Domingo
Noviembre 22
1. MAYSA A PAGKAMANGAN
a. Ania nga awis ti aramiden ti Dios iti iliNa sacbay ti pannakadadael ti daga? Isaias 26:20, 21.
b. Ania dagiti karkari ti agbalinto a liwliwa kadagiti naririboc nga alaldaw? Salmo 46:1-3; 91:1-10.
“Ti tiempo ti ririboc ti nainget a suot a mangparuar iti kas ken Cristo nga ug-ugali. Nairanta a mangiturong iti ili ti Dios a mangilacsid kenni Satanas ken kadagiti panulisogna. Ti kaudian a susic ti mangipalgac kenni Satanas kadacuada iti pudno a kababalinna, a maysa a naulpit a mangituray, ket maaramid kadacuada ti banag nga awanen ti makaaramid, paruten isuna a naannay manipud iti riknada.” – RH, Aug. 12, 1884.
“Ti pammati ti [ili ti Dios] saan a mapaay agsipud ta dagiti karkararagda ket insegida a masungbatan. Nupay agsagsagabada iti nakana a tuoc, buteng ken leddaang, saanda nga isardeng ti panangdawdawatda. Petpetanda ti pigsa ti Dios kas ti inaramid ni Jacob iti Angel; ket ti pagsasao ti kararuada ket: ‘Saanca a palubosan agingga a bendisyonannac’ (Genesis 32:26).” – GC, pp. 619, 620.
Lunes
Noviembre 23
2. NASELLOAN WENNO NAPAPATAY
a. Sino ti madadael, ken sino ti maikkan iti salinong iti parparmata ni Ezequiel? Ezequiel 9:3-6, 9, 10
b. Kasano a ti trabaho ti mangsalsalacnib nga angeles a nadakamat ti Apocalipsis maipada iti dayta tao nga addaan iti pagtinteroan ti mannurat iti sirmata ni Ezequiel? Apocalipsis 7:1-3.
k. Kasano a ti kapadasan dagiti Judio idi panawen ni Ester iladawanna iti kapadasan ti ili ti Dios iti kanibusanan a tiempo? Ester 3:8, 9; 9:1-3.
“Daytoy a pannakasello dagiti adipen ti Dios ket maipada iti dayta naipakita iti sirmata ni Ezequiel.” – TM, p. 445.
“Dagiti makapadagsen a kapadasan a simmangbay iti ili ti Dios idi alaldaw ni Ester ket saan a naidumduma iti dayta laeng a panawen. . . . Isu met la nga espiritu iti napalabas a panawen a nangidaulo kadagiti tattao a mangidadanes iti pudno nga iglesia ti mangidaulo iti isu met la nga aramid kadagiti mamagtalinaed iti kinapudnoda iti Dios.
“Ti linteg a maipaulog maibusor iti matda nga ili ti Dios ket maipada unay iti dayta impaulog ni Ahasuero maibusor kadagiti Judio. Ita dagiti kabusor ti pudno nga iglesia makitada iti bassit a bunggoy a mangsalsalimetmet iti Aldaw a Panaginana, maysa a Mardoceo iti ruangan. Ti panagraem ti ili ti Dios iti lintegNa ket agtultuloy a tubngar kadagiti awanan buteng iti Apo ken mangibaddebaddec iti Aldaw a PanaginanaNa.
“Riingen ni Satanas ti gura maibusor iti bassit nga agkedked nga umawat iti nalatac a kustombre ken tradisyon. Dagiti tattao nga adda iti takem ken reputasyon ti makitipon kadagiti awanan linteg ken nadangkes tapno agtitinongda maibusor iti ili ti Dios. Agtitipon ti kinabacnang, sirib, ken adal tapno abungotanda ida iti gura. Dagiti mangidadanes nga agtuturay, ministro ken kamkameng ti iglesia agkokomplotda maibusor kadacuada. Kadagiti boses, ken pluma, babaen kadagiti pamutbuteng ken umsi, ikagumaanda a pukawen ti pammatida. Babaen iti palso a panangibagi ken naunget a kiddaw, dagiti tattao kiburenda ti rikna ti ili. Awanan iti ‘Kas kinuna ti Nasantoan a Surat’ ti maisangbay maibusor kadagiti mangiruprupir iti Aldaw a Panaginana iti Biblia, ipakatdanto dagiti mangidadanes a tignay tapno masuposopan ti pagkurangan. Tapno magun-odan ti kinalatac ken suporta, dagiti agar-aramid linteg anamongandanto ti kiddaw a maipaulog ti linteg ti Domingo. . . Iti daytoy paggugubatan a marupac ti maudi a naindaclan a susic iti nagbaetan ti kinapudno ken biddut. Ket saantayo a mabati nga agduadua iti isyu. Ita kas kadagidi alaldaw da Ester ken Mardoceo, pasingkedan ti Apo ti kinapudnoNa ken ti iliNa.” – PK, pp. 605, 606.
