ADAR KAT DAWAN WARKKA DAUKAIA BA “Sakuna diara sut tankira adar kat dauks”(1 Korint 14:40).
Sipsma kau aisi kaikaia:
Primeros Escritos, págs.97-104.
"Heven ra diara sut adarkat sa, yawan naha tasbara lantakaiasa heven waia riditaki nani sut. " — Testimonios para la Iglesia, T 2, Pág. 614.
1. DAWAN YABALKA TARA BA SandiKrismis kati 7
a. ¿Dawan dia aisisa witin aiyabalka wihki yawan upla wan yabalka wal difrantka ba? Aiseya 55:8,9.b. Yawan Dawan warkka daukaia pyua banira ¿dia aman pali wandara wali daukaiasa ki? Epesus 6:6."Dawan warkka dadaukra baku witin aiwarkka tanka tihuka plikikaikaia sa, witin dia adarka wankan naniba wark kum dukiara, an aibila wali aisanba kat daukaia sa."—TM, pág. 342.c. Mariks nahki apastil Pal an apastil wala nani sin aisan ba adarkat Dawan warkka daukaia dukiara 1 Korint 4:1,2."Apastil Pal lika wapni an karna buwikan Dawan bila raitka tanira. Witin painpali nukan Dawan sertska ba upla lukan nanira twiwaya apia ba tanka. Wan almuka taim daukanka tnatka wisi pulanka satka nani kumi sin kristian kum ba daukaia apiasa.Au apastil Pal witin Dawan Spiritka ai ta brisa wisi yakan lika wark takras kan sakuna kristian daknika aikuki bakanu aipura suni yaban Dawan spiritka witin nani Sutra ta brikan, bara tar baiwan apu, unsaban apu, tara pulanka sin apu kata kristian nani tilara.."— Los Hechos de los Apóstoles, pág. 162,163..
2. TESTAMENT ALMUK RA ADARKAT KAN BA MundiKrismis kati 8
a. ¿Dia kupia kraukanka Jetro mita Moses ra win dia muni? Impakan Sturka 18:14-22."Heven sutlika adarkat warktakisa ensal tara an sirpi sutba bila wawalra palisa Dawan adarka yanba kat warkdaukisa minitlupia kumisin baha wina tnayara tauras. Wark nani satka sut pawankaia sa kaka adar barakaiasa. Israel nani pyuara Dawan smalki adar yaban nahki adarkat aiwarkka daukbia dukiara. Naiwa sin Dawan warkka tatakra nani ba sinslaka an adarkat wark taki lantakaiasa baku lika Dawan mita yamni kaikbia dukiara."— Patriarcas y Profetas, Pág. 393.b. ¿Dia daukanka yamni walhwal nitkan Israel kiampka bilara ta uplika mankaia? Impakan sturka 18:21." (Impakan sturka 18:19-23) naha kupiakraukan kana yawanra wankisa. Dawan mita Moses ra adar yaban livait nani nahki adarkat wark takbia dukiara, baman sin apia sakuna lahlara latwan kaikbia apia, mairin laikkira kabia apia, sakuna Dawan warkkara latwan kaikbia, aiwina palisin sakripais daukbia aiwalkara help munaia dukiara. Ban sakuna naha kupiakraukanka lika naiwa yawan wan tilara kasak kat daukras sa serts bilara."—Testimonio para Ministros, Pág. 346,347.c. ¿Dia kan Belaam ra karna munan Israel ra blis munaia ao ai lukankara lika wantkan latubaia Kulki kaikanka 23:8,9 ¿Dia mita Israel nanira blising yabaia kan? Kli smalkanka 4:1,6-9."Belamra israel luhpia nani saurka baman kiamara aisan kan, sakuna witin ilra brihuliwan taim kaikan nahki adarkat kan ba bara Dawan mita yaban blismunan."—Patriacas y Profetas, Pág. 475.
3. TESTAMENT RAYA SERTS KARA ADARKAT KAN TiusdiKrismis kati 9
a. ¿Dia mita Dawan ai albika nanira talent yabisa? Epesus 4:7,8,11,12."Yawan Dawan warkka sat sat daukisa sakuna wantilara pana pana wantabaiki lankaiasa. "—Testimonio para Ministros, Pág. 499.b. Dawan warkka ba wantilara paubia dukiara ¿nahki kaiasa wan spiritkara?1 Korint 12.21,25; Epesus 4:16. ¿Dia mistik ka nani durka yawan prakaiasa?"Kumi bani kaisa Jisasra bilakaikaia an witin wanwibia nahki warktakaia ba tanka. Witin param wanmarikbia ani tnatka kau yamniba aiwarkka taura brihwaia dukiara. Upla kumi sin yakan warktakaia pliska apusa, selp ailukanka kat. Naha taimkara setan traipali kaikisa nahki muni Dawan laka ba mayara batakaia, sins laka pawan ba wal. Dawan warkka tatakra baku witin aibila wina minitkumira sin saitra takaia apiasa."— Idem, Pág. 498,499."Naiwa wantila kat tarbaiwan lukanka lika ailalpali barasa, sin pasa baku. Tila upla ailal lukisa wan prika lakaba tikisa serts adarka kat wark takbia sa kaka."— Testimonios para los Ministros, Pág. 496,497c. ¿Jisas nina blablikra naniba nahki aitilakat kulkanka brikaia sa?. 1 Pita 5:5,6."Wan tilara Dawan albika nani pat almuk takan mani ailal warkka narasa airayaka wapnira iwisa, witin nanira wahbisakan kaia sa wan tabrarika baku. Ao, wahma nani sin sipsa warkra kaia sakuna almuk nani lukankara respek munaia aitanisa. Kan witin nani diara tanka manas brisa mani ailal warktaki aula ba mita. "— Idem. Pág. 505.
