Ang Tumong sa Pag-ebanghelyo “ Panglakaw kamo ug paghimo ug mga tinun-an sa tanang kanasuran, nga magabawtismo kanila sa pangalan sa Amahan sa Anak ug sa Espiritu Santo” (Mateo 28:19)
Gisugyot nga Basahon:
Evengelism, pp. 15-24
“ Mga ministro nga nagabuhat diha sa mag lungsod ug mga siudad sa pagpresentar sa kamatuoran kinahanglan dili mobati sa pagkakontento, o nga ang ilang trabaho natapos na, hangtud nga niadtong kinsa midawat sa teoriya sa kamatuoran makasabot gayud sa makapabalaan nga gahum ug sa tinud-anay nakabig sa ngadto sa Dios.” Testimonies vol. 4, p. 317
1. ANG MISYON NI KRISTO DomingoAbril 24
a. Unsa ang misyon ni Kristo sa pag-anhi dinhi niining kalibutana? Lukas 19:10“Ang Mga makakasala maoy pinasahing tuyo sa misyon ni kristo.- makasasala sa matag rasa ug kayutaan... Ang tanang Iyang gimahal”- In Heavenly Places, p. 329b. Unsang sakripisyo ang gihimo ni Jesus sa pagtuman sa Iyang misyon? Hebreohanon 2:9“ Ang mga manulonda naglantaw uban sa kahangawa ug kahibulong diha sa misyon ni kristo sa kalibutan. Sila natingala sa gugma nga nagtukmod Kaniya sa paghatag sa Iyang kaugalingon nga usa ka halad sa mga sala sa katawhan.” Gospel Workers p. 497c. Sa unsang bahin sa misyon ni Kristo nga ang Iyang iglesia motabang? Lukas 4:18“Ang misyon ni kristo mao ang pag-ayo sa mga masakiton, dasigon ang mga walay paglaum, humpayon ang mga subo’g kasingkasing. Kini nga buhat sa pagpasig-uli maoy pagadalhaon sa taliwala sa mga nanginahanglan ug nag-antus nga katawhan.” Welfare Ministry, p. 71
2. ANG TUMONG SA PAGWALI LunesApril 25
a. Mahitungod sa unsa ang ebanghelyo? 1 Corinto 15:1-4“ Nagabitay sa ibabaw sa krus si Kristo ang ebanghelyo. Karon kita adunay mensahi, ‘Tgan-awa ang cordero sa Dios, nga nagawagtang sa sala sa kaalibutan’(Juan 1:29) Dili ang mga membro sa atong iglesia motutok sa ilang mga mata sa nalangsang ug nabanhaw nga Manluluwas, diin kinsa ang ilang mga paglaum sa kinabuhing walay katapusan nahasentro? Kini mao ang atong mensahi, atong argumento, atong doktrina, atong pasidaan sa mga makasasala, atong pagpadasig alng sa mga nahasubo, ang paglaumsa matag tumotuo.”- The SDA Bible Commentary[ E. G. White Comments] , vol. 6, p.113.“ Ang mensahi sa ikatulong manulonda nagatawag alang sa presentasyon sa adlawng igpapahulay sa ikaupat ka sugo.... Apan ang dakong sentro sa pagdani, Si Jesu-Kristo, kinahanglang dili mapadaplin sa ikatulong mensahi sa manulonda.” The review and Herald, March 20, 1894.b. Unsa ang matuod nga tumong sa pagwali sa ebanghelyo sa tanang kanasuran? Lukas 1:77; Acts 2:21“ Ang sa pagwali lamang, walay natural nga gahum sa pagbag-o sa kasingkasing, gani kini ang tumong sa pagwali. Kini mao ang langitnong inpluwensya nga naga-uban sa pulong, mao ang nagdala sa kalag diha sa paghinulsol ngadto sa tiilan sa krus. Ibid, September 4, 1888.“ Ang una ug pinaka-tumong sa ebanghelyo ug sa tanan nga dunay kalambigitan niana mao ang pagpangita ug pagluwas sa mga nangawala. Ang pagministeryo sa ebanghelyo ... mao ang pag-abot sa tawo ug usa ka matinabangon nga mga kamot sa kon diin kini gikinahanglan. Kini mao ang pag-alagad sa mga masakiton, sa mga naga-antus sa lawasnon maingon man usab sa nagmasakiton sa kalag.” Ibid, October 29,1914c. Unsa nga saad ang sakup alang niadtong kinsa mituo sa ebanghelyo, ug unsa ang mahitabo niadtong mga nagsalikway niini? Marcus; Juan 3:18-20.“[Si Kisto) wala mag-ingon nga tibook kalibutan makabig, apan nga, ‘kining maayong balita sa gingharian igamantala sa tibook kalibutan alang sa pagsaksi ngadto sa tanang kanasuran; unya moabot na ang katapusan’( Mateo 24:14) The Desire of Ages, p. 633
