1. YAWAN DIARA KAU TARA KULKANKA YABAIA BA Sandi Yahbra kati 2

a. ¿Kristian bani ba dia kau tara brisa? ¿dia ba gaspel bila smalkanka? Param marikan 22:17. "Dia sat warkka upla kum dauki kabia sin aisinskara diara kumi brikaia ba sika sol wen munaia, Jisas talia mana dusprignira wan mata saurka mina muhta wina prisakaia. Wan lamara an wihkara sin upla ailal saurka wihrika mita taibi brisa. Witin nani Dawan laka krikiba mita aiwatla bila nanira prilaka apu, ai luhpia nani sip kasak ka lakara pakras. Baha mita trabil ailal brisa umpira laka sin ailalsa. Jisas diawant ba sika ai albika nani witin aisturka yamni ba brih kiama banira wibia.Jisas diasaipilka nani kau wihkara waras kainara aiwatla bila wina Dawan bila smalkaia ba takrikan, baha wina ailamara iwi uplika nanira. Ai luhpia pali nanira smalkaia nitsa Dawan sibrinkara pakaia dukiara. Kaisa kasak aihwa Dawan warkka ba daukaia anira naminit barasma ba wina, ban tisku sipsa Dawan plis walara maipaiwaia."– El Deseado de Todas las Gentes, pág. 762. b. ¿Nahki Kristian bani Jisas latwanka ba mita wan nikbi kaiasa ai warkka daukaia? 2 Korint 5:14,15,19.

---

2. JISAS SKUL KARA LANTAKI KAIA Mundi Yahbra kati 3

a. ¿Dia muni an nahki Jisas wal asla wark takaia sa ki? 2 Korint 6:1. "Yawan Dawan wal asla warktakaiasa upla nani wina sikniska rakaia sakuna spiritka sikniska sin."— Idem, pág. 764. b. ¿Nahki sol swaki sakaia dukiara Jisas wal wark takaia sa ki? Kolosi 1:9,10. "Layar nani, skul tuktan smasmalkrika nani, truk papaskra nani sut witin nani lantakisa aiwarka daukaia dukiara. Bara dis skulra smalkan tnatka nani bila wali daukisa aiwarkka kasak daukaia dukiara. Upla praka sasipra nani wals witin nani nahki pitka wark takan aiwakka tanka kasak daukaia dukiara. Baku sin utla mamakra naniba ban isti titbui utla pain kum sipmakras pyu ailal luan ninkara lantakan nahki utla kum kasak yamni prana makaia.¿Dawan albika nani lika ridi takras kabia ki aiwarkka kasak daukia dukiara? ¿sol nani wenmunaia dukiara tnatka kau yamni wark takaia ba nina blikras kabia ki?Wan tilara trabil tara bara ba sika Dawan warkkara aula nani ba skul dima wantapia an baman sinapia sakuna spirit lainkara sin riditakras, des aimanakum aibapbia baman bilakaikisa "— Obreros Evangelicos, pág. 96,97. c. ¿Nahki yawan sipsa wan taura waia kasakka lakara Jisas skulkara? Pilipai 3:12-14; Hibru nani 6:1. "Dawan warkkara dimaia ba waikna kasak aihwa kaiasa spirit lainkara baman lika apia, sakuna skul sin diman kaia sa, bara wark adarkat an yamni dauki lantakan kaiasa. Dawan bila smalkaia ba witin pali sin tanka tihuba lankaiasa, baku apia kaka sipsa mistik takaia."— Idem, pág. 98.

---

3. SIP TIWAN NANI BA PLIKAIA Tiusdi Yahbra kati 4

a. ¿Dia makabanka Jisas daukan sip dawanka kumra? Luk 15:4. "Sip tiwan parabelkara wanmarikisa mainkakaira ba sipka lupia kau sirpi tiwan ba pliki wisa. Baku sin Jisas balaia kan upla kumi dukiara sin pruaiaNaha parabelkara yawan kaikisa sip mainkakaira ba pliki wisa tiwan ba pliki. Baku witin mita kli yabalra sal mankisa. Baku sin upla kum saurkara kahwan ba yakan sipapia sa kli baltawaia nitsa pasin helpka kli Dawan ra baltawia yabalka marikbia dukiara."— Palabras Vida del Gran Maestro, pág.146. b. ¿Jisas wal wark tatakra kum ba nahki aidara walisa siplupia kum tiwisa pyuara? Luk 15:5,6. "Pasin sip mainkakaira ba witin aisipka nani yu bani kulki kaikisa, klar wina saki twikura dadakaia brihauya pyuara an kli bribal dinkisa pyuara sin. Bara witin kaikan kumi apu sa kaka taka wala naniba klar ra pain dinki durka praki tiwan ba pliki auyasa. Nahki tihmia kabiakra, apia li auhikabiakra, diasat kabia sin witin takiwisa siptiwan ba pliki sakbia kat witin aikupia pah lilia takisa." Idem, pág.146,147.. c. ¿1 Jan 3:1; 4:19 ra ulban ba dia tanka sa ki? "Yawan wankupia lakan ba mita Dawan yawanra latwan wan kaikras, sakuna witin ailatwanka tanka brinba mita yawan wankupia lakisa.Spirit Holikira mita wan saurka taskika, kia, tathplika ba wankan wantanka briras sa kaka sip yawan yakan wankupia lakbia apia."—Idem, pág.148

