1. ANG SENTRO NGA TEMA SA ATONG MENSAHE Domingo Mayo 1, 2016

a. Sa ato nang natun-an, unsa ang pinasahi nga mensahe sa Adventistang mga repormador nga igahatag sa kalibutan? Pinadayag 14: 6-12 b. Sama sa sayong iglesia, unsa nag sentro nga tema sa atong mensahe ngadto sa kalibutan? Buhat 5:42; 1 Corinto 2:2 “Sa tanan nga naga-angkon nga mga Kristohanon, ang Seventh-day Adventist kinahanglan mao ang painaka-una diha sa pagtuboy ni Kristo ngadto sa kalibutan. Ang pagmantala sa ikatulong mensahi sa manolunda nagatawag alang sa pagpresentar sa kamatuoran sa adlawng igpapahulay. Kini nga kamatuoran, uban sa laing pang nahilakip niini nga mensahi, maoy igamantala; apan ang dakong sentro sa pagdani, Si Kristo Jesus, kinahanglan dili mawala. Diha sa krus ni Kristo nga ang kalooy ug kamatuoran nagtagbo, ug ang pagkamatarung ug kalinaw nag-abot usag-usa. Ang makasasala kinahanglan magiyahan nsa pagtan-aw ngadto sa kalbaryo; uban sa simple nga pagtuo sa usa ka bata siya kinahanglan mosalig sa merito sa Manluluwas, dawatong ang iyang pagkamatarong, ug nagatuo sa Iyang kalooy. “ Gospel Worker, pp. 156,157

---

2. SI KRISTO LAMANG ANG MANLULUWAS Lunes Mayo 2

a. Tungod kay ang ebanghelyo mahitungod tanan kang Kristo( Roma 1:1-3) unsang kaalam ang atong kinahanglan una mabatonan ug unya molakaw ug mowali niini sa kalibutan? 2 Pedro 3;18 Pilipos 3:7-8. “ Walay tawo nga magmalampuson sa iyang pagpangalagad sa Dios hangtud nga ang iyang tibook nga kasingkasing maanaa sa buhat ug isipon niya ang tanang butang nga logi tungod sa kalabaw sa kaalam ni Kristo.”- The Desire of Ages, p. 273. b. Ngano nga ang kahibalo sa matuod nga Kristo importante man kaayo? Mateo 24:24. Gi-unsa sa mga bakak nga Kristo ug bakak nga propeta pagpakita atubangan sa katawhan? 2 Corinto 11:13-15; Mateo 7:15. “ Ang nahulog nga mga manulonda nagporma ug panaghiusa uban sa dautang mga tawo. Niini nga panahon ang antikristo magpakita ingon nnga tinood nga Kristo, ug unya ang balaod sa Dios himoong pagayatakn sa mga kanasuran sa yuta. Pagrebelde batok sa balaang balaod mahimong mahinog gayud. Apan ang tinood nga lider sa tanang niini nga pagrebelde mao si Satanas nga nagbisti ingon nga angel sa kahayag. Ang mga tawo malimbongan ug nga motuboy kaniya sa luna sa Dios ug magpasipala sa iyang kaniya.”- The Review and Herald, September 12, 1893. c. Ngano nga importante man nga ang Kristo nga atong tuohan ug iwali mao ang tinood nga Kristo nga giwali pinaagi sa orihinal nga mga apostoles? Juan 14:6; Buhat 4:10-12. “ Duna lamang usa ka dalan sa langit. Kita kinahanglan magalakaw diha sa mga lakang ni Jesus, magabuhat sa Iyang bulohaton, maingon nga siya nagabuhat sa bulohaton sa Iyang Amahan. Kita kinahanglan magtuon sa Iyang mga dalan, dili ang ga dalan sa tawo; kinahanglan mosunod sa Iyang kabubut-on, ug dili ang ato... Siya ang Dalan, ang Kamatuoran, ug ang Kinabuhi.”- Our Fathers Cares, p. 264.“Kung ikaw nakabalo sa imong mga sala, ayaw gamita ang tanan mong gahum sa pagkasubo kanila, apan tuman-aw ka ug mabuhi. Si Jesu-Kristo mao lamang ang Manluluwas; ug .... Walay usa nga misalig sa Iyang merito nga pasagdan nga malaglag. Samtang atong ma-amgohan ang atong kawalay mahimo nga kahimtang kun wala si Kristo, kita kinahanglan dili maluya; kita kinahanglan mosandig sa usa ka nalansang ug nabanhaw nga Manluluwas. Kabus, nagmasikon sa sala, naluya nga kalag, tan-aw ug mabuhi. Si Jesus nagasaad sa iyang mga pulong; Siya magaluwas sa tanan nga moduol kaniya.”- Selected Messages, bk. 1, p. 352

