1. LUYO SA TALAN-AWON Domingo May 8

a. Gi-unsa sa Dios pagtubag sa pagkahulog ni Adan ug ni Eva? 1 Juan 4:10 “Ang Dios natandog sa kalooy alang sa katawhan, ug ang Amahan, Ang Anak ug Balaang Espiritu mihatag sa ilang kaugalingon sa pagtuman sa plano sa kaluwasan. Aron nga mamatuman gayud ang maong plano. Gidisisyonan nga si Kristo, ang bugtong Anak sa Dios, kinahanglan mohatag sa Iyang kaugalingon ingon nga usa ka halad sa sala.”- The Review ang Herald, May 2, 1912 b. Ngano nga si Adan ug si Eva wala gipatay sa adlaw nga sila mikaon sa gidili nga bunga? Job. 33:24; mark 10:45; Pinadayag 13:8( last part) “ Diha-diha dayon si Adan misugot sa tentasyon ni Satanas, ug mihimo sa butang nga gi-ingon sa Dios dili niya pagabuhaton, Si Kristo, ang anak sa Dios, mibarog taliwala sa buhi ug minatay, nga nag-ingon’Tugoti nga ang silot mapatong Kanako. Ako ang mobarog sa luna sa tawo. Hatagi siya ug laing pagsulay.’ Ang paglapas nagbutang sa tibook kalibutan ilalum sa sentensya sa kamatayon. Apan didto sa langit nadungog ang maong tingog nga nag-ingon ‘Ako nakakaplag ug usa ka Manunubos.”- The Signs of the Times, June 27, 1900

---

2. ANG PLANO SA KALUWASAN Lunes Mayo 9

a. Unsa ang pinaka-unang lakang ang gikuha ni Kristo nga buhaton aron mahimong posible ang tibook plano sa kaluwasan.? Hebreohanon 2:9 “[Si Jesus] nagpahibalo sa panon sa mga manulonda nga ang usa ka paagi sa pag-ikyas nahimo alang sa nawal nga tawo. Siya misulti kanila nga Siya nangalyupo sa Iyang Amahan ug mitanyag sa Iyang sa paghatag sa Iyang kinabuhi ingon nga pantubos, sa pagkuha sa sentensya sa kamatayon ngadto sa Iyang kaugalingon, aron nga pinaagi kaniya ang tawo makakaplag ug kapasayloan; aron pinaagi sa merito sa Iyang dugo, ug pagsunod sa kasugoan sa Dios, sila makabaton ug pabor sa Dios, ug madala didto sa matahum nga tanaman, ug mokaon sa bunga sa kahoy sa kinabuhi.“ SA una, ang mga manulonda wala malipay.... Si Jesus nagsulti kanila nga Iyang.... Biyaan ang tanan Niyang himaya sa langit, magpakita sa yuta ingon nga tawo, mag-ubos sa Iyang kaugalingon ingon nga tawo, mahimong hinasa piaagi sa Iyang kasinataian uban sa nagka-lainlaing tentasyon nga diin ang tawo pagasamokon, aron nga Siya makabalo sa unsaon sa pagtabang sa niadtong mga mahimong tintalon. ....“Si Jesus nagsugilon usab (sa mga angel) nga sila dunay bahin nga pagabuhaton, nga mahimong uban Kaniya sa nagkalainlaing panahon alang sa pagpalig-on. Aron Iyang pagakuhaon ang nahulog nga pagkatawhanon, ug ang Iyang kusog mahimong dili sama kanila aron nga sila mahimong saksi sa Iyang pagpaubos ug dako nga pag-antus; ug aron nga sa masaksihan nila ang Iyang pag-antus, ug ang pagdumot sa mga tawo batok Kaniya, sila matandog sa lawum nga pagbati, ug pinaagi sa ilang gugma kaniya maghandum sa pagluwas ug mopalayo Kaniya gikan sa mga mopatay Kaniya, apan aron dili sila mobabag sa bisan unsang butang nga ilang makita....“Si Satanas nalipay usab uban sa iyang mga manulonda nga siya pinaagi sa paghimo sa tawo nga nakasala, magbira sa Anak sa Dios gikan sa Iyang tinuboy nga posisyon. Gisuginlan Niya ang Iyang mga angel nga sa dihang si Jesus mokuha sa kinaiya human nang nahulog ang tawo, pwede niyang dag-on Siya aron sa pagbabag sa katumanan sa plano sa kaluwasan.” - Early Writing, pp. 149-152. b. Unsang hiyas ni Kristo ang naghimong imposible alang Kaniya sa pagpakamatay sa wala pa ang pagpakatawo? 1 Timoteo 6:14-16. “Sa dihang si Kristo gilansang, ang Iyang pagkatawhanon ang namatay. Ang Dios wala malunod ug mamatay, kana maoy imposible kaayo”- Lift Him Up. P. 76

