1. ስለ ምን እንደሚናገር ማወቅ እሁድ ሰኔ 16

ሀ. ጴጥሮስ በመጀመሪያው መልእክቱ መደምደሚያ ላይ ምን ከባድ ምክር ጻፈ? 1ኛ ጴጥሮስ 5:8 “ሰይጣን ያለማቋረጥ በሥራ ላይ ነው፣ ነገር ግን ስለ ሥራውና ስለ ስውርነቱ ግንዛቤ ያላቸው ጥቂቶች ናቸው። የእግዚአብሔር ሕዝብ ተንኮለኛውን ጠላት ለመቋቋም ዝግጁ መሆን አለበት። . . . የሰይጣን እርምጃ ጫጫታ የለሽ፣ እንቅስቃሴው የተደበቀ፣ እና መብራቶቹ የተሸፈኑ ናቸው። ያንቀላፋውን ክርስቲያኑን ቀስቅሶ በጸሎት ወደ እግዚአብሔር እንዳይቀርቡ ራሱን በግልጽ ለማሳየት አይደፍርም። . . .“ሰው የሰይጣን ምርኮኛ ነው እና በተፈጥሮው የእርሱን ምክሩን ለመከተልና ትእዛዙን ለማድረግ ይነሳሳል። ክፋትን ውጤታማ በሆነ መንገድ ለመቋቋም በራሱ ምንም ኃይል የለውም. . . . የሰይጣን ኃይል የተገደበው በክርስቶስ በኩል ብቻ ነው።”— Testimonies for the Church, vol. 5, pp. 293, 294. ለ. ጴጥሮስ በቀያፋ ቤተ መንግሥት ችሎት ውስጥ የሱስ ድል እንዲያደርግ የረዳው ከጊዜ በኋላ የተማረው ምሥጢር ምንድነው? ማቴዎስ 26:38፣ 40፣ 41 “በራስ መተማመን ነቅቶ መጠበቅን፣ ትሑትና የንስሐ ጸሎትን ችላ ማለትን ያስከትላል። ሰይጣን የሚፈተነውን የተለያዩ ባሕርያትና ሁኔታዎች ጋር ያስተካክላልና ልናስወግድ የሚገባቸው ውጫዊ ፈተናዎች አሉ። Ibid., vol. 3, p. 445.

---

2. ጠላትህ ማን እንደሆነ እወቅ ሰኞ ሰኔ 17

ሀ. የአንበሳን ባህሪ ይዞ ከመምጣት በተጨማሪ የነፍሳችን ጠላት ወደ አደኑ የሚቀርብበትን ሌላ መንገድ ጥቀስ። 2ኛ ቆሮንቶስ 11፡14 “ሰይጣን ስለ እቅዱ የማያውቁትን፣ ነገር ግን ልምድ ያላቸውን ምክርና ጸሎት ልዩ ፍላጎት የማይሰማቸውን ለማጥፋት ይፈልጋል። ክርስቲያናዊ ሕይወትን ለመኖር ጥሩ ውሳኔዎችን ይዘው ከሚመጡት አብዛኞቹ ወጣቶች እጃቸውን ከሚይዙ እና በጓደኝነት ሽፋን በቀጥታ ወደ ሰይጣን ወጥመድ የሚመሩ ወጣቶች (ጓደኞች) መካከል ይወድቃሉ። ጠላት ሁልጊዜ እንደሚያገሣ አንበሳ አይመጣም፤ ብዙ ጊዜ እንደ ብርሃን መልአክ ሆኖ ይታያል፣ ወዳጃዊ መንፈስ በመልበስ፣ ልዩ ልዩ ፈተናዎችን ያቀርባል፣ ይህም ልምድ ለሌለው ሰው መቋቋም ይከብዳል።”— Testimonies for the Church, vol. 4, p. 207. ለ. በተለይ ዓለም አቀፋዊ የሞባይል ስልክ እና የኢንተርኔት አገልግሎት በበዛበት በዚህ ዘመን ሰይጣን ከሁሉ የላቀ ስኬት እያገኘ ያለው በየትኞቹ የነፍስ ማጥመጃ መንገዶች ነው? 1ኛ ጴጥሮስ 2:11፤ 1ኛ ዮሐንስ 2፡16 “ብዙዎቹ ወጣቶች . . . ያገኙትን ሁሉ ያነብባሉ። አስደሳች የፍቅር ታሪኮች እና ርኩስ ምስሎች ጎጂ ተጽእኖ አላቸው. ልቦለዶች በብዙዎች ዘንድ በጉጉት ይገነዘባሉ፣ በውጤቱም፣ ምናባቸው ይረክሳል። . . . በእርቃንነት ሁኔታ ውስጥ ያሉ የሴቶች ፎቶግራፎች በተደጋጋሚ ይሰራጫሉ [በተለይ በኢንተርኔት ላይ]። . . . የአይን አምሮትና ብልሹ ምኞት የሚቀሰቀሰው በማየት እና በማንበብ ነው። ልብ በምናብ ተበላሽቷል። አእምሮ የማይረቡና ተራ ፍላጎቶችን የሚያነቃቁ ትዕይንቶችን በማሰላሰል ይደሰታል። እነዚህ ርኩስ ምስሎች፣ በርኩሰት ምናብ ሲታዩ፣ ሥነ ምግባርን ያበላሻሉ እና የተታለሉትን፣ የፍትወት ምኞትን እንዳይገዙ ያዘጋጃሉ። ከዚያም በእግዚአብሔር አምሳል የተፈጠሩትን ፍጥረታት ከአራዊት ጋር ወደ አንድ ደረጃ የሚያመጧቸው ኃጢአቶችና ወንጀሎች ይከተላሉ። በመጨረሻ በጥፋት ውስጥ ይሰምጣሉ። ርኩስ ሀሳቦችን የሚጠቁሙ ነገሮችን ከማንበብና ከማየት ይቆጠቡ። ሥነ ምግባራዊና አእምሯዊ ኃይሎችን ያሳድጉ። . . .“ወላጆች የልጆቻቸውን ማንበብና የኢንተርኔት አገልግሎት እንዲቆጣጠሩ እማጸናለሁ።”—Ibid., vol. 2, p. 410.“ሰይጣን የምግብ ፍላጎትን በአለመግዛት አማካኝነት አእምሮንና መላውን ፍጡር ይቆጣጠራል።”—Christian Temperance and Bible Hygiene, p. 37.“በአርአያነታቸውና ለልጆቻቸው በሚሰጡት ትምህርት ሆዳሞችና ወይን ጠጅ ጠጪዎች እንዲሆኑ እያዘጋጃቸው ያሉ ብዙ ክርስቲያን እናቶች . ብዙውን ጊዜ ልጆች ጤናን ከግንዛቤ ሳያስገቡ የመረጡትንና የፈለጉትን በመመገብ ይጠመዳሉ።”—Counsels on Diet and Foods, p. 235.

