Sabat, Krismis kati 6, 2014 Stechs kuntrika lika tara palisa upla ailal palisin nahara iwisa 317 milian baku. Kuntri bilara baikisakanka 50 brisa an asla iwan talia sin kum naharasa. Mani 2012 ra serts nani tanka plikikaikanka daukanra nutakan 73% upla almuk nani ba witin nani Kristian wisata, 51.3% lika kiatalik mapara daknika nani, baku sin 23.9% lika kiatalik daknika aisan. Naha wal daknitara na bilara sin sirpi nani ailal barasa. Mani dusa wal (200) baku stechs kuntrika lika kritian nanira prilaka yaban Dawan warkka daukaia, ban sakuna nanara manas mayara balkahwisa, wahma tiara ailal 30 mani wina aimayara nani ba kristian takras ban taukisa idan lainkara. Wan afiska tara ba yawan mani ailal California ra brikan bahara sika upla kau ailal iwiba. (20) mani purkara Sacramento saitra Rocklin makibara Dawan bila smalkanka ailal daukikan. Naiwa kat sin witin nani kuktakaia tnatka an sika uplara yabaia tnatkak Dawan bila smalkisa. Baha warkka nani daukikan ba taka naha sertska bilara membars ailal baldimansa. Pastaura lika pliskum rintmunikan priasdaukaia. Nanara witin nani pliskum atkaia plikisa priasdaukaia, apia kaka makaia. Ban sakuna aimihtara lahla aitani apusa. Aima wala nanira plis wala nani wina pas sabat kaliksan makabi balan pyuara Rocklin wan muihnika nani aimihta liliakira sakban kan. Nanara witin nani mita makabisa man nani mihtan sakbi helpkam yama dukiara. Dawan aiblisinka tara man nani puramra blikan kabia naha warkkara mihtam sakbuma kumi banira. Techs kuntrika lalma sait ayulbrika wina