1. MATINUD-ANON NGA PAGDUMALA Domingo Agosto 14

a. Uban sa unsang pangatarungan nga si Ezekias nagpadasig sa iyang katawhan sa pag-atubang mga Asseryahanon- ug sa unsang paagi nga ang pulong ni Isaias makatabang dinhi niini nga krisis? 2 Chronicas 32:7. 8 ( Unang bahin) Isaias 12:26 “ Sa panahon nga pagsaka ni Ezekias sa trono sa Judah, ang ang asseriahanon nakabihag na ug daghan sa mga anak sa Israel gikan sa gingharian sa amihanan; ug human sa pipila ka mga tuig siya misugod sa paghari, ug samtang siya nagapalig-on pa sa mga salipdanan sa Jerusalaem, ang mga Asseriahanon misulong ug gibihag ang Samaria ug gikatag-katag ang napulo ka tribo sa Israel taliwala sa daghang mga probinsya sa gingharian sa Asserya. Ang utlanan sa Judah pipila lamang ka milya ang gilay-on, gikan sa Jerusalem kalim-an lamang ka milya ang kalayo; ug ang madagayaon nga mga bahandi nga naa sulod sa templo makapag-aghat sa kaaway nga mobalik. Apan hari sa Judah determinado nga mubahat sa iyang bahin sa pagpangandam sa pagsukol sa kaaway.” Prophets and Kings, p. 351 b. Ngano nga si Ezekias makasalig man diha sa tabang sa Dios? Isaias 10:12, 24-27; 14:24-27. Gi-unsa sa katawhan pagtubag ang iyang gihangyo? 2 Chronicas 32:8 “Walay lain nga daling makapadasig sa pagtuo mao ang pagamit sa pagtuo. Ang hari sa Judah nangandam alang sa umalabot nga bagyo. Ug ania karon, masaligon nga ang tagna batok sa mga asseryahanon matuman, iyang gisalig ang iyang kalag diha sa Dios.” Ibid

---

2. ANG KRISIS MIABUT Lunes Agosto 15

a. Sa dihang sa tanang paagi, ang mga tumong daw walay paglaum alang sa Judah, gi-unsa sa mga asiriahanon nga mga pangulo paghimo sa mga butang nga mas labing daotan? Isaiah 36:13-20. “ Ang dugay na nga gihugon-hugon nga krisis miabot na gayud. Ang mga pwersa sa Asiria nagapadyon sa pagdaug ngadto sa pagdaug, nagpakita sa Judea. Masaligon sa ilang pagdaug, gitunga sa mga pangulo ang ilang pwersa sa duha ka kasundalohan, ang usa mao ang mutagbo sa mga ehiptohanon nga kasundalohan ngadto sa habatagan, ug ang usa mao ang musolong sa Jerusalem.“ Ang bugtong paglaum sa Judah karon mao ang Dios. Tanang possible nga tabang gikan sa Ehipto gihunong na, ug wala nay laing mga nasud ang duol nga motunol ug tabang.“ Ang opisyales sa Asiria, nakasiguro sa kusog sa ilang disiplinado nga pwersa, naghimo ug usa ka pakig-pulong uban sa mga dakodako sa Judah, diin sila kamayubiton gisugo sa pagsurinder sa siudad. Kini nga mando inubanan sa mapasipalahon nga pagtamay batok sa Dios sa mga Hebreohanon. Tungod sa kaluyahon ug pagka-apostaya sa Israel ug sa Judah, ang pangalan sa Dios wala na gikahadlokan sa mga nasud, apan nahimo nga ilalum sa padayon nga pagbiaybiay..” Prophets and Kings, p. 352 b. Gi-unsa sa Judah pagtubag ang mga pagyubit sa mapahitas-on nga mga Asiriahanon-- ug sa unsa nga kini nga kasinatian nagpahinumdum kanato mahitungod sa pamatasan? Isaias 36:21,22; 37:1-4. “ Samang naghawud nga pangutok ang naglaraw batok sa mga matinud-anon kaniadto ang padayon nagtinguha sa pagwagtang dinhi sa yuta niadtong mga nahadlok sa Dios ug nagsunod sa balaod.... Maglulutos nga mga pangulo, mga ministro, ug mga membro sa iglesia ang mag-usa batok kanila. Uban sa tingog ug sulat, sa pagpangandak, paghulga, ug pagbiaybiay, sila magtinguha sa pagpildi sa ilang pagtuo.”- Testimonies vol. 5, p. 450.“Sa dihang ang mga tawo magtigum alang sa pag-usisa sa mga punto sa pagtuo labi na gayud kun dunay nagkalahi nga opinyon, ang espritu nga nagdumala kanila mapakita. Niadtong kinsa nagabarog diha sa padepensa sa kamatuoran kinahanglan kalmado ug malinawon. Kun sila dunay hunahun ni Kristo, sila mahimong maloloy-on ug mapuanguron. Dili sila magbudhi pinaagi sa paggamit ug mahait mga pinulongan. Sila dili maghunahuna sa ilang kaugalingon nga dili masayup, ni mulantaw uban sa pagtamay niadtong kinsa mukontra kanila. Dili sila mag-ila kanila ingon nga mga kaaway, o tagboon sila uban ang pagyubit ug pagbugalbugal.” Gospel Workers(1892), p. 389

