Iti lubong ti kinaulbod, mano ti nakangngeg ngata?

Iti evanghelio manipud iti Dios sipud iti kinaagtutuboda?

Naisurat dayta iti Biblia a nalawag unay para iti agdama;

Ti Agdama a Kinapudno isu ti mensahe ket napateg unay ita!

-

No maisuro iti adayo ken nasacnap, iti turod ken iti tanap,

Cadagiti puso adda aguni a nasam-it a sumungbat a sonata;

Dagiti cararua a nabayen iti sipnget mariingda iti namnama

Mailasinda daytoy a mensahe a diretso a naggapu iti Apoda!

-

Umay ti awag iti tunggal maysa cadatayo, iti kaunggan ti cararuatayo,

Dayta ita ti tiempo a kasapulan nga agbabawitayo.

Tapno maiwaksi ti basol ken panangallucoy ti diablo,

Ket agtalecca iti Mangisalacan a siaasi unay a naipatulod cadatayo!

-

Iti panangimutectec ken Cristo a mangibabaet cadatayo,

Amintayo Isuna ti rumbeng a sipapasnec nga il-iliwentayo,

Ti sacrificioNa isilnagna ti pannacabalin babaen iti daraNa:

Ti Bato dagiti panawen; salacnib ken kamangtayo a padapada.

-

Agpatingganton daytoy lubong, agraman ti ladingit a pinataudna;

Silalawag a makita ti amin nga adda a pagkuranganna.

Anian a nagdackel ti iliwtayo babaen ti pammati bayat ti panangutobtayo,

Pannakisasao ken Jesus ken nailangitan a ragsac magun-odantayo.

-

Ita iti tengnga ti bagyo ken bisin nga agraraira,

Sakit ken gubat, ladingit ken saem laeng ti ipapaayda,

Isucotayo ti amintayo ken Jesus, ket parang-ayen ti namnama-

Babaen iti maudi a tudo ti Dios determinado a tignay ipaay latta.

-

Saan a teoria daytoy a kinapudno; espiritu ken biag dayta,

Buyogen ti pannacabalin, nabunga dayta cadagiti puso a nakaidulinanna.

Inton maisao ken maaramid ti amin, ti Mangisalacantayo umay a di palta-

IcuyogNa Kencuana ti panggungunaNa iti tunggal maysa.

-

Bayat a ti kinapudno a maipateg ket katawaan ken maumsi;

Ti mananguyaw ken mananglais ti mensahe ita ket maipadisi,

Ngem inton saandan ng agbanbantay, ti probasion agserra,

Agsublinto metten ni Jesus nga Ari a casta unay ti dayagNa.

-

Gapuna, ita ti gundawaytayo nga agbabawi cadagiti basoltayo;

Itan ti gundawaytayo a mangdanon cadagiti tattao-

Ta purawen ti apit para iti panagani cadagiti cararua

Maysa a trabaho ti masapul nga aramiden dagiti naselioan ti mugingna.

-

Babaen ti panangkitkita ken Jesus, agtalinaetayo Kencuana,

Agpangatotayo iti labes ti kinarugit ken gura.

Babaen iti parabur ti pigsaNa, iti cauvasanNa intayto agpagpagna

Babaen ti pammati iti naganNa ken no pagbiagan ti biagNa!