---

3. MGA TIMAILHAN SA TINOOD NGA KRISTO Martes Mayo 3

a. Gi-unsa sa Biblia paghubit ang pagkahiusa sa langitnon ug tawhanon nga kinaiya diha sa persona ni Jesu-Kristo? Pilipos 2;5-8 “[ Ang tigmugna sa atong kaluwasan] nagbulontaryo nga nagkuha sa tawhanong kinaiya. Kini sa Iyang kaugalingon lihok, ug pinaagi sa Iyang kaugalingong kabubut-on. Iyang gibistihan ang langitnon sa pagkatawhanon. Siya sa gihapon Dios sa tanan, apan wala Siya magpakita ingon nga Dios. Iyang gitabonan ang mga pasundayag sa pagka-Dios diin nagsugo ug pagsimba , ug nagatwag ug pagdayeg, sa uniberso sa Dios. Siya Dios samtang dinhi sa yuta, apan Iyang gihukasan ang kaugalingon sa porma sa Dios, diha niini mikuha sa porma ug hitsura sa tawo. Siya naglakaw dinhi sa yuta ingon sama sa usa ka tawo. Alang kanato Siya nahimong kabus, aron pinaagi sa Iyang kakabus kita mahimong datu. Iyang gipadaplin ang Iyang himaya ug pagkagamhanan. Siya Dios, apan ang himaya sa kahimtang sa pagkadios sa hamubong panahon Iyang gibiyaan.” The Rview and Herald, July 5, 1887. b. Sa Iyang pagkatawhanon, pila ka tuig si Jesus sa dihang ang iyang ginikanan nalimot Niya sulod sa tulo ka adlaw sa panahon sa pista sa pasko, ug pila ang Iyang edad sa dihang siya gibawtismohan ni Juan Bautista? Lukas 2:42,43; 3:21-23 “ Kita buot gayud nga makasabot sa tinood nga pagkatawhanon sa atong Ginoo. Ang langitnon ug tawhanon nadugtong diha kang Kristo, ug parehong hingpit.” - Selected Messages, bk. 3,p. 135 c. Sa Iyang pagkadios, sa unsa kadugay nga Siya naglungtad. Michias 5:2; Juan 17:5,24. “Si Kristo kauban sa Amahan sa wala matukod ang pundasyon sa kalibutan....‘ Si Kristo mao ang naglungtad, ug kaugalingon nga milaungtad nga Anak sa Dios.... Sa paghisgot sa Iyang paglungtad, si Kristo magadala sa huna-huna ngadto sa walay petsa nga mga katuigan. Siya nagsiguro kanato nga walay panahon nga Siya wala makauban sa walay katapusan nga Dios...“Ang Iyang diosnong kinabuhi dili matukib pinaagi sa tawhanong pagbasi. Ang paglungtad ni Kristo sa wala pa siya matawo, dili masukod piaagi sa mga pag-ihap.” The Faith I Live By, p. 46.

