WAN WALKARA HELP MUNA "¿Ya ba yang walki?." (Luk 10:29)
Sipsma kau aisi kaikaia:
DTG, págs. 460-466.
"Jisas wanmarikan wanwalka ba sinwanpriaska watla membarska kum apia, ar bankra sinwiras sinnisanka wantaya kalatka. Wan walkaba sika upla sut wan helpka nit yaba." — Palabra de Vida del Gran Maestro, pág. 310.
1. TAKAN STURKA KUM SandiYahbra kati 9
a. ¿Dia takan waikna kum aimplikra pliskak luwan pyuara? Luk 10:30"Jerusalen wina Jeriko ra waia yabalkaba lika Judeak luwi waia kan twilawan pliska upla iwras walpa tara baman barakan, bahara lika aimplikra ailal bara kan. "— DTG, pág.462b. ¿Pris kum bak luwi auya kan ba dia daukan? Luk 10:31.c. ¿Livait waiknika dia daukan? Luk 10:32."Naha parabel kara wan aisisa pris kum bara livait kum wal witin nani lika tempel watlara wark tatakra kan, witin nani walsut na lika Dawan bila smasmalkrika kan. Upla umpira an tiwitauki nanira latwan kaikaia kan. (Hibru nani 5:2) ai warkka kaia kan upla nanira Dawan yabalkara bribal mankaia."— Idem, pág.462.
2. WARK YAMNI DAUKAN PATRAN KA MundiYahbra kati 10
a. Samaritan kum waiknika insauhkan kan kaikanra pyuara ¿dia daukan?. Luk 10:33,34."Samaritan waiknika idankum witin aiwalkara insauhkan kan kaikan pyuara witinra umpira kaikan. Makabisin walras kan waiknika latwan brina Ju kum kan sapa ar gentail kan sapa. Sakuna bankra ju kum mita kaikan kata lika helpmuna watlikara kauni yabala mawanra tuhbisi luwiwaia kan. Samaritanka waiknika witin takaski help munan witin palisin baha pliskara takaskuyana wal sipkan trabil aimapara balaia sakuna witin bahara lukras kan. Witin dia brindauki kan ba lika waiknikanara help munaia. Bara insauhkanka klin munan an ai berikukara suni brihwan. ". —El Deseado de Todas las Gentes, pág.463,464.b. ¿Samaritan ka kau dia daukan? Luk 10:34, 35."Samaritan waiknika mita aiwalka insauhkan katara bribalan Haspitalra aibapan klindauki rakbia dukiara, mainkaikan purara an kau pain rakbia wisi kau lahla dactar ra aibapisi wan."— Idem.c. Danhtakaia ra ¿Jisas mita la tanka brabrira kum ra dia makabi walan? ¿Nahki naha waiknika selp witin makabi walataba ansika yaban? Luk 10:36,37."Naha parabelkara yawan kaikisa samaritanka waiknika lika witin Dawan lâ ka kasak yamni daukan: ‘walkamra latwan kaiks man winamra baku’ naha daukanka wal marikan witin kau kasakkira sa ju naniwal. Samaritan waiknika lika tukinkum baku prakansa Jisas paliwal, nahki witin wankaikan saurkara kan pyuara wan helpkara balan, lulki yakan wan swiras sakuna wanpliki balan an wan helpkara pruan yawan saurka albika wina priwandaukaia dukiara."— Palabras de Vida del Gran Maestro, pág.314.
3. WAN WALKABA YA SAPA NUTAKAIA TiusdiYahbra kati 11
a. ¿Dia Jisas adarka ba Kristian warkka plamaika takansa? Luk 10:37."Dawan bila gaspel sturka yamniba naiwa idan nani nakrara karnika apu bakusa, trabilkaba sika yawan kristian nani wan daukanka saura wal Dawan bilara karnikaba tikisa. Yawan manas wannina baman Kristian brisa sakuna wan iwanka, wan daukanka, wan wapanka lika idan naniwal prakbia kaka kausaura sa. Kristian nani naiwa yawan dia lantakaia nitba sika idan nanira marikaia Jisas karnika mita nahki yawan pali wanrayakara chens wan munan karnika tara ba wan smalkanka wal baman lika apia sakuna wan wapanka wal."Yawan selp wanwinakat kaikaia apiasa sakuna wan walka nitkara sin traikaikaia help munaia, manra Dawan mita nahki saurka taskika wina klinmaidaukan ba tanka kasak briram sa kaka man mita walkam nani naiwa kau saurkara iwi nanira latwan kaikisma an aihelpkara plikisma nahki baha wina baltakbia dukiara sin naiwa manbaltakram ba baku."— Palabras de Vida del Gran Maestro, pág.316b. ¿Jisas pruanka ba mita nahki nisan nani sutba pana daukan sa ki? –Epesus 2:13-16."Upla kum kupiara Jisas iwisa kaka sipapiasa aiwalkara latwan kaikras kaia. Yawan Jisasra latwan kaikisa kaka kan witin mita pasyawanra latwan wankaikan bamna, yawan mita wan walkananira latwan kaikbia Jisas aitaliani atki sakan nanira sut. Yawan Jisas wal wapisa kaka wan walka nani helpkara baman pliki kabia selp wanwinakat lika kaikbia apia.Jisas naha tasbara balanba nisankum dukiara baman lika dusprignira pruras sakuna upla Sutra saurka albika wina atki prisakaia dukiara pruan."— Idem, pág.317,318.
