“Ang iglesia mao ang tinudlo nga ahensya sa Dios alang sa kaluwasan sa mga tawo. Kini giorganisar alang sa pag-alagad, ug ang iyang misyon mao ang pagdala sa ebanghelyo ngadto sa kalibutan. Gikan sa sinugdanan kini mao ang plano sa Dios nga pinaagi sa Iyang iglesia ipakita ngadto sa kalibutan ang Iyang kahingpitan ug ang Iyang pagkamaayo. Ang mga membro sa iglesia, kadtong Iyang gitawag gikan sa kangitngit ngadto sa Iyang kahibulongang kahayag, mopakita sa Iyang himaya.”1

Isip katapusang kabilin sa wala pa ang Iyang pagkayab, ang atong Ginoong Jesu Cristo mihatag sa dakong sugo ngadto sa Iyang katawhan. Uban nianang dakong deklarasyon, ang iglesia natukod niining makasasala nga kalibutan aron sa pagpangabudlay alang sa pagkabig sa mga kalag. Ang Iglesia gimandoan sa pagpaambit sa walay katapusang ebanghelyo sa matag tawo. Ang panahon, mga talento, ug mga tinubdan gisalig kanato — ang tanan uban niini nga katuyoan isip ilang labing taas nga tumong.

Sa pagtan-aw sa makatalagmanon nga kahimtang sa atong kalibutan, isip iglesia ni Cristo, kita kinahanglan nga seryoso nga mangutana sa atong mga kaugalingon sa mga pangutana sama sa: “Dili pa ba daghan nga mga butang ang atong buhaton alang kang Cristo? Wala ba'y usa ka dako nga responsibilidad nga bisan unsang paagiha atong nalaktawan? Wala ba kita naghimo ug pakigsaad uban kang Jesus nga wala pa matuman sa atong bahin?

Kita nagtago sa luyo sa mga pasangil, apan ang problema dili Komunismo, ni Romanismo, ni Liberalismo, ni Modernismo. Ang problema mao ang natulog nga Kristiyanismo! Importante ba ang akong gibuhat alang sa kahangturan? Kini ba nagpauswag sa bulohaton ni Cristo? Kung dili, bisan unsa pa ang atong pilion nga buhaton, kini wala’y kapuslanan. Usa ka tawo nakaobserbar nga ang Dios wala magtinguha nga ang simbahan mahimong refrigerator diin ang pagkadiosnon kinahanglan nga dili madunot; hinoon, kini maoy usa ka incubator nga kinahanglang manganak ug bag-ong mga kinabig.

Ang Puloy-anan — ang Nag-unang Eskwelahan sa Misyonaryo

“Ang usa ka maayong pagkahan-ay, maayong pagkadisiplina nga pamilya nagsulti ug labaw pa alang sa Kristiyanismo kay sa tanang mga sermon nga mahimong iwali. Ang maong pamilya naghatag ug ebidensya nga ang mga ginikanan nagmalampuson sa pagsunod sa mga sugo sa Dios, ug nga ang ilang mga anak moalagad Kaniya diha sa iglesia. Ang ilang inpluwensya motubo; kay sa ilang paghatag, sila makadawat sa paghatag pag-usab. Ang amahan ug inahan nangitag mga katabang sa ilang mga anak, kinsa naghatag sa uban sa instruksiyon nga nadawat sa panimalay. Ang kasilinganan nga ilang gipuy-an gitabangan, kay diha niini sila nahimong adunahan alang sa karon ug alang sa kahangturan.”2

“[Ang Dios] nagtinguha nga makakita nga mapundok gikan sa mga panimalay sa atong mga katawhan ang usa ka dako nga pundok sa mga batan-on kinsa, tungod sa diosnon nga mga inpluwensya sa ilang mga panimalay, mitugyan sa ilang mga kasingkasing ngadto Kaniya, ug milakaw aron sa paghatag Kaniya sa labing taas nga serbisyo sa ilang mga kinabuhi.”3

Ang apostol mipahayag, “Wala na akoy kalipay nga labaw pa kay sa pagkadungog nga ang akong mga anak naglakaw diha sa kamatuoran” (3 Juan 1:4).

Ang Dios nagpanalangin kanato ug gagmay nga mga bata. Nganong gihatag man sila kanato? Aron atimanon alang Kaniya. Unsa ang atong responsibilidad? Ang Biblia nag-ingon kanato: “Bansaya ang bata diha sa dalan nga iyang pagalaktan: ug kon siya matigulang na, siya dili mobiya gikan niana.” (Proverbio 22:6).

