1. GILALANG DIHA SA DAGWAY SA DIOS Domingo Abril 10

a. Unsa ang gisulti sa Dios mahitungod sa paglalang sa tawo, ug kang kinsa Niya gisulti kini? Genesis 1:26,27 “Human sa paglalang sa yuta, ug mga kahayopan ibabaw niini, ang Amahan, ug ang anak mahimo sa ilang tuyo, nga giplano nang daan sa wala pa mahulog si Satanas, ang paglalang sa tawo sumala sa ilang dagway. Sila nagtinabangay sa paglalang sa yuta ug sa matag buhing binuhat niini. Ug ang Dios miingon nagdto sa Anak, Atong lalangon ang tawo sumala sa atong dagway. ( Genesis 1:26).” Lift him Up, p. 47. b. Unsay bout ipasabot nga lalangon sumala sa dagway sa Dios? Ecll. 7:29 “ Ang Dios naghimo sa tawo nga matarung; Siya naghatag kaniya ug halangdon nga taras sa kinaiya, nga walay hilig sa dautan. Gihatagan Niya siya uban sa hataas nga utoknong gahum”- Patriarch and prophets. P. 49“ Ang pagbati sa tawo putli, ang iyang panglasa ug hilig ilalalom sa pagkontrolar sa rason.”Ibid, p. 45

---

2. ALANG SA PAGHIMAYA SA DIOS Lunes Abril 11

b. Alang sa unsang katuyoan nga gilalang sa Dios ang tawo? Isaiah 43:7 “ Ibabaw sa tanang ubos nga mga han-ay sa binuhat, Gidensenyo sa Dios nga ang tawo, ang purongpurong nga buhat sa paglalang, kinahanglan mopahayag sa Iyang hunahuna ug mapadayag sa Iyang himaya. Apan ang tawo dili magpataas sa iyang kaugalingon ingon nga Dios.”Testimomnies, vol. 8. P. 264.“ Sa dihang si Adam migula gikan sa kamot sa Manlalang, siya nagdala, sa iyang lawasnon, utoknon, ug espirituhanong kinaiya, nga sama sa iyang magbubuhat. ‘Ug gibuhat sa Dios sumala sa Iyang dagway’(Genesis 1:27) ug maoy Iyang tuyo nag sa dugsy mabuhi ang tawo sa dugang sa kapuno siya magpadayag sa niini nga dagway.- sa dugang nga siya mopasidlak sa himaya sa iyang manlalang.” Education, p. 15. b. Gi-unsa sa kasulatan paghatag ug kahulogan sa himaya sa Dios? Exudo 33:18,19; 34:5-7 “Ang himaya sa Dios mao ang iyang kinaiya. Sa si Moses didto sa bukid, sa masingkamuton nagpakilooy uban Dios, Siya nag-ampo, ‘Ako nagalyupo Kanimo, show mo kanako ang Imong himaya’ Sa tubag ang Dios nga-ingon ‘Akong himoon ang tanang nakong kaayo nga maogi sa atubangan nimo, ug akong imantalang pangalan ni Jehova sa atubangan nimo; ug ako magmaloloy-on sa akong pagakaloy-an ug magpakita ug puangod sa akong pagapuangoran ko’( Exudo 33:18, 19).“Ang himaya sa dios- ang iynag kinaiya -nahimong napadayag: [Exudo 34:6,7 gikutlo]- “The Sign of the Times, September 3, 1902. c. Unsa ang nagporma ug kinaiya? Isaias 55:7-9, Ecclesiastes 8:5; 2 Corinto 10:5 “ Kung ang hunahuna sayop ang pagbati usab masayop, ug ang mga huna-huna ug mga pagbati nagka-uban maglangkub sa ,oral nga kinaiya. Sa Dihang ikaw modesider ingon kristohanon ikaw wala na magkinahanglan sa pagpugong sa imong mga huna-huna ug mga pagbati ikaw nadala ilalum inplwensya sa dautang mga manulonda ug nag-agda sa ilang presensya ug ilang pagmando.- Testimonies vol 5, p. 310.“ Ayaw kalimot nga huna-huna nagdala ug aksyon. Nasubli-subli nga aksyon nagporma ug mga gawi, ug mga gawi kinaiya. “The Upward Look, p. 89

