1. JAN TATABRA Sandi Wis kati 28

a. Jü ta uplika nani wal Jan tatabra aisan ba wina dia lisinka yawan sipsa lantakaia sipsa witin an aiwarkka dukiara aisan ba wina? (Jan 1:19-28). "Jan tatabra mahka aiwarka takrikan pyuara upla ailal lukan witin ba Moses pruan wina kli buwan; kan witin lika Israel sturka tihuka wina nukan an prapit ulbanka nani sin."—El Deseado de todas las Gentes, pág. 109 b. ¿Dia Jan tatabra para aisan pris an livait nani wal aisan ninkara? (Jan 1:29-34). "Upla kwara tara ba sibrin an kulkanka yabikirawal kaikan kata Jan tatabra mita Jisasra Gad luhpia wisi marikan pyuara. Upla sut lika aikupia kriwan takan kata Jan tatabra smalkanka ra, kan witin Dawan ninara smalkikan. Yu bani Jan tatabra smalkankara walikan aisaurka nani param saki kan ba, an kasak lukikan naha na heven wina blikan waiknika kum baku. Sakuna yamna naha Jan wal kau taraba? Witin aikwalka dimra lika manakira upla mita kulkanka tara yabi nani stailka dimras kan, sakuna upla umpira baku kwala dimikata. "— El Deseado de todas las Gentes, pág. 110,111.

---

2. JISAS RA BRIBALAN Mundi Wis kati 29

a. ¿Yua wala Jan dia aisan? ¿Ya pali ba Jan ra walikan? Jan 1:35,36. b. ¿Dia smasmalkra daukanka kasak brikan Jan disaipilka wal ba? Jan 1:37-39. "Jan an Andres wal witin nani Jisas ra kasak lukras kan sa kaka sin parisi an pailat nani baku, sip apia kan Jisas minara iwi ai disaipilka baku kaia. Witin nani sipkan balaia sakuna dusa kakuhbra nani baku. Upla ailal baku aikupia durka ba prakisa. Sakuna naha disaipilka nani lika witin nani Jisasra kasak lukan. Witin nani Jan tatabra smalkanka tanka brin an Spirit Holikira mita ainakra nani ilingkan. Baku nanara sipkan Jisas ra balaia an aiminara bawaia. Kan Jisas smalkanka lika diara auhni an prana palikan. Sin lait ingnika kum baku prapit nani Testament Almuk ra ulban dukiara nani param saki kan.Latwan an kasak lukan ba mita aitani wandaukisa heven sinska lakaba tanka kasak briaia. Kasak tanka wan rayakara barasa pyuara sin ki kum baku kwakisa Dawan tanka tihuka nani, Dawanra latwan an witinra kakaira takan nanira. " (1 Jan 4:7). El Deseado de Todas las Gentes, págs.. 112,113.. c. ¿Yamna naha pas disailpil wal kan ba? Jan 1:40 (Sen Jan ulban disailpilka ba ainina yukukan). Aisas nahki Andres witin brindaukikan Jisas wedniska aisaia Jan 1:41 "Disaipil Jan lika waikna kum mawan param, an uplara latwan kakaira kan, ao witin laikkan upla wala wal rismunaia spiritka brikan. Witin Jisas glorika tanka plikikaiki kan, tasba prana nanira lika apia, baku sin witin uya kasak lukras kan Jisas ba tasbara upla tarakum aimakbia, baku sika witin aisan yawan Misaia ba sakan ai muihni Saiman ra wasata pyuara"— Idem,

---

3. PITA, PILIP AN NATANIEL Tiusdi Wis kati 30

a. ¿Jisas mita Pita ra kaikan pyuara dia wisata? Jan 1:42 "Saiman witin Jisas mita aima wal winbia bila kaikras kan. Witin sin Jan tatabra smalkanka walan kan, bara isti pali Jisas ra balan. Jisas ai nakra witin kat kaikan an nukan witin aisturka sut. Ao witin isti diara dadaukra, sakuna aikupia lika latwankira kan, diara manas aikupiara kan, an yakan aiwina kat sin sipsa luki kan, witin aisturka, kahwanka, aikupia lakanba, aiwarka tara daukan nani ba an nahki Jisas nina tawan pruanba. Man Saiman, Jonas luhpia sakuna ninam makankabia Cefas tanka ba walpa. DTG 113 b. ¿Nahki disaipil raya ba witin wilinkira kan gaspel sturka yamniba upla walara wiaia? Jan 1:43-45 c. ¿Natanael namhpa lukikan ba nahki marikan, nahki Pilip mita baha wina sakan? Jan 1:46 ¿Dia yawan sipsa lan takaia naha disailpilka nani warkka takra natka wina? "Upla kumi sin Jisas swaki sakan laka bribalan ba sturka kasak sip tanka bribia apia upla smalkankara kaikisa kaka. Natanael kata baku yawan nitsa Dawan bila ba yakan stadi takaia, an Spirit Holikira ingnika makabaia. Natanael ra kaikata ba dus muhtara aipura sunikan pyuara yawan ra sin wankaikan kabia anira wanpura suniba. Dawan ensalka nani wanlamarasa bawan laka wal heven dariksanka plikisa pyuara.Jan, Andres, Saiman, Pili pan Natanael nanira winanba wal mahka Jisas ai sertska paskan. Jan mita upla wal Jisas ra bribalan. Andres aimuihni ra Jisas ra bribalan. Pilip mita Natanael ra bribalan. Naha warkka na yawan patran kum baku kaia sa nahki wan panika nani Jisasra bribalaia ba. Wan lamara iwi uplika nani, wan famalika, wan panika nani sut nitsa Jisasra kakaira takan kaia. "— El Deseado de Todas las Gentes. págs 114,115..

