1. MGA TIMA-ILHAN SA DILI TINUOD NGA RELIHIYON Domingo Septyembre 18

a. Unsaon nato paglikay ang bakak nga pagpaubos? Isaias 58:5; Filipos 2:3,14,15 “Walay usa nga maghunahuna nga ang pagduko sa ulo ingon sa usa ka uway mukuha sa luna sa tinuod nga pagpaubos. Ang maong pagpaubos maoy usa ka laang; tungod kay kun walay ka-aghop nga naglungtad sa kasingkasing dili kini makita sa kinabuhi. Niadtong kinsa naga-angkon lamang sa kamatuoran apan dili nagabuaht sa pulong, magaguba sa altar sa pamilya ug magpasamut sa kasamok ug kagubot sa panimalay, ug duna dayoy kakulang sa kabalaan ug maayo nga mga lihok nga maggikan sa pagtuo diha kang Kristo. Ang pinaka-makapadani nga ebidensya sa gahum sa ebanghelyo ngadto sa kalibutan mao ang iyang epikto sa kinabuhi niadtong mga nagatuo niini. Siya nga usa ka tinuod nga Kristohanon magrepresentar kang Kristo ug muhonong na sa tanang pagbagulbol ug pagreklamo sa Dios ug sa iyang isigkatawo....“Niadtong kinsa mga hapaw lamang nga mga Kristohanon dili mahimong panalangin sa ilang mga kaugalingon ug sa uban, bisan pa sila nagapu-asa ug nagabuklad ug sako ug abo ilalum kanila. Ang karaan gawi nibalik, dali masuko, pagduda, pangabubho, pagpanghukom sa uban- tanan nagpadayag nga sila dili ilalum sa grasya ni Kristo.... Sa dihang sila mapakyas sa pagpadayag ug usa ka lihok nga sama kang Kristo, ilang ibato ang ilang pagmahay ug katungod ngadto sa mga panghitabo sa palibot nila o sa mga tawo kinsa ilang nahimamat. Imbis nga susihon ang ilang mga kaugalingon sa pagsuta diin ang ilang pagdili matinuuron maoy hinungdan, sila nagguol sa ilang kahimtang ug naghunahuna nga ang ilang mga kalisud resulta sa mga sayup sa uban. “RH, June 5, 1894

---

2. GIPILI SA DIOS NGA PU-ASA Lunes Septyembre 19

a. Unsang matang sa pagpau-asa ang nagpadayag sa labing hataas nga lebel sa Kristohanong pagkadiosnon? Isaias 58:6 “Ang buhat sa pagkamaloloy-on nasukip dinhi niini nga kapitulo[ Isaias 58] maoy bulohaton nga gipangayo sa Dios nga buhaton sa iyang katawhan karon nga panahon.”Testimonies vol. 6, p. 265.“ Sa dihang kita nagpresentar sa kahingpitan nga anaa sa mga tulomanan sa [Dios] sa iyang mga kasugoan, sa Iyang balaod, kita nagapresentar nianang makabadbad sa higut sa kadautan, ug diha sa luna sa paghimo sa pagpau-asa sa katawhan, ug diha sa luna sa paggapus kanila uban sa sala, kini maghubad sa higut sa kadautan, ug kanila nga gidaugdaug sa kaaway.”Manuscript Releases, vol.5, p. 38.“ Pangitaa kun unsa ang gikinahanglan sa mga kabus ug naga-antus, ug unya, diha sa gugma ug kalumo, tabangi sila sa kadasig, ug sa paglaum, ug sa pagsalig pinaagi sa pagpahat kanila sa mga maayong butang nga gihatag sa Dios kanimo. Busa ikaw magabuhat sa mismomg buhat nga buot sa Dios ipabuhat kanimo.’sa pagpahigawas sa mga dinaugdaug( Isaias 58:6). Ayaw pahulay hangtud nga magguba nimo ang matag yugo. Dili posible alang kanimo nga isalikway kini ug unya musunod sa Dios.” Pacific Union Recorder, July 21, 1904. b. Unsa pa ang lakip sa tinuod nga pagpu-asa sa Ginoo? Isaias 58:7 “[ Isaias 58:6,7 gikutlo] KIni mao ang resipe nga gihatag ni Kristo alang sa mga maluya ug kasingkasing, nagduhaduha ug nagkurog nga kalag. Himoa nga ang magul-anon, kinsa nagalakaw nga nagbakho atubangan sa Dios, motindog ug motabang sa kaniya nga nanginahanglan ug tabang...“ Ang Dios nagatawag sa iglesia sa pagbaton ug mas taas nga dibosyon, usa ka labawng pagsabut sa katungdanan, usa ka mas klaro nga pag-ila sa ilang mga obligasyon ngadto sa ilang Manlalalang. Siya nagtawag kanila nga mahimong usa ka putli, nabalaan, nagabuhat nga katawhan. Ug ang tabang nga buhat sa Kristohanon maoy gipasabut sa paghimo niini, tungod kay ang Balaang Espiritu nakig-ambit uban sa tanan nga nagabuhat pag-alagad sa Dios. Testimonies vol. 6, pp. 266,267.“Hinumdumi nga dunay kalibutan nga luwason. Atong buhaton ang atong bahin, nagatindog nga suod sa kiliran ni Kristo ingon nga Iyang mga masigka-magbubuhat. Siya mao ang ulo; kita ang Iyang tuong kamot. Iyang gi-plano nga kita, pinaagi sa pagbuhat sa medikal misyonero , maka-pagaan sa nga nabug-atan, ug magpahigawas sa mga dinaugdaug. Dili nato sirhan ang atong mga mata sa mga alaot nga nagapalibot kanato o ang atong igdulongog sa tuaw sa pasakit diin padayon nga nagasaka. Si Kristo mao ang dakong misyonero nga naila sa kalibutan. Siya mianhi sa pagtuboy ug paglipay sa mga nasubo ug gisakit, ug niini buhat kita muduyog Kaniya,”-- Welfare Ministry, p. 118.

