SASAKRA BA PLIKI "¿Naiwa naha watlara swaki sakan ba balansa?" (Luk 19:9).
Sipsma kau aisi kaikaia:
DTG, págs. 506-510
"Naha publican nani lalka witin brindauki kan airayakara kau bitar takaia."— Conflicto y Valor, pág. 301.
1. SAKIUS BIUTI MANA BRABRIRA NANI LALKA SandiYahbra kati 30
a. ¿Sakius dia daukan Jisas ra kaikaia wantkan pyuara? Luk 19: 3,4. ¿Dia witin kasak nutakaia wantkan?"Naha biutimana brabrira waiknika lahlakira lika aikupia karna briraskan kasakka tanka pliki, au witin tasba dukia ailal brikan sakuna aikupia muhtara brindaukikan heven karnika wal waikna rayakum takaia. Zakius witin walan upla aisikan Jisas dukiara. Naha Jisaska lika upla umpira nani an saura kira nanira umpira kaikisa. Jerusalen lamara Jardan awalara Jan tatabra wankupia lakaia sturka smalkikan pyuara zakius witin walan kata. Publikan nanira wisata. ‘ man nani biutimana briaia wisi uba upla nanira taipara’ dia adar yaban ba kat kulks aibapbia. (Luk 3:13) au, Zakius minitkara walan pyuara aisinska bahara uba mankras kan sakuna ninkara lukan an Dawan bila tanka witin brikan bara aidaukanka nani kasak apiaba tanka sin brikan.". DTG. 506,507b. ¿Smalkaia warkka banira dia wankupiara brikaia sa ki? Luk 18:27."Dawan bila wali an aikupia chenstakaia ba Zakius palira sin chanska yabankan, aidara wali aimistikka tanka briaia an baha wina baltakaia."— DTG. 506,507.
2. WINANKA KUM LILIAKIRA MundiKrismis kati 1
a. Jisas wapi wan Sakius kwah damni dusara ulikanba kat ¿Nahki witinra winan? Luk 19:5."Parisi an pris nani aisanka purak, upla kwara Jisasra yamnibalanka yabikan ba wina publikan nani brinka ba Jisas kupia kat aisan. Jisas wapi auya kan upla kwara tara aikuki bara kwahdamni dusa purara kaikan Zakius ulankan ba bara witin winan Zakius baha wina bal ius naiwa yang wamtlara waisna. (Luk 19:5) "— El Deseado de Todas las Gentes, pág.507,508.b. Sakius mahka Jisas wal aiwatlara brihauya kan pyuara ¿Pris nani dia ranhbanka daukan? Luk 19:6,7."Upla kwara tara ba takaskan Jisas wihki Zakius wal aisikan pyuara, ao parisi nani lika aimawan sauhki pana pana aisan naha Jisaska lika upla saura nani watlara auyasa. Luk 19:7 Zakius lika witin aihka siran iwan Jisas nahki witin upla saurakira palira aiwatlara aula ba nutakan pyuara. Bara witin aikupia lika liliatara ni aibahwan kan, bara takaskraskira param aisan Jisas nina blikaia an aisaurka nani sutswiaia. "—DTG..508c. ¿Nahki publikan nani ba asla takan kan?"Jisas tasbara taukikan pyuara biutimana brabrira naniba asla kan witin nani uplara taibimuni kau lahlakira takaia, an witin nani aitilakat pana pana kau aitabaikaia. Au naha tnatka lika kuntri banira barasa naha tasba aiskara, naiwa kat kabia sin.Parisi an pris nani mita laikapia kaikikan naha uplika nanira sakuna witin nani palisin biutika mana brabrira ninak lahlakira takikan Dawan warkkara help munbia wisi. Sakuna Zakius Spirit Holikira bila walan pyuara aisaurka nani sutswisi mahka upla raya takan."— Idem, pág.509.
3. KUPIA KUM KRIWAN TAKAN TiusdiKrismis kati 2
a. Sakius saurka upla ailal aisikan bara ¿dia witin aisan? Luk 19:8. ¿dia Testament Almuk bapanka wal asla kan – an yawan dia lantaka sipsa naha wina? Impakan sturka 22:1"Ya uplika kum bawikira Jisas minara bal aimistikka tanka briaia want apia sa kaka witin sip prilaka sakbia apia. Kan Jisas padinka briaia sa kaka pastaura yawan nitsa wan saurka tanka taskika, kia an tahplika tanka briaia an saritakaia yawan bahara iwiba dukiara. Baha wina buwaia, Jisasra plikaia an yukukras param wiaia padin wan munbia dukiara. Wan saurka param sakaia ba tnatka wal barasa, kum ba lika wan walkakum ra yawan mita witin mapara saurka daukan sa kaka waiasa an witinra padin takaiasa baha wina yawan sipsa Dawanra padin takaia, sakuna kau wan walkara padin takras kainara sip Dawanra pas padin takras. Tila upla kum kum lukisa pasin, ar smasmalkra nanira bal padin takaia, ar dia yawan yukwanra daukan nani dukiara, sakuna baku sin apiasa.Upla kum witin padin takaia want apiasa kaka sip upla wala mita taibimunaia apiasa. Naha uplika lika Dawan Spiritka mita baman sipsa yaka aimistikka tanka briaia.Kristian kum ba yu bani kau holi, kasakka lakara wapi lantakikaia sa, selp aibisniska nani sut tilara minit kumi sin yaka wahra lainkara wapaia apia."— DTG, Pág. 509.b. ¿Nahki Lawana nanira aisisa wan saurka param sakaia dukiara? Lawana nani 34:18.c. ¿Dia Jisas aisan Sakius aisaurka param aisan ba ninkara? Luk 19:9.