---

3. PAGTUO ILALUM SA MADULOM NGA PANGHITABO Martes Agosto 16

a. Sa kinatumyan sa krisis sa Judah uban sa Asiria, unsang mensahi ang gihatag sa Dios kang Ezekias pinaagi kang Isaias? 2 hari 19:5-7. Nga nga kining maong dakong kisinatis sa kasaysayan improtante natong nunahunaon? “Bout sa Dios nga hinumduman ang Iyang pagtagad uban sa Iyang katawhan sa nangagi sa pagluwas kanila gikan sa ilang mga kaaway. Kanunay niyang gipili ang pagkawala nay mahimo, sa dihang wala nay posibleng higayon alang paglingkawas gikan sa pamaagi ni Satanas, alang sa pagpadayag sa Iyang gahum.. Ang panginahanglan sa tawo maoy kahigayonan sa Dios.” Testimonies vol. 5, p. 714“Dili diha sa pagka-hilwas gikan sa mga pagsulay, apan sa taliwala niana, nga ang Kristyanong kinaiya ma-ugmad. Ang pagkatara sa mga pagsalikway ug mga kaaway maoy mogiya sa sumusunod ni Kristo sa labing pagmatngon ug labing masingkamot nga pag-ampo ngadto sa kusgan nga Magtatabang. Grabeng pagsulay nga madaug pinaagi sa grasya sa Dios nag-ugmad ug pailub, pagka-mabinantayon, kalig-on, ug usa ka lalum nga pagsalig sa Dios. Mao kini ang pagdaug sa pagtuo sa Kristohanon nga naghimo sa iyang mga sumusunod sa pag-antus ug kusgan; sa pagtugyan, ug unya sa pagdaug; pagapatyon sa tanang adlaw, apan ngadto sa pagkabuhi; sa pagpas-an sa krus, ug sa pagdaug ug purongpurong sa himaya.”- The Acts of the Apostles, pp. 467–468“Niadtong kinsa sa katapusan magmadaugon sila makabaton ug mga panahon sa makalilisang nga kasakitan ug pagsulay sa ilang diosnong kinabuhi; Apan kinahanglan sila dila magsalikway sa ilang pagsalig, kay kini maoy bahin sa ilang pagdisiplina sa tunghaan ni Kristo, ug kini kinahanglanon aron mawala ang tanang buling.” Messages to Young People, p. 63 b. Niini nga krisis, unsa ang gibuhat ni Isaias ug Ezekias? 2 Chronicas 32:20; 2 Hari 19:14-19. “ Ang pangamuyo ni Ezekias alang sa Judah ug sa dungog sa ilang labing gamhanang Hari nahi-uyon sa hunahuna sa Dios. Si Solomon, sa iyang panalangin sa panahon nga gidedikar ang templo, nag-ampo nga ang Dios magpadayon sa kawsa sa sa Iyang katawhang Israel sa tanang panahon, ingon nga sila manginahanglan; aron ang tanang katawhan sa yuta mahibalo nga Ginoo Dios, ug wala nay laing pa.( 1 Hari 8:59,60). Sa pinasahi nga ang Dios maghatag ug pabor sa panahon sa gubat ug pagdaugdaug pinaagi sa kasundalohan, ang kadagkuan sa Israel musolod sa balay sa pag-ampo sa pagpangmuyo alang sa kaluwasan.” Prophet and Kings, p. 359.

