1. KADALO Domingo Hulyo 3

a. Ihulagway ang kahimtang sa Judah sa dihang si Jotham, ang anak nga lalaki ni Uzzias, nagsugod sa pagkuha sa dugang nga mga responsilidad sa wala pa mamatay ang iyang amahan. 2 Hari 15:34,35; Hosias 10:13; 11:7. “ Pinaagi sa ilang pagka-apostasya ug pagsukol niadtong kinsa kinahanglan mobarog ingon nga magdadala sa kahayag taliwala sa mga nasud nag-agda sa mga paghukom sa Dios. Daghang mga kadaotan ang nagpadali sa kalit nga paggun-ob sa gingharian sa Amihanan, ug nga dihadiha gibadlong sa dili masayop nga mga pulong pinaagi kang Hoseas ug Amos, nga sa kadali nagadunot sa gingharian sa Judah.” Prophets and Kings, p 306 b. Gi-unsa pagdumala ang mga materyal nga mga butang- nga gihatag sa Dios? Isaias 3:14,15; 15:8; 10:1,2 “ Piho gayud nga makapaluya ang panghunahuna mahitungod sa sosyal nga kahimtang sa katawhan, Diha sa ilang handum alang sa ganansya, ang mga tawo nagdugang ug mga balay ug mga kaumahan. Tan-awa ang Isaias 5:8; Gibaliktad ang hustisya ug wala nay kalooy sa mga kabus.... Bisan ang mga mahistrado nga maoy ilang katungdanan ang pagpanalipod sa mga walay mahimo, nagpabungolbungol sa mga pagtuaw sa kabus ug nagkinahanglan, sa mga balo ug mga ilo. Ibid 306

---

2. BATAN-ONG GARBO Lunes Hulyo 4

a. Unsa ang gipadayag sa Dios nga moabot ingon nga resulta sa garbo ug gugma sa pasundayag nga inubanan ug pagdaogdaog? Isaias 2:11,12; Proverbio 29:23 “ Garbo sa kasingkasing maoy usa ka makalilisang nga gawi sa kinaiya. Ang garbo naga-una sa pagkalaglag. Kini tinuod diha sa pamilya, sa iglesia, ug sa nasud. “ This Day With God, p. 277 b. Unsang kahimtang ang gitagna ni Isaias, ug unsaon niini pagbangga ang administrasyon sa hustisya? Isaias 3:4-6,12. Unsaon nato pagsiguro nga ang atong mga anak namatuto pag-ayo aron makalinglawas sa makapalaglag nga dagan karon? “ Kasagaran sa mga ginakanan wala mag-agi sa usa tama nga dalan uban sa ilang mga anak. Sila walay pagpugong kanila sa ilang mga kagustuhan, apan ato silang gipasagdan sa pagpatuyang sa garbo ug sa ilang mga kahiligan. Kaniadto ang otoridad sa mga ginikanan gitagad; mga anak nagpailalum sa ilang mga ginikanan, ug nahadlok ug nagtahud kanila; apan niining katapusang mga adlaw ang han-ay nabaliktad. Kadaghanan sa mga ginikanan maoy ilalum sa ilang mga anak. Sila nahadlok sa pagbabag sa kabutbut-on sa ilang mga anak, ug busa nagsunod kanila. Apan sa ingon nga ang mag anak ilalaum sa atop sa ilang mga ginakanan, nagsalig kanila, kinahanglan nga ilalum sa ilang pagkontrolar. Kinahanglan ang mga ginkanan molihok uban sa disisyon , magtinguha nga ang ilang panlantaw sa tama pagasundon.” Testimonies vol. 1. Pp. 216,217“ Mga ginikanan, himoa nga ang inyong mga puloy-anan nga kalipay alang sa inyong mga anak. Niini ako wala mag-ingon nga patuyangan ninyo sila. Sa labi nga sila magpatuyang, mas malisod na silang dumalahon, ug labing lisod unya kanila ang pagkinabuhi , sa bililhon nga kinabuhi sa dihang sila mongadto na sa kalibutan. Kung inyong tugotan sila sa pagbuhat sumala sa ilang gusto, ang kaputli ug katahum sa kinaiya daling mawala. Tudloi sila sa pagsunod. Pakitaa sila nga inyong mga pulong respituhon. Pwede nga kini mahatag kanila dyutay nga kalipay karon, apan kini magaluwas kanila gikan labing dili malaipayon sa umalabot. Himoa nga ang pagdumala sa puloy-anan matarung ug malumo, puno sa gugma ug kalooy, apan lig-on ug matuod. Ayaw pagtugot ug usa ka walay respito nga pulong o dili pagsunod nga lihok.” The Signs of the Times, April 8, 1903“ Ang inahan kinahanglan dili gayud motugot sa iyang anak sa pagbaton ug bintaha kaniya bisan usa ka higayon. “ Child Guidance, p. 283.