4. JISAS WARKKA NAHA TASBARA WinsdiKrismis kati 3
a. ¿Nahki Jisas aisan Sakius ba patran kum baku witin aiwarkka naha tasbara? Luk 19:9,10."Zakius watla Jisas balan, witin lika parisi nani mita prias watla wina kanbisakan kan, sakuna nanara Jeriko tawanka aiskara zakius watlara kau liliatara barakan, Jisas balan naha watlara prilaka, liliaka laka an kupia kumi laka bribalan."— El Deseado de Todas las Gentes, Pág. 510.b. Nahki Jisas aisan parabel kum swaki sakan sturka yamni aiwarkka yawan tanka bribia dukiara Luk 19:12-26.c. ¿Nahki yawan warktaka nitsa tiwan nani swaki sakaia dukiara? 2 Korint 5: 14,15,20."Yawan kritian nani wan warkkasa idan nanira swakisakan sturka yamniba brihwaia, smalkaia baman lika apia sakuna wan iwanka, wan daukanka, wan wapanka sutwal marikaia, Jisas karnika, latwanka, an kupia pihnika laka tanka kasakka aiska sut. Naiwa yawan wan tilara manas barasa ainina baman kristian brisa sakuna aiduakanka lika wala, yukwanra upla kaikras wisi saurka nina blikisa".— The Sings of the Times, 29 de Noviembre de 1899."Yawan naiwa lasyua nanira iwisa, kiama banira wiaia nitpalisa Jisas invaitmuni ba witin swaki sakan laka yabaia, aikupia pihnika laka sin waikna an mairin nanira sut. Adar wankansa waia yabal nanira, tawan bilara upla Sutra paiwaia, an wiaia diara sutba par rididaukan yaba tanka. (Luk 14:17,23)Dawan ensalka nani wanbila kaikisa wantaura wapaia, wankansunaia bila ba brih wabia dukiara. Dawan Spiritka Holikira wantsa wantabaikaia naha warkkara. "—Palabras Vidas del Gran Maestro, Pág. 189.
5. DAWAN WAL ASLA WARKTAKAIA TausdiKrismis kati 4
a. Yawan dia wan warkka wankan ba daukbia sa kaka, ¿dia bila Jisas wan winkabia wan watla nanira? Luk 19:5."Dawan albika nani Jisas ingnikara wapbia sa kaka witin mita sturka aisanka nanira karnika yabankabia upla nanira kiamara walisa pyuara. Baku Spirit Holikira mita upla kupia nani ridi daukbia bila aisankara kasak lukaia an aikupia lakaia aisaurka nani ba wina. Dawan wantsa tukin tara nani daukaia, ai albika nani dia Dawan adarka yanba kat aiwarkka swrinwan apukira daukbia sa kaka.Naiwa waikna an mairin ailal kupia nani sipsa Dawan karnika mita chensmuni upla rayakum paskaia patitara pyuara daukan kata baku. Dawan mawan ingnika prana ba yawanra kli wankaia wilinsa saurka mita taski an kia daukanba wina sikbi klin wandaukaia.Upla ailal Zakius baku brindaukisa airayakara kau bitar iwaia, aisaurka wina baltakaia, sakuna nitsa Dawan albika nani wal prawaia, an heven karnika wina helpsakan kaia."—Palabras de Vida del Gran Maestro, Págs.187,188.
MAKABANKA LUAN NANI BA LAKI KAIKS PraidiKrismis kati 5
1. ¿Jisas nahki Sakiusra aisan ba wina dia bilakaikan ka yawan sakisa?2. ¿Sakius dia aisan kau upla aidusa kuhbras kainara?3. ¿Dia kan Jisas pura luwanka tara kum baku aisan Sakius watlara?4. ¿Nahki naiwa upla ailal sipsa lilia takaia Sakius watlara kata baku?5. ¿Nahki Dawan nitsa yawan wan helpka solnani swaki sakaia?