---

3. ANG ANAK SA DIOS NAHIMONG ANAK SA TAWO Martes Mayo 10

a. Unsay buot ipasabot sa sinultihan “ang pulong nahimong unod” (Juan 1;14) Hebreohanon 2:14 (unang bahin) “ And Diosnon ug pagkatawhanon sa kahibulongang nahiusa, ang tawo ug ang Dios nahimong usa. Dinhi niini lamang panaghiusa makakaplag ug paglaum ang nahulog nga tawo. b. Gi-unsa ni apostol Pablo pagkonperma nga si Kristo nagbaton sa nahulog nga matang sa tawo sa dihang mianhi Siya dinhi sa yuta? Roma 1:3;8:3. “Si Kristo wala magpaka-aron-ingnon sa pagkuha sa tawhanong matang. Siya sa tinud-anay gayud mikuha niini. Siya sa katinuoran nagbaton sa tawhanong kinaiya.” Selected Messages, bk. 1, p. 247.Siya mikuha sa Iyang kaugalingon sa nahulog, naga-antus nag tawhanong matang, naalot ug nahugawan sa sala. Iyang gikuha ang atong mga kasakitan, ug gidala ang atong kasubo ug kaulawan. Siya nagmadaugon sa tanan tentasyon nga nagalikus sa tawo. Siya nakighiusa sa Iyang kaugalingon kauban templo, ‘Ang Pulong nahimong unod, ug mipuyo uban kanato.’(Juan 1:14) tungod kay pinaagi sa pagbuhat niini, Siya makauban usab uban sa makasasala, nagmagul-anon nga anak nga lalaki ug babaye ni Adan.” The youth Instructor, December 20, 1900 c. Ngano nga gikinahanglan ni kristo sa pagkuha sa tawhanong matang human sa pagkahulog, imbis ang tawhanong matang sa wala pa mahulog? Hebreohanon 2:16-18. “ Ang Manluluwas... mianhi sa Kalibutan aron sa pagpadayag sa himaya sa Dios, aron ang tawo maituboy pinaagi sa makapasig-uli nga gahum niini. Ang Dios napadayag ngadto kaniya aron nga siya Mapadayag usab kanila. Si Jesus wala magpadayag ug mga kalidad, ni migamit ug gahum, aron nga ang tawo dili makabaton pinaagi sa pagtuo ngadto Kaniya. Ang iyang hingpit nga pagkatawhanon,mao kanang nabatonan sa tanan Niyang mga sumusunod kung sila magpailalum ngadto sa Dios sama Kaniya.”- The Desire of Ages, p. 664.“ Nabistihan sa saput sa pagkatwhanon, ang Anak sa Dios nanaug sa lebel niadtong gusto Niyang luwason. Kaniya walay makaplagan nga bakak or kasal-anan; Siya gayud putli ug mahinlo; apan Iyang gikuha ngadto kaniya ang atong makasasala nga matang. Gibistihihan ang Iyang pagkadiosnon sa pagkatawhanon, aron mga Siya makauban uban sa nahulog nga katawhan., Siya nagita sa pagpasig-uli alang sa tawo nga tungod sa paglapas, nawala ni Adan alang sa iyang kaugalingon ug alang sa kalibutan” The RH, December 15, 1896

