1. ANG MISYON SA IGLESIA Domingo Abril 17

a. Unsa ang dakong misyon nga gihatag sa iglesia nga nagkinahanglan ug tinud-anay nga organisasyon aron mahimo kini? Mateo 28: 18,19 “ Ang misyon sa iglesia ni Kristo mao ang pagluwas sa nagakalaglag nga mga makasasala. Kini mao ang pagpahibalo sa gugma sa Dios ngadto sa mga tawo ug sa pagdaug kanila ngadto kang Kristo pinaagi sa epikto niana nga gugma. Ang kamatuoran alang niini nga panahon kinahanglan pagadalhon sa mangitngit nga mga kanto sa yuta, ug kining nga buhat magsugod sa puloy-anan.”- Testimonies, vol 3, p. 381. b. Unsa ang mga unang lakang nga gihimo ni Kristo diha sa pag-organisar sa iyang iglesia sa bag-ong tugon? Marcus 3:13,14. Unsa ang padayon nga lakang mahitungod sa organisasyon sa iglesia nga nahimo sa mga apostoles alang sa pag-abante sa ebanghelyo.? Acts 6:1-6 “ Didto sa pag-ordina sa napulo ug duha nga ang unang lakang gihimo sapag-organisar sa iglesia aron human sa paggikan ni Kristo maoy modala saIyang bulohaton dinhi sa yuta.....Pinaagi niining maluyahon nga mga buhatan, pinaagi sa pulong ug sa Espiritu, { ang Gahum sa langit} nagdesenyo sa pagbutang sa kaluwasan nga makab-ot sa tanan..”- The Acts of the Apostles, p. 18

---

2. ANG KOMISYON NAG-APIL SA TANANG TUMOTUO Lunes Abril 18

a. Sa unsang duha ka mga okasyon nga ang komisyon sa pag-ebanghelyo gihatag? Marcus 16: 14,15; Mateo 28: 16-20; I Corinto 15:6. Unsa nga leksyon ang atong makat-onan gikan niiini nga buhat? “ Ang komisyon gihatag ni Kristo sa napulo’g duha sa dihang si kristo nakigtagbo uban kanila sa taas nga lawak; apan karon kini gihatag sa ubay-ubay nga ihap. Sa tigom didto sa bukid sa Galilea, ang tanang mga tumotuo nga kinsa pwede tigumon, nagtigom. Niini nga panagkatigum Si Kristo mismo sa Iyang kaugalingon, sa wala pa ang Iyang kamatayon, nagpahamutang sa panahon ug luna....“Mao lamang kini ang higayon pakighinabi ni Jesus sa daghang mga tumotuo human sa iyang pagkabanhaw. Siya miabot ug miingon kanila’Ang tanang gahum gihatag nganhi kanako sa Langit ug sa yuta’( Mateo 28:18)“Nabistihan sa walay kinutubang katungod, Siya mihatag sa iyang komisyon sa mga tinun-an: panglakaw kamo, ug tudloi ang tanang kanasuran’( vs 19).” The Desire of Ages” pp, 818,819“ Ang komisyon sa Manluluwas ngadto sa mga tinun-an nag-apil sa tanang mga tumotuo . Kini na nag-apil sa mga tumotuo diha kang Kristo ngadto sa katapusang panahon. Maoy makamatay nga sayop ang paghuna-huna nga ang buhat sa pagluwas ug kalag nagdepende lamang sa mga ordinadong ministro... Tanan nga midawat sa kianbuhi ni Kristo gi-ordinahan sa pagbuhat alang sa kaluwasan sa ilang isigkatawo. Alang niini nga buhat nga ang iglesia gitukod, ug tanan kinsa modawat sa ilang kaugalingon sa sagradong pakigsaad nanumpa nga mahimong magbubuhat kauban ni Christo”- Ibid, p. 822. b. Asa ni Kristo gitudloan ang iyang mga tinun-an sa pagsugod sa ilang buhat sa pagwali? Lukas 24:47. Gi-unsa nimo paghuna-huna nga kini aplikado alang kanato? “Ang mga tinun-an nagsugod sa ilang buhat kun diin sila. Ang pinakalisud ug walay paglaum nga kaumhan dili gayud pagasayloan. Busa ang matag nga magbubuhat ni Kristo magsugod kun asa siya. Sa atong kaugalingong mga pamilya siguro mga kalag nga gutom ug sempatiya, gutom sa tinapay sa kinabuhi. Dunay mga anak nga tudloan alang kang Kristo. Adunay mga hentil sa atong ganghaan mismo. Atong buhaton sa kamatinud-anon ang buhat nga pinakadoul. Unya tugoti nga ang pagpaningkamot malugwayan sa ingon nga ang kamot sa Dios maoy igiya sa dalan. Ang buhat sa kadaghan usahay makita nga nababagan sa mga sirkumstansya; apan, asa man kini, kung gihimo uban ang pagtuo ug kakugi kini bation ngadto sa kinatumyan sa yuta.” Ibid.

