PERSONAL UG SUBLI NGA MGA PANGUTANA Biyernes Hulyo 1

1. Unsa ang hinungdan sa pagkaluya sa pagtuo sa iglesia sa Dios? 2. Pagngalan ug usa nga daw gamay lang nga wala mamatikdi sa paghari ni Uzzias. 3. Ngano nga ang Dios nagtagad sa gardo ingon nga grabe nga sala? Kita ba? 4. Sa unsa nga ang salingkapaw nga paglambo sa Judah naka-apekto kinila ingon nga nasud? 5. Diha sa panahon pagkadunot, Unsa ang angay hinumduman sa dyutay nga matinud-anon sa Dios?