---

4. ANG KAMAHINUNGDANON SA PAGPAKATAWO Miyerkules Mayo 11

a. Unsa ang naghimo ni Cristo nga takus sa pagbuhat sa Iyang papel ingon nga manlalaban? 1 Timoteo 2;5 Si Jesus lamang ang makahatag ug kasigurohan ngadto sa Dios; tungod kay siya kapantay sa Dios. Siya lamang ang pwede nga manlalaban taliwala sa Dios ug satawo, tungod kay Siya nagbaton sa diosnon ug tawhanon. Si Jesus makahatag sa kasigurohan sa duha ka parte alang sa katumanan sa gihatag nga mga kondisyon. Ingon nga ang anak sa Dios, Siya makahatag ug kasigurohan sa atong katungod ug ingon nga walay katapusang Pulong, ingon nga kapantay sa Amahan, Siya nagsiguro kanato sa gugma sa amahan kanato nga mingtuo sa Iyang panaad nga pulong. Sa Dihang ang Dios magsiguro kanto sa Iyang dili musab nga konsilyo sa pakigdait, Iyang gihatag ang Iyang bugtong Anak nga mahimong usa sa tawhanong pamilya, sa pagbaton sa Iyang pagkawhanon hantud sa walay katapusan ingon nga usa ka panaad aron ang Dios makatuman sa Iyang pulong.”The review and Herald , April 3, 1894. b. Unsay nahitabo sa relasyon sa katawhan ngadto sa Dios ingon nga resulta sa sala, ug gi-unsa kini nga kutay pagpasig-uli? Isaias 59:2; Galatia 4:4,5. “ Ang pagkatwhanon sa Anak sa Dios maoy tanang butang alang kantao. Kini mao ang bulawanong kadena nga nagbugkos sa atong mga kalag ngadto kang Kristo, ug pinaagi kang Kristo ngadto sa Dios..”The youth instructor, October 13, 1898.“Maoy tuyo ni Satanas ang pagdala ug walay katapusang panagbulag taliwala sa Dios ug sa tawo. Apan diha kang Kristo kita nahimong suod nga nahiusa ngadto sa Dios kay sa wal pa kita nahulog. Sa pagkuha sa atong kinaiyahan, ang Manluluwas nabugkos sa Iyang kaugalingon ngadto sa pagkatawhanon pinaagi sa tali nga dili gayud mabugto...... Ang Dios mibaton sa tawhanong matang diha sa persona sa Iyang Anak ug nagdala sa sama gihapon nagdto sa kahitas-an sa langit. Kini mao ang Anak sa tawo’nga mipahat sa trono sa uniberso. Kini mao ang Anak sa Tawo kansang ngalan pagatawgon “Kahibulongan, Magtatambag, Gamhanan nga Dios, Amahan nga walay katapusan, Ang Prinsipe sa Pakigdait’(Isaias 9:6) ..... Siya nga Balaan, maaghop, mahinlo, nabulag gikan sa mga makasasala, dili maulaw sa pagtawag kanato nga mga igsoon. Hebreohanon (7:26;2:11)” the Desire of Ages p. 25“Aron sa pagdala sa katawhan ngadto kang Kristo, sa pagdala sa nahulog nga tawo sa pagka- usa Dios. Kini maoy buhat sa pagtubos. Si Kristo mikuha sa tawhanong matang, aron nga ang tawo mahimong usa kaniya maingon nga Siya usa sa Iyang Amahan, aron nga ang Dios mahagugma sa tawo ingon Siya nahigugma sa Iyang bugtong Anak. Aron nga ang mga tawo mahimong umalambit sa langitnong kainaiya, ug mahimong hingpit diha Kaniya.”Selected Messages bk. 1, p. 251.

---

5. ANG KAMAHINUNGDANON SA PAGPAKATAWO (gipadayon) Huwebes May 12

a. Unsa ag diosnong katuyoan sa paglalang sa tawo nga natuman pinaagi sa pagpakatwo ni Kristo? 1 Corinto 6:19 “Gikan sa walay katapusan nga mga katuigan, maoy katuyoan sa Dios nag matag nilalang gikan sa masanag ug balan nga serapin ngadto sa tawo, mahimong templo nga puy-anan sa Manlalalang. Tungod sa sala, ang katawhan nahumong sa pagkahimong templo sa Dios. Nangingitan ug nahugawan pinaagi sa dautan, ang kasinkasing sa tawo wala na magpadayag sa himaya sa Dios. Apan pinaagi sa pagpakatawo sa Anak sa Dios, ang katuyoan sa langit natuman. Ang Dios nagapuyo sa katawhan, ug pinaagi sa makulwas nga grasya ang kasingkasing sa tawo nahimon pag-usab nga Iyang templo.”The Desire of Ages, p. 161. B. Unsa ang pagtawag sa mga manulonda sa pagpakatawo ni Jesus, ug ngano? Lukas 2:6-11 “ Kalipay ngadto sa mga kabus, tungod kay si Kristo mianhi sa paghimo kanila nga manununod sa Iyang gingharian! Kalipay ngadto sa mga adunahan, tungod kay Siya magatudlo kanila unsa pagamit sa ilang mga yutan-aong bahandi aron kini makatigum alang kanila ug bahandi nga walay katapusan didto sa langit! Kalipay ngadto sa mga inosente, tngod kay siya mianhi sa paghatag ug kaalam ngadto sa kaluwasan! Kalipay ngadto sa mga maalam, tungod kay Siya maga-abli sa ilang salabutan ug lawum nga mga misteryo nga wala pa nila matugkad sukad!” The Spirit of Prophecy, vol. 2, p. 191.“Ang pakig-angay ni Kristo sa katungod sa tawo maoy usa ka kahibulongan sa mga manulonda. Katubsanan pinaagi ni Kristo maoy alang kanila usa ka misteryo sa gugma ug kaalam.” The Review and Herald, July 15, 1909.

PERSONAL UG SUBLI NGA MGA PANGUTANA Biyernes Mayo 13

1. Ngano nga si Adan ug si Eva gitugotan nga mabuhi sulod sa gatosan ka mga tuig human sila nakasala? 2. Unsa ang gisaad ni kristo sa atubangan sa Dios nga maoy naghatag sa tawo ug ikaduhang higayon. 3. Ngano nga si Kristo na-obliga sa pagkuha sa nahulog nga kahimtang ni Adan? 4. Unsay magahimo nga imposible alang kang Kristo sa pagtubos sa tawo nga wala nag pagpakatawo? 5. Imo bang nakaplagan ang pagkatawo ni Kristo usa ka maayong balita alang kanimo? Ngano?