---

3. ABOTON ANG TANANG MATANG SA KATAWHAN Martes Abril 19

a. Gi-unsa nato pagkahibalo nga ang Dios wala magpihig ug mga tawo? Roma 2:11; Mateo 5:45; 1 Juan 2;2. “ Si Kristo wala mo-ila sa kalainan sa nasyonalidad o rangko, o tinoohan, ang mga scriba ug mga Pariseo nagtinguha sa paghimog usa ka lokal o nasudnong benepisyo sa mga gasa sa langit ug nagsalikway sa uban nga kapamilya sa Dios dinhi sa kalibutan. Apan si Kristo mianhi sa pagbungkag sa matag pader sa pagkabahin. Siya mianhi aron sa pagpakita nga ang Iyang gasa sa kalooy ug gugma kini wala makulong sama sa hangin, sa kahayag, o sa tinulo sa ulan nga nagpapresko sa yuta.” The Ministry of Healing, p. 25 b. Gi-unsa ni Jesus kita pagtudlo pinaagi sa latid ug ihemplo nga ang ebanghelyo igawali sa ubos nga matang, mga kabus, mga masakiton, ug mga sinalikway? Juan 4:5-9; Mateo 9:10-13; 10:7,8 “ Sa lamesa sa mga maniningil ug buhis[Si Kristo] milingkod ingon nga pinasidunggang bisita, pinaagi sa Iyang sempatiya ug sosyal nga kalooy nga Siya mi-ila sa dignidad sa tawo; ug ang mga tawo nangandoy nga mahimong takus sa Iyang pagsalig....“Bisan Siya usa hudeo, si Jesus libreng nakighalobelo sa mga samaritano, sa pagwala sa mga Parianong mga kustombre sa Iyang nasud. Sa atubangan sa ilang pagpihig Siya nagdawat ug pag-abi-abi niining tinamay nga katawhan. Natulog Siya uban kanila ilalum sa ilang mga atop, nagkaon uban kanila sa ilang mga lamesa, miambit sa ilang pagkaon nga giandam ug gisilbi sa ilang mga kamot- nagtudlo sa ilang mga dalan, ug nag-isip kanila sa pinakamaayong pagtagad ug pagtahod.”- Ibid, p. 26 c. Gi-unsa nato pagkahibalo nga si Jesus nag-alagad usab sa arangan ug adunahan nga matang? Juan 3:1-3; Mateo 8:5-10; Lukas 19:1-5. “ Si Kristo nagwali sa maayong balita ngadto sa mga kabus, apan wala siya maglimit sa iyang buhat niini nga matang. Siya mibuhat alang sa tanan kinsa gusto nga maminaw sa Iyang Pulong-- dili lamang sa mga maniningil ug buhi ug mga sinalikway, apan sa mga adunahan ug mga na-ugmad nga mga Pariseo, sa halangdon nga hudeo, sa senturyon, ug Romanong pangulo. Kini mao ang matang sa buhat nga Akong nakita nga kinahanglan pagabuhaton.” Evangelism, p. 549.

