DIA BA GASPEL SMALKAIA WARKKA "Upla umpire naniba man nani wal bankabia, an wantsma kaka witin nanira yamni munma." (Mark 14:7).
Sipsma kau aisi kaikaia:
DTG, págs 592-597
"Kahwan nani, saurkara iwi nani ba Dawan latwanka kau witin nani purara sa bara kli bukaia dukiara helpka dauki ba Jisas palira dauki bakusa."— Exaltad a Jesús, pág. 76
1. YAWAN DAWAN PRAPATIKA MAIN KAKAIRA SandiWaupasa kati 26
a. Dawan tasbara ai blisingka blikiba ¿dia daukan sa upla umpira nani helpkara? Lawana nani 65:9-11; 68:10; 107:9.b. ¿Jisas nina blablikra nanira dia warkka yaban sa: “yamnisa umpira kakaira nanira? Matyu 5:7."Naiwa yawan wan pyuara kau nitsa upla umpira nanira help munaia, kan wanlama kir upla kwala luha, plun piras, rau, piarka nani barasa. Dawan mita upla nanira lahla yabisa yakan uba smatba mita lika apia sakuna aiwalka nanira help munbia dukiara.Tani walara yawan kristian baku wan spiritka lainkara pawaia nitsa wan walkara helpmuniba wal, baku bara yu bani yawan traikaikaia sa plikaia yaura help munaia, ya wan helpka nitsa, dia tnatkara yawan sipsa: kwala, plun, sika, apia tnatka wala wal.Serts bilara wan lakra mairin nani asla taki sipsa bakanu tnatka plikaia wan tawanka bilara upla kahwa, rau, piarka, almuk nani, apia utla apu nanira help munaia. "— El Ministerio de la Bondad, pág. 17.
2. IDAN NANIRA HELP MUNAIA ADARKA WANKANSA MundiWaupasa kati 27
a. 1 Jan 5:19 wanwisa naha tasba aiskana tihmia karnika mina muhtarasa ¿Kristian kuntrika tilakat sin nahki umpire ailal sa?."Tasba aiskara Dawan banhkansa witin aikupia pihnika laka wal, bara kukanka paskaia watla nani ba banhkisa plun nani ailal barasa. Sakuna tani wala umpira laka sin kuntri banira bara sa. Tanka ba Dawan mita kukanka yaban nani ba selp aiwina kat pawaia lukanka brisa.Wan nina baman kristian wisa sakuna tasba kukanka nani lihkisa, wantsa kau an kau lahlakira takaia, upla umpira kwala luha, piarka, rau nanira lukras, silak watlara nanira sin wan auya tikansa.Tuktan ailal naiwa nitsa sika lainkara, plun an kwala dimaia sakuna naha nanira wan auya tikansa." —Testimonios para la Iglesia Tomo 6, págs.277, 278.b. ¿Dia blisingka Dawan wantsa idan nanira yabaia, swaki sakan yabalka mariki ba purkara? Aiseya 58:7; Jems 1:27."Kristian manas lukisa matlalkahbi mana, an wan presantka prias watlara bribaliba wal aitanisa, bara taka ba wal yawan pain iwaia, kwala mana dimaia, utla pain makaia, truk atkaia an ban tasba dukia wala nani sin briaia.Upla umpira nanira help munaia ba, kahwa, piarka, almuk sikniskira nani sut ba kristian warkka palisa, ban sa kaka serts bilara kristian nani asla taki tnatka plikaia sa tawan bilara baha sat uplika nani pliki help munaia. " —Idem 278."Ensal nani wanbila kaikisa yawan nani asla taki serts baku tawan bilara upla umpira nanira help munaia tnatka plikbia, plun, kwala, sika, ban tnatka wala nani sin.— Testimonios para la Iglesia, Topmo 7, Pág. 60.
3. WALKAM RA LATWAN KAIKMA WINAMRA BAKU TiusdiWaupasa kati 28
a. ¿Nahki wan walkara yamni munaia ba Jisas daukanka palisa? Galisan 6:9,10; Roman 12:20."Yawan Samaritan waiknika nahki wark yamni daukata baku nitpalisa daukaia, upla umpire, skahwa, piarka utla apu nani ba wan watlara dinkaia sa, yawan Kristian baku selp wan wina kat kaikaia apiasa sakuna wan walkara help nitba wan mihta kum yabaia sa." — Testimonios para la Iglesia, Tomo 6, Págs. 278,279.Jisas naha sturka aisan pyuara kristian ka nani nitkan naha lisinka lantakaia, baku sin naiwa yawan kau nitsa kan heven alsut ba upla swaki sakaia warkkara intres tara kaikisa.Naiwa yawan Kristian wan nina baman briba naha lisinka lantakras sa kaka heven dimbia apia, Jisas balbia pryuara ai aihkikara nanira wibia baldims Dawankam liliara, kan plun aiduaki kan aidadakram, kwala luhwa kapri kwala aikram, silakra kapri bal aikaikram, wan walkara daukan ba witinra daukan baku kulkisa. "— El Deseado de Todas las Gentes, Pág. 465.b. ¿Nahki wan lamara iwi nanira yawan marika sipsa kristian iwanka tnatka? 2 Tesalonika 3:13."Serts member kumi bani yawan nitsa wan lamara iwi nanira smalkaia Dawan sturka yamniba. Baku sin wan watlara invait munaiasa bal aikuki prias sirpikum daukaia, Dawan bila aisikaikaia, wan pura sunaia. Jisas ba wan swaki sasakrika baku witin nanira mariks.Members sut lantakan kaia sa nahki aiwalkara Dawan sturka aisaia, kan upla kumisin hevenra wabia apia, kau kainara naha tasbara Jisas wedniska aisaras kan sa kaka. Yawan wark tara brisa kuntri walara waia, sakuna wan lama palikat sin upla ailal barasa kau Dawan bila kasakka tanka briras." —Idem, pág.279.
