1. ANG PANGTUBOS NAKAPLAGAN Domingo Mayo 22

a. Unsa ang tag-na ang gihimo sa Dios diha sa kasinatian sa paghalad kang Isaac, ug unsa ang kamahinungdanon niini diha sa kasinatian sa tawo? Genesis 22: 7-13; Job 33:24 “ Ang lakin nga karnero diha sa luna ni Isaac nagrepresentar sa Anak sa Dios, kinsa igahalad sa atong dapit. Sa dihang ang tawo nalaglag sa kamatayon pinaagi sa paglapas sa kasugoan sa Dios, ang amahan, nagalantaw sa Iyang Anak, miingon sa makasasala, ‘Mabuhi ka; Ako nakakaplag ug pantubos.” Patriarchs and Prophets, p. 154. b. Kunas-a ang tag-na gihimo alang sa kaluwasan sa tawhanong kaliwat? Mateo 25:34; Pinadayg 13:8 ( Katapusang bahin) “ Sa dihang ang tawo.... mihimo sa pinaka butang nga gidili sa Dios, Si Kristo ang Anak sa Dios, mibarog taliwala sa buhi ug minatay, nga naga-ingon, Tugoti nga ang silot nganhi Kanako. Ako mobarog sa luna sa tawo. Kinahanglan siya hatagan ug laing higayon.”- The SDA Bible Commentaryo[ E. G. Comments] vol. 1. P. 1085

---

2. ANG PAGLAUM NASENTRO SA UMALABOT NGA MANLULUWAS Lunes Mayo 23

a. Gikan sa unsang gitas-on nga si Jesus mianhi aron mamatay alang sa mga sala sa katawhan? 1 Timteo 6:14,16; Pilipos 2:6. “ [Si Jesus] mitanyag sa iyang kinabuhi nga usa ka pantubos, sa pagkuha sa sentensya sa kamatayon ngadto sa Iyang kaugakingon, aron nga pinaagi Kaniya ang tawo makakaplag ug kapasayloan.; aron pinaagi sa merito sa iyang dugo, ug pagsunod ngadto sa kasugoan sa Dios, sila makabaton ug pabor sa Dios, ug pagadalhon didto sa matahum nga tanaman ug mokaon sa bunga sa kahoy sa kinabuhi.....“ Iyang pagabiyaan ang tanang himaya sa langit, moanhi sa yuta ingon nga tawo, magpaubosa sa Iyang kaugalingon igon nga usa ka tawo... Siya mamatay sa pinakabangis nga kamatayon, bitayon taliwala sa mga langit ug sa yuta ingon nga sad-an. “ Early Writings , pp. 149, 150. b. Unsang saad ang gihatag sa tawo human siya nakasala, ug unsa kamahinungdanon ang anaa niini nga saad? Genesis 3:15 “ [ Genesis 3:15 gikutlo] Kini nga sentensya, nga gilitok sa unang husay sa atong unang mga ginikanan, maoy usa ka saad alang kanila.....“Ang mga langitnong manulonda sa labi pa gayud nag-abli ngadto sa atong unang mga ginikanan sa plano nga nahimo alang sa ilang kaluwasan.... Ang Anak sa Dios nagtanyag sa pagbayad pinaagi Iyang kinabuhi alng sa ilang paglapas. Usa ka kahigayonan ang igahatag ngadto kanila, ug pinaagi sa paghinulsol ug pagtuo diha kang Kristo, sila mahimo pag- usab nga mga anak sa Dios.”- Patriarchs and Prophets, pp. 65–66 c. Human ang sala misulod sa kalibutan, unsa ang pamaagi ang gihatag ngadto kang Adan ug sa iyang kaliwatan ug unsa ang katuyoan? Genesis 4:3-5; Hebreohanon 9:13,14,28 “ Alang sa nahulog nga tawo napadayag ang plano sa dili matukib nga sakripisyo pinaagi sa giandam sa plano sa kaluwasan. Walay lain kondili ang kamatayon sa pinalanggang Anak sa Dios ang makabayad sa sala sa tawo, ug si Adan nahibulong sa kaayo sa Dios sa paghatag sa ingon niini nga pantubos alang sa makasasala.,,, Pinaagi sa tinukod nga sestema sa paghalad ug sakripisyo, ang kamatayon ni Kristo masukad pa pagabantayan sa masalaypon nga tawo, aron nga siya makasabot pag-ayo sa kinaiya sa sala, ug sa resulta sa paglapas ug sa merito sa langitnong halad.” The Signs of the Times, Feb 20, 1893.

