1. ANG IGLESIA SA DIOS-- ANG MATINUD-ANON Domingo Marso 27

a. Unsa naa sa Dios sa matag panahon, ug unsa ang iyang pagtawag kanila? Buhat 2;47; Jeremias 7:23; Roma 9:26. Unsa ang ebidensya sa atong gugma ngadto sa Dios? Juan 14:15 “Si Kristo adunay iglesia sa tanang matag panahon. Pagtuman sa mga kasugoan sa Dios maoy naghatag kanato ug mga pribilehiyo niini nga iglesia... Kung kita motuman sa mga kondisyon nga gihimo sa Dios, kita maka-siguro sa atong pagkapinili n sa kaluwasan. Hingpit nga pagtuman sa Iyang mga sugo maoy ebidensya nga kita nahiguguma sa Dios.” The Review and Herald, July 17, 1900“Gikan sa sinugdan, mga matinud-anong kalag ang gitugyanan ug gahum sa iglesia sa Dios dinhi sa yuta. Sa matag panahon ang Ginoo dunay Iyang mag magbalantay, kinsa nagdala ug matinud-anon nga pagpamatuod sa henerasyon diin sila nagapuyo.” The Acts of the Apostles, p. 11. b. Bisan pa nga ang iglesia dinhi sa yuta nakita nga dili hingpit, giunsa sa Dios kini pagtagad? Exudo 19:5; 1 Pedro 2:9. Maluyahon ug depiktoso ingon sa napadayag, ang iglesia maoy usa ka tumong nga ang Dios naghatag sa Iyang pinasahe gayud nga pagtagad. Kini maoy natad sa Iyang grasya, nga diin siya nahimuot sa pagpadayag sa Iyang gahum sa pag-usab sa mga kasingkasing.” Ibid, p. 12

---

2. ANG IGLESIA SA DIOS SA WALA PA ANG LUNOP Lunes Marso 28

a. Taliwala sa mga kaliwatan ni Adan kinsa nag nagpadayon sa pagsimba sa tinood nga Dios? Genesis 4:25, 26 “ Sa kang Adan gihatag ang dugang anak nga lalaki , aron mahimong manununod sa langitnong saad, ang manunonod sa ispirituhanong katungod sa pagkapanganay. Ang pangalang Seth, ang gihatag niini nga anak, nga dunay kahulogan “ tinudlo’o kompensasyon” tungod’kay nag-ingon nga inahan ‘ang Dios ngahatag kanako ug dugang binhi gawas kang Abel nga gipatay ni Cain’( Genesis 4:25).Si Seth mas labi ambongan ug pamayhon kay sa kang Cain ug Abel ug mas liwat kang Adan kaysa uban pa niyang mga anak. Siya maoy takus nga kinaiya, nga ngasunod sa mga lakang ni Abel. Apan siya wala ma makapanunod sa natural nga kaayohan labaw nga labaw kang Cain. ..... Samtang si Adan gilalang nga walay sala, susama sa Dios, si Seth , sama kang Cain, nakapanunod sa nahulog nga kinaiya sa iyang mga ginikanan. Apan siya nakadawat usab sa kahibalo sa Manunubos ug sa mga pagtudlo diha sa pagkamatarung. Pinaagi sa langitnong grasya, siya nag-lagad ug nagtahud sa Dios; ug siya mibuhat ingon sa gibuhat ni Abel, siya nagkinabuhi sa pagpabalik sa mga hunahuna sa mga tawong makasasala sa pagtahud ug pagsunod sa Manlalalang.“Ang mga matinumanon nagsimba sa Dios kaniadto; apan sa pagdaghan sa tawo, ang timailhan taliwala niining duha ka matang maila na kaayo. Dunay dayag nga pag-angkon ug pag-unong sa Dios sa usa ka bahin, ug dunay paghimaraot ug dili pagsunod sa pikas nga bahin.” Patriarch and Prophets, p. 80 b. Sa pagsunod sa ihemplo ni Abel, unsa ang paglaum ang gikuptan sa kaliwatan ni Seth? Hebreohanon 11:13, 16. Unsa ang kasagaran nga gikinahanglan aron sa pagpreserbar sa pagtoo sa mga anak sa Dios? 2 Corinto 6:17,18 “Si Abel nagiya sa usa ka magpapastor nga kinabuhi, nagpuyo sa balongbalong ug payagpayag, ug mga kaliwat ni Seth misunod sa susama nga kahimtang, nga nagahimo sa ilang mga kaugalingon ‘nga mga dumoloong ug langyaw dinhi sa yuta’nagapangita sa mas maayong dapit, nga mao, ang langitnon.’(Hebreohanon 11:13, 16)“Sa pipila nga mga panahon ang duha ka matang nagpabilin nga nanagbulag. Ang kaliwatan ni Cain, nikuyanap gikan sa lugar nga ilang unang napuy-an, ug nagkatag ibabaw sa kapatagan, kawalogan, diin didto usab nagapuyo ang mga anak ni Seth.; ug sa ulahi aron sa paglikay gikan sa ilang makatakod nga inpluwensya, mingadto sa kabukiran ug naghimo sa ilang mga pinuy-anan. Samtang nga ang panagbulag nagapadayon, sila nagapadayon usab sa pagsimba sa Dios diha sa kaputli.” Ibid. 81.