---

4. ANG DIOS MAOY MAGABOUT TUNGOD SA HUSTICIA Miyerkules Agosto 17

a. Unsa ang kasigurohan ang gipadala sa Dios ngadto sa hari ug katawhan sa Judah? 2 hari 19:20-22, 28, 32-34. Unsa ang atong makat-onan gikan sa paagi nga ang Dios naghatag sa ilang panginahanglan, bisan ang ilang yuta nahimong gun-ob.? Verse 29 “Maingon sa karaang katawhan sa Dios, busa kita kinahanglan mangandam sa pag-abante sa dihang ang panganud mopadayag ug mopadayon sa unahan, ug sa paghunong sa dihang ang panganud mohunong. Kita kinahanglan magpahi-angay sa atong mga lihok sa pagiya sa Espiritu sa Dios. Sa luna sa pagsunod sa dalan sa atong kaugalingong panghunahuna, kita moduyog sa Dios. Unya kita makahimo sa paglakaw uban sa atong Pangulo.“ Aron nga kita mahimong Kristohanon, kinahanglan sa tawo nga makabato ug dagkong mga talento. Ang tawhanong ahensya mahimog walay tingog sa kongreso; mahimong dili siya tugotan sa pagdiskurso sa senado o sa pagbuto sa mga parlamento; apan siya makaduol sa Dios. Ang Hari sa mga hari muduko sa pagpaminaw sa pag-ampo nga nagagikan sa usa nga nangandoy sa pagbuhat sa kabubut-on sa Dios. Ang mainiton nga pag-ampo nga gibungat gikan sa sinsero, ug naghinulsul nga kasingkasing mas mahinungdanon sa panan-aw sa Dios kay sa mga larino nga pagpanulti. Ang Dios naminaw sa matag pag-ampo nga gihalad uban sa insenso sa pagtuo. Ang iyang pinakaluya nga anak mahomong makahatag ug inpluwensya nga kauyon sa konsilyo sa langit. Diha satubag sa mga pag-ampo nga Dios nagpalihok sa Iyang buhat.- The Review and Herald, June 23, 1903. b. Diha sa unsang pagsabut nga ang gidangatan sa Asiria naghatag ug usa ka parinsipyo alang sa tanan sa matag panahon? Isaias 30:27,28; Proberbio 11:17;16,17. “Uban ang pagkadili masayup ang Dios sa gihapon naghatag ug pag-isip sa mga nasud. Samtang ang Iyang kalooy sa kalumo nagatawag sa paghinulsul , kini nga pag-isip nagpabili nga abli; Apan sa dihang ang numero miabot na sa tamang kantidad nga gilatid sa Dios, ang pagbubo sa Iyang kapungot magasugod. Ang pag-isip natapos na. Ang langitnong pailub nahunong na. Wala nay kalooy alang sa ilang katungod.”Ibid, June 3, 1925“ Ang pagkamaphitas-on sa Asiria kinahanglan ipa-ubus, ug ang setro sa Ehipto mokalagiw( Zacarias 10:11) Kini tinuod dili lamang sa mga nasud nga nagdayandayan sa ilang kaugalingon batok sa Dios sa karaang panahon, apan usab sa mga nasud karon kansa napakyas sa pagtuman sa langitnong katuyoan. Sa adlaw sa katupusan paghatag ug ganti, sa dihang ang mga matarung magahukom sa yuta sa maga-ayag sa mga nasud( Isaias 30:28), ug kadtong nagabantay sa kamtuoran pagatugotan sa pagsulod sa Siudad sa Dios, ang punoan sa langit mupatunog sa madaugong awit sa pagtubos.” Prophets and Kings, P. 366

