1. DAWAN WINANKA Sandi Krismis kati 21

a. Dawan winanka ba ¿Kristian sut dukia apia kaka ta uplika nani baman? Matyu 28:19,20. "Jisas smalkaia adarka yaban ba lika kristian sutra yabansa, tasba tnatara kat. Mistik tara takisa naha lainkara kristian ailal lukisa naha smalkaia warkka lika pasin ar smasmalkra nani baman warkka, sakuna baku apia, ya uplika Jisasra kakaira takan ba Dawan spiritka yawanra wan ta brisa kaka yawan yakan naha bila yamnika sturkana brih sapkapras wan walka nanira sin wiaia nitpalisa."— El Deseado de Todas las Gentes., pág. 761 b. ¿Dawan bila ingnika ba upla dakni kumi dukia sa ki, apia kaka upla sut dukia? Jan 1:9;8:12; Matyu 24:14. "Jisas smalkanka wal nisan nani tilara unsaban tarbaiwan nani baraba sut krikitikisa, naha smalkanka kara waihla laka apu, tarbaiwan laka sin apu, nisan kum kau tara wala sirpi kulkanka sin apu, sutba aikuki kumi bakusa, latwan laka tara ba wan kupia nanira iwisa pyuara." — El Deseado de Todas las Gentes, pág.762.

---

2. SERTS BILARA WARK SAT SAT YABAN BA Mundi Krismis kati 22

a. ¿Dia kan Dawan wiras Kristian sut ba sin warkka daukia? 1 Korint 12:4-7 "Dawan naiwa kristian sutra makabisa aiwarkkara pasplis ba yabia, yu kum sin swika lubia apia Dawan warkka daukras sa kaka. Ao, Kristian sutlika sin warkka daukbia apia, kum kum sipsa kuntri walara misaniry baku waia, wala nani lika bankra ailahlika wal sipsa Dawan warkkara tabaikaia, sakuna sutlika wan rayakara kristian kasak lakara wapikaiasa, klin, holi, an wapni lakara."— Profetas y Reyes, págs.165,166. b. Yawan Dawan winanka walisa pyuara ¿Nahki ansa munaia sa? Aiseya 6:8. "Kristian kumi bani Jisas wina swaki sakan laka brin naniba witin nani sin aiwalka nanira help munaiasa. Kumi bani wan minara bui wiaiasa ‘kaiks yang narasni aibliks anira man wantsma bara’ sipsa pasin baku, smasmalkra baku, daktar baku, nurs baku, mikianik baku, sakuna sut yawanra wankansa Jisas iwanka kasakka tanka ba yawan bahara iwaia an wapaia, bara upla wan kaikisa pyuara Jisas dia daukanba yawan wina lantakan kabia.." —Ídem., c. ¿Dia Jisas aisan baha nani winan pyuara namhpa lukan nani ba? Matyu 19:23; Luk 9:59-62;14:33. ¿Dia lantaka nitsa baha nani ta uplika nani bila wali lan apia nani ba? "Naiwa nitsa waikna nani wark kasak wapni an adarkat dauki nani, an aikupia aiska, aisinska aiska warkra manki nani, an aiwarka ban tanis daukras sakuna pain pali laki kaikisa kau daukras kainara, an Dawan dairiksanka plikisa yakan ban uba sinskira pulras. Baku sin aiwarkka sut lika awarka kat daukisa. sturi bahki aisi aitaimka tikras lalkat dia nitba kat aisisa".. —Evangelismo, pág. 471.

---

3. SRINWAN LAKA PURA LUWAIA Tiusdi Krismis kati 23

a. ¿Dia makabanka Dawan daukisa kristian nani namhpara luki an srinwi nanira? 1 King 19:9. "Waikna kum kasak an lakat warktaki ba wina upla ailal sipsa helpbrin kaia. Baha mita setan best traikaikisa Dawan albika bila wawalra nani warkka slinbi tikaia. Baku sin Dawan albika ailal nanira traika kaikisa ainakra tasba brinka nanira mankaia. Apia aimana kau pain aibapbia plikisa, baha apia kaka aiwarkka ba swiaia lukisa.Sakuna kau Dawan naha sat albika nanira latwan kaikisa, baha nani setan mita yaban ainakra tasbara kaikan nanira. Jisas witin nanira naku wisa: ¿nahara dia daukisma? ¿Smalkaia maiblikri apia? ¿dia kan narasma? ¿ya mai blikan?"— Patriarcas y Profetas, págs.126,127. b. Swaki sakan sturkaba wantanka brisuya pyuara ¿Nahki yawan sipkabia kaikaia naiwa upla ailal nitka tara ba? 2 Korint 5:14, 19,20. "Ya kristianka kum swaki sakan laka ba aitanka riapan brinsa kaka aidara pain walisa nahki naiwa upla ailal nitka tara briba naha gaspel sturkana walaia, aikupia lakaia an Dawan padinka an swakisakan laka briaia. Baku lika aikupiara yakan aiwina kat kaikaia lakaba apukabia, sakuna aiwalka nanira latwan pali kaiki muni plikbia nahki muni swaki sakan sturka yamniba kiama banira brihwan kaia."Kristian wan wina kata n famaly baku sin naiwa Jisas wanwinisa, wan watla painkira naniba swisi taki waia, tawan walara, ar kuntriwalara nitka tara bara nanira naha gaspel sturka yamnika na brisi yabaia. Yawan manas wan watla nanira pain iwisa pyuara upla ailal pruisa Dawan tanka briras, an bila kaikanka sin apu setan mita alba lakara yaban pruisa. "— Patriarcas y Profetas, págs. 127..