“Ang pagdumala ug pagtudlo sa mga bata mao ang pinakahalangdon nga misyonaryo nga buhat nga mahimo ni bisan kinsang lalaki o babaye. . . .

“Kita nagkinahanglan ug misyonaryo nga kadasig diha sa atong mga panimalay, aron kita makadala sa Pulong sa kinabuhi ngadto sa mga sakop sa atong mga pamilya ug makagiya kanila sa pagpangita ug panimalay sa gingharian sa Dios.”4

Nindot kaayo kon dad-on sa mga ginikanan ang ilang gagmay nga bata aron mapanalanginan ug madedekar ngadto sa Dios, apan dili kini paigo. Ang sunod nga lakang mahinungdanon aron mapadayon ang pagbaton niana nga panalangin — pag-edukar sa bata uban ang tin-aw nga katuyoan sa pag-alagad kaniya ni Cristo alang sa pag-uswag sa Iyang gingharian. Ang matag bata gitawag aron mahimong instrumento alang sa kaluwasan sa uban. Adunay duha ka posible nga direksyon sa pagserbisyo alang sa atong mga anak: “Ang mga bata mahimong mabansay alang sa pag-alagad sa sala o alang sa pag-alagad sa pagkamatarung.”5

“Ihatag ang pipila sa imong mga oras sa paglingawlingaw sa imong mga anak; pakig-uban kanila sa ilang trabaho ug sa ilang mga dula, ug kuhaa ang ilang pagsalig. Ugmara ang ilang panaghigalaay.”6

Mahimong andam ka sa paghatag ug tambag, ug matag segundo mahimo ka nga nag-streaming sama sa usa ka radyo, nga nagpadala ug mga tipik sa tambag. Pero imbes nga tambagan lang ang imong anak, mas maayo nga ihatag nimo ang imong kasingkasing. Tudloi ang imong anak ug daghan pinaagi sa pagsulti ug dyutay.“

“Ang matag inahan kinahanglang adunay panahon sa paghatag sa iyang mga anak niining gagmay nga mga paghigugma nga importante kaayo panahon sa pagkamasuso ug pagkabata. Niining paagiha ang inahan mobugkos sa mga kasingkasing ug kalipay sa mga anak sa iyang kaugalingon. Siya mao alang kanila kon unsa ang Dios kanato.”7

Unsaon nato pagtudlo ang atong mga anak sa pagserbisyo? Pinaagi sa pagtanyag kanila ug gugma. Hinigugma nga ginikanan, ang usa ka kinabuhi nga matahum nga gipuy-an nagpasabut nga mahigugmaon nga paghatag sa imong kaugalingon sa imong mga anak ug sa imong kapikas, paghatag sa mga tigulang sa usa ka pagtabang, pagpaminaw pag-ayo sa kasakit sa usa ka nahulog nga tawo, pagtanyag sa regalo sa imong presensya sa bisan kinsa nga nanginahanglan sa imong tabang.“

Ang presente nga panahon gihatag kanato aron kita mamatay sa atong kaugalingon ug makasinati sa pagkabanhaw diha kang Cristo.

“Ug nga siya namatay alang sa tanan, aron sila nga mga buhi dili na magkinabuhi alang sa ilang kaugalingon, kondili ngadto kaniya nga namatay ug nabanhaw alang kanila” (2 Corinto 5:15).

Adunay usa lamang ka yawe alang sa pagka-epektibo ug pagkamabungahon. Si Jesus nagpatin-aw: Aron ang usa ka lugas sa trigo mamunga, kini kinahanglang mamatay. Ug si apostol Pablo nag-ingon: “Ako gilansang sa krus uban kang Cristo: bisan pa niana ako nabuhi, apan dili ako, kondili si Cristo ang nabuhi sa sulod nako” (Galacia 2:20, pagpatin-aw gidugang). Sa dihang si Cristo magpuyo kanato, unsa ang resulta? Kita magpuyo sa Iyang kinabuhi. Apan sama sa unsa ang Iyang kinabuhi samtang dinhi pa Siya sa yuta? Ang iyang tibuok kinabuhi usa lamang ka kinabuhi sa pag-alagad, puno sa gugma.

“Kadtong mga butang, nga inyong nakat-onan, ug nadawat, ug nadungog, ug nakita kanako, buhata” Filipos 4:9 (pagpatin-aw gidugang).

