1. USA KA KATINUURAN NGA PAGSUSI Domingo Septyembre 4

a. Aron nga mas labing suod nga makaduol sa Dios, usa ang angay natong masabtan? Isaias 59:1,2 “Ang sala nga diin napatuyangan ngadto sa hilabihan gayud, ug maoy nagpabulag kanato gikan sa Dios ug nagbunga’g daghan kaayong makatakud nga espirituhanong kadaot, mao ang kadalo. Walay mahitabo nga pagbalik ngadto sa Dios gawas kun pinaagi sa pagdumili sa kaugalingon. Sa atong kaugalingon wala kitay mahimo; apan, pinaagi sa Dios nga nagpalig-on kanato, kita makakinabuhi sa pagbuhat ug maayo ngadto sa uban, niini nga paagi atong masikway ang kadautan sa kadalo. Kinahanglan kita mongadto sa yuta sa mga hentil sa pagpadayg sa atong handum sa pagtugyan sa tanan ngadto sa Dios diha sa usa ka mapuslanon, ug dili dalo nga kinabuhi. Kinahanglan atong buhaton kini sa sulod sa atong pamilay, sa iglesia, taliwala niadtong kinsa atong makauban, ug uban niadtong atong katrabaho. Diha sa kasagarang lakaw sa kinabuhi kini mao ang lugar diin ang kaugalingon dumilian ug magpadayon diha sa pagpaubus. Si Pablo nag-ingon: ‘Ako namatay kada-adlaw’( 1 Corinto 15:31). Diha sa pagkamatay sa kaugligon matag-adlaw, diha sa ginagmay nga buhat sa kinabuhi ang maghimo kanato nga madaugon. Kinahanglan atong kalimtan ang atong kaugaligon diha sa tinguha sa pagbuhat ug kaayohan sa uban. Sa kadaghanan adunay kakulang gayud sa gugma nga alang sa uban. Imbis nga sa kamatinud-anon magabuhat sa ilang mga katungdanan, nangita hinoon sila sa ilang kaugalingong kalipayan.” Testimonies, vol 2, p. 132.“Kinahanglan kita makabalo ug usa kahibalo s atong kaugalingon, usa ka kahibalo nga moreslta sa paghinulsul, sa dili pa kita makakaplag sa pasaylo ug kalinaw.”Christ’s Object lessons, p. 158.

---

2. NAGADOUL NGA LABING SUOD SA DIOS Lunes Septyembre 5

a. Unsa ka importante ang pagpaubos sa pana-aw sa Dios? Isaias 57:14-17 “ Kun adunay katawhan nga kinahanglan magalakaw sa pagpaubos atubangan sa Dios, kana mao ang iyang iglesia, ang Iyang mga pinili niini nga henerasyon. Kitang tanan kinahanglan magbakho sa kahabol sa atong mga kaisipan, ang kakulang sa pag-ila sa atong mga prebilihiyo ug mga kahigayonan. Wala gayud kitay ika-panghambog-’Counsels to writers ang Editors, p.63“Tanang pagtuboy sa kaugalingon kinahanglan makit-an ug isikway. Ang kamattuoran ug pagkamatarung mao lamang ang makabarog sa pagsulay niini nga panahon. Kinahanglan kita makabaton sa Espiritu sa Dios kada-adlaw uban nato, aron nga kita maiway gikan sa tanang dautan nga hunahuna ug dili maalamon nga mga lihok , gikan sa pagtuboy sa kalag ngadto sa kakawangan. Manuscript Releases, vol 19, p. 65.“Ang Ginoo naga-abli sa dalan alng sa pagkatag sa Ebanghelyo, apan dili kita andam. Matag-adlaw kita nagkinahanglan nga mapahumok ug mapapino pinaagi sa gahum Balaang Espiritu. Ang ato usab nga mga isipan kinahanglan mailalum kang Kristo. Ang wala mabalaan nga kaugalingon kinahanglan ilansang.” The Signs of the Times, October 24, 1900. b. Unsa ang gusto sa Dios nga buhaton alang kanato pinaagi sa iyang pulong? Isaias 57:18, 19. “Isentro ang imyong pagtuo sa kalawum ug sa kasiguro kang Jesu- Kristo,aron walay bisan unsang sirkumstansya nga wakli sa inyong pagtuo. Himoa nga ang inyong kinabuhi matago uban kang Kristo diha sa Dios.“Ayaw sayangi ang imong mga isipan sa paghunahuna sa mga depikto nga kinaiya sa uban, Kini dili makaayo sa depikto sa kinaiya. Pinaagi sa paghunahuna sa sayup sa uban, ikaw mabag-o sa samang dagway. Sa dihang ikaw matintal sa pagsulti sa kabuangan sa uban, o basulon sila tungod sa kadaut nga nahimo nila kanimo, hunahunaa nga ilang gisamaran ang kasingkasing ni Kristo diha sa personal sa Iyang mga balaan. Busa dalha ang imong Biblia uban kanimo, ug abliha kana sa atubangan sa Dios, ug mangayo ka Kaniya alang sa tambal sa Iyang kalinaw. Manuscript Release, vol 21,25.“ Ang Pulong nagahimo sa mapahitas-on nga mapaubsanon, ang dili ma-aghop ngadto sa kabalaan, ang masupilon sa pagka-matinumanon. Ang makasasala nga gawi nga natural sa tawo maoy nabugkos uban sa inadlaw nga pagkinabuhi. Apan ang Pulong nagaputol sa kailibgon sa unod. Kini mao ang nakabasa sa atong mga isipan ug katuyoan sa hunahuna. Kini mudulot sa mga lutahan, ug sa kinauyokan, nagaputol sa kailibgon sa unod , nagahimo sa tawo nga buut moantus alang sa ilang Dios. The SDA Bible Commentary, vol. 7, p. 928.