---

3. ANG KATUYOAN SA DIOS NABABAGAN Martes Abril 12

a. Sa unsa nga punto nga ang bitin mi tintal sa atong unang mga ginikanan ug nagdala kanila ilalum sa pagmando sa sala? Genesis 3:3-6. “Usa sa pinaka-kakusog nga tentasyon nga tagbuon sa tawo mao ang punto sa gana sa pagkaon....“Masukad sa una pag-hural ngadto sa gana sa pagkaon, ang tawo naga-tubo sa labi pa gayud sa pagpatuyang sa kaugalingon, hangtud nga ang kahimsog nasakripisyo sa altar sa gana sa pagkaon. Ang mga pumoluyo sa yuta sa wala pa ang lunop mga walay pagpugong sa pagkaon ug pag-inom, Sila gusto sa kalan-ong unod bisan pa nga ang Dios wala magtugot sa tawo sa pagkaon ug kalan-ong unod.. Sila nangaon ug nanginom hangtud nga ang pagpatuyang sa ilang nabaliktad nga gana wala makabalo ug utlanan, ug sila nahimong dunot sa hilabihan gayud hangtud ang Dios dili na maka-agwanta kanila. Ang taksanan sa ilang kasal-anan puno na, ug iyang gilimpyohan ang yuta gikan sa kahugawan pinaagi sa usa ka baha.” Counsels on Health, pp. 108–109. b. Unsa kamalampuson si Satanas sa paghimo sa tawo nga makasala? Genesis 6: 5; Roma 13:10-12. Unsay iyang katuyoan? “ Maoy tuyo ni Satanas sa pagdala ug walay katupasang panagbulag tali sa Dioss ug sa tawo.” The Desire of Ages, p. 25“Sa orihinal ang tawo gihatagan uban sa halangdon ug balanse nga huna-huna. Siya hingpit sa iyang pagkatawo ug kauyon sa Dios. Ang Iyang kaisipan putli, ang iyang katuyoan balaan. Apan pinaagi sa paglapas, ang iyang mga gahum nabaliktad, ug ang kadalo mipuli sa luna sa gugma. Ang iyang kinaiya nahimong napaluya pag-ayo pinaagi sa paglapas nga imposible na alang kaniya, sa iyang kaugalingong kusog, sa pagsukol sa gahum sa dautan. Siya nahimong ulipon ni Satanas, ug mahimo unta nga sa hangtud kun wala pa ang Dios sa pinasahe nagpataliwala. Maoy tuyo sa maninintal ang pagbabag sa langitnong plano sa paglalang sa tawo, ug pun-on ang yuta sa kaalaut ug kalaglagan. Ug iyang itudlo kining tanang kadaut ingon nga resulta sa paglalang sa Dios sa tawo.”Steps to Christ, p. 17“ Tungod sa sala ang langitnong pagkamao nadaot ug halos nawala. Ang lawasnong gahum sa tawo napaluya, ang iyang utoknong kakayahan nikunhod, ang iyang esprituhanong panglantaw napalong. Siya nahimong ulipon sa kamatayon.”- Education p. 15

