1. JACOB LIWANHTIKARA Sandi Yahbra kati 23

a. ¿Dia takan Jisas minitkum resbriaia iwan pyuara?¿disaipil nani ba anira kan? Jan 4:3-7. b. Jisas mita mairkara help munaia traikan kata ¿au takaia kan? Jan 3:8 ¿Jisas dia daukan waihla laka krikaia? Jan 3:7 mairka aihka siran iwi ¿dia Jisasra win? Jan 4:9. "Ju nani wihki samaritan nani wal waihla lakara iwikan taka mita naha mairka Jisasra sip likat sin yabaia want apiakan. Sakuna Jisas witin sinskira baku, diara yabaia baku aisaras kan sakuna witin mita makaban, tanka sika baha wal wantkan waihla laka lukanka tikaia, an pana takaia plikaia. " DTG 155,156"Ani pyua serts dakni wala nani uplika kumwal smasmalkra kum watlara auya bara sipsa unsabanka bukaia, apia kaka aihka aidara walaia, sakuna Jisas albika kasak kum ba witin plikbia apia unsaban laka, sakuna aipana takaia, diakra wansaurka aisabia sin minitkara mapara aisaia apia, sakuna latwan laka wal tawa tawan tanka kler munaia." —Palabras Vida del Gran Maestro, pág. 318.

---

2. NAHKI JISAS MAIRKA SINSKA KWAKAN Mundi Yahbra kati 24

a. ¿Nahki Jisas mairka sinska kwakan an diara kau tarara yaban lukan? Jan 4:10. "Naha mairka aitanka painpali lika briras kan sakuna aidara walikan sturkana kasak aihwa pali baku." DTG, pág. 156. b. Mairka lukan Jisas aisisa Jacob liwanhtika dukiara ¿bara dia win? Jan 4:11,12. "Samaritanka mairka mita Jisasra upla wapi swapan baku kum lika kaikras kan sakuna witin aisinskara Jacob wal baku prakan kata. "— Idem,. c. Jisas kaikan mairkana kau ridi apia kan makaban walata ansika briaia ¿Jisas mita nahki kau tihu sturka aisan? Jan 4:13,14. "Jisas mita mairkara wiras kan bankaia laiaka ma lupia kum wal baman aitanikabia baku. Kan ya Jisas latwanka kaikisa pyuara kau an kau brindaukisa aibahwankaia. Bara naha tasba brinka, kukanka naniba wan nakrara diara bahkikum baku kaikisa.Yawan wan nitka wanmarikisa bara kau an kau brinwandaukisa bitar taki waia wan mistikka nani ba wina yamnika laka nina blikaia.Naha tasba kukanka nina bliki uplika naniba prilaka sipsakras sakuna Jisas wankupiara iwisa pyuara Lilia an prilaka wal wanbahkisa. (Jan 4:14) baha layakarma wina wannitka sutdukiara yawan sipsa satispais brinkaia.Jisas naha kasakka tihuka aisikan pyuara mairka kata kau kau brindaukikan Jisasra walikaia, kan ainitka pali ba wina takiwaia brindaukikan ba mita. "— Idem 157.

---

3. JISAS NAHKI TANKA KAT DAUKAN BA Tiusdi Yahbra kati 25

a. ¿Dia mairka aisan witin aitanka brisata pyuara Jisas mita li wina diara kau yamni dukiara aisan pyuara? Jan 4: 21-24. b. ¿Mairka dia raitka tanka brin?, ¿Nahki Jisas tankira naha mairka raya sturka paramra sakan? Jan 4:16-18. "Jisas wantkan blissing yabaia Samaritan mairkara sakuna pastaura witin nitkan aisaurka tanka briaia an baha wina baltakaia. Baha mita Jisas win was maritkam bribal. ‘yang maritki apu’ baku wisata pana mairka mita. Witin kau naha dukiara aisaia wantapia kan, sakuna Jisas win kasak aisaram kan waikna matsip (5) briram an nanara brisma mayam apia, nahara sturi raitba aisaram. (Jan 4:16-18).Samaritan mairka Jisas mawanra tatatwan, yamna naha waiknika witin aisikritka sut nusaki? Aidara walan airayaka tanka yukwanra daukan dukia nani sutba sin bukkum aisikaiki bakukan Jisas mita. Witin lâ tara yua dukiara lukan tnata pyuara diara yukwanra daukan nani sutba latan takan kabiabara."— El Deseado de Todas las Gentes, págs.157,158. c. ¿Nahki witin airayaka luan sturka an minitkara iwikan sturka nani ba aisaia apia? Jan 4:19¿Nahki mairka traikaikan diara wala aisi wal yukwaia?Jan 4:20 "Jisas yaban minitkum mairka aisan, aisikan aula kan sturka kata chensmuni diara wala aisan. Man nani Ju bila wisma Jerusalen ra prias daukaia, sakuna Samaritan nani lika Gerizim ilkara prias daukisa aniba kasak sa ki, Sakuna Jisas bila kaikikan kli baltawa an kasakka mairka nitkan bara brihwaia. " Idem.