Martes
Noviembre 24
3. PANNAKAPATARNAW TI KABABALIN
a. Ania a kita ti kababalin ti masukog kadagiti agsagsagana para iti sello? Apocalipsis 14:1, 5. Ania ti ipaawat ti maaddaan iti nagan ti Ama? Mateo 6:9; 1 Pedro 3:15.
“Itan ti tiempo a panagsagana. Ti sello ti Dios pulos a di maisaad iti muging ti narugit a lalaki wenno babai. Pulos a di maisaad iti muging ti ambisyoso, managayat iti lubong a lalaki wenno babai. Pulos a dinto maisaad iti munging dagiti lallaki ken babbai nga addaan naulbod a dila ken manangallilaw a puso. Amin nga umawat iti sello kasapulan nga awanan iti tulaw iti sango ti Dios – kandidato para langit.” – 5 T, p. 216.
“Saan a sello wenno marka a makita, no di ket ti pannakaibanag iti kinapudno iti man panunot wenno espiritu, ngarud ti ili ti Dios dinto makir-in.” – 4 BC, p. 1161.
“Ikagkagumaantayo kadi iti amin a bilegtayo tapno matun-oyan ti tacder dagiti lallaki ken babbai ken Cristo? Sapsapulentayo kadi ti kina-an-anayNa, agtultuloy a manggaw-at iti marka a naisaad iti sangotayo – ti kinaan-anay ti kababalinNa? Inton madanon ti ili ti Dios daytoy a marka, maselloanda kadagiti mugmugingda.” – Ibid., vol. 6, p. 1118.
“Nakitac pay nga adu ti saan a makaamiris no ania ti rebbengda tapno agbiagda iti imatang ti Apo nga awanan iti nangato a padi iti santuario iti tiempo ti ririboc. Dagiti umawat iti sello ti sibibiag a Dios ken masalacniban iti tiempo ti ririboc kasapulan nga iyanninawda a naan-anay ti ladawan ni Jesus.” – EW, p. 71.
b. Kasano nga aramiden ti Apo daytoy mangpasanto a trabaho kadatayo? Hebreo 7:25; 13:20, 21; Filipos 1:6; 2:12, 13.
“Nakitac a ti tiempo para ken Jesus nga adda iti kasasantoan a disso ket dandanin malpas ket dayta a tiempo saanen nga agbayag. Ania ti nawaya a tiempotayo ti mabosbos a mangsukisok iti Biblia, isu a mangusig kadatayo iti maudi nga aldaw. . . .
“Agbiag ken agtignay a naan-anay mainaig iti yaay ti Anac ti tao. Ti panagsello a tiempo ket ababa unay ket malpaston iti mabiit. Itan ti tiempo, kabayatan a tengtenglen dagiti uppat nga angel dagiti uppat nga angin tapno maaramid a sigurado ti pannakaawis ken pannakapilitayo.” – EW, p. 58.
“Ikagumaan iti amin a bilegtayo nga inted ti Dios kadatayo a mai-bilang iti sangagasut uppat a pulo ket uppat a ribu.” – RH, Mar 9, 1905.
Mierkules
Noviembre 25
4. AGSASAIBBEC KEN AGSANGSANGIT
a. Ania ti trabaho ti ili ti Dios kadagiti maudi nga alaldaw? Isaias 58:12.
“Iti tiempo ti kanibusanan ti tunggal nadiosan nga institusyon maisubli. Ti gutbaw a naaramid iti linteg iti tiempo a ti Aldaw a Panaginana ket binaliwan ti tao matarimaanto. Ti matda nga ili ti Dios, agtactader iti sango ti lubong kas repormador, ipakitada a ti linteg ti Dios ti pundasyon ti amin a makaandor a reporma ken ti Aldaw a Panaginana ti maikapat a bilin agtacderto a pakalaglagipan iti panagparsua, agtultuloy a mangipalagip iti pannacabalin ti Dios.” – PK, p. 678.
b. Ania ti kayat a saoen ti agsaibbec ken agsangit? Ezequiel 9:4.