---

4. WAIHLA LAKA SWIAIA Winsdi Krismis kati 24

a. Brukwan wina, ¿dia trabilka wala wan durkara sa? Param marikan 3:15. "Laodicea serts kara kupia kraukanka Dawan blikiba lika naiwa yawan nanira wan aisisa."—Comentario Biblico ASD (Comentarios de Elena G. de White), Tomo 7 págs. 972.Naiwa Dawan sertska bilara wankupia aiskakira wark daukaia uplika mawal baman sa, ailal lika ainina Kristian lika brisa sakuna selp aibisniskara baman taukisa, Dawan warkkara taim apusa, bara nahki bakuna tasbara ingnika yabia ki?. IdemSetan warkka kau saura serts bilara bribal dinkiba sika kristian nanira yaban tasba brinka nanira ainakra kaikaia, bara witin nani prias lika dakbras ainina sin kristian brisa sakuna aidaukanka lika idan nani wal kau saura iwisa.— Idem 974. b. ¿Kristian kumi bani nahki sipsa tasba dukia nina bliki ba wina baltakaia? Sturka nani 3:19,20; Param marikan 3:18,19. "Rait pali wankupia aiska lakbia taim membars bani heven richka prana ba atki brinkabia. (Param marikan 3:18) Idem 972,973."Wednis kasakkira ba ani kristianka nani holi lakara bila wali wapaia traikaiki nanira ta baikisa. Witin mita naku wisa: ‘Ya ban pura lubia naniba yang wal trunkira iwbia, sin yang pura luri an Aisiki wal trunkara iwisna ba baku.Witinka karnika aiska briba serts ta uplika tarkika paliba witin wantsa ai uplika nanira aikarnika yabaia, taura wapikabia minit kumira sin aininara tawi kaikbia apia, kan pura luaia ba pat baila sa bamna."—Idem, Pág. 977 c. ¿Dia patkara wan lakbia ban kristian si tasba dukia nina blikisa kaka? Param marikan 3:16,17; Matyu 24: 48-51.

---

5. ¡UTLARA BALAN! Tausdi Krismis kati 25

a. ¿Jisas mita dia wanwibia pura lalura nani sol wen munaia dukiara karna wark takan nanira? Matyu 25:34. b. ¿Holi nani swaki takan ra dia mana yan kabia? Jan 14:1-3; 1 Jan 3:2. "Hevenra Jisas warkka tatakra nanira mana yabia pyuara Aisa an Siplupia trunka mawanra yamni palikabia, Jan patmos kikara naha kaikan pyuara witin sip stanmunras kan bara pruan baku takan kata. Sakuna yawan hevenra wabia pyuara pruaikaskira wandaukbia bara sipkabia Jisas an Dawan Aisa mawan paliba kaikan kaia di aba kat. (1 Jan 3:2).—La maravillosa Gracia de Dios, Pág. 355 c. ¿Swaki takan nani hevenra wabia bara nahki bila kaikras dukia nani bara kabia? 1 Korint 2:9. "Kristian kum yukum naku aisan, hevenra wabia taim siran yumhpa takbia: kum kaba upla kaikaia lukraskan nani kaikbia taim, walkaba upla barakabia lukan nani apukabia taim, an yumhpika kaba witin pali saurakira kum hevenra wanba dukiara."— La Fe por el cual Vivo, pág. 372

MAKABANKA LUAN NANI BA LAKI KAIKS Praidi Krismis kati 26

1. Aisas Dawan swaki sakaia warkka ba nahki upla sut dukiasa. 2. Yawan swaki sakan tanka bribia taim ¿Nahki idan nani nitka kaikbia? 3. Dawan dia makabanka daukisa kristian srinwraskira nanira? 4. Yawan nahki sipsa naha tasba brinka wina baltakaia? 5. Nahki lilia tara kabia sol wenmamunra nani hevenra?