---

3. PADAYON NGA NAGSUD-ONG SA ETERNIDAD Martes Septyembre 6

a. Sa pagtandi sa kahayahay alang sa ma-aghop ug mahinulsulon, unsang hukom ang muabot niadtong mga nagsalikway sa panawagan sa Dios? Isaias57:20, 21. Unsaon nato paglikay niini nga kahimtang? “ Buot ka ba nga isalikway ang mga diosdios nga imong gipangga? Buot ka ba nga musulod si Jesus sa kasingkasing sa paghinlo niana gikan sa tanang nakapahugaw? Ikaw ba sa tanang panahon ug sa bisan unsang panghitabo magbaton sa pagmando batok sa imong kaugalimgon? Ikaw ba maga-ingon, ‘Alang kanako ang pagkinabuhi mao si Kristo, Ako Iya? Unsa man ang akong nabatonan, panahon , o kusog, o inplwensya, ang tanan Iya. Ikaw ba nagrepresentar Kaniya pinaagi sa pagkamainantuson, sa imong pailub, sa imong dili pagkadalo?.” The Signs of the Times, April 9, 1902.“ O alang nianang debusyon ug pagpaubos sa kasingkasing nga magiya sa katawhan sa Dios sa pagbuhat niadtong mga butang nga gisugo ni Kristo, ug sa gihapon sa tanang pagpaubos ug kamatuoran mo-ingon, Kami dili matinud-anon nga mga ulipon; amo lang gihimo ang amo lamang nga katungdanan nga pagabuhaton! Apan daghan, daghan gayud ang nagpaburot uban sa garbo ug kadungganan, kansa sa sukod sa Dios dagaang. Ang pagpatuyang sa kaugalingon napadayag tungod sa dyutayng butang nga nahimo. Asa ba kita makadungog sa pamatuod sa kasingkasing nga nadugmok sa paghinulsul ug pagsugid sa Dios? Asa ba kita makakita ug nag-angkon nga mga tumotuo nga nagpas-an sa yugo ni Kristo? Daw unsa ka dyutay ang panahon nga gigahin alng sa mainitong pag-ampo, ang bunga nga diin mao ang pagbaton sa malumo ug hilum nga espiritu, nga sa panan-aw sa Dios usa ka dakong bili.”RH, September 16, 1909.“ Dili ang imong pag-angkon, apan ang imong buhat ang magdetermina kun ikaw ba dili o Kristohanon. Kita nagakaduol na paghukom, kinahanglan kita maningkamot sa pagamit sa dyutay nga panahon nga nag-ulang taliwala sa presente ug sa pag-abot ni Kristo, diha sa maalamon nga pamaagi. Kinahanglan atong tinguhaon ang pagbaton sa hunahuna nga puno sa bililhon nga kaalam, dili uban ang kahoy, uhut, ug balili. Pinaagi sa maalamong pag-ugmad, ang atong abilidad mulambo, aron kita magbaton sa nagatubong gahum sa pagsabut sa sagradong mga pagpanudlo ni Kristo. Kita mamahimong magtutudlo sa mga misteryo sa ebanghelyo.”Ibid, April 19, 1892. b. Unsa ang kinahanglan nga anaa kanunay sa hunahuna sa pagsud-ong sa eternidad? Roma 14:10. “Kita nagkinabuhi na sa ngilit sa kalibutan nga walay katapusan. Ang mga kaso sa tanan ginasulayan na sa langitnong korte, ug mao na karon ang panahon nga isikway ang sala ug maningkamut sa pagbuhat sa pagluwas ug daghan kun mahimo.”Reflecting Christ, p. 121.