---

3. PAG-AYO SA ATONG MGA GAWI SA PAGPANULTI Martes Septyembre 20

a. Unsang madagayaon nga saad ang muabot sa tanan kinsa, pinaagi sa pagtuo nagapadayon sa kalipay sa praktikal nga pag-alagad sa uban nga nangihanglan,? Isaias 58:8. “[Isaias 5:8 gikutlo} Ma-ingon nga ang mga membro sa atong iglesia mopas-an sa ilang natudlong bulohaton, sila mapalibutan uban sa usa ka lahi nga palibot. Usa ka panalagin ug usa ka gahum ang motabang sa ilang buhat. Ilang masinatian ang hataas nga kultura sa hunahuna ug kasingkasing. Ang kadalo nga naglikus sa ilang mga kalag mahimong madaug, Ang ilang pagtuo mahimong usa ka buhi nga prinsipyo.” Testimonies, vol. 6, pp. 267–268. b. Ngano nga kinahanglan ato sa hingpit daugon ang dili Kristohanon nga batasan “ ang pagtulisok sa tudlo” Isaias 58:9,10; Mateo 7:1-5. “ Ang mismong mga tawo kinsa buta sa ilang mga sayup mao ang sagad dali nga manghimantay sa mga sayup sa uban, dali nga mosaway sa ilang mga pulong, ug muhukom kanila sa ilang nahimo ug sa wala nila mahimo.....“ Matag dili maayo nga pagsaway sa uban, matag pulong sa pagtuboy sa kaugalingon, mao’ang pagtulisok sa tudlo, ug pagsulti sa mangil-ad’(isaias 58:9). Ang pagpataas sa kauglingon diha sa garbo, nga daw wala kay sayup, ang pagpadako sa mga sayup sa uban, maoy sala ngadto sa Dios...“ Wala kitay katungod nga mawad-an ug pagsalig sa atong igsoon tungod sa pipila ka dautang taho nga miabut sa atong mga dunggan, ang uban nga pagsumbong nahimo, o pagduda maoy nagsugyot nga siya nakahimo ug sayup. Kasagaran ang dautang taho nga gidala nganhi kanato gihimo niadtong kinsa kaaway sa Dios, niadtong kinsa naga-uban sa kaaway sa iyang buhat sa pagsumbong sa mga kaigsoonan. Kadtong wala maghunhuna sa mga pulong sa Manluluwas “ Magmatngon kamo gi-unsa ninyo sa pagpaminaw, ( Luke 8:18) nagtugot sa ilang wala mabalaan nga mga dalunggan sa pagpaminaw ug sayup, ang ilang pagpanabut nabaliktad sa paghunahuna ug sayup, ug ang ilang dautan nga mga dila sa pagtaho ug sayup.“Daghan ang magsusumbong sa mga kaigsoonan dili makahimo sa mopadayag ug mosulti uban niadtong kinsa ilang gihunahuna nga naa sa sayup, apan mongadto sa uban ug, ilalum sa pagtakuban sa pakighigala sa nasaypan, maghatag ug pagsaway ngadto kanila. Usahay kini nga mga magsusumbong dayag nga mouyon uban niadtong kinsa ilang gitungaha nga dauton sa tago. Sila magsulti ingon kamatuoran, mga sumbong nga mga pagduda lamang, ug napakyas sa paghatag niadtong ilang gisumbong sa tino nga saysay sa ilang gihunahuna nga ilang mga sayup, busa sila dili maghatag kanila ug higayon sa pagtubag sa mga sumbong batok kanila..”RH, May 7, 1895.