---

3. KASILAW UG KAMADANIHON Martes Hulyo 5

a. Paglista ug pipila ka mga pagbatok sa Dios batok sa mga babaye sa Zion sa kaadlawan ni Isaias ( gamita ang Bible dictionary alang sa dugang pagsabut? Isaias 3:16-23. “Ang gugma sa pasundayag nagabunga ug pagkamausikon, ug sa kadaghanan sa mga batan-on mipatay tinguha alng sa usa ka halangdon nga kinabuhi. Imbis sa pagpangita ug edukasyon, sila sayo nga misulod sa pagpanarbaho para makakwarta alang sa pagpatuyang sa gugma sa bisti. Ug pinaagi niini nga gugma daghang mga babaye ang nalimbungan ngadto sa kadaot...“Bisan gani ang adlaw ug mga serbisyo sa pagsimba dili makalikay gikan sa paghari sa urog ..... Ang iglesia nahimong luna sa parada, ug ang uso ginatun-an labi kay sa mga wali.” Education p. 247.Ang pagdiosdios sa bisti maoy usa ka moral nga sakit.”Child Guidance, p. 432“Dili dyutay sa atong katawhan ang namalik sa naandan. Sila misundog sa mga urog sa kalibutan. Ang ilang espiritualidad nagakamatay, sa hinayhinay sila nagakaduol sa mahigugmaon sa kalibutan. Kadalo ug garbo maoy naggahum kanila, ug ang gugma sa Dios dyutay na lamang ug luna sa ilang mga kasingkasing. Ang uban nga kaniadto mga mainitong repormador nahimong badlongon karon. Mga ka-igsoonanang babaye kinsa kanhi yano lamang diha sa binistihan mi-uyon na sa urog karon.” Review and Herald , November 17, 1904 b. Sa kalainan sa pagsul-ob ug makapahagit nga pamisti, Unsaon sa mga Kristohanon pagpamisti?1 Timoteo 2:9; Roma 13:14 “ Makapili ka sa kinabuhi ug kaluwasan kung gusto ka, o makapili ka sa pagsimba sa kaugalingon ug gamiton ang mga hamiling oras sa probisyon sa paghimo sa imong personal nga madanihon sa pagpahimuot sa mga mata sa kalibutanon ug sa makihilawason, sa pagdawat gikan sa ilang mga bakakon nga mga ngabil ug pag-ulog-ulog, ug sa katapusan mo-ani sa anihon nga imong gitanum -- pagkadunot.” Daughters of God, p. 87

---

4. MAOY PILIA ANG TAAS NGA PAGKATINAWAG Miyerkules Hulyo 6

a. Unsa ang seryuso nga mga resulta sa atong espiritwalidad sa mapasigarbohon, makapahagit nga binistihan kung dili sila tangtangon gikan sa iglesia? Isaias 3:24-26; Mateo 5:27,28 “ Ang gugma sa bisti makatalagmanon sa moralidad ug magahimo sa babaye nga sukwahi sa Kristohanon nga babaye nga naila pinaagi sa kaugdang ug kayano. Ang mapasigarbohon ug gastuso nga mga bisti kasagaran makapadasig sa kailibgon diha sa kasingkasing sa nagsul-ob ug nngpukaw sa dili maayo nga pagbati sa nagtan-aw. Testimonies vol. 4. p. 645“Ang urog maoy makapakunhod sa pangisip ug nagakaon sa espiritualidad sa atong katawhan. Ang pag-sunod sa urog maoy nikaylap sa mga iglesia sa Seventh-day Adventist ug labaw pa ang nahimo kay sa uban nga gahum sa pagpahamulag sa atong katawhan gikan sa Dios. Ako gipakitaan nga ang balaod sa atong iglesia kulang kaayo. Tanan nga pagpadayag sa garbo diha sa bisti, nga gidili sa pulong sa Dios, mahimong supisyente nga rason alang sa pagdisiplina sa iglesia. Kung dunay pagpadayon, human sa mga pasidaan ug tambag ug mga pagmaymay, sa padayon gihapon pagsunod sa iyang kabubut-on, kana pagatagdon nga proyba nga ang kasingkasing wala gayud mausa ngadto kang Kristo. Ang kaugalingon ug kaugalingon lamang maoy tumong sa pagdayeg, ug kini usa ka nag-angkon nga Kristohanon mogiya sa daghan palayo sa Dios.“Adunay terible nga sala sa ibabaw kanato ingon nga katawhan, nga atong gitugotan ang atong mga membro sa pagbisti diha sa paagi nga supak sa atong pagtuo. Kita kinahanglan nga mobarog pag-usab ug siraduhan ang pultahan batok sa kamadanihon sa urog. Gawas nga atong buhaton kini, ang atong iglesia mahimong madaot.”Ibid, pp. 647, 648 b. Ihulagway ang pagbansay nga ihatag ngadto sa atong mga batan-on? Tito 2:3-6; 1 Pedro 3:1-4 “Ang babaye kinahanglan matudloan nga ang tinuod nga kaanyag sa pagkababaye dili lamang sa katahum sa porma o sa pamarog, o sa mga nakab-ut sa mga nahimo; apan diha sa usa ka lumo ug hilum nga espritu, diha pailub, pagkamanggihatagon, sa kalooy, ug usa ka kinabubut-on nga mobuhat ug mo-antus alang sa uban. Sila kinahanglan matudloan sa pagtrabaho, sa pagtuon ngadto sa uban nga katuyoan, sa pagkanabuhi alang sa uban nga tumong, sa pagsalig sa Dios ug pagkahadlok Kaniya, us sa pagrespito sa iyang mga ginikanan. Unya sa ingon nga sila mo-abante diha mga katuigan, sila motubo sa labing putli nga hunahuna, pagsalig sa kaugalingon, ug hinigugma. Mahimong imposible gayud pagpakaulaw sa sama nga babaye. Siya makalimgkawas sa mga tentasyon ug mga pagsulay nga maoy nagdaot sa kadaghanan. “Child guidance p. 140