---

3. MANLULUWAS SA TANANG KATAWHAN Martes Mayo 24

a. Sa dihang miabot na ang tamang panahon, unsa ang disisyon sa Amahan nga buhaton aron sa pagluwas sa katawhan gikan sa pagka-ulipon sa sala? Galacia 4:4,5. Alang kang kinsa ang pag-anhi ni Kristo dinhi sa kalibutan aron pagaluwason? 1 Timoteo 4:10; 1 Juan 4:14 “[ si Kristo nag-antus sa kamatayon alng sa matag tawo, ug tungod niini Siya adunay makapatandog ug lawum nga interes sa matag tawo.”- Testimonies, vol. 9, p. 222“ Ang mga Samaritano mituo nga ang Mesias moabot ingon nga manunubos, dili lamang sa mga Hudeo, apan sa kalibutan. Ang Balaang Espiritu pinaagi kang Moises nagtagna Kaniya ingon nga propeta gipadala gikan sa Dios. Pinaagi kang Jacob kini gipahayag nga ngadto Kaniya matigum ang mga katawhan; ug pinaagi kang Abraham, nga diha Kaniya ang tanang mga nasud sa yuta mapanalanginan. Niini nga kasulatan ang katawhan sa Samaria nagpasikad sa ilang pagtuo diha sa Mesias...“ Si Jesus nagsugod sa pagbungkag sa pader sa panagkabahin tali sa Hudeo ug hentil, ug sa pagmatala sa kaluwasan ngadto sa kalibutan,”The Desire of Ages, p. 193. b. Aron nga mahimong Manluluwas sa kalibutan, diha sa unsang matanga si Kristo mianhi sa kalibutan. Pilipos 2:7,8. c. Sa dihang si Kristo namatay alang sa tanang katawhan, unsang mga pulong ni Jesus ang nagsulti kanato , nga ang Iyang pagkatawhanon ang namatay ug dili ang Iyang pagka-Dios? “ Siya nga nag-ingon ‘Akong ihalad ang akong kinabuhi aron pagbawion ko kini pag-usab( Juan 10:17) migula gikan sa lubnganan sa kinabuhi nga naa sa iyang Kaugalingon. Ang pagkatawhanon ang namatay, ang pagka-diosnon wala mamatay. Sa Iyang pagka-Dios, si Kristo nagbaton ug gahum sa pagbugto sa kutay sa kamatayon. Siya nagpahayag nga dunay kinabuhi sa Iyang kaugalinon sa pagbuhi niadtong Iyang gusto nga buhion.”Selected Messages, bk. 1 p. 301.“ Ako mao ang pagkabanhaw ug ang kinabuhi’(Juan 11:2). Kini nga pinulongan pwedeng lamang gamiton sa Dios. Ang tanang mga butang binuhat nabuhi pinaagi sa kabubut-on ug gahum sa Dios. Sila nagadepende nga mga tagadawat sa kinabuhi sa Anak sa Dios... Sila nahatagan ug kinabuhi gikan sa tinubdan sa kinabuhi. Siya lamang nga dunay kinabuhing dayon , nagapuyo sa kahayag ug kinabuhi, ang pwedeng mo-ingon ‘Ako dunay gahum nga ihalad ang akong kinabuhi ug Ako dunay gahum sa pagbawi niini pag-usab.” The SDA Bible Commentary [ E. G. White Comments] vol. 5 p. 1113