---

4. MAGATUKOD UG DILI SA PAGGUBA Miyerkules September 21

a. Unsang pagbag-o ang moabut sa atong kasinatian ingon nga kita nakabaton ug kadugan , sa yugo, ang pagtulisok sa tudlo, ug sa pagsulti ug mangil-ad? Isaias 58:10-11 “ Kadtong gusto nga mobuhat ug maayo nga serbisyo sa pagpa-abante sa kawsa ni Kristo, apan gigamit nila ang ilang mga talento ug inpluwensya sa pagguba imbis ngadto sa pagpatindog, makadawat sa kapungot sa Dios Ilang masinatian unsa ang gi-antus ni Kristo sa pagluwas sa tawo gikan sa silot sa gilapas nga balaod. Ang bili sa tawo ug ang sukod sa iyang tulobagon maila lamang pinaagi sa krus sa kalbaryo,” The Southern Watchman, March 31, 1908.“ Ang pagbuhat ug maayo maoy pinaka-maayong tambal sa sakit. Kadtong kinsa misulod sa buhat gi-agda sa pagtawag sa Dios, ug Siya misaad sa pagtubag kanila. Ang ilang kalag mabusog diha mamala, ug sila mahisama sa usa ka pinatubigan nga tanaman, kansang tubig walay paghubas.“Pagmata, mga igsoon lalaki ug babaye. Ayaw kahadlok sa mga maayong buhat. Dili kita magkapoy sa pagbuhat ug maayo, kay sa paigo nga panahon kita magaani, kun kita dili magakaluya’ ( Galacia 6:9) Ayaw paghulat nga pagasultihan kamo sa inyong katungdanan. Abliha ang inyong mga mata ug tan-awa ang nagapalibot kaninyo; Himoa ang inyong kaugalingon nga suod sa mga tabangonon, sa naga-antus, ug mga nanginahanglan. Kinsa ang makahatag ug pamatuod sa gisulti ni Jacobo, sa pagbaton ug tinuod nga relihiyon, nga wala mahugawi sa kadalo o kadunot? Kansa masibuton sa pagbuhat sa tanan nilang mahimo sa pagtabang sa dakong plano sa kaluwasan?”-- Testimonies, vol 2, p.29. b. Ihulagway ang atong natudlo nga misyon ug ang saad nga nahilakip niini. Isaias 58:12,13 ( Unang bahin). “Ang katawhan sa Dios adunay usa ka pinasahi nga bulohaton nga pagabuhaton sa pag-ayo sa mga guba nga gihimo diha sa Iyang balaod; sa labi nag kita nagakaduol na sa katapusan, sa labi nga hinanali kining maong buhat. Ang tanan nga nahagugma sa Dios magpakita nga sila nagadala sa timaan pinaagi sa pagbantay sa Iyang kasugoan. Sila mao ang tigpasig-uli sa mga alagianan aron pagapyu-an... (Isaias 58:13,14) Busa ang tinuod nga buhat sa medikal misyonero nabugkus gayud uban sa pagbantay sa kasugoan sa Dios, diin ang adlawng igpapahulay pinasahi nga gisulti, tungod kay kini maoy dakong handumanan sa buhat sa Dios sa paglalang. Ang pagbantay niini naglakip uban sa buhat sa pagpahi-uli sa moral nga dagway sa Dios diha sa tawo. Kini mao ang ministeryo diin padalhon sa katawhan sa Dios niini nga panahon.”- Ibid, vol, 6. Pp. 265,266.