---

4. MGA TIMAILHAN SA TINOOD NGA KRISTO( gipadayon) Miyerkules May 4

a. Gi-unsa ni Jesus paghubit ang kamatuoran nga Siya sa kaugalingon naglungtad nga Dios ug nga nagpakita kang Moises didto sa bukid sa Horeb? Juan 8:58( itandi sa Exudo 3:14,15) “Uban sa solemning dignidad si Jesus mitubag, sa pagkatinood sa pagkatinood ako maga-ingon kaninyo, sa wala pa si Abraham mao na Ako’( Juan 8:58) Ang pangalan sa Dios, gihatag kang Moises sa pagpahayag sa idiya sa walay katapusang presensya, nga gi-angkon nga Iyang kaugalingon pinaagi niini mga taga- Galilea nga mga magtutudlo. Iyang gipahibalo nga siya mismo ang nagalungtad nang daan.,Siya nga nagsaad sa Israel, kansang kaagi sa kagikan gikan pa sa kanhing panahon, gikan sa walay katapusan.”( Micah 5:2) margin- The Desire of Ages, pp. 469–470.“Siya mao si Kristo kansa gikan sa tanum sa bukid sa Hored nag-ingon kang Moises’AKO MAN ANG MAO AKO..... Ug igasulti mo kini sa mga anak sa Israel, si AKO MAN ang nagsugo kanako nganhi kaninyo (Exudo 3:14) Kini mao ang panaad sa pagluwas sa Israel. Busa sa dihang Siya mi-anhi sa sama sa mga tawo, Siya mipahayag sa Iyang kaugalingon nga MAO AKO. Ang Bata sa Bethlehem, ang maaghop ug mapaubsanon nga Manluluwas, mao ang Dios nga napadayag sa unod’( 1 Timoteo 3:16)”- Ibid p. 24 b. Gi-unsa ni Jesus pagpahayag ang kamatuoran nga ingon nga diosnong kinabuhi Siya adunay sama nga diosnong kinaiya, pagkamao, ug mga hiyas sama sa Dios Amahan? Juan 10:27-30; Colosas 1:18,19 “Si Kristo, ang Pulong, ang bugtong anak sa dios, uban sa Amahan nga walay katapusan- usa sa kinaiya, sa gawi , ug katuyoan- ang mao lamang butang nga makasulod sa tanan nga mga pakigsabot ug mga katuyoan sa Dios.’Ang Iyang ngalan pagatawgon nga Kahibulongan, Magtatambag, Ang dios nga makagagahum, Amahan nga walay katapusan, Ang Prinsipe sa Kalinaw’( Isaias 9:6)’- Patriarch and Prophets, p. 34“[Juan 10:21-30 gikutlo] ... Ang mga Hudeo wala pa gayud makadungog sa maong pulong gikan sa tawhanong mga ngabil, ug usa ka maka paila sa sala nga inpluwensya miabot kanila; tungod kay ingon nga ang pagkadiosnon mikidlap sa pagkatawhanon sa pag-ingon ni Jesus ‘Ako ug ang Akong Amahan usa lamang kami.’’ Ang mga pulong Ni Kristo puno ug lawum nga kahulogan ingon nga Siya naghimo sa pag-angkon nga Siya ug ang Amahan usa lamang ka pagkamao, ug dunay sama nga mga hiyas, “ The Signs of the Times, November 27, 1893

---

5. USA KA LANGITNONG KA-MANLALANGAN UBAN SA AMAHAN Huwebes Mayo 5

a. Pinaagi kang kinsa nga ang kalibutan gillalan, ug unsa ang kamahinungdanon niini nga kamatuoran mahitungod sa paglungtad nang daan ni Kristo? Juan 1:2, 3; Efeso 3:9; Colosas 1:15-17 “ Kung si Kristo ang naglalang sa tanang butang, Siya milungtad sa wala pa ang tanang butang. Ang mga pulong nga gisulti mahitungod niini klaro kaayo aron walay ma-usa nga magpabilin diha sa pagduha-duha. Si Kristo sa kahinungdanon kaayo Dios gayud sa hataas nga pagsabot. Siya kauban sa Dios gikan sa walay katapusan, Dios sa tanan. bulahan sa hangtud sa kahangturan.”- Selected messages, bk. 1. p. 247. b. Gi-unsa sa Dios, ang Amahan, pag-ila ang pagkadios ni Kristo, ug unsa ang kasiguruhan ang ikahatag niini mga pagpamatuud? Hebreohanon 1:8-12. “ Siya nga motuo Kanako’nag-ingon si Jesus, bisan siya mamatay, mabuhi ra gihapon siya: ug si bisan kinsa nga nabuhi ug motuo Kanako dili siya mamatay. Ningtuo ka ba niini? (Juan 11:25) Dinhi niini si Kristo naglantaw sa panahon sa Iyang ikaduhang pag-anhi. Ug unya ang mga nangamatay nga mga matarung pagbanhawon nga dili na madunoton, ug ang mga buhi pagalalinon nga sa langit nga dili makakita ug kamatayon. Ang milagro nga diin gihimo ni Kristo, sa pagbanhaw kang Lazaru gikan sa mga patay, mag-representar sa pagbanhaw sa tanang namatay nga mga matarung. Pinaagi sa Iyang mag pulong ug mga buhat, siya nagpadayag sa Iyang kaugalingon nga tigmugna sa pagkabanhaw. Siya kinsa sa Iyang kaugalingon hapit na mamatay didto sa krus, mibarog uban sa yabe sa kamatayon, usa ka nagmadugon sa lubnganan, ug nagpamatuud sa Iyang katungod ug gahum sa paghatag ug kinabuhing walay katapusan.” The Desire of Ages, p. 530.

PERSONAL UG SUBLI NGA MGA PANGUTANA? Biyernes Mayo 6

1. Unsa ang kinahanglan sentro sa mensahe nga atong pagadalhon sa kalibutan? 2. Unsaon nimo pag-ila ang bakakon nga Kristo nga nag-ankon nga tinood nga Kristo? 3. Diin sa persona sa pagka-dios ang nagpakita kang Moises sa Horeb? 4. Unsaon nimo pagproyba gikan sa Biblia nga si Jesus usa ka-manlalalang kauban sa Amahan? 5. Kung si Jesus ang Manlalalang, Unsa ang igasulti kanato niini nga kamatuoran mahitungod Kaniya?