PASIUNA “ Ang iglesia maoy gitudlo sa Dios nga ahensya alang sa kaluwasan sa mga tawo. Kini gi-organisar alang sa pagserbisyo, ug ang iyang misyon mao ang pagdala sa ebanghelyo sa kalibutan. Gikan sa sinugdan maoy plano sa Dios nga pinaagi sa iyang iglesia mosidlak ngadto sa kalibutan ang kahupnganan sa Iyang kaigo. Ang mga membro sa iglesia, kadtong Iyang gipanagtawag gikan sa kangitngit ngadto sa iyang kahibulongang kahayag, sila mopadayag sa Iyang himaya.” The Acts of the Apostles, p. 9.Ang himaya sa Dios, ang Iyang kinaiya, napadayag sa kahupong sa dihang Iyang gipadala ang iyang bugtong Anak sa pagtubus kanato gikan sa tunglo sa sala. Niini napadayag ang gugma sa Dios alang kanato. Karon, ang kuminikasyon niana nga gugma ngadto sa kalibutan nga wala makahibalo niini gisalig ngadto sa iglesia. Pinaagi sa iyang mga sakop, niadtong midawat sa mensahi sa kaluwasan, ug nausab pinaagi niina, ang kalibutan makadawat sa pagpadayag sa kinaiya sa gugma sa Dios. Apan sa pagmantala niana nga gugma, kinahanglan kita unang makasabot niana. Kini serye sa leksyon naga-hunahuna una sa katuyoan ug mission sa iglesia sa tanang mga katuigan ug naghimo sa hinungdan sa pag-ebanghelyo, ug unya naghunahuna usab sa sentro nga tema sa mensahe sa ebanghelyo- Si Kristo nga gilansang. Nagabitay ibabaw sa krus si Kristo mao ang maayong balita. Karon kita dunay mensahe ‘Tan-awa ang cordero sa Diios nga nagakuha sa sala sa kalibutan’ ( Juan 1:29) Dili ba ang mga sakop sa atong iglesia mosentro sa ilang mga mata sa nalansang ug nabanhaw nga manluluwas, nga kaniya ang ilang mga paglaum sa kinabuhing walay katapusan nahasentro? Kini mao ang atong mensahe, atong argumento, atong doktrina, atong pasidaaan ngadto sa mga makakasasala, atong ikapadasig sa mga nasubo, ang paglaum alang sa matag tumotuo. Kun atong mapamata ang interes sa hunahuna sa tawo nga maoy hinungdan nga sila motutok kang Kristo, kita mahimong motupad kanila ug mo-agda kanila sa pagpadayon lamang sa pagtutok sa ilang mga mata diha sa cordero sa Dios.”( The SDA Bible Commentary [ E.G. White Comments] vol, 6. p. 1113.“Ang kabug-aton sa atong mensahi kinahanglan mao nag misyon ug kinabuhi ni Jesu-Kristo. Himoa nga dunay luna diha sa pagpaubos, pagpugong sa kaugalingon, kaaghop, ug kamapa-inubsanon ni Kristo, aron ang mapahitas-on ug dalo nga mga kasingkasing mahimong makakita sa kalainan tali kanila ug sa sumbanan, ug mahimong magpaubos.” The Review and Herald, September 11, 1888.Kini maoy among pag-ampo nga kining mga leksyon makapadasig kaninyo uban sa usa ka gugma ug maga-aghat kaninyo sa pagpahat niini nga mensahe sa tibook kalibutan.The General Conference Sabbath School Department