4. MANA LUHA BRIRAM BA BAKU SIN YAS WinsdiYahbra kati 12
a. Jisas warkkara ¿Nahki yawan lilia taka an inaia pyua sin bara sa? Roman 12:15."Yawan wan walka trabilka, sarka nani tilara kaiasa. Baku sin lilia takisa pyuara lahla bri uplika apia umpira kabiakra aikuki kaiasa. ‘mana luha bribram ba baku pana mana luha yas’ (Matyu 10:8) wan lamakir upla umpira nani ailal barasa wan helpka nitsa, kwala, plun, sika nani baku, sakuna Dawan bila paliba kau nitsa saurka albika wina pritakaia.Aima manas yawan upla umpira nanira help munaia ba warkkum tara kulkras, naiwa pyua kristian naniba kau traikaikisa nahki prias watla tara makaia, radiok smalkaia, afiswatla makaia, ban wark wala nanisin, saura lika apiasa sakuna kau traikaikaia ba sika wan walka umpira nanira helpmunaia."— Palabras de Vida del Gran Maestro, pág.318,319.b. Wan aisanka wal baman sip apia taim ¿Nahki sipsa upla ailal kupia alkaia? Jems 2:15,16."Diara kau saura ba sika saurka albikara iwaia, baha mita yawan traikaikaia sa nahki wan walka nani naiwa kau bahara iwinanibara. Upla ailal naiwa pyuara lukisa piaia, diaia minit kum lilia briaia, kan tisku yawan pruaisa, kau baha wina bilakaikanka wala apusa, saripalisa naku setan mita kunin uplara muniba, yawan Dawan bilara aulabara wansmalkisa, an pramis wanmunisa witinra balbia sa kaka, wan saurka sikniska wina wanrakaia, paskanka raya wandaukaia, waikna an mairin raya klin, sunu, an wapni lakara iwi lanwandaukaia.Yawan kristian baku naha kasakka tanka na brisa kaka kaiksa kau yapikaia apia mahka buwaia, an wan walka umpira nani kau taski lakara iwinanibara waia an helpmunaia."— Palabras Vida del Gran Maestro, pág. 319..
5. WAN WARKKA Mâ YAMNI KAIKAIA TausdiYahbra kati 13
a. ¿Nahki yawan sipsa upla kum saurka sikniskara ba yaka prilaka briaia Dawan wal? Aiseya 27:5."Wan muihni an wan lakrika kum spiritra siknisba man helpkam nitsa sin kainara man pali nitkatma baku kau Jisas pramiska painkira tanka briras katma bara. Sakuna man plikpara muihkam lâka aisidaukaia trabilraba wina kau aipurara wihra wala kahbaia lika apia, man pali nahki katma bar aria luki kaiks bara baku lika sipkama naha minit muihkam trabilra ba helpka daukaia baha wina pritakbia dukiara.Man mahka naiwa bus an witinra was man pali sturkan wis nahki Jisas karnika mita primaidaukan ba, an wis witin sin baha pramiskara kasak lukbia kaka Jisas sipsa baha wina prisakaia."— Palabras de Vida del Gran Maestro, pág.319,320b. ¿Yawan hevenra waia riditaki ba, wan walkara help munras kaka sip kabia ki?. Daniel 12:3; Zakaraias 3:7."Man diara kumi nukaiasma ba sika walkamra helpmunaia plikisma pyuara manpali rayakamba sin swakisakisma saurka albika wina, an kau spiritra pawisma, karna takisma, tankam kau aihwa pali brisma.".—El Evangelismo, Pág. 209.
MAKABANKA LUAN NANI BA LAKI KAIKS PraidiYahbra kati 15
1. ¿Dia samaritan waiknika daukan ba wal wanmarikisa kristian warkka kasak?2. ¿Lâ tanka brabrira Jisas ra balata dia aitanka brin?3. ¿Naha tasbara kristian warkka kasak ba dia sa ki?4. ¿Idan nanira nahki kau yawan karna smalkaia sipsa ki?5. Mariks nahki tnatkara upla ailal sipsa Jisasra balaia