---

3. ብቸኛው የድል መንገድ ማክሰኞ ሰኔ 18

ሀ. እያንዳንዱ ክርስቲያን ሰይጣንን ለመቋቋም ምን ሊኖረው ይገባል? 1ኛ ጴጥሮስ 5:9 (የመጀመሪያ ክፍል)፤ ያእቆብ 4፡7 “[ሔዋን] የእግዚአብሄርን ቃል አላመነችም፣ እናም ይህ ወደ ውድቀት መራት። በፍርድ ጊዜ ሰዎች በሕሊናቸው ውሸትን ስላመኑ አይኮነኑም፤ ነገር ግን እውነትን ስላላመኑ፣ እውነትን የመማር አጋጣሚን ችላ በማለታቸው ነው።”—Patriarchs and Prophets, p. 55.“በንድፈ ሐሳብ ብቻ፣ ሊገልጹት የማይችሉት ጥልቀት የሌለው እምነት ሲኖራቸው፣ ድንገተኛ ፈተና ሲመጣ ከዓለም አመለካከት ጋር እንዲጓዙና እምነታቸዉን እንዲጥሉ ያደርጋቸዋል።”—Our High Calling, p. 332. ለ. ብዙ ክርስቲያኖች የአምላክን ቃል አምናለሁ ቢሉም ለሰይጣን በቀላሉ እንዲማረኩ የሚያደርጋቸው ምንድን ነው? ምሳሌ 19:2፤ ሆሴዕ 4:6 (የመጀመሪያ ክፍል)፤ ከሮሜ 10:17 ጋር አወዳድር፤ 15፡4። “ፈተናዎች ብዙውን ጊዜ ሊቋቋሙት የማይችሉት ይመስላሉ ምክንያቱም ጸሎትንና መጽሐፍ ቅዱስን ማጥናትን ቸል ያለ ሰው የአምላክን ተስፋዎች በቀላሉ ማስታወስና ሰይጣንን በቅዱሳት መጻሕፍት መሣሪያዎች መከላከል ስለማይችል ነው።”—The Great Controversy, p. 600. ሐ. በሰይጣን ጥቃት ለተከበበ ነፍስ ሁሉ ማበረታቻ ሊሆን የሚገባው እውነት የትኛው ነው? 1ኛ ጴጥሮስ 5:9፣ 10፤ 1:6፣ 7፤ 2ኛ ቆሮንቶስ 4፡17 “ጴጥሮስ በቤተ ክርስቲያን ላይ ልዩ ፈተና በደረሰባት ጊዜ ለምእመናን ጻፈ። ብዙዎች ቀድሞውንም የክርስቶስ መከራ ተካፋዮች ሆነዋል፣ እና ብዙም ሳይቆይ ቤተክርስቲያን አስከፊ ስደት ሊደርስባት ነው። . . . ብዙም ሳይቆይ ለመንጋው የማይራሩ ጨካኞች ተኩላዎች ወደ ውስጥ ገቡ። ነገር ግን ከእነዚህ ነገሮች ውስጥ አንዳቸውም ቢሆኑ ተስፋቸውን በክርስቶስ ላይ ያተኮሩ ሰዎችን ተስፋ አያሳጡም። ጴጥሮስ በማበረታቻና በደስታ ቃላት የምእመናንን አእምሮ አሁን ካለው ፈተና ፈቀቅ አደረገ። . . . የማይጠፋ ርስት . . . በክርስቶስ የሱስ ወደ ዘላለም ክብሩ የጠራን የጸጋ ሁሉ አምላክ ለጥቂት ጊዜ መከራን ከተቀበላችሁ በኋላ ፍጹማን ያደርጋችኋል፣ ያበራታችሁኋል፣ ያጠናከራችኋል፣ ያጸናችሁማል።”— The Acts of the Apostles, p. 528.