---

5. GITAWAG PINAAGI SA PANGALAN-- O NAKABIG PINAAGI SA USA KA MANLULUWAS Huwebes Hulyo 7

a. Unsang espirituhanong lit-ag ang sakit nga midagsang sa katawhan sa Dios , tali sa kaadlawan ni Isaias ug kanato( hunahunaa nga sa Biblia nga simbolo “ pito” nagsimblo ug kakumpleto ug ang “babaye” ksagaran nagpasabut ngadto sa iglesia-- Jeremiasb6:2? Isaias 4:1. Unsa ang Tubag sa Dios? Isaias 55:8,9. “ Kinahanglan kita musaka ngadto sa taas nga estandarte, o dili kita takus sa Kristohanong pangalan.” Testimonies vol. 5, p. 605.“Ang gera sa Kristohanon dili mao ang kinabuhi sa pagpatuyang sa pagkaon ug pag-inum ug sa pagbisti ingon sa nagpatuyang sa kaugalingon nga kalibutanon. Ang Ginoong Jesus mianhi diha sa tawhanong kinaiya sa atong kalibutansa paghatag sa Iyang bililhon nga kinabuhi ingon nga usa ka ihemplo kun unsa ang gayud ang atong kinabuhi. Siya mao ang sumbanan, dili sa espirituhanong pagpatuyang, apan sa usa ka kinabuhi sa pagpugong ug pagsakripisyo sa kaugalingon. Kita adunay tama nga panlantaw nga si Kristo nga atong sumbanan mianhi sa paghatag kanato. Anaa sa atubangan nato ang Prinsipe sa langit, ang anak sa Dios. Iyang gibiyaan ang korona ug ang bisti sa pagka-prinsipe ug mi-anhi sa pagkuha sa Iynag posisyon dinhi sa atong kalibutan ingon nga Tawo sa kasub-anan ug sinati sa kapait. Daw ka dyutay lang ang nagtinguha niini. “The Upward Look, p. 217. b. Isasay ang usa ka mahinungdanon kaayo nga haligi sa pagtuo sa Kristohanon? Lucas: 9:23-26. “ Kita dunay kinaiya nga ipadayon, apan kana mao ang kinaiya ni Kristo.... Hinaot nga ang Dios magatabang kanato sa pagkamatay sa kaugalingon, aron mahimong matawo pag-usab, aron nga si Kristo mabuhi nganhi kanato, usa ka buhi ug aktibo nga prinsipyo, usa ka gahum nga maghimo natong balaan.-- My Life Today, p. 335.Gawas nga ang kaugalingon mamatay. Ihural ang imong kabubut-on ug mamatay sa kaugalingon karon, karon gayud ug itugyan sa Dios sa paghimo ug dalan alang kanimo. .” This Day With God , p.323

PERSONAL UG SUBLI NGA MGA PANGUTANA Biyernes Hulyo 8

1. Ngano nga ang yutan-ong paglambo kasagaran usa ka tunglo ug lit-ag ngadto sa katawhan sa Dios? 2. Unsaon nato ingon nga ginikanan, pagpa-uswag diha sa paggiya ug pagpatubo sa atong mga anak? 3. Hinganli ang pipila ka mga kawang nga aspeto sa bisti nga nagpakita ug espirituhanon nga kaluya? 4. Unsaon nato paggiya ang atong mga batan-onsa pag-ugmad ug mas balaan nga panlasa ug putli nga nnga hunahuna. 5. Sa unsang paagi nga aka matinumanon sa gusto imbis sa paghural ngadto sa Ginoo?