Umuna a Pangsabado a Daton para
“Bethel Project” idiay Peru
Ti Peru ket pagilian a masarakan iti akinlaud a paset ti South America. Ti kabeserana ket metropolitan a ciudad ti Lima. Ti bilang ti agnanaed iti 2015 umabot iti 31milyon. Iti intero a South America ti Peru ti maikapat a kaadduan iti popolasyon kalpasan ti Brazil, Colombia ken Argentina.
Ti mensahe ti repormasyon simmangbay ditoy Peru idi 1930. Ita ti Peruvian Union addaan iti agarup 3,000 a miembro.
Idi Noviembre 2012, babaen iti parabor ti Dios, nainagan kadacami ti 50 acres a daga iti provincial ti San Miguel, Cajamarca. Masarakan ti daga 29 a kilometro manipud Chepen City, 700km amianan ti Lima. 430 metro ngatoen ti baybay ken lugar a nataba, nabuslon ti natnateng ken kalkalainganna ti klima.
Nagplano ti Peruvian Union ti para iti ababa, kalkalainganna ken atiddog a termino ti actividades a maaramid iti daytoy a daga, iti nagan ti “Bethel Project.” Iraman daytoy a proyecto ti sanitarium, missionary School, pagkampingan para ti conferencia ken congress, ken technological Institute a masukogto nga agbalin nga Universidad, organic a panagtalon ken panagtaraken iti ayukan.
Ibalakad ti mensahero ti Dios kadatayo, kangrunaanna kadagitoy maudi nga alaldaw a, dagiti pamiliatayo ken institusyontayo ket masarakan iti ruar ti ciudad tapno mapagtalinaed ti salun-at ti bagi, moral ken spiritual. Daytoy a balacad ti inspirasyonmi a mangipatungpal iti daytoy a proyecto.
Ita adda 2 a kakabsat a lallaki nga agtrabtrabaho iti daytoy a sanikua. Binakudanda daytoy ken nacompleton ti pannakakali ti para iti danum ken nagatang pay ti bomba. Agar-aramiddan iti nadrilyo para iti patacder, ket agtultuloy ti trabaho para kadagiti nadadagsen a makina. Naipasdec metten ti pagtaracnan iti ayukan ken naimulan dagiti agbunga a kaykayo.
Nupay nagkarkararagkami para iti tulong ken pannakapaadda iti pundo kadagiti local a trabahador, kakabsat ken gagayyem, nagdackel pay laeng ti pagkurangan. Gapu iti daytoy a rason nga agpakaasikami kadacayo kakabsat iti intero a lubong a sipupusokayo a tumulong iti daytoy a proyecto.
Iyun-unamin ti agyaman kadacayo iti nabuslon a datonyo ket dawatmi ti nabacnang a bendisyon ti langit kadacayo.
Dagiti Kakabsatyo manipud Peru