---

4. ቤተ ክርስቲያን በባቢሎን ረቡዕ ሰኔ 19

ሀ. ጴጥሮስ የክርስቲያን ቤተ ክርስቲያንን “በባቢሎን” ተበታትና በምድራዊ ኃይሎች ስትጨቆን ከየትኞቹ የታሪክ ምዕራፎች ጋር አነጻጽሮታል? ዳንኤል 3:1-6፤ አስቴር 3:8፤ 1ኛ ጴጥሮስ 5:13 “የጣዖት አምልኮ በዩኒቨርስ በተስፋፋባት ምድር የባቢሎንን ክብር የሚወክለው በዱራ ሜዳ ላይ ያለው ውብና በዋጋ ሊተመን የማይችል ምስል . . . እንደ ማምለኪያ ነገር መቀደስ አለበት። . . . ለምረቃ ቀን ሁሉም በምስሉ ፊት በመስገድ ለባቢሎናዊው ኃይል ያላቸውን ታማኝነት እንዲያሳዩ ትእዛዝ ወጣ። . . .“በዚያ አስደናቂ ቀን የጨለማው ሃይሎች ምልክት ድል እያገኙ ይመስላል። . . .“እግዚአብሔር ግን ሌላ ውሳኔ ወስኗል። ሁሉም ለጣዖት አምላኪው የሰው ኃይል ምልክት ተንበርክከው አልነበረም። . . .“[ንጉሡ] ፈቃዱን ለመታዘዝ ፈቃደኛ ባለመሆናቸው የሚጠብቃቸውን ቅጣት አስታወሳቸው። እብራውያን ግን ለሰማዩ አምላክ ታማኝነታቸውን አጥብቀው መስክረዋል።”—Prophets and Kings, pp. 505–507“በቀረው የእግዚአብሔር ሕዝብ ላይ የሚወጣው ትእዛዝ አርጤክስስ በአይሁዳውያን ላይ ካወጣው ጋር ተመሳሳይ ይሆናል። ዛሬ የእውነተኛይቱ ቤተ ክርስቲያን ጠላቶች በትንሿ መንጋ ውስጥ የሰንበትን ትእዛዝ የሚጠብቁ እንደ መርዶክዮስ ሲከበሩ ያያሉ። የእግዚአብሔር ሕዝብ ለሕጉ ያለው ፍርሃት እግዚአብሔርን መፍራት ጥለው ሰንበትን ለሚረግጡ ሰዎች የማያቋርጥ ተግሣጽ ነው።“ሰይጣን ተወዳጅ የሆኑትን ልማዶችና ወጎች ለመቀበል ፈቃደኛ ባልሆኑት ታናሾች ላይ ቁጣን ይቀሰቅሳል።”—Ibid., p. 605.“የምድርና የሲኦል ኃይላት በተከታዮቹ ማንነት በክርስቶስ ላይ ተሰልፈው ነበር። ጣዖት አምላኪነት ወንጌሉ ድል ሲነሳ ቤተ መቅደሶቿና መሠዊያዎቿ እንደሚወገዱ አስቀድሞ አይቷል፤ ስለዚህ ክርስትናን ለማጥፋት ሠራዊቷን ጠራች።”—The Great Controversy, p. 39. ለ. በዛሬው ጊዜ በአብዛኛዎቹ ቦታዎች ስደት ትንሽ የሆነው ወይም የሌለው ለምንድነው? ዮሐንስ 15፡19 “ከኃጢአት ጋር በመስማማት መንፈስ ምክንያት ብቻ ነው፣ ምክንያቱም የእግዚአብሔር ቃል ታላላቅ እውነቶች በግዴለሽነት ስለሚታዩ፣ በቤተ ክርስቲያን ውስጥ በጣም አስፈላጊ የሆነ እግዚአብሔርን መምሰል በጣም ትንሽ ስለሆነ፣ ክርስትና በዓለም ዘንድ ተወዳጅ እንደሆነ ግልጽ ነው። እንደ ቀደምት ቤተ ክርስትያን እምነት መነቃቃትና ኃይል ብታገኝ ስደትና መከራ ወዲያዉኑ ይነሳ ነበር።”—Ibid., p. 48.