---

4. GIKINAHANGLAN ALANG SA PAG-ANHI NI JESUS Miyerkules Abril 20

a. Unsang bulohaton sa iglesia kinahanglan matapos sa dili pa moabot ang katapusan? Mateo 24;14; Pinadayag 14:6,7. Sa unsang “katapusan” ang gitudlo dinhi ug unsang mahimayaong panghitabo nga kini nadugtong? Mateo 24:3 “ Diha sa tagna sa [Pinadayag 14:6,7. Kini nga pasidaan sa paghukom uban sa kadugtong nga mga mensahe, maoy gisundan sa pag-anhi sa Anak sa Tawo sa panganod sa Langit. Ang pagmantala sa paghukom maoy usa ka pagpahibalo sa nga ang ikaduhang pag-anhi ni Kristo hadoul na. Ug kini nga pagmantala gitawag ug walay katapusang maayong balita. Mao nga ang pagwali sa ikaduhang pag-anhi ni kristo , ang pagpahibalo sa kaduol niini, gipakita nga mahinungdanong bahin sa mensahe sa ebanghelyo.” Christ Object Lessons, pp. 227,228 b. Kang kinsa gihatag ang buhat sa paghatag sa katapusang mensahi sa kalooy ngadto sa kalibutan? Pinadayag 3:14 “Diha sa pinashe nga pagsabut ang Seventh-day Adventist maoy gipahamutang sa kalibutan ingon nga mga magbalantay ug magdadala sa kahayag. Ngadto kanila gisalig ang katapusang pasidaan alang usa ka nagakalaglag nga kalibutan. Diha kanila nagasidlak ang kahibulongang kahayag sa pulong sa Dios. Sila gitugyanan sa usa ka bulohaton nga pinaka solemni gayud- ang pagmantala sa una, ikaduha, ug ikatulo nga mensahi sa manulonda. Wala nay uban pang bulohaton nga labing kinahanglanon. Sila kinahanglan dili motugot nga duna pay maka-agaw sa ilang atensyon.” Testimonies , vol. 9, p. 19 c. Unsa ang kinasingkasing nga handum sa salin nga iglesia sa Dios karon, nga maoy modala niini nga buhat sa kakumpleto? Salmo 119:125-127 “ Dinhi gihatag ang mga kinaiya niadtong kinsa mga repormador, kinsa magdala sa bandila sa ikatulong mensahi sa manulonda, niadtong kinsa nag-angkon sa ilang mga kaugalingon nga nagbantay sa kasugoan sa Dios nga katawhan, ug kinsa nagpasidungog sa Dios ug sa kamasingkamuton ni-apil diha sa panlantaw sa tibook uniberso sa pagtukod sa mga nagun-ob nga mga dapit. Kinsa ang nagtawag kanila nga mga-aayo sa mga guba, ang tigpasig-uli sa mga alagian aron pagapuy-an? Mao ang Dios. Ang ilang mga pangalan nasulat sa langit ingon nga mga repormador, tigpasig-uli, ingon nga nagapatindog sa mga patukoranan sa .sa daghang mga kaliwatan.” The SDA Bible Commentary [E.G. Comments] vol, 4. 1151

---

5. PAGHATAG GAHUM GIKINAHANGLAN SA PAGTAPOS SA BUHAT Huwebes Abril 21

a. Unsa ang nahimo sa sayong iglesia sa unang siglo, ug gi-unsa nila paghimo ang maong bulohaton? Roma 10:18; Colosas 1:23; Buhat 1:18 b. Ingon nga kita nangita sa pagpahibalo sa kalibutan karon uban sa populasyon nga mo-abot sa 7 ka bilyon nga mga tawo, unsa ang angay hinumduman sa mga repormador? Zacrias 10:1 c. Unsa ang kinahanglan unang masinatian sa matag membro sa iglesia sa dili pa sila sa kamalampuson mowali sa ebanghelyo sa kalibutan? Buhat 3:19,20. Unsa man gayud ang ilang pangayoon? Zacarias 10:1 “Ang dakong buhat sa ebanghelyo dili mosara uban sa dyutayng pagpadayag sa gahum sa Dios kay sa nakita nato sa pag-abli niini. Ang mga tagna nga nangatuman sa pagbubo sa unang ulan sa pag-abli sa ebanghelyo matuman pag-usab diha sa ulahing ulan sa pagtapos niini.” The Great Conroversy, pp. 611,612

PERSONAL UG SUBLI NGA MGA PANGUTANA Biyernes Abril 22

1. Unsang misyon ang gihatag pinaagi ni Kristo sa Iyang organisadong iglesia dinhi sa yuta? 2. Ang komisyon ba sa pagwali sa ebanghelyo gihatag lamang sa mga ordinadong ministro? 3. Unsang bulohaton nga tinood nga Seventh-day Adventist mo-apil karon? 4. Pinaagi sa unsang gahum nga ang buhat sa Dios dinhi sa yuta sa kamalampuson matapos? 5. Unsang importanteng bulohaton ang imong kinahanglang buhaton sa pag-andam sa imong kaugalingon alang sa pagbubo sa ulahing ulan.?