“Ti kinarimon a pagsasaibbecan ken pagsangsangitan dagiti namatalec ket isu amin a mabalin a mailasin dagiti mata ti tao ngem dagiti kadaksan a basol isu dagiti mangprobokar iti imon ti nadalus ken santo a Dios, a saan a naipalgac.” – 5 T, p. 211.
“Iti panawen a nakaro unay ti peggad ken ladingit ti iglesia, ti bassit a bunggoy nga agtactacder iti lawag ket agsasaibbec ken agsangsangit gapu iti kinarimon a naaramid iti daga. Ngem ad-adda a nangnangruna dagiti kararagda nga agpangato maigapu iti iglesia agsipud ta dagiti kamengna agar-aramidda iti kas maiyannurot iti aramid ti lubong . . . .
“Agladingitda iti sango ti Dios iti pannakakitada a naumsi ti relihion iti tunggal pagtaengan dagiti addaan iti naindaclan a lawag. Agunnoy ken parigatenda dagiti cararuada gapu iti kinatangsit, kinagamrud, kinamanagimbubukod ken allilaw iti nganngani amin a kita ket addan iti iglesia” – Ibid., pp. 209, 210.
k. Sadino ti pangrugian ti ocom, ken ania ti kayat a saoen daytoy para kadagiti agibunbunannag nga ili ti Dios? Ezequiel 9:6.
“Ngem ti sapasap a pannakapapatay dagiti amin a saan a makakita iti naglawa a pagdumaan ti basol ken kinalinteg, ken saanda a marikna kas ti marikna dagiti agtacder iti balacad ti Dios ken umawat iti marka, nailadawan iti urnos dagiti lima a lallaki nga addaan pangpatay nga igam: [Naadaw iti Ezequiel 9:5, 6].” – Ibid., vol 3, p. 267.
Hueves
Noviembre 26
5. PANNACAISPAL
a. Kasano nga ispalen ti Dios ti iliNa iti daytoy a tiempo? Lucas 18:7; Daniel 12:1, 2. Isalaysay ti pannakadalus ti iglesia sacbay ti panagserra ti probasyon.
“Iti oras ti kaindaclan a peggad ti iglesia maidaton coma dagiti kapasnekan a kararag babaen iti namatalec a matda, ket denggen ti Dios ken sungbatanNa iti kanito a ti basol ti agsalsalungasing ket nadanonnan ti rukodna.” – 5 T, p. 524.
“Ti iglesia mabalin nga agparang a matumban, ngem saan a matumba. Agtalinaed, idinto a mayakayac dagiti managbasol ti Sion – ti taep maisina iti napateg a trigo.” – 2 SM, p. 380.
“Ti tiempo ket saan unayen nga adayo a ti suot sumangbay iti tunggal cararua. Ti marka ti ayup maipilitton kadatayo. . . Iti daytoy a tiempo ti balitoc maisinanton iti rugit iti iglesia. . . Ti taep kas ti ulep maisurot iti angin, uray kadagiti lugar a ti makitatayo laeng ket nabacnang a trigo. Amin a mangicawes iti bado ti santuario, ngem saan met nacawwesan iti kinalinteg ni Cristo, agparangto iti kinabain ti bukodda a kinalamolamo.” – 5 T, p. 81.
b. Sino ti makalasat kadagiti saplit ket maiyalis iti maikadua a yaay ni Jesus? 1 Tesalonica 4:16, 17; Apocalipsis 14:4.
“Awan no di ti sangagasut uppat a pulo a ribo ti makasursuro iti kanta; ta kanta ti kapadasanda. . . nga awan ti sabali a bunggoy ti naaddaan itoy. . . Dagitoy, iti pannakaiyalisda manipud daga, manipud kadagiti sibibiag, maibilangda nga ‘umuna a bungbunga a maipaay iti Dios ken iti Cordero’ (Apocalipsis 14:4).” – GC, p. 649.
Viernes
Noviembre 27
PERSONAL A PANGREPASO A SALSALUDSOD
1. Ania a salacnib ti idiaya ti Dios manipud kadagiti saplit, ken kasano a maaddaanda iti daytoy?
2. Kasano a maisangbaytayo iti kasasaad a nakasagana para iti sello?
3. Kasano a ti matda mainaig iti basol iti aglawlawda, uneg ken ruar ti iglesia?
4. Nariknam kadi ti personal a talged ti kari ti Dios a maisaganaca para iti panungpalan?
5. Kasano a ti sirmata ti Dios iti trigo ken taep maiduma cadatayo?