---

5. በመልእክቱ መጨረሻ ላይ ያሉ ትምህርቶች ሐሙስ ሰኔ 20

ሀ. ጴጥሮስ መልእክቱን ሲጽፍ የረዳው ማን ነው? 1ኛ ጴጥሮስ 5:12 ለ. ስልዋኖስ ከጴጥሮስና ከጳውሎስ ጋር ንቁ ሚስዮናዊና የሥራ ባልደረባ እንደነበረ (አንዳንድ መልእክቶቻቸውን በመጻፍ በግሪክ ሰዋሰው የረዳቸው እንደነበር) እንዴት እናውቃለን? 2ኛ ቆሮንቶስ 1:19፤ 1ኛ ተሰሎንቄ 1:1፤ 2ኛ ተሰሎንቄ 1፡1 ይህ በኤለን ጂ ዋይት ሕይወት ውስጥ እንዴት ይመሳሰል ነበር? “ባለቤቴ በህይወት በነበረበት ጊዜ፣ የተሰጡኝን መልእክቶች በማስተላለፍ ረገድ ረዳት እና አማካሪ ሆኖ አገልግሏል። . . . በራእይ የተቀበልኩት መመሪያ በታማኝነት የተጻፈው በእኔ ነው። . . .“ከዚያ በኋላ ጉዳዩን አብረን ከመረመርነው በኋላ ባለቤቴ የሰዋሰው ስህተቶችን አስተካክሎ አላስፈላጊ መደጋገምን ያስወግዳል። ከዚያም በጥንቃቄ ለተገለጹት ሰዎች ወይም ለአታሚው ይገለበጣል (ይተላለፋል)። . . .“ባለቤቴ ከሞተ በኋላ ታማኝ ረዳቶች አብረውኝ ይሠሩ ነበር፤ እነሱም ምሥክርነቱን በመገልበጥ ወይም መጻፍና ለሕትመት የሚረዱ ጽሑፎችን በማዘጋጀት ሥራ ላይ ደከመኝ ሰለቸኝ ሳይሉ ሠርተዋል።ነገር ግን ከረዳቶቼ መካከል ሀሳብ እንዲጨምር ወይም የምጽፋቸውን መልእክቶች ትርጉም እንዲለውጥ እንደተፈቀደላቸው አሉ ተብለው የሚነገሩት ዘገባዎች እውነት አይደሉም።”—Selected Messages, bk. 1, p. 50. ሐ. በሐዋርያት የተቋቋመው እና ዛሬም በአማኞች መካከል ሊተገበር የሚገባው ምን ጥሩ ክርስቲያናዊ ባሕል ነው? 1ኛ ጴጥሮስ 5:14 “ቅዱስ ሰላምታ . . . በእውነተኛ ባህሪው መታሰብ አለበት። የተቀደሰ አሳሳም ነው። ከክርስቲያን ወዳጆች ጋር በሚለያዩበት ጊዜ፣ እና ከሳምንታት ወይም ከወራት ልዩነት በኋላ እንደገና በሚገናኙበት ጊዜ እንደ ወዳጅነት ምልክት ተደርጎ ሊወሰድ ይገባል። . . . የተቀደሰ አሳሳም በተገቢው ጊዜና ቦታ ሲሰጥ የክፋት መልክ ሊኖረው አይችልም።”—Early Writings, p. 117.

የግል ግምገማ ጥያቄዎች አርብ ሰኔ 21

1. በራስ መተማመን ብዙውን ጊዜ ወደ ፈተና ከመውደቅ አስቀድሞ የሚመጣው እንዴት ነው? 2. ፍላጎቴ ወይም መሻቴ በሰይጣን ሽንገላ እንድወድቅ ሊያደርገኝ የሚችለው እንዴት ነው? 3. በተደጋጋሚ የተቀደሰ የግል የመጽሐፍ ቅዱስ ጥናት ማድረግ ለምን ይረዳኛል? 4. በጥሩ የህዝብ ግንኙነትና የተሳሳተ ስምምነትመካከል ያለውን ሚዛን ያብራሩ። 5. ቤተክርስቲያን ወንጌልን በማስፋፋት ረገድ እንድታግዝ ምን ማድረግ እችላለሁ?