---

5. KALINAW INAAGI SA PRINNSIPE SA KALINAW Huwebes Septyembre 22

a. Unsa ang kinahanglan natong sabton mahitungod sa tinuod nga pagkamatinabangon sa Kristohanon ingon nga bahin sa pagbantay sa Adlawng Igpapahulay? Isaias 58:13,14 “ Ang tibook langit gipresentar ngari kanako ingon nga nagalantaw ug nagabantay sa Igpapahulay niadtong kinsa miila sa gipangayo sa ika-upat ka sugo ug nga nagabantay sa sa igpapahulay. Mga manulonda nagatimaan sa ilang interes niini, ug sa ilang taas nga pagtagad alang, niining langitnon nga tinukod. Niadtong kinsa nagbalaan sa Ginoo diha sa ilang mga kasingkasing pinaagi sa usa ka istrikto nga panghuna-huna , ug kinsa naningkamot sa pagpalambo sa sagradong nga mga oras sa pagbanatay sa igpapahulay kutob sa ilang mahimo, ug sa pagpasidungog sa Dios pinaagi sa pagtawag sa igpapahulay nga usa kalipay- niini ang mga manulonda sa pinasahi nagpanalangin uban sa kahayag ug maayong panglawas, ug pinasahing kusog gihatag kanila. Apan sa laing bahin, ang mga manulonda mitalikod gikan niadtong kinsa napakyas sa pagbantay sa kasagrado sa gibalaan sa Dios nga adlaw, ug nagakuha gikan kanila sa ilang kahayag ug sa ilang kusog. Akong nakita sila nga natabonan uban sa panganud, nagoul, ug kanunay nga masulob-on. Sila mibati sa kakulang sa Espiritu sa Dios.” Testimonies, vol. 2, pp. 704, 705.“ Niadtong kinsa nagkinabuhi dili aron sa pagpahimout sa ilang kaugalingon, kondili mahimong usa ka panalangin ngadto sa mga alaot kansa dyutay lang kaayo ang mga panalangin- sa unsa nga ang ilang mga kasingkasing nangandoy sa katagbaw! Sila makaago sa saad: Ikaw pagapanalanginan; Ug ikaw pagapanalanginan; tungod kay sila dili man makabalus kanimo. Ikaw pagabalusan ra unya sa pagpakabannhaw sa mga matarung.”( Lucas 14:14).”Ibid, vol. 6, p. 312.“ Ngadto sa tanan nga midawat sa Adlawng Igpapahulay ingon nga usa ka timaan sa malalangong gahum ni Kristo ug nagatubus nga gahum, kini maoy usa ka kalipay. Makita si Kristo diha niini, sila magakalipay sa ilang kaugalingon diha kaniya. Ang Adlawng Igpapahulay nagatudlo kanila ngadto sa mga buhat sa paglalang ingon nga ebidensya sa Iyang kahibulongang gahum diha sa pagtubus. Samtang kini nagtawag sa huna-huna sa nawala nga kalinaw sa Eden, kini nagsulti sa kalinaw nga ngapasig-uli pianaagi sa Manluluwas.- The Desire of ages, p. 289.

PERSONAL UG SUBLI NGA MGA PANGUTANA Biyernes Septyembre 22

1. Paghatag ug pipila ka mga ihemplo sa bakak nga pagpa-ubos - ug sa tinood nga pagpa-ubos. 2. Unsang matang sa pagpu-asa nga gikondina sa Dios? 3. Unsaon nako pag-ambit sa pinakamaayong pagpu-asa nga gusto sa Dios nako. 4. Unsa ang tawhanong tendensya sa pagguba paubos nga pwede himoong pataas? 5. Isaysay ang mahimayaong plano sa Dios sa mga nagabantay sa Igpapahulay karon?