---

4. JISAS MITA SAMARITAN NANIRA SAURA KAIKRAS Winsdi Yahbra kati 26

a. Samaritan nanira Jisas mita saura kaikras ba marikan ninkara ¿dia Jisas aisan? Jan 4:21-24. "Jisas param marikan witin samaritan nanira saura kulkras kan ba tanka. Bara traikaikan baha waihla laka ju an samaritan wal brikanba krikitikaia. Sakuna Jisas aisan aidulnanira Samaritan uplika nani mayunra daukiba aitani apiasa, ju nani mayunra yabiba kasaksa, an Mesaia ba ju nisanka wina balaiasa. Baibil holikira ra param wanmarikisa Jisas daukanka nani sutba an ai gabamintka bapanka naniba. An Jisas mita marikan Ju nanira yabankan kasakka bila tanka tihuka naniba.Jisas wantkan ba sika naha mairkara yaka ailukankara unsaban an waihla laka misbarka brikan ba wina diara tihura brih uliwaia. "—El Deseado de Todas las Gentes, págs.160. b. ¿Nahki naha mairka tankira nutakaia wantkan Jisas ba Misaia sapa? Jan 4:25,26. "Yawan upla ba ilkum apia kaka priaswatla kumra wisa bara lukaia apiasa Jisas wal bahara baman sipsa aisankaia. Kristian laka ba purataia baman lika apiasa. Dawan wantyaba yawan wantanka bribia wannitkaba kli aisubitakaia ba tanka. Witin aiwarkkara wan paiwisa sakuna wankupiakum rayatakaia nitsa.Jisas mawan ingnika an holi palira kan, sakuna mairka aidara walan witinra patra dinkaia lukanka apukan, kaukanra Dawan kupia pihnika laka tanka aisan nahki wan kupia raya daukaia karnika briba tanka. Mairka lukan ¿naha waiknikana Mesia balaia bila kaiki kanba lika apiasa ki?."— Idem, pág. 160.Jisas mita naha samaritan mairkara rayaka laya yabaia wisata ba naiwa yawan wan pyuara sin baku baha laya rayaka wankiba wankaia wantsa. Jisas yawan sutra brindaukis swakiwan sakaia an hevenra wan brihwaia."— DTG, pág. 165.

---

5. BAHA SAT MAYUNRIKA NANI AISABA PLIKISA Tausdi Yahbra kati 27

a. ¿Dia takan mairka aitanka kasak brin taim lilia kira Dawan wedniska aisan pyuara? Jan 4:28-30. "Yawan Dawan warkka kasak daukaia kaka nitsa kli Spiritwina aisubi takankaia. Naku baman sipsa wankupia nani klindauki, wan sinska raya an karna wandaukbia, Jisas palira kakaira takaia wan panika painkira kum baku. Baku sin yawan sipkabia Dawan laka nanisutra kulkanka yabankaia. Baha sika raitaihwa kristian kum mayunra kasak sipba Dawanra yaban kaia. Spirit Holikra warkka mâ kum baku. Baha sat mayunrika nani Dawan bila kaikisa witinra aimayunra yaban kabia.".— El Deseado de Todas las Gentes, pág. 159,160"Naha samaritan mairka Jisasra walata pyuara aikupia Lilia ni aibahwan kan, bara witin ailaya watla bribalan kata liwaunhta pura kan swisi tawanra plapiwan aiwalka nanira Jisas wal prawan sturka yamniba wiaia. Jisas kaikan naha mairka aitanka brinkan ba an witin brindaukikan ba rayaka laya wina diaia."— Idem 161,162.

MAKABANKA LUAN NANI BA LAKI KAIKS Praidi Wis kati 28

1. ¿Nahki Jisas traikaikan pura luwaia Jü an Samaritan wal aisaras kan ba? 2. ¿Rayaka laya tanka nahki Jisas smalkan samaritan mairkara? 3. ¿Diara tankira daukaia ba nahki nitsa smalkaia warkkara? 4. ¿Upla wala nanira saura kaikaia trabilka baliba nahki wan tanka briaia nitsa? 5. ¿Dia daukan samaritan mairka witin kasak tanka raitba nutakan pyuara?