WAWALRA KUMI: NICODEMOS "Kasak kasak maiwisna, ya kli aisubi takras sa kaka heven King kara dimbia apia". (Jan 3:3)
Sipsma kau aisi kaikaia:
DTG, pags. 140-149.
"Kaiks nahki Jisas Nicodemos wal aisan ra marikan ba pyuata twi biarara Moses bukata sturka" —Ellen G. White 1888 Materials, pág 149.
1. WALMAN AISAN STURKA SandiYahbra kati 16
a. Nicodemos, Jisas smalkanka walan ninkara plikan wal aisaia ¿Nicodemos ba yâ kan – diakan witin tihmiara balan? Jan 3:1,2."Jisas smalkanka walan ninkara Nicodemos kau prapit ulbanka naniba pliki kaikan mesaia balaia kan ba tanka. Jisasra kaikan nahki Dawan karnika witin walkan ba; witin kaiki kan nahki Jisas upla umpire nani ailamara brisal wal aisikan ba. Nicodemos minit kumira sin sin witin namhpa lukras kan Jisas ba Mesia kan ba tanka.Witin brindaukikan Jisas wal aisaia sakuna ban naku kaknara lika apia. Witin ju ta uplika tarakum baku aidara walikan uba mayara kauhbia upla nani nakrara. Baku sin ju tarkika nani wala nutakbia kaka witinaimapara bubia lukikan. Witin traikaikan tihmiara Jisasra plikaia baku lika upla wala witin ainina blikbia apia dukiara.Witin Jisas aniraba tanka turbikaikan bara witinra balan Olivit ilkara tihmiakan pyuara."— DTG, 140,141."Nicodemos lika Jisas ba Mesaia baku ba pain aitanka brikan sakuna sibrikan ju uplika tara wala aipana nani nutakbia, baha mita sika witin kau pain lukan tihmiara Jisasra balaia."— Ellen G. White 1888 Materials 1311.
2. UNSABAN BAKU APIA SAKUNA KUPIA LAKAN KA MundiYahbra kati 17
a. Jisas resbrikan taim Nicodemos pliki balan ¿dia win? Jan 3:2.(las sait)"Nicodemos witin Jisasra balan lukikan bankra wal baibil tanka dukiara aisikaikaia. Sakuna Jisas mita witinra aisan Dawan bila kasakka tanka plamaia pali ba tanka. Witinra win man nitapiasma waunhtaiara ulban nani tanka briaia, sakuna kupiam lakaia lika nitsma. Man dia nutaka plikisma ba purkara kau tara ba kupia raiakum nitsma, baku lika man heven tanka tihuka naniba tanka sipkama briaia. Baku apiasa kaka manmampara diara kumisin help sakma apia yawan wal aisaia, an warkki tanka plikikaikaia.Nicodemos witin Jan tatabra smalkanka walan kan, witin aininara smasmalkra wala kum aula ba spiritwina an liwina tahbi sakbia dukiara. Nicodemos aidara walikan ju nani tilara diara manas mistik nani daukiba an chenstakaia nitba tanka. Sakuna witin pali lika uba painsa bara aikupia lakaia nitapusa aidara walikan."— El Deseado de Todas las Gentes, pág.142.b. Jisas nukan Nicodemos ba unsaban plikras kan sakuna aikupia lakanka ¿Dia ansika yaban wal Nicodemos aihka aidara walan? Jan 3:3."Kli aisubi takaia dukiara Jisas aisan ba Nicodemos nuapia lika apia kan, tila manas nesan wala kum ju nani tilara balisa pyuara, tuktan lupia kumi kli aisubitaki ba baku kulkanka yabikan. Bara witin lukan Jisas ba prakanka kum wal baku aisisa. Sakuna witin pali lika nitapiasa kli aisubi takaia kan Ju kum baku aidara walikan Dawan uplika kasak kum baku. Bara witin aihka siran iwan Jisas mita witinra kli aisubitakaia dukiara aisan pyuara."— Idem.