3. ANG KAMAHINUNGDANON SA BAWTISMO MartesAbril 26
a. Unsang bulohaton ang paghimoon pinaagi niadtong mituo kang Kristo? Marcus 16:16 (unang bahin) Unsa ang kahulugan sa bawtismo? Roma 6:3-6“ Ang bawtismo maoy usa ka sagrado ug importante nga ordinansa, ug kinahanglan nga dunay tinud-anay nga pagsabot sa kahulogan niini. Kini nagpasabot sa paghinulsol sa sala, ug ang pagsulod sa usa ka bag-ong kinabuhi diha kang Kristo Jesus.”- Child guidance, p. 499.“Gihimo ni kristo ang bawtismo ingon timaan sa pagsulod sa Iyang esprituhanong gingharian. Gihimo Niya kini nga usa ka positibong kondisyon nga diin ang tanan kinahanglan mosunud kinsa naghandum nga paga-ilhon sa ilalum sa otoridad sa Amahan, sa Anak, ug sa Balaang Espiritu Santo...“ Ang bawtismo maoy pinaka-solemni nga pagsalikway sa kalibutan. Niadtong nabawtismmohan diha sa tulo ka Pangalan sa Amahan, sa Anak, ug sa Balaang Espritu Santo, sa pinaka-ganghaan sa ilang Kristohanong kinabuhi, mipahayag sa publiko nga ila nang talikdan ang pag-alagad kang Satanas ug nahimo na nga membro sa harianong pamilya, mga anak sa langitnong Hari. Sila mituman sa sugo: ‘Gawas kamo gikan kanila ug mobulag kamo... Ug ayaw na paghikap sa mahugawng butang.’ Ug ngadto kanila matuman ang saad: Ako magadawat kaninyo, ug mahimo ninyong amahan, ug kamo mahimong Akong mga anak lalaki ug babaye, naga-ingon ang Ginoo’ ( 2 Corinto 6:17,18). Testimonies, vol. 6, p. 91b. Unsang ngalan ang gihatag sa mga tinun-an ni Kristo sa Antioch, ug ngano? Buhat 11:26“ Didto sa Antioch nga ang unang mga tinun-an gitawag ug Kristohanon. Ang pangalan gihatag kanila tungod kay si K,risto mao ang pinaka-tema sa ilang pagmensahi, sa ilang pagpanudlo us ilang pakighinabi. Sa walay puas sila nagasubay sa mga insidenteng mga nahitabo sa panahong sa Iyang yutan-ong paministeryo, sa diha ang Iyang mga tinun-an nabuhalahan uban sa Iyang personal nga presensya. Sa walay kakapoy sila kananuy namalandong sa iyang mga gitudlo ug sa mga milagro sa pagpang-ayo. Uban sa nagakurog nga mga ngabil ug luha sa ilang mga mata sila misulti sa Iyang kasakit didto sa harden, sa pagbubhi Kaniya, sa hukmanan, ug sa pagpatay kaniya, ang pagpa-ilob ug pagpa-ubos nga niana Iyang gidaug ang pagbiaybiay ug pagsakit nga gihimo sa Iyang mga kaaway, ug sa Diosnong kalooy nga diin Iyang giampo alang sa mga naglutos Kaniya. Ang Iyang pagkabanhaw ug pagkayab, ug ang Iyang buhat sa langit ingon nga tigpataliwala alang sa nahulog nga tawo, maoy mga topiko diin sa kamalipayon nila gihisgotan.” The Acts of the Apostles, p. 157
4. NAKABIG NGA MGA TINUN-AN MiyerkulesAbril 27
a. Unsang tawhanong relasyon nga maoy gigamit sa paghulagway sa relasyon taliwala ni Kristo ug sa Iyang mga tinu-an? 2 Corinto 11:2; Efeso 5:22-25“Sa Biblia ang sagrado ug malahotayong kinaiya sa relasyon nga naglungtad taliwala ni Kristo ug sa Iyang iglesia representahan piaagi sa panaghiusa sa kamiyoon. Ang Dios nagdugtong sa Iyang katawhan ngadto sa iyang kaugalingon pinaagi sa usa ka solemning pakigsaad , Siya nagasaad nga mahimo nilang Dios, ug sila namumpa nga mahimong Iya ug Iya lamang.” The Great Controversy, p. 381.b. Gi-unsa sa Biblia paghulagway ang kinabuhi ug usa ka bawtismado nga tinun-an ni kristo, ug ngano? 