---

4. ANG PAGLIHOK SA BALAANG ESPRITU Miyerkules Septyembre 7

a. Unsa ang gipa-ila ni Kristo ingon ebidensya nga kita napuno uban sa dakong bahin sa Iyang Balaang Espiritu- Ang gisaad nga magllilpay? Juan 16:8. “ Sa labi nga ikaw modoul ka Jesus, mas labi nga masalaypun ikaw sa imong panan-aw; tungod kay ang imong panan-aw motin-aw, ug ang imong pagka-dili hinpit makita diha sa lapad ug tataw nga pagtandi sa Iyang hingpit nga kinaiya, apan ayaw kaluya. Kini maoy ebidensya nga ang paglimbong ni Satanas nawad-an sa iyang gahum, arong ang makapabuhi nga lhok sa Espiritu sa Dios magapukaw kanimo, ug ang imong pagkamapasagaron ug kawaly pagtagad mawala na,“ Wala halawum nga gugma alang kang Jesus ang makapuyo sa kasingkasing nga wala makakita ug maka-amgo sa iyang pagka-makasasala. Ang kalag nga nabag-o pinaagi sa grasya magmahal sa Iyang langitnong kinaiya.; apan kun kita wala makakita sa atong moral nga pagkahiwi, kini mao ang dili masayup nga ebidensya nga kita wala magbaton sa paglantaw sa katahum ug kamaayo ni Kristo. Sa dyutay natong makita ang pagtuboy sa atong kaugalingon, sa labi nga atong makita ang pagtuboy diha sa dili matugkad nga kaputli ug kama-higugmaon sa atong Manluluwas. Ang paglantaw sa atong kaugalingong pagkamasalaypun magdala kanato ngadto Kaniya nga makapasaylo. Dawaton kita ni Jesus; kay ang Iyang pulong usa ka panaad.” RH, February 17, 1885 b. Isaysay ang pagtandi tali niini nga pagpaubos ug sa baliktad nga gawi nga kasagaran napadayag sa kalibutan- ug sagad bisan pa sa iglesia- ug unsa ang mga bunga sa ulahi? Jacobo 3:13,14 “ Unsa ang pagpamakak batok sa kamatuoran? Kini mao ang pag-angkon sa pagtuo kamatuoran samtang ang espritu, ang mga pulong, ang batasan, wala mag-representar kang Kristo apan kang Satanas, Ang paghunahuna ug dautan, ang pagkadili mapailubon ug dili makapasaylo mao ang pagpamakak sa kamatuoran, apan ang guma, pailub, pagkaminantuson moay sumala sa mga prinsipyo sa kamatuoran.” That I amy Know Him, p. 185“ Daghang ang nagapangga sa dili balaan nga handum alng sa paghari. Daghan ang gusto nga ulog-ulogan ug mabinantayon sa ginagmay o pagpabaya. Kini maoy usa ka bangis, ug dili mapinasayloon nga espiritu. Adunay kasina, kasamok, ug pag-indigay....“ Dyutay lang ang midawat sa grasya ni Kristo uban ang pagpaubos sa kaugalingon, uban ang lawum ug kanunay nga pagsabut sa pagkadili takus. Sila dili makapas-an sa pagpadayag sa gahum sa dios, tungod kay kini makapadasig kanila sa pagtuboy sa kaugalingon, garbo, ug kasina. Mao kini ang hinungdan ngano nga Dios dyutay lamang ang nahimo nganhi kanato karon.” Testimonies vol. 5, pp. 50, 51.