---

4. PAGPASIG-ULI SA NAWALA NGA DAGWAY Miyerkules Abril 13

a. Human si Satanas nagmalampuson sa pagdaot sa dagway sa Dios sa tawo, unsang plano ang gipatuman? Genesis 3:15 “Si Satanas naggiya sa tawo sa pagpakasala, ug ang plano sa pagtubos napahamutang sa pagpatuman. Sulod sa upat ka libo nga mga katuigan, Si Kristo nagabuhat sa pagtuboy sa tawo, ug si Satanas alang sa iyang kalaglagan ug pagkaalaot.” The Desire of Ages, p. 759.“ [Genesis 3:15 gikutlo] Dinhi niini ang unang saad sa usa ka manluluwas kinsa mobarog sa natad sa pagpakig-away sa pagsangka sa gahum ni Satanas ug pagdaug batok kaniya.”- Selected Messages, bk. 2. 106 b. Unsa ang katuyoan sa Dios nga mahimo pinaagi sa plano sa pagtubos? Roma 8:29; 2 Corinto 3:18. “ Ang kaliwat wala pasagdi nga walay paglaum. Sa dili matukib nga gugma ug kalooy ang plano sa kaluwasan gihimo, ug ang usa ka probisyon sa kinabuhi gihatag. Alang sa pagpasig-uli sa tawo sa nawala nga dagway sa iyang Manlalalang, sa pagdala kaniya pagbalik ngadto sa kahingpitan diin siya gilalang, ug sa pagtuboy, sa pag-ugmad sa lawas, huna-huna ug kalag, aron kining langitnong katuyoan sa iyang paglalang mahimong matuman.- mao kini ang buhat sa pagtubus. Mao kini ang tumong sa edukasyon, ang dakong, tumong sa kinabuhi. Education, p. 15–16 c. Diin sa tulo ka persona sa Pagkadios ang mianhi sa atong kalibutan sa pagpasig-uli diha sa tawo sa dagway sa Dios? Juan 1:18; Lukas 19:10. “ Si Satanas nagpasigarbo nga siya nagmalampuson sa pagdaot sa dagway sa Dios diha sa tawo. Ug unya si Jesus mi-anhi sa pagpasig-uli diha sa tawo sa dagway sa iyang Manlalalang. Wala lain, apan si Kristo lamang ang maka-umol pag-usab sa kinaiya nga nadaot pinaagi sa sala. Siya mi-anhi sa s pagpalayas sa demonyo nga ngamando sa iyang kabubut-on. Siya mianhi sa pagtuboy kanato gikan sa abog, ug sa paghulma pag-usab sa naguba nga kinaiya sumala sa sumbanan sa Iyang langitnong kinaiya, ug sa paghimo niini nga nindot uban sa Iyang kaugalingon himaya.”- God ‘s Amazing Grace p. 11“ Bisan pa nga ang moral nga dagway sa Dios halos mahanaw na pinaagi sa sala ni Adan, pinaagi sa merito ug gahum ni Jesus mahimong kining mabag-o. Ang tawo pwedeng mobarog uban sa moral nga dagway sa Dios diha sa iyang kinaiya; tungod kay si Jesus maghatag niini kaniya. Ibid , p. 246

---

5. ANG KATAPUSAN NGA PAGPADAYAG SA KINAIYA SA DIOS Huwebes Abril 14

a. Unsa ang katapusang tuyo sa Dios sa iyang iglesia? Efeso 3:8-11. “ Sukad sa sinugdan maoy plano sa Dios nga pinaagi sa Iyang iglesia mapasidlak ngadto sa kalibutan ang kahupnganan sa Iyang kaigo. Ang mga membro sa iglesia.... Maoy mopahayag sa iyang himaya.” The Acts of the Apostles, p. 9. b. Unsa ang kinahanglan nga kahimtang sa iglesia sa Dios aron nga makapasidlak sa Iyang kahingpitan ug Iyang dagway ngadto sa kalibutan? Efeso 5:27; Juan 13:34,35. Unsay mahitabo sa dihang ang kondisyon makab-ot na? Mark 4:29 “Karon samtang ang atong Labawng Sacerdote nagapataliwala alang kanato. Kita mangita gayud nga mahimong hingpit diha kang Kristo. Wala bisan pinaagi sa usa paghuna-huna nga ang aotng manluluwas madala sa pag-uyon sa tentasyon. Si Satanas nakakaplag dinhi sa tawhanong kasingkasing ug mga punto nga diin siya makakuha ug usa kasigurohan; ang ubang makakasalang handom gipangga, sa paagi nga diin ang iyang tentasyon makasugakod sa ilang gahum. Apan si Kristo miingon sa Iyang kaugalingon: ‘Ang prinsipe niining kalibutana minganhi apan walay nakaplagan Kanako” (Juan 14:30) .... Mao kini ang kondisyon niadtong kinahanglan makaplagan nga makabarog sa panahon sa kasamok.”.- The Great Controversy, p. 623“ Si Kristo nagahulat uban sa matinguhaong handom alang sa pagpadayag Iyang kaugalingon diha sa Iyang iglesia. Sa dihang ang kinaiya ni Kristo sa hingpit mabatonan sa Iyang katawhan, unya Siya moanhi sa pakuha kanila ingon nga mga Iya.”Christ’s Object Lessons, p. 69

PERSONAL UG SUBLI NGA MGA PANGUTANA Biyernes Abril 15

1. Nag-inusara lang ba ang Amahan sa paglalang sa tanang butang? Isaysay 2. Unsa ang kinaiya ni Adan sa paglalang, unsa ang iyang kayang ugmaron? 3. Giunsa ni Satanas pagdumala sa pagbabag sa katuyoan sa Dios sa paglalang sa tawo? 4. Unsa ang pinaka-tumong sa plano sa pagtubus? 5. Unsa ang imong nasabtan sa rason ngano nga si Jesus wala pa man mobalik?