“Siya nga mahimong usa ka santos sa langit kinahanglan una nga mahimong usa ka santos sa iyang kaugalingon nga pamilya. Kon ang mga amahan ug mga inahan tinuod nga mga Cristohanon sa pamilya, sila mahimong mapuslanon nga mga membro sa iglesia ug makahimo sa pagdumala sa mga kalihokan sa simbahan ug sa katilingban subay sa parehas nga paagi diin sila nagdumala sa ilang mga katikaran sa pamilya. Mga ginikanan, ayaw himoa nga ang inyong relihiyon usa lamang ka propesyon, apan himoa nga kini mahimong usa ka kamatuoran…. Gawas kon magpakita kamo ug kaaghup, pagkamabination, ug pagtahud sa inyong panimalay, ang inyong relihiyon mahimong kawang. Kon adunay mas tinuod nga relihiyon sa panimalay, aduna untay labaw nga gahum sa iglesia.”8

“Ang Cristohanong panimalay kinahanglan nga usa ka butang nga leksyon, nga naghulagway sa kahamili sa tinuod nga mga prinsipyo sa kinabuhi. Ang ingon nga paghulagway mahimong usa ka gahum alang sa kaayohan sa kalibutan. . . . Samtang ang mga batan-on mogawas gikan sa ingon nga panimalay, ang mga leksyon nga ilang nakat-onan mapahat.”9

Kita gusto nga ang atong mga anak mahimong mga panig-ingnan nga angay nga awaton, ug kini maayo. Usa kini ka halangdon nga tinguha, apan kung unsa sila karon mao ang resulta sa atong gikinabuhi sa nangagi o kagahapon. Kon unsa ang atong gipugas kagahapon, atong anihon karon. Kinahanglan nga ang mga amahan mahimong mga pari sa pumuluyo, sa panimalay. Ang mga inahan gikinahanglan sa pagmatuto sa ilang mga anak alang sa Dios. Ang mga bata kinahanglang matandog sa balaang gahum. Ug ang atong susi nga pulong (keyword) kinahanglan dili “ugma,” kondili “karon o dili na.”

“Ang mga bata kinahanglang tudloan sa bata pa kaayo nga mahimong mapuslanon, sa pagtabang sa ilang mga kaugalingon, ug sa pagtabang sa uban.”10

“Ang mga ginikanan kinahanglang motudlo sa ilang mga anak nga ang pagkatapulan sala.

“Wala nay laing mas sigurado nga modala ngadto sa kadautan kay sa pagtangtang sa tanang palas-anon gikan sa mga bata, pasagdan sila ngadto sa usa ka walay pulos, walay tumong nga kinabuhi, sa pagbuhat sa bisan unsa, o sa pag-okupar sa ilang mga kaugalingon sumala sa ilang gusto.”11

“Walay mga tapulan diha sa panimalay sa pagtuo. Ang matag sakop sa pamilya adunay pipila ka buluhaton nga gihatag kaniya, pipila ka bahin sa ubasan sa Ginoo diin magtrabaho.”12

Unsay epekto diha kanila sa paagi sa atong pagtudlo sa atong mga anak? Mabuhi ba sila o madunot na lang? Sa higayon nga imong hunahunaon lamang ang imong kaugalingon, ikaw mahimong mapahitas-on, arogante. Mao kini ang paagi nga ang mga bata motubo, kinsa nagpatuyang niini nga kinaiya. Ang resulta mao ang usa ka inano, laay nga kaliwatan, dili aktibo alang sa Dios. Ang Dios ug ang Iyang iglesia wala magkinahanglan sa mga ginikanan ug mga anak nga naglubong sa ilang mga talento dinhi sa yuta. Ang iglesia sa Dios nagkinahanglan ug aktibong mga magbubuhat, dili mga magtatan-aw.

“Ang trabaho padayong gihimo didto sa langit. Walay mga tapulan didto. ‘Ang akong Amahan nagtrabaho hangtud karon,’ miingon si Cristo, ‘ug Ako nagtrabaho.’ ”13

Ang lampara, bisan unsa ka gamay, kon padayon nga magsiga, mahimong gamiton sa pagpasiga sa daghan pang mga lampara.”14

Sa kinaiyahan niini, ang kalayo manganak ug kalayo. Kung napalibutan kini sa uban nga dali nga masunog nga materyal, kini nagkinahanglan lamang sa usa ka aligato gikan sa gidukdok nga puthaw aron magdilaab ang kalayo. Apan gikan sa usa ka kandila, mga napulo ka libo ang madagkutan. Si Juan Bautista mipahayag nga Siya kinsa moanhi sunod kaniya “mobautismo sa Espiritu Santo ug sa kalayo. Kini ang labing dako nga panginahanglan sa atong kaadlawan — usa ka iglesia nga gibunyagan sa kalayo. Mao kini ang gikahadlokan sa yawa ug sa iyang gingharian, usa ka iglesia nga gipasiga sa kalayo sa diosnong gugma. Kinsay makasugakod niini? Ang gugma sa Dios mahisama sa kusog nga dinamo, nga magduso kanimo sa pagpangahas sa dagkong mga butang alang sa Dios. Hinigugmang mga kabatan-onan ug mga ginikanan, dili karon ang panahon sa pagpalong sa Espiritu ug limitahan ang gahum sa Dios, apan sa pag-uswag pinaagi sa pagtuo!”