---

5. PAGPAUBOS SA GARBO SA ATONG MGA KAUGALINGON Huwebes Agosto 18

a. Unsang praktikal nga leksyon ang atong kuhaon gikan sa kasinatian nga naglanjub kang Ezekias, Isaias, ug sa mga Asiriahanon? 1 Pedro 5:5-7; Proverbio 16:18 “ Adunay daghang paagi nga ang Dios mosilot, ug ang silot mosunod sa dihang ang garbo napatuyangan... Tugoti nga ang tawo magpataas pinaagi sa iyang kaugalingong abilidad ug magsalig sa iyang kaugalingon kusog, ug sigurado nga siya madaug sa tentasyon. Ang Dios magdala kaniya paubus. Siya magtudlo kaniya sa iyang tumang kaluya, aron iyang bation ang panginahanglan sa langitnong tabang.”Manuscript Releases, vol 21, pp. 332,333“Kinahanglan kita magpaubos sa atong kaugalingon sa matag-aflaw atubangan sa Dios, ug dili mobati nga ang atong kaalam hingpit. Kinahanglan kita mogunit sa bulohaton sa masingkamoton gayud. Dili kita maga-ampo nga ang mopaubos kanato, kay sa dihang ang Dios muhawid kanato, kita Iyang pagapaubson nga dili ta malipay. Apan kita sa matag-adlaw magpaubos sa atong kaugalingon ilalum sa kusganong kamot sa Dios. Kita kinahanglan magabuhat sa atong kauglingong kaluwasan uban ang kahadlok ug pagkurog. Samtang ang Dios nagabuhat nganhi kanato sa kabubut-on ug sa paghimo sa Iyang kaugalingon kahimut-an, kita muduyog uban Kaniya samtang Siya nagabuhat pinaagi kanato. Atong bantayan ang pagtuboy sa atong kalag sa pagpataas sa kaugalingon,. Apan ikaw maga-ingon , Unsaon nako pagkahibalo nga si Kristo anaa sa akong kasingkasing? Kun, sa dihang badlongon ug ihusto sa imong dalan ug kini wala mahiuyon sa sumala sa imong gihunahuna nga paga-adtoan-- kun ikaw masuko imbis nga dawaton ang pagbadlong ug magpailub ug magbuotan, si Kristo wala magpuyo diha sa kasingkasing.“ Si Kristo naghatag ug usa bili sa tawo sa paghatag sa Iyang kinabuhi alang sa pagtubos kaniya; ug siya nagkinahanglan sa matag gahum ug salabutan sa atong pagkatao nga sa hingpit mailalum ngadto Kaniya. Ug dili kita magpataas sa atong kaugalingon kundili diha lamang sa kahayag sa pagtuboy sa Dios kanato pinaagi sa kalbaryo sa krus. Dili kita mahadlok sa pagpakita ug pagpaubos pinaagi sa pagkabuotan, pagkamapungaron, pagkamapailubon. Ayaw tugoti nga ipataas ang imong kaugalingon ug mo-ingon , Ako mao ang ilang gipasakitan pinaagi sa ilang sayup nga mga taho.”-- The Review and Herald, July 12, 1887

PERSONAL UG SUBLI NGA MGA PANGUTANA Biyernes Agosto 19

1. Giunsa ni Ezekias pagbarog sa atubangan sa hulga sa Asiria? 2. Unsaon nato pagtubag ang mga “Sennacheribs”sa atong kinabuhi? 3. Sa krisis nga gi-ataubang sa Judah, giunsa sa Dios pagpasidungog ang Iyang daang pakigsaad? 4. Unsa ang atong makat-onan gikan sa paagi nga natunaw ang paglambo sa Asiria? 5. Hinganli ang pipila ka mga pagsulay nga magpadayag sa atong matag-usa lebel sa pagpaubos.