---

4. ANG IKADUHANG KAMATAYON GIWALA ALANG SA MGA MITUO Miyerkules Mayo 25

a. Sa dihang ang silot sa walay katapusang kamatayon ipahamtang na niadtong nagsalikway kang Kristo ingon nga ilang Manluluwas, unsa ang tawag niini, ug ngano? Pinadayag 20:14; 21:8 “ Ang bayad sa sala mao kamatayon; apan ang gasa sa Dios mao ang kinabuhing dayon pinaagi kang Jesu-Kristo nga aton Ginoo’ ( Roma 6:23) SAmtang kinabuhi ang panulondon sa mga matarung, kamatayong mao ang bahin sa mga dautan. Si Moises nagpahayag sa Israel: ‘Ako nagbutang sa atubangan nimo niining adlawa kinabuhi ug maayo, ug kamatyon ug dautan( Deuteronomeo 30:15). Ang kamatayon nga gitudlo niini nga mga kasulatan.... Mao ang ikaduhang kamatayon nga gibutang kumpara sa kinabuhing dayon.” The Great Controversy, p. 544. b. Gi-unsa ni Jesus pagsinati ang pagbati sa kawalay paglaum niadtong mo-antus sa ikaduhang kamatayon? Mateo 27:46; Hebreohanon 2:9. “ Gibati pag-ayo ni Kristo ang samang bation sa makasasala sa dihang ang panaksan sa kapungot sa Dios igabubo na kanila. Kawalay paglaum, sama sa pdag-um sa kamatayon, ang mopalibot sa masalaypon nga mga kalag , ug unya sila maka-amgo sa ngadto sa bug-os gayud ang kadautan sa sala..... KUng sila modumili sa kaayohan sa langit.... Sila dunay ilang pagpili, ug sa katapusan modawat sa ilang bayad, nga mao ang kapungot sa Dios ug ang dayon nga kamatayon. Sila sa hangtud mabulag na gikan sa presensya ni Jesus , kansang sakripisyo ilang gitamay.- Testimonies vol. 2, p. 210 c. Pinaagi sa kamatayon, unsa ang giwagtang ni kristo alang kanato, ug unsa ang gihimo Niyang posible alang kanato? 2 Timoteo 1:10; John 5:24; Pinadayag 2:11 “ Walay kamatayon, gisaad sa tawo sa kondisyon sa pagsunod, ug nawala tungod sa paglapas.... Wala na untay paglaum alang sa nahulog nga kaliwat kung wala pa ang Dios, pinaagi sa pagsakripisyo sa Iyang anak, nagdala sa walay kamatayon nga ilang makab-ot... Ang matag tawo pwede nga makaabot sa pagbaton niining dili mapresyohan nga panalangin kung siya mosunod lang sa mga kondisyon. Ang tanan ‘ nga sa kamapa- ilubon magpadayon sa mga maayong buhat mangita sa himaya ug dungog ug walay kamatayon, makabaton ug kinabughing dayon.’( Roma 2:7). The Great Controversy, p. 533.

---

5. USA KA KAHIBULONGAN NGA BAYLO Huwebes Mayo 26

a. Ngano nga gi-antus ni Kristo ang bug-os nga silot sa sala samantala nga Siya wala may sala? 2 Corinto 5:21; Titu 2:14. “ Si Jesus mikuha sa pagkatawhanon diha Kaniya, sa pagbuhat sa ingon unsang dungog diha sa katawhan! Siya nag-antus ingon nga tawo, Siya gitintal ingon nga ang mga tawo gitintal, apan walay sala. Siya nahimomg sala alang kanato, apan wala siya makabalo ug sala, aron nga kita mahimon pagkamatarung sa Dios diha kaniya.”- The Review ang Herald, November 18,1880. b. Unsa ang gitanyag ni Kristo kanato ingon nga baylo sa atong mga sala? Roma 5:17 “ Si Kristo gitagad ingon nga kita ang angayan, aron nga kita usab tagdon nga Siya ang angayan, Siya gisilotan tungod sa atong mga sala,diin Siya walay bahin, aron kita pagamatarongon pinaagi sa iyang pagkamatarong, nga diin kita usab wala bahin. Iyang gi-antus ang kamatayon nga para kanato , aron nga kita makadawat sa kinabuhi nga Iya.” The Desire of Ages, p. 25“ Kita dili takus sa gugma sa Dios, apan si Kristo, ang atong kasigurohan, maoy takus, ug sa kadagaya mkahimo sa pagluwas niadtong tanan nga modoul Kaniya. Unsa man atong nangagi nga mga kasinatian, unsa man ka makapaluya ang imong presenting paghitabo, kung ikaw moduol kang Jesus ingon nga mao ikaw, maluyahon, walay mahimo, ug walay paglaum, ang atong maloloy-ong Maluluwas motagbo kanimo bisan halayo ka pa, ug mogakus kanimo sa Iyang mga bukton sa gugma sa Iyang pagkamatarong.... Siya mangaliya sa Dios alang kanato nga naga-ingon.. Akong gikuha ag luna sa makasasala. Ayaw tan-awa kining masupilon nga anak, apan tan-aw kanako. Si Satanas ba sa makusog nga tingog nagapliya batok sa atong kalag, nagasumbong sa sala, ug naga-angkon kanato ingon nga iyang mga biktima, ang dugo ni Kristo nagapangaliya uban sa labaw nga gahum.” Thoughts from the Mount of blessings, p. 8.

PERSONAL UG SUBLI NGA MGA PANGUTANA Biyernes Mayo 27

1. Unsa ang katuyoan sa Dios sa paghatag sa tawo ug ikaduhang higayon? 2. Sa dihang si Adan namatay sa edad nga 930 ka tuig, iya bang gibayran ang silot sa iyang paglapas nga gisulti sa Genesis 2:17? 3. Alang kang kinsa gihatag ni Jesus ang Iyang kinabuhi didto sa krus? 4. Unsay proyba nga wala giwagtang ni Jesus ang unang kamatayon? 5. Kung atong ibaylo ang atong mga sala sa pagkamatarong ni Kristo, kinahanglan unsa usab ang atong ihatag Kaniya, ug unsa ang atong dawaton gikan Kaniya?