---

4. LAHLA MA TIWAN AN PLASNI WAIKNA STURKA Winsdi Yahbra kati 5

a. ¿Dia tanka sa ki lahla ma tiwan parabelka ba? Luk 15:8,9. "Utla bilara lahla mâ tiwan parabelka wal Jisas wantsa yawan wantanka bribia wan watla bilara wan luhpia nani barasa tiwan Dawan tanka briras, aisa an yapti witin nanira aitaimka mankras, bara naiwa wahma an tiara painkira ailal kristian watlara pawan sakuna idan baku iwisa.Naiwa Dawan wantyaba aisa an yapti nani titanra an tutnira utla bilara prias dauki kaiasa, Dawan bila ba smalki kaiasa wan luhpia nanira baku witin nani pawi tara takisa pyuara, bankra mistikra wabia sin isti kli yabalra sipsa balaimakai." — Palabras Vida del Gran Maestro, pág.152. b. Parabelka nara ¿dia warkka sat wal daukan mairin ba lahla ma tiwan ba pliki sakaia? Luk 15:8 (las tanira). "Naha parabelka Jisas aisanra wan wisa utla dawan mairinba aiwatla brumni pahban lahlika mâ ba sakan kat. Naha wal wanwiaia wantyaba sika aisa an yapti swapaia apia utla bilara tuktan nani tiwaiara auya sa pyuara witin nani wal kasak wark takan kaiasa solka wenmunaia dukiara." c. ¿Nahki Dawan naiwa waikna an mairin ailal tiwan nanira winisa? Luk 15:11-32. ¿dia lisinka lantakaia nitsa muihka almuk daukanka wina? "Yawan raitpali kasak wantanka bribia taim nahki saurkara iwikan wina Jisas ailatwankara baha wina swaki wansaki an aipadinka wankan ba, nutakbia pyuara wan walka kau aisaurkara iwi nanira latwan kaikbia… wan kupiara selpwanwina kat kaikaia lukanka apukabia taim sipkabia yawan Dawan wal solwenmunaia warkka takaia."— Idem, pág. 166.

---

5. PASIN NANI WARKKA BA Tausdi Yahbra kati 6

a. Pasin warkka kau tara dukiara aisas. 2 Korint 12:10; 2 Timuti 3:10,11; 4:5. "Pasin warkka ba sika Jisas sturka paran aisaia nahki patitara wina pat Jisas balaia ba pramiska wankan sturka ba. (Epesus 3:9) pasin kum wark takaia aula bara witin aiwina sakripais takaia laik apia sa kaka kaukanra yamnisa warkwala plikbia, kan Dawan mawanra aiwarkka ba yamni kaikbia apia bamna. Pasin ailal lika aimanara baman luki warktakisa, sipnanira lika latwan kaikras. Baha sat pasinka kum ba lika witin mistik takan pasin warkka witin aidukia apia kan.Rait aihwa Jisas wal warktaki pasinka kum ba lika aimanara lukras sipnanira latwan kaiki aiwarkka daukisa. Ao sipsa aimana kum briaia sakuna naha kat lukikapras." Los Hechos de los Apostoles, pág. 420 b. ¿Dia daukanka painkum brikaia sa ki pasin kum ba? Jems 3:1,2,13-18. Pasin nani lika serts bilara adarkat wark taki landaukan kaiasa, tarbaiwan apu, misbara laka sin serts bilara apu kaia sa. Idem

MAKABANKA LUAN NANI BA LAKI KAIKS Praidi Yahbra kati 7

1. ¿Dia tanka sa ki Jisas latwanka ba mita yaka wan nikbaia? 2. ¿Dia sat skulka brinkaia sa ki pasin kum ba, dia muni?. 3. ¿Jisas wal wark tatakra kum ba nahki aidara walisa siplupia kum tiwisa pyuara? 4. ¿Dia sat pasin kum daukanka yamni brikaia, aima manas wan auya tiwisa ki?. 5. ¿Sins laka an tankira wark takaia ba nahki nitpalisa ki pasin warkka ra?.