Pictioren ti parang: Naiparocpoken ti Espiritu Santo iti nasapa nga iglesia iti nabuslon a pannacabalin ti nasapa a tudo. Adda da Pedro ken Juan iti ruangan ti templo, sadino, nga iti nagan ni Jesu-Cristo ti Nazaret, imbilin ni Pedro iti maysa a tao a pilay sipud pay di naiyanac tapno tumacder ken magna. Iniggamanna ti ima ti tao ket nang-rugin a magna, naglaglagto ken nagdaydayaw iti Dios.

Daytoy nacascasdaaw a pasamac nanggubuay iti pannakakibor dagiti tattao, ta ammoda daytoy a tao nga agpalpalimos. Ita impaay amin ni Pedro ti dayaw iti Dios ni Abraham, ni Isaac ken Jacob – ket inlawlawagna cadacuada ti maipapan iti Maysa a Nasantoan, ti Principe ti biag. Impanayagna no kasano a babaen iti pammati, a ti pilay a lalaki naaramid a napigsa iti nagan ni Jesus, ti pilay a lalaki naaramid a napigsa babaen iti pammati Kencuana. Situtured ngarud ni Pedro a nangipacdaar ti kinapudno nga inlacsidda ti Apo iti sango dagiti turay ti Roma ket mas pinilida ti nangpatay iti Maysa a Napulotan. Dinakamatna pay a nakabasolda a siignorante ngem intultuloyda nga impanayag dayta a ti panagsagaba ni Cristo ti pakatungpalan ti padto.

Ngem ania ti rumbeng nga aramidenda maipapan iti daytoy ita? Dagiti sao agallangogan:

“Agbabawicayo ngarud ket agsublicay tapno mapunas dagiti basbasolyo: iti casta umayto dagiti aldaw ti bang-ar aggapu iti sangoanan ti Apo. Ken ibaonna coma daydi Cristo, a naituding idi damo a maipaay cadacayo nga isu ni Jesus: Isu a masapul a ti langit awatenna agingga cadagiti aldaw ti panna-caisubli dagiti amin a banag, nga insao ti Dios iti ngiwat dagiti sasanto a mammadtona idi ginasgasot a tawtawen” (Aramid 3:19-21).

APAY A DAYTOY TI MENSAHE PARA ITI MAUDI NGA AL-ALDAW

Iti konteksto, daytoy a deklarasion silalawag a naaramid apagbiit calpasan ti panagpangato ni Cristo, Ngem, adda agsasaruno a pasamac para cadagiti Cristiano manipud iti panawen nga agpatpatuloy:

1. Agbabawi – ita

2. Agbalbaliw – ita

3. Tapno dagiti basbasolyo (Imbes a dagiti naganyo) ket mapunasda.

4. Kaano? Iti panawen ti mangus-usisa a pangocoman sacbay ti panagsubli ni Cristo, inton panawen ti bang-ar – ti Espiritu Santo iti pannacabalin ti maudi a tudo – a maiparocpoc nga awanan rucod.

5. Ket ibaon ti Langit ni Jesu-Cristo. Apay a saan nga iti mabiit? Agtalinaed ni Jesus iti nainlangitan a corte agingga a tunggal principio ti moral a lintegNa ket naisubli iti nataoan a puso -iti siasinoman a mangisuco iti pagayatanNa babaen iti panangawat Kencuana a naimpusoan, naan-anay.

“Iti transfigurasion, naidayag ni Jesus babaen iti Amana. Mangngegtayo Isuna a kunana: ‘Itan, dandanin maitan-oc ti Anac ti Tao, ket ti Dios maitan-oc Ken-cuana.’ Ngarud, sacbay ti pannacaliput ken pannaka-ilansaNa napapigsa Isuna para iti nakaam-amac a panag-sagabaNa. Cas ti yaasideg dagiti miembro ti bagi ni Cristo iti caudian a susic, ti ‘panawen ti ririboc ni Jacob,’ dumackelda ken Cristo, ket makipasetda a silalawa iti espirituNa. Bayat ti panagbalin ti maikatlo a mensahe a natbag nga ikkis, ket bayat a tulongan ti naindaclan a timec ken dayag ti pangserra a trabaho, dagiti namatalec nga ili ti Dios makipasetda iti dayta a dayag. Ti maudi a tudo a nangpabileg ken nangpapigsa cadacuada ti mangilasat cadacuada iti panawen ti ririboc. Dagiti rup-rupada agraniag iti dayag dayta lawag a nangtaming iti maikatlo nga angel.” – Testimonies for the Church, vol. 1, p. 353.

Panawen kadin ti yaay ni Jesus? Wen, pudno! Kasano a makapagsaganatayo? Dagiti addang iti Aramid 3:19-21 ket nalawag. Siuuneg coma a masagepseptayo daytoy a mensahe para iti maudi nga al-aldaw bayat daytoy Lawas ti Cararag ket siaanep nga ipakat daytoy iti pusotayo!