4. DAWAN ALBIKA KASAK WinsdiKrismis kati 10
a. ¿Dia laka mankaia sa serts ta uplika nani wahbi sakisa pyuara? Taitus 1:5-9."Dawan warkka taura aimakaia winanka daukan ba diara kum tara an holi palisa. "—Hechos de slos Apostoles, pág.76."Serts bilara adar kat mankaia dukiara ta uplika nani wahbi saki kan ba witinka airayaka ba wapni, klin, an holi lakara iwikaiasa, baku testament almukra adar Dawan yaban kata."—Idem, pág.78."Dawan sertska ba diara kum holi palisa, nahara ta uplika wahbi sakisa pyuara aman pali kaikan kaiasa witin airayaka luan nanira an naha minit palira nahki iwisa sapa. Naha lainkara sertsba ban isti upla kum wahbi sakbia sa kaka sipsa mistiktakaia, an serts purara kabia naha saurka laka ba."—idem, pág.100."Dawan warkkara aula ba pat waikna aitani kaiasa an aitanka aihwa brikaiasa."—Idem, pág.103."Pasin kum warkka lika isi apia karbanka wihra aipahpaiarasa tila manas sin saritakaia sipsa."—The Review an Herald, 26 de Julio 1898.b. ¿Dia aisan apastil Pita serts ta uplika nanira nahki Dawan sipka main kaikaia tanka? 1 Pita 5:1-5."Dawan sipka mainkakaira nani lika aimanara baman bila kaikaia apiasa, sakuna siplupia nanira latwan kaiasa. Ban uba karna munaia apia, tankira, tawa tawa brih impakaiasa, swapan nani bara helpmunaiasa kahwan naniba tawa alki bukaia, kriwan naniba twilki bribal rakaiasa. "—Los Hechos de los Apostoles, págs. 419."serts bilara ta uplika nanira kulkanka yabaia an bila walaiasa, kan witin nani sipdakni aiska dukiara aitaimka mankisa an ai iwanka tnatka ba sin nina blikaiasa, wapni, klin, holi an adarkat warktaki kaia."— Idem 421.
5. UPLA YAKAN SMASMALKRA PULIBA TausdiKrismis kati 11
a. ¿Dia warkka Dawan daukisa naiwa pyua lasra yawan iwinara? ¿dia setan daukisa Dawan warkka mapara? Roman 16:17,18; Sturka nani 20:27-30."Naiwa yawan tnata pyuara iwinara kau nitsa asla laka an adarkat warktaki lantakaia, kan setan ai ensalka nani aikuki traipali kaikisa serts bilara tarbaiwan laka bribalaia. Baha mita Dawan warkkara wahbisaki waiknikaba lika aiwatla bilara ai luhpia an aimaia sut yaka adar kat bila wawalra palikaiasa. Witin aiwatla kasak wakras sa kaka nahki Dawan sertska brihwakbia."—Primeros Escritos, pág.97."Kristian kum airayaka holilakara iwras sa kaka ta uplika mankisa pyuara Dawan warkkara sauhkisa."—Idem.b. ¿Dia ba kau isisa smasmalkra kuninkira nani pat diman pliskara waia apia kaka tawan rayara dimaia?"Kau kanra yamnisa tawan rayakumra dimi warktakaia, sakuna pat tawankumra pasin kuninkira nani wark daukanra lika apia."—Idem, pág.99.
MAKABANKA LUAN NANI BA LAKI KAIKS PraidiKrismis kati 12
1. ¿Dia daukanka yamni brikaia sa baha nani Dawan warkkara aula nani ba?2. ¿Dia kan Dawan talent an tingki laka yabisa ai albika nanira?3. ¿Nahki yawan wantila kat iwikaia lantakaia sa Dawan warkka paubia dukiara?4. ¿Dawan sertska bilara dia laka nani mankaiasa ta uplika nani wahbi sakisa pyuara?5. ¿Dia apastil Pal wankupia kraukisa Sturka nani 20:27-30 ra?