4. AIWALKARA UMPIRA KAIKI BA BLISIN BRISA WinsdiWaupasa kati 29
a. Dawan ai ingnikara balbia pyuara ¿upla dakni an bara kabia? ¿ai aihkikara nanira dia wibia? Matyu 25:34-36."La tara yuara Jisas mita yamni balanka yabia naniba lika aiwalkara help munan ba taka mita, bankra witin nani Baibil tanka tihuka lika nuapia kan sakuna Dawan Spiritka kanban wal aiwalkara diasipkan ba aimihta sakban bara Jisas mita witin nanira hevenra pliskum yaban kabia.Sakuna yawan manas Baibil tanka pain bri uplika barasa sakuna wantsa yawan baman selp wan wina kat latwan kaikisa, baha sat kristianka lika ainina baman brisa, bara la tara yuara Jisas mita wibia maiwan wina taki was.Jisas naiwa dia wantyaba sika yawan pana wan walkara traikaikbia swaki sakaia, witin ailatwanka laka marikbia wan daukanka wal." — El Deseado de Todas las Gentes, pág.593b. ¿Dia muni saurakira sut wal kupia pihnikira kaiasa ki? Matyu 25:37-40."Jisas nina blablikra nani lika naha tasbara idan nani wina wihkara takaia apiasa sakuna aikuki traikaiki kaia witin nanira swakisakaia, ao idan nani iwanka tnatka lika lantakaia apia, sakuna yawan witin nanira marikaia patran kum baku nahki yawan Jisas karnika mita chens wanmunanba an witin nanira sin sipyaba chens munaya aikupia witinra yabia sa kaka.Yawan upla saurakira wisi lulki sipswiras, witin nani lamara balaiasa dia sipba wal wan mihta sakbi help munaiasa, bankra plun lainkara, kwala, ar sika lainkara sapa, witin nanira marikan kaia wan daukanka wal Jisas latwanka tara ba tanka.". — El Deseado de Todas las Gentes, pág.593.
5. SELP WANWINRA BAMAN KAIKAIA APIA TausdiWaupasa kati 30
a. ¿Nahki apastil Pal wanwisa Dawan ensal ka nani wal asla wark takaia saurakira nani helpkara? Hibru nani 13:1,2."Upla rau, piarka, kahwa nanira durkam kwakisma pyuara ensal nani liliakira baldimisa wan watlara an blising ailal heven wina bribalisa. Lilia an prilaka ba lawan baku walisa baha watla bilara upla umpira nanira help munisa pyuara. Dawan aitrunka pali wina kulkanka wankisa wark kau yamni daukan baku."—El Deseado de Todas las Gentes, pág.594."Upla ailal lukisa Jerusalen kuntrikara waya bara Jisas wapitauki kan pliska nanira waia Jisas wapan yabalka nanira wapaia, galili lakunka unra Jisas upla kwara tara nanira smalkanbara waia. Sakuna nitapiasa lahla ailal palitikaia baha pliska nanira waia, kau yamnisa upla umpira kahwa, rau, piarka an watlas nanira help munaia, baha pali sika Jisas daukan ba nina bliki dauki lantakaia ba.– Idem 597."Tani walara pasin an smasmalkra nani aimana apu warktaki nanira help munaia, aprenkum yabaia. Naku kaudma kaka manba rait Jisas disaipilka kasak kum kama. – Idem 592.
MAKABANKA LUAN NANI BA LAKI KAIKS PraidiWaupasa kati 31
1. ¿Dia warkka barasa: “Yamnisa kupia pihni mamunra nani wisa pyuara”?2. Mariks Dawan bila smalkanka nahki upla sut dukia ba tanka.3. ¿Dia satka wan walkara yamni munaia ba Jisas daukanka palisa ki?4. ¿Wan lamara iwi uplika nanira nahki yawan sipsa kristian warkka marikaia?5. Jisas ai ingnika tara wal balbia bara, ¿dia wibia ai aihkikara nanira?