---

3. ANG IGLESIA SA DIOS HUMAN SA LUNOP Martes Marso 29

a. Kinsa gikan sa tulo ka mga anak nga lalaki ni Noe ang nagpadayon sa pagsimba sa matuod nga Dios? Genesis 9:18-27. Human sa mikuyanap pag-usab ang pagsimba sa mga diosdios, kinsa ang gitawag aron sa pagpreserba sa prinsipyo sa tinood nga relihiyon taliwala sa kaliwat ni Sem? Genesis 12:1-3. “Human sa pagkatibulaag gikan sa Babel, ang pagsimba ug mga diosdios halos milukop sa tibbok kalibutan, ug gipasagdan na sa Dios ang nagmagahi nga maglalapas sa pagsunod sa ilang dautang mga dalan, samtang iyang gipili si Abraham, gikan sa linya ni Shem, ug gihimo nga magbalantay sa iyang kasugoan alang sa mosunod nga mga kaliwatan. Si Abraham nagdako sa taliwala sa mga tuotuo sa mga walay Dios. Bisan gani sa balay sa iyang amahan, pinaagi kang kinsa ang kaalam sa Dios napreserba, miduko sa malimbungong mga impluwensya sa mga nagapalibot kanila, ug sila nag-alagad sa laing dios gawas kang Jehovah. Apan ang matuod nga pagtuo wala mawala. Ang Dios dunay gitipigan nga usa ka salin aron nga moalagad kaniya. Si Adan,Seth, Enok, Methuselah, Noe, Sem, sa wala maputol nga kutay nagapreserbar gikan sa matag panahon sa hamili nga pagpadayag sa Iyang kabubut-on. Ang anak ni Terah nahimong manununod niining balaan nga bulohaton. Ang pagsimba ug mga diosdios naga-agni kaniya sa matag tampi, apan walay nahimo. Matinud-anon taliwala sa mga walay pagtuo, wala madunot sa naglukop nga pagka-apostasya, siya sa kalig-on nagbantay sa tinood nga pagsimba sa Matuod nga Dios. “Ang Dios haduol sa tanan kanila nga nagatawag Kaniya, ngadto sa tanan nga nagtawag kaniya sa kamatuoran. ( Salmo 145:18). Iyang gisulti ang iyang kabubut-on ngadto kang Abraham ug naghatag kaniya ug pinasahing kaalam nga gikinahanglan sa Iyang kasugoan ug sa kaluwasan nga mahimo pinaagi kang Kristo.”Patriarch and Prophets, p. 125. b. Unsang nasud gikan sa kaliwat ni Abraham ang nahimong iglesia sa Dios sa gatosan nga mga katuigan hangtud sa pag-abot ni Jesu-Kristo? Exudo 3:10, Deutoronomeo 7:6-8; 14:2; Buhat 7:38. “Gipili sa Dios ang Israel aron sa pagpadayag sa Iyang mga kinaiya sa katawhan. Iyang gitinguha kanila nag mahimong tuburan sa kaluwasan dinhi sa kalibutan. Ngadto kanila gitugyan ang mga orakulo sa langit, ang pagpadayag sa iyang kabubut-on. Sa sayong kaadlawan sa Israel ang mga nasud sa kalibutan, pinaagi sa dunot nga pagkinabuhi, nawala ang pagkaila sa Dios... Apan sa Iyang kaluoy ang Dios wala magtibawas kanila sa ilang paglungtad. Iyang gituyo ang paghatag kanila ug kahigayonan pag-usab sa pagkhimong suod Kaniya pinaagi sa Iyang pinili nga katawhan.” The Acts of the Apostles. P. 14.