1. DAWAN SPIRITKA WANKUPIARA WARK TAKI BA TiusdiYahbra kati 18
a. ¿Dia makabi walanka wal Nicodemos trai kaikan Jisas aisanka tanka briras pulaia? Jan 3:4.b. Nicodemos aisankara Jisas aisinska mankras Niman ¿Nahki Jisas aima wala aisan? Jan 3:5-7." Yawan upla baku wan lukankaba saurkara twinisa ¿ya sipkabia ki klin piskum sakaia diara taski tila wina? (Job 14:4) wisa upla kumi sin apu. Tasbara daktar nani sika paskiba wal sip saurka sikniska wina wanrakras. Yawan wan lukanka naniba taskisa sip Dawan wantyaba kupia laka daukras, baha mita upla ikaia, kunin aisaia, implikaia nani sutba wan kupia taskiba wina baltakisa. Roman 8:7; Matyu 15:19. Li karma klin takbia dukiara wan kupia ba pasklindaukan kaiasa kan baha wina sika layakarma ba iswisa. Ya uplika kum hevenba selp aikarnika wal dimaia traikaikisa kaka witin sipapia kabia. Kristian rayakaba sika wan saurka sutba wina klintakan kaiasa ria baman lika apia, wan sinska, wan lukanka, wan wapanka, wan taukanka wan rayaka aiska sut waikna raya an mairin rayakum takan kaiasa."—DTG, pag. 143.c. ¿Nahki Jisas prakanka daukan Spirit Holikira warkka ba? Jan 3:8."Paskanka raya wan kupiara Spirit Holikira mita daukiba Jisas mita prakanka kum daukan nahki pasa wark takiba wal, pasa krawiba yawan kaikras ani wina balisa an anira auya sapa nuapia, sakuna wan winara prukiba lika wandara walisa.Bakusa Spirit warkka ba wan solka nanira, upla kum sip baha tanka sitnika wina wanwiras, sakuna tawa tawa wan rayakara kaikisa nahki chenstaki auya ba wal."— Profetas y Reyes, Pág. 143,
3. YANG SPIRITKI MAN NANIRA MANKAMNI WinsdiYahbra kati 19
a. Nicodemos Jisas aisanka ra tara kulkan sakuna aitanka briras kan ¿dia makabi walan? Jan 3:9. ¿Jisas nahki ansa munan? Jan 3:10-13."Ju nani Jisas mita kanban pyuara plapan naniba aisikan witin nanilika Ebraham kiamka nani, sakuna nahara wanmarikisa witin nani ridiapiakan ba tanka Jisas mawan ingnika kaikan pyuara sip bapiburas kan an plapan, naha juka nani lika lukikan witin nani ba uba holisa sakuna aikupia lika chens munras kan, lâ kakulkra puliyakawi kan sakuna lâka lika krikikan. Baha taka sika Jisas mita Nicodemos ra smalkan yaba kliaisubi takbia dukiara.".—El Deseado de Todas las Gentes, pág. 145.b. ¿Dia ulbanka nanara Nicodemos aitanka brin? Lawana nani 51:10; Aiseya 64:6; Ezekiel 36:26,27."Aiseya 64:6; Lawana nani 51:10; Ezekiel 36:26,27. Nicodemos naha textka nani aisikaikan kan sakuna aitanka kasak briras sakuna nanara aitanka painbrin tanka ba tihuka paliba.Nicodemos aidara aman walan lâ purataia baman kulkiba wal upla kumi sin sip hevenra dimbia apiaba tanka. Witin uba kasakkira pulikata ba Jisas mawanra balan pyuara rait aihwa airayaka taskika tanka ba brisata.Jisas mita kli aisubitakaia nitka dukiara Nicodemos ra smalkan pyuara witin brindaukikan baha chenska laka witin airayakara mahka takbia."— Testimonios para la Iglesia, Tomo 4 Págs, 248,249.c. ¿Dia sainka wal Jisas aiwarkka tanka Nicodemos ra marikan? Jan 3:14-16.
4. RAYAKA KUM RAYA TausdiYahbra kati 20
a. Nicodemos wantkan nutaka nahki sipsa kli aisubi takaia ¿Jisas dia win? Jan 3:17-21."Moses mita twibiara bras piutka purara bukataba sainka wal Nicodemos aitanka brin Jisas warkka tihuka paliba. Israel luhpia nani twibiarara pyuta mita sami ikikan pyuara Dawan mita Moses ra adar yaban bras pyutka kum paski purara pambia. Bana ninkara upla sutra maihsapahkan yaura pyuta sambia ba bras pyutka paman yabara kaikbia bara rawan kabia. Upla sut lika kasak pali nukan braska pyutkara karnika kumisin apukan sakuna tukinkum kan Jisas wal prakanka kum.Jisas dusa prigni wina ingnika yawanra baltakiba kaiki muni yawan sipsa wan saurka wina pritakan kaia. Bara Spirit Holikira mita yawanra paskanka raya kum wandaukisa. "— El Deseado de Todas las Gentes, Págs. 146,147b. ¿Nahki yawan swakwi takisa? Taitus 3:4-6.
MAKABANKA LUAN NANI BA LAKI KAIKS PraidiYahbra kati 21
1. ¿Upla ailal Baibil dukiara unsaban pliki nani ba dia nitsa nutakaia?2. ¿Nahki Jisas Nicodemos nitkara help munan ai aisankara lika apia?3. ¿Dia muni Jisas pasa wal prakan Spirit Holikira warkka ba?4. ¿Dia sainka Jisas yusmunan aiwarkka tanka Nicodemos ra wiaia?5. ¿Nahki Jisas Nicodemos ra marikan kli aisubitakaia tanka ba?