---

4. YANG RA KASAK LUKISMA KAKA Winsdi Waupasa kati 1

a. Natanael namhpara lukan sakuna ¿Jisas nahki witin dukiara aisan? Jan 1:47 ¿Dia Jisas aisan pyuara Natanael siran iwan an nahki ansa munan? Jan 1:48,49. b. Jisas aiwarkka tara upla helpkara daukai yabara kaiki kan pyuara ¿Natanael dia aisan? Jan 1:51 "Yang ra kasak lukisma kaka…kau raya takma. Heven durka kwakan ba kaikma an kli sin praubia apia. Man nani dukiamra kwari sa. Dawan ensalka nani ba uliwisa man nani puram sunra ba Aisa trunka mawanra, an kli tawi aula bara bribalsa blising, bilakaikanka, kupia karna spiritka luhpia nanira.Baha sut lika Jisas bak baman, ensal nani wark takisa yawan wan yamnika dukiara Dawan blisingka bribalsa. Jisas witin upla kwalka dimanba wal Adam luhpia waikna an mairin nani helpka dukiara aisisa. Ao Dawan baku lika ai Aisika trunkara alkisa, baku sika Jisas ku baman yawan sipsa Aisara balaia."— El Deseado de Todas las Gentes., págs. 116,117 c. ¿Nahki yawan sipsa Aisara waia Jisas ku? Jan 14:6. "Yawan holi an kasak takaia lukanka ba yamni palisa; sakuna lukanka baman wal sip diara daukras. Upla ailal tiwaiara auyasa kristian nina baman briba wal. Witin nani airayaka Jisasra yabras. Naiwa brin daukras Jisas mina taibankara wapaia.Wan sinska aiska ba Jisas ra yabaia nitsa witin ai talia wal klin, wapni an holi wandaukbia, an paskanka raya dukiara. Yawan wan sinska ba Jisasra yabisa pyuara heven karnika aiska wal asla takisa. Bara baku lika karnika ailal pali briaia sipsa karna buwaia, an awar bani minit bani wan sinska ba heven kat manki brikaia, naha tasba dukia nanira lukaia an kaikaia sin apia, baku baman sipsa pawaia. "— El Camino a Cristo, pág. 47,48.

---

5. JISAS DAUKANKA PARAM MARIKAIA Tausdi Waupasa kati 2

a. ¿Dia smalkanka tnatka yamnikum yawan kumi bani nitsa yusmunaia? 1 Jan 3:10,11. "Nanara Jisas hevenra uliwan bara, witin aidisaipilka nani ba naha tasbara witin pali aipliskara swinsa. Tnatka kum kau yamni an kasak ba sika wan rayakara holi, klin, an wapni lakara iwaia. Yawan wan smalkanka ba uba karnika apusa sakuna nahki tnatka yawan iwi ba. Upla nani sipsa wan smalkanka mapara aisaia sakuna wan rayakara latwan laka ni Dawan warkka taki upla solka tihmia karnika wina swaki sakaia traikaiki ba witin nani sip baha mapara aisabia apia.Jisas smalkan lika witin airayakara iwiba wal baku kan. Baku sin yawan kumi bani Jisas wina lantaki naniba witin wal baku takisa. Dawan bila yawan aisisa pyuara wan rayaka ba klin, wapni an holisa kaka upla sip baha mapara bubia apia, baku lika wali uplika nani ra sin kiwa baku aubi bribalsa kasak ka tankara. Baku lika baha uplika kata witin sin tawa chens taki auya ai iwanka tnatka sutra bara sin pauta baku wan angki saurka taskika wan rayakara bara nani ba sut angki tikisa, an Jisas pali wal wan panika painkira baku kakaira takisa." —El Deseado de Todas las Gentes, pág. 115,116.

MAKABANKA LUAN NANI BA LAKI KAIKS Praidi Waupasa kati 3

1. ¿Jan dia aisan Jisas ra kaikan pyuara? 2. ¿Andres smalkaia warkkara dia lan takan – yawanka dia lantakaia nitsa? 3. ¿Pilip ba nahki Andres baku warktaka laik kan smalkaia ra? 4. Yawan Dawan ra waia ba dukiara ria aisas 5. Natka kau karna Dawan warkka daukaia ba dukiara kau sitnika wina aisas.