Pauna a Sarita
Agbibiagtayon kadagiti panawen nga agkakapateg unay. Ii tunggal sango – siencia, relihion, politica, ti kadawyan a lubong – barobaro a banbanag ti inaldaw a makita a pulos a saan pay a nasacsian idi. Dagiti baro a tackuat ti siencia ti agtultuloy a mamagsiddaaw kadatayo, bayat a ti kasasaad ti nakaparsuaan iparangna kadatayo dagiti makapadanag nga ayo, ken ti panangsapul iti wayawaya agtultuloy iti baet dagiti baro a susic ken ririboc iti intero a lubong.
Adu a tattao ti agbibiag a mangsegsegga kadagiti naindaclan a paspasamac a sumangbay. Dagidiay a segseggaan ket agdudumada, ngem ti sibubukel a daga ket agsagsagana para iti aniaman a banag. Para iti Cristiano, ti umadanin a masacbayan ti nailatang a mangipalgac kadagiti kaudian a paspasamac iti salisal ti nagbaetan ti naimbag ken dakes. Sigurado a maysa a naindaclan ken makapagagar a tiempo ti nabiagto pay.
Kadagiti nagduduma a relihion ken kultura, adda dagiti nagduduma a teoria maipapan ti tengngel ti masacbayan. Ti sao nga “adventista” iti nagantayo ipaawatna ti panangsegga a ti yaay ni Jesus ket dandanin. Nupay kasta, adu dagiti Cristiano a ti panangseggada iti yaayNa ket saan nga agpapada amin.
Kas di damo a yaay ni Jesus ditoy daga kas maysa a tao saan a naawatan ti bukodNa nga ili, kasta met a ti maikadua a yaayNa saan pay unay a maawatan ita. Ti kadawyan a kapanunotan iti topico ket masansan a naibasar iti biddut a pagibasaran, nabaybay-an dagiti importante a punto a mangiturong iti napeggad a patingga.
Ti galad ti pagarian, dagiti kaudian a paspasamac, ania ti madakamat iti panagsagana – amin dagitoy a punto addaan kadagiti nagduduma nga opinyon ken agsusupadi a kapanunotan. Nupay kasta, adda banag a kas kapateg ti kanibusanan ti lubong ken ti panangpasangbay iti agnanayon a pagarian nga isu ti kasapulan a maawatan a naan-anay kas ipalgac ti Sao ti Dios.
“Umay coma ti pagariam, maaramid coma ti pagayatam, cas sadi langit, casta met ditoy daga” (Mateo 6:10), maysa a kararag a saanna laeng nga itudo ti agdama no di pay iti dayta panawen a ti pagayatan ti Dios maisangbay iti amin nga agnaed iti daga. Ngem kasano nga agbalin daytoy a kinapudno? Imbes nga iladawan dagiti nalatac a biddut, agkaykaysatayo a mangadal kadagiti prinsipio ti kinapudno manipud iti sao ti Dios. Mapukaw ti biddut babaen iti kinapudno, kas ti kadawyan a panagpukaw ti sipnget iti presencia ti lawag. Maguyogoy dagiti manursuro a pamilyarda dagiti nairaman nga isyu, tapno maitutop ti panangtaming kadacuada iti klaseda, tapno masungbatan dagiti maitudtudo a salsaludsod.
Daytoy a kuwarter ket para iti pannakapaganetget ken pannakasur-suro. Sukisokenna dagiti saludsod ken isyu nga agdama iti lubong ita. Namnama ken kararagmi a maawatyo ti bendisyon manipud iti panangadal kadagiti naiparang a topiko.
Ti Departamento ti Eskuwela Sabatina ti Conferencia Heneral