2 Corinto 5:17; 1 juan 5:1,4“ Ang karaang pagkatawo, nga natawo sa dugo ug sa kabubut-on sa unod, dili makapanunod sa gingharian sa Dios. Ang karaang mga gawi, ang mga napanunod nga mga kaluyahon, ang unang mga taras, kinahanglang isalikway; tungod kay ang grasya dili napanunod. Ang bag-ong pagkatawo naglangkob diha sa pagbaton ug bag-ong mga motibo, bag-ong mga panlasa, bag-ong mga kahiligan. Niadtong mga gipanganak ngadto sa bag-ong kinabuhi pinaagi sa Balaang Espiritu, mahimong umalambit sa langitnong kinaiya, ug ang tanang nilang mga gawi ug pagkinabuhi maghatag ug pamatuod sa ilang relasyon kang Kristo. Sa dihang ang mga tawo ma-angkon nga Kristohanon ug anaa pa ang tanan nga natural nga mga depikto sa kinaiya ug pagkinbuhi, sa unsa nga ang ilang posisyon lahi gikan sa mga kalibutanon? Sila wala maga-ila sa kamatuoran ingon nga usa ka nagabalaan ug usa nagapino. Sila wala pa natawo pag-usab.” The SDA Bible Commentary [E. G. White Comments], vol 6, p. 1101c. Unsa ang himoon sa iglesia sa dili pa mohimo ug rekomendasyon sa pagabawtismohan? Mateo 3:8.“ Ang pakigsaad nga atong gihimo sa atong kaugalingon diha sa bawtismo naglakip ug daghan. Sa pangalan sa Amahan, sa Anak ug sa Balaang Espritu kita gilubong sama sa kamatayon ni Kristo ug nabanhaw nga sama sa iyang pagkabanhaw, ug kita nabuhi sa bag-ong kinabuhi... Sa ingon niini ang magtutuo maghuna-huna pag-ayo nga siya gitugyan ngadto Dios, ngadto kang Kristo, ug ngadto sa Balaang Espiritu. Siya magabuhat sa tanang kalibutanong konsiderasyon nga ikaduha laang niining bag-ong relasyon. Testimonies, vol. 6. P. 98
5. KALIDAD BATOK GIDAGHANON HuwebesAbril 28
a. Asa man gidala ni Jesus ang tanan nga naghandum nga mahimong Iyang mga tinun -an, ug ngano? Juan 10:16; Buhat 2: 241,47“ Ang tanan nga gusto, mahimong mapagsig-uli sa Dios ug makadawat ug kinabuhing walay katapusan. Alang kninyo, Akong mga tinun-an, Ako ihatag kini mensahe sa kalooy. Kini igahatag una sa Israel ug unya sa tanang kanasuran, pinulongan ug katawhan. Kini igahatag ngadto sa mga Hudeo ug sa mga Hentil. Ang tanang nga motuo pagatigumon ngadto sa iglesia.”The Desire of Ages, p. 821.b. Samtang ang pagpasakup sa iglesia ni Kristo importante, unsa pa ang mas labing importante? Juan 15: 4-6; Lukas 13:5-9.“Mga Ministro kinsa.... Nagpresentar sa kamatuoran kinahanglang mobati nga dili kontento .... Hangtud nga kadtong midawat sa teoriya sa kamtuoran.... Sa tinud-anay makabig ngadto sa Dios. Ang Dios labing mahimoot sa unom nga tinood nga nakabigsa kamatuoran ingon nga resulta sa ilang buhat, kay sa naay kan-uman(60) nga naghimo ug pag-angkon unya wala diay sa tinud-anay makabig.” Testimonies, vol. 4, p. 317.“ Koneksyon diha sa iglesia dili makakuha sa luna pagkakabig. Sa pagpalista sa pangalan ngadto sa usa ka tinuohan, walay dyutay nga bili kung ang kasingkasing wala sa tinud-anay mabag-o.” Testimonies, vol. 4, p. 317“ Dili kini maksuguro ug usa ka titulo sa langit sa pagbaton sa atong mga ngalan nga nalista sa talaan sa iglesia, kung ang atong mga kasingkasing wala mahiusa kang Kristo ug sa Iyang katawhan.” The Review and Herald, February 19, 1880.
PERSONAL UG SUBLI NGA MGA PANGUTANA BiyernesAbril 29
1. Unsa ang misyon ni Kristo sa dihang Siya dinhi sa kalibutan ingon nga Anak sa tawo?2. Unsa ang imong tumong sa buhat sa pag-ebanghelyo?3. Unsang panaad ang gihimo sa pagbawtismo?4. Sa dili pa bawtismohan ang usa ka tawo, unsa ang katungdanan ang himoon sa iglesia.5. Ingon nga importante ang pagpasakup sa iglesia, unsa ang mas labing gikinahanglan sa atong kaluwasan?