“Ang matag tinuod nga tinon-an natawo ngadto sa gingharian sa Dios isip usa ka misyonaryo. Siya nga moinom sa buhi nga tubig mahimong tuburan sa kinabuhi.”15

“Ang Dios mopalihok diha sa mga tawo diha sa mapainubsanon nga mga katungdanan sa pagpahayag sa mensahe sa presente nga kamatuoran. Daghan kanila ang makita nga nagdali ngadto ug didto, gipalihok sa Espiritu sa Dios sa paghatag sa kahayag niadtong anaa sa kangitngit. Ang kamatuoran sama sa kalayo sa ilang mga bukog, nga nagpuno kanila sa nagdilaab nga tinguha sa paglamdag niadtong naglingkod sa kangitngit. Daghan, bisan taliwala sa mga walay edukasyon, ang magmantala sa pulong sa Ginoo. Ang mga bata pagaaghaton sa Balaang Espiritu sa paglakaw aron sa pagpahayag sa mensahe sa langit. Ang Espiritu ibubu niadtong motugyan sa Iyang mga pag-aghat. Sa pagsalikway sa mga lagda sa tawo ug sa mabinantayon nga mga lihok, sila moapil sa kasundalohan sa Ginoo.”16

Unsaon nako pagpalambo ang gasa nga labing gikinahanglan sa kalibutan?

“Ang mga kabatan-onan kinahanglan nga tudloan nga ang kinabuhi nagpasabut sa matinguhaon nga bulohaton, responsibilidad, pag-atiman. Sila nagkinahanglan ug pagbansay nga maghimo kanila nga praktikal — mga lalaki ug babaye nga makasagubang sa mga emerhensya. Sila kinahanglang tudloan nga ang disiplina sa sistematiko, maayo nga pagkontrol nga pagtrabaho mahinungdanon, dili lamang ingon nga usa ka panalipod batok sa mga pagbag-o sa kinabuhi, apan ingon nga usa ka tabang sa bug-os nga paglambo.”

1. Mga batan-on nga diosnon. Kinahanglang tudloan ang mga batan-on unsaon paghigugma si Cristo ug ang Iyang gingharian, unsaon pagtugyan sa ilang kaugalingon sa tibuok kasingkasing sa pag-alagad Kaniya, unsaon sa pagkaandam alang sa bisan unsang pagdumili sa kaugalingon, bisan unsang pagsakripisyo sa kaugalingon, ug alang sa bisan unsang buluhaton diin Siya magatawag kanila. Kinahanglan nga molihok ug maayo alang kang Cristo sa bisan unsang dapit — sa panimalay o layo sa panimalay, sa taas nga klase nga katilingban o sa ubos nga klase nga katilingban. Wala gidesinyo ni Cristo ang mga batan-on nga magpuyo sa usa ka kahimtang nga ubos o kasarangan.

2. Mga batan-on nga adunay naugmad nga panghunahuna. Matagbaw ba ang batan-ong mga Cristohanon sa pagkaubos lamang sa ilang buluhaton alang sa gingharian sa Manunubos, samtang ang kalibutanon nga mga tawo maningkamot alang sa pagkamaayo sa ilang mga kalihokan ug mga trabaho? Pagbantay sa pagtuis sa imong pagsalig sa Balaang tabang, sa pagtuo nga ang kasibot sa kasingkasing mobaylo sa pagkawalay kahibalo. Ang sugo mao: “Higugmaa ang Ginoo, nga imong Dios, sa tibuok mong kasingkasing, sa tibuok mong kalag ug sa tibuok mong hunahuna”— ug kini magamit sa samang sukod sa pagserbisyo ug sa paghigugma Kaniya. Ang atong kabatan-onan nagkinahanglan ug balanse ug naugmad nga hunahuna.

3. Nagsakripisyo sa kaugalingon nga batan-on. Ang “pagkalipay sa higayon” dili usa ka butang nga kuptan, apan usa ka butang nga kinahanglan isakripisyo. “Kay ang Dios nahigugma pag-ayo, nga Siya mihatag. . . .” Ang Dios mihatag kang Jesus ingon nga usa ka Gasa, aron kita mahimo nga mga tighatag. Karon labaw pa sa kaniadto, adunay panginahanglan alang sa matinugyanon nga mga alagad ni Cristo.