---

4. ANG IGLESIA SA DIOS SA BAG-ONG TUGON Miyerkules Marso 30

a. Tungod sa ilang pagka-apostasya ug pagsalikway kang Kristo, Unsang paghukom ang gihatag sa Dios batok sa Hudeonhong Iglesia. Mateo 23:37,38 “Pinaagi sa pagka dili matinuohon ug pagsalikway sa langitnong alang kaniya, ang israel iongon nga usa ka nasud nagwagtang sa iyang pakigdugtong sa Dios.- The Acts of the Apostles, p.377“Apan ang Israel ingon nga nasud nakigbulag sa kaugalingon sa gikan sa Dios. Ang natural nga sanga sa olivo nga kahoy nabanggi. Naglantaw alang sa katapusang panahon ibabaw sa sulod sa templo, si Jesus miingon uban sa kasubo, tan-awa ang imong balay pagabiyanan kanimo nga gun-ob. ( Mateo 23:38).... Gikan pa kaniadto Iyang gitawag ang templo nga balay sa Iyang Amahan, apan karon, ingon nga ang anak sa Dios moagi na gikan niana nga mga pader, ang presensya sa Dios mobiya na sa hangtud gikan sa templo nga gitukod alang sa Iyang himaya,” The Desire of Ages p. 620 b. Unsa ang importanteng kamatuoran ang atong makat-onan gikan sa pagsalikway sa iglesia sa mga Hudeo? 2 Cronicas 15:2; Jeremias 18:7-10 “ Walay samang butang sa pulong sa Dios ingon nga waly kondisyon nga pagkapinili.- makausa sa grsya, kanunay nalang sa grasya.” The Faith I live By. P.157Ang tanang mga saad Dios gihimo ibabaw sa kondisyon.”FW p. 47“Sa dihang ang usa ka iglesia nagaproyba nga dili matinud-anon sa bulohaton sa Dios, bisan unsa pa ang iyang posisyon, unsa pa man ang iyang pagkatinawag, ang Ginoo dili na makabuhat uban kanila. Ang uban unya pagapilon lang sa pagdala sa importanteng kapangakuhan.”The Upward Look, p. 131. c. Unsang iglesia ang gitukod ingon puli sa iglesia sa Hudeo? 1 Pedro 2:5-10, Roma 11:20-22; Buhat 11:26 “Ingon nga katawhan ang mga Hudeo napakyas sa pagtuman sa katuyoan sa Dios, ug unya ang parasan gikuha gikan kanila, ang kahigayonan nga ilang gi-abusaran, ang bulohaton nga ilang gisalikway, gitugyan ngadto sa uban.” Christ Object lessons, p. 296

---

5. ANG PAGANISMO NAGDUNOT SA IGLESIA Huwebes Marso 31

a. Human sa kamatayon sa mga apostoles, unsang panghitabo ang nasinatian sa Kritohanong iglesia? 2 Tessalonica. 2:3-8 “Kini ga kumpormeso taliwala sa paganismo ug sa mga kristohanon miresulta sa pagkaporma sa “tawo sa sala”nga gisulti sa tagna ingon nagpataas sa iyang kaugalingon labaw kay sa Dios. Kanang higanti nga sistema sa bakak nga relihiyon mao ang batid nga buhat sa gahum ni Satanas- usa ka monumento sa iyang paningkamot sa paglingkod ibabaw sa trono sa pagdumala sa yuta sumala sa iyang kabubut-on..” The Great Contraversy. P. 50 b. Giunsa ni Satanas sa kamalampuson naghimo sa iglesia nga mahimong dunot? Jacobo 4:4; 1 Juan 2:15; Amos 3:3 “Ang dakong kaaway karon naningkamot sa paglampos pinaagi sa kahanas kun unsa ang wala niya madala pinaagi sa pagpugos. Ang paglutos nahunong, ug dinhi niini nga bintaha napuli ang makatalagmanong paglingla sa temporal nga paglambo ug kalibutanong dungog. Masimbahon sa dios-dios.... Nag-angkon sa pagdawat kang Jesus ingon nga anak sa Dios .... Apan walay silay pag-ila sa sala ug wala mibati sa panginahanglan sa paghinulsol o pagbag-o sa kasingkasing....“Kadaghanan sa mga kristohanon sa ulahi misugot sa pag-us-os sa estandarte, ug usa ka panaghiusa ang naporma taliwala sa Kristyanismo ug paganismo... Dili tinood nga mga doktrina, tinomo-tumo nga katungod, ug pagsimba sa dios-dios nga mga seremonyas gikuyog sa iyang pagtuo ug pagsimba. Sa Ingon ang mga sumusunod ni Kristo, nahiusa uban sa nagsimba ug mga dios-dios. Ang Kristyanismong relihiyon nahimong nadunot , ug ang iglesia nawad-an sa iyang kaputli ug gahum.” Ibid, pp.42,43

PERSONAL UG SUBLI NGA MGA PANGUTANA Biyernes Abril 1

1. Gikan sa Biblia nga pagpanabot, Unsa ang nag-umol sa Iglesia sa dios dinhi sa yuta.? 2. Bisan pa nga tali ka Seth ug Cain dunay makakasala nga kinaiya, unsay nakapahimo ni Seth nga lahi? 3. Gi-unsa sa pagtuo ni Abraham usa ka panalangin sa mga nagapalibot kaniya? 4. Unsaon sa na-organisar nga iglesia sa Dios mahimong dilikado nga mawala ang iyang pakigdugtong sa Dios? 5. Unsaon sa Iglesia paglikay sa pagka-apostasya ug pagkadunot?