---

5. MAPAINUBSANON ATUBANGAN SA UBAN Huwebes Septyembre 8

a. Unsaon niadtong kinsa puno sa Espritu, pagtubag sa mga masalaypun ug nakasala? Galacia 6:1-3. “Pasayloa kami sa among mga sala; maingon nga kami nakapasaylo sa mga nakasala kanamo. (Luke 11:4) Dili kita makasubli niini nga pag-ampo gikan sa kasingkasing apan dili makapasaylo.; tungod kay kita nangayo sa Dios sa pagpasaylo sa atong mga sala batok Kaniya maingon nga kita nakapasaylo sa mga nakasala kanato. Dyutay lamang ang naka-amgo sa tinuod nga bili niini nga pag-ampo. Kun kadtong dili mapinasayloon makasabut sa lawum nga kahulogan niini, sila dili na mangahas sa paglitok niini ug mangayo sa dios sa pagtagad kanila sama sa ilang pagtagad sa ilang isigkatawo.” The youth Instructor, December 7, 1899.“Sa dihang ang mga magbubuhat dunay Kristo sa ilang kaugalingon kalag, sa dihang ang tanang kadalo namatay, sa dihang wala nay indigay, wala nay kasamok alang sa pagkahawud, sa dihang molungtad na ang panaghiusa, sa dihang sila magbalaan sa ilang laugalingon, busa ang gugma sa usa ug usa nakita ug nabati, unya ang ang pagbubo sa grasya sa Balaang Espiritu sa kasiguro mo-abut kanila ingon nga ang saad sa Dios dili gayud mapakyas diha sa usa ka kudlit, o tuldok. Apan kun ang buhat sa uban gibawasan, aron ang magbubuhat makapakita sa ilang kaugalingon pagka-labaw, sila nagpamatuod nga ang ilang kaugalingong buhat wala magdala sa pirma nga gikinahanglan. Ang Dios dili makapanalangin kanila.” Selected Messages, bk. 1, p. 175.“Sa dili pa ihatag kanato ang bautismo sa Balaang Espiritu, ang atong langitnong Amahan musulay kanato, sa pagtan-aw kun kita makakinabuhi nga dili magpakaulaw Kaniya. Duol sa Dios ug Siya modoul kanimo, ayaw hunahunaa akong mga anak nga kamo nakadawat na sa tanan nga espirituhanong tabang nga inyong gikinahanglan, ug ayaw hunahunaa nga kamo makabaton sa dakong panalangin sa Espritu kun walay pagsunod sa mga kondisyon nga gitugyan sa Dios. Si Santiago ug si Juan naghunahuna sa pagpangayo, nga sila makabaton sa pinaka-labaw nga luna sa ginghirian sa Dios. O kakulang gayud ang ilang nasabtan sa sitwasyon! Sila wala makasabut nga sa dili pa sila makabaton sa Himaya ni Kristo, sila kinahanglan magpas-an sa Iyang yugo ug sa matag-adlaw mokat-on sa Iyang ka-aghop ug kalumo.” Manuscript Releases, vol. 1. P. 178.

PERSONAL UG SUBLI NGA MAG PANGUTANA Biyernes Septyembre 9

1. Pinaagi sa unsang susi nga ang mga saad sa mga madaugon ihatag kanako? 2. Unsa nga mga pagbag-o ang makita pinaagi sa bug-os nga pagtuon sa pulong sa Dios? 3. Sa paglantaw sa mubo nga panahon sa kaluwasan, unsa gayud ang atong tumong? 4. Sa unsa nga kita anaa sa katalagman sa pagpamakak batok sa kamatuoran? 5. Unsang praktikal nga mga lakang nga akong himoon ngadto sa pagdawat sa ulahing ulan?