“Ang matag batan-on, matag bata, adunay buluhaton nga buhaton alang sa dungog sa Dios ug sa pagbayaw sa katawhan.”18

Hinigugma nga mga batan-on, mahimong ulipon ka sa materyal o propesyonal nga pag-uswag, ulipon sa imong relo, telepono, o uban pang kagamitan, ulipon sa kaayohan, o ulipon sa wala masabtan nga damgo. Kining tanan o bisan unsa nga matang sa pagkaulipon nagpasabot sa usa ka usik nga kinabuhi. Ang pagkahimong sama kang Cristo wala magpasabot nga mahimong tigkatkat sa sosyal nga pag-uswag; wala kini magpasabot nga nalinga sa pagkontrolar, wala kini magpasabot nga magpuyo sa kaharuhay, kondili, kini nagpasabot sa paghatag. Ang tanan nga mahinungdanon gipasukad sa paghatag, ug ang kinabuhi dili takus nga mabuhi kung wala ang pagkamanggihatagon. Ang paghatag nagpasabot sa aktuwal nga pagpanag-iya. Gusto ba nimong pugson si Cristo diha kanimo nga dili ihalad ang Iyang kaugalingon? Kung gusto nimo nga buhaton kini, dili Siya magpuyo sa sulod nimo, apan hinoon magpabilin ka nga sulugoon sa imong kaugalingon nga kahakog.

Mahimong dili ka makahimog dagkong mga butang; dili ka matawag nga usa ka empleyado sa simbahan. Walay serbisyo nga gamay ra kaayo ug walay bisan usa nga dako kaayo. Daghan ang gustong mousab sa kalibutan, apan kasagaran walay gustong mobuhat sa gagmay nga mga butang nga makapabati sa usa ka tawo nga siya gihigugma. Ang sukod nga imong gihatag mao ang sukod nga imong nadawat.

“Dili ba usa ka pribilehiyo nga mahimong kauban ni Jesus? Dili ba usa ka kadungganan nga malambigit sa dako nga buhat sa pagluwas sa mga kalag, nga molihok sa bahin nga gihatag kanato sa atong Manluluwas? Ug walay usa nga makahatag ug panalangin sa uban nga dili makadawat sa kaayohan sa iyang kaugalingon. 'Siya nga nagabisibis pagabisibisan usab sa iyang kaugalingon” (Proverbio 11:25).

“Ang atong pagtuo kinahanglan nga mabungahon sa maayong mga buhat, kay ang pagtuo nga walay buhat patay. Ang matag katungdanan nga gihimo, matag sakripisyo nga gihimo sa ngalan ni Jesus, nagdala ug hilabihan ka dako nga ganti. Sa mismong buhat sa katungdanan, ang Dios mosulti ug mohatag sa Iyang panalangin. Apan Siya nagkinahanglan kanato sa tibuok nga pagtugyan sa mga galamhan. Ang hunahuna ug kasingkasing, ang tibuok nga pagkatawo, kinahanglang ihatag ngadto Kaniya, o kita mapakyas sa pagkahimong tinuod nga Cristohanon. 20

“Busa magmakusganon kamo, ug ayaw pagpaluyaha ang inyong mga kamot: kay ang inyong buhat pagabalusan” (2 Cronicas 15:7).

Hinigugma nga mga batan-on, hinigugma nga ginikanan, pagkinabuhi matag adlaw nga daw nag-atubang ka sa usa ka makamatay nga sakit. Paghatag karon kon unsa ang imong nadawat gikan kang Cristo. Ang kalibutan nagkinahanglan gayud sa pagpadayag sa gugma sa Dios. Nanghinaut ko nga bisan human sa 100 ka tuig nga paglungtad, ang Reform Movement mahimong magkurog ubos sa gahum sa gugma ug sa kamatuoran diha kang Cristo. Ako nag-ampo sa kinasingkasing nga kini nga Kalihokan o Movement dili maluya, kondili mahimong mobuto sama sa usa ka bulkan, ug ang tibuok yuta mapalibotan sa gugma sa Dios.

Kamo ba, hinigugma nga mga batan-on, ug hinigugma nga mga ginikanan, naglangkob niini nga kalihokan o Movement sa dili madugay aron malukop ang tibuok kalibutan uban sa himaya sa Dios? Kining linog sa gugma moabot sa tanang kinatumyan sa kalibutan — ug unya kini modulot sa kahangturan ug magpadayon didto. Ang pagpili imoha. Pagpili nga maalamon. Pilia ang pagsunog alang kang Cristo. Mahimong ka nga kahayag!