1. WANKUPIA LAKAIA WINANKA KUM Sandi Waupasa kati 12

a. ¿Dia smalkanka wal Jisas aidisailpilka nani smalkaia blikan landaukan ba ninkara? Matyu 10:7 b. ¿Dia darnika Jisas yaban, an nahki kupia kraukan kau taura? Mark 6:7; Luk 10:20. ¿smasmalkra wal wal blikaia ba nahki pain sa? "Jisas aidisaipilka matawalsip pura wal (12) nanira winan bawina wal walra blikan smalkaia tawan bilara. Ya aimuihka brisa kaka wal wan, ya aipana brisa kaka wal wan, pana pana help muni aipurasuni warkka yaban ba daukaia kan. Kau taura (70) disaipil nanira sin tnatkara blikan kata wal walra smalkaia warkka tar aba daukaia. Naiwa yawan wan pyuara naha sat Dawan bila brihwaia ba daukbia sa kaka warkba tara sipsa pawan kaia.. "— Profetas y Reyes, pág. 90.

---

2. UPLA UMPIRA NANIRA HELP MUNAN Mundi Waupasa kati 13

a. Jisas mahka gaspel warkka takrikan pyuara ¿Nahki aitaimka baiki sakan? Matyu 4:23,24. "Jisas naha tasbara kan pyuara witin aitaimka kau mankan upla sikniska nani Rakaia, baha ninkara smalkikan. Witin naha tukin tara daukikan ba wal param marikikan witin balan upla swaki sakaia." —Idem.. b. ¿Dia pramiska brinkabia baha nani Jisas baku upla umpira nanira help muni an smalkbia nani ba? Aiseya 58:8. "Jisas dia daukan ba baku witin ainina blablikra nani ba daukaia sa. Upla plun dauki nanira dakakaia sa, kwala luha nanira dinkaia sa, sari brinanira maihsanikaia sa. Bila kaikanka apu nanira wiaia sa ban drinh swapbia apia. Naku daukbia sa kaka Dawan pramiska wan winba witin daukbia. ‘wark kam ba tamra wabia an Dawan glorika ba ninamra kabia’ (Aiseya 58:8) Dawan latwanka kau karnika brisa upla saurakira kupia chens munaia, silakra manki kastigar muni wal baku lika apia. Au silak watla paskan ba aitanisa la krakrira nani kupiara sibrin dinkaia, sakuna Dawan latwanka lika kau wark tara daukaia sipsa. Idem 316,317. c. Naiwa Kristian misaniry nani ba upla rakisa pulaia apiasa sakuna ¿dia daukaia sipsa? "Misaniry warkka dadaukra ba upla sikniska baman lika rakaia apia sa sakuna Jisasra bribalaia sa solka sikniska wina rakbia dukiara. Spirit saura mita alba briba prisakan kaia sa." —Idem 317."Wan wina tara mainkaikaia dukiara Dawan wan smalkiba yawan baman lika kasak lukikaia lika apia sakuna upla walara sin smalkaiasa aitanka bribia dukiara".– Evangelismo 375.

---

3. UPLA WATLA DURKA NANIRA WIH KINGBAIA Tiusdi Waupasa kati 14

a. ¿Nahki Jisas aidisaipilka nanira win upla watla nanira wabia dukiara? Matyu 10:11-14; Luk 10:5. "Ani watlara wabia bara yamni balanka yabiasa kaka bahara dimi smalkaia kan, sin Jisas dia daukan ba baku. Utla bilara dimisa pyuara naku lakula daukaia sa, ‘prilaka naha watlara kabia’ (Luk 10:5) baku lika naha watla blising brinkabia lawana aiwani, aipura sunan dauki bara Baibil aisikaikbia ba mita. " —DTG 318. b. Aima pas smalkaia blikan pyuara ¿ya nanira pas wabia win? Matyu 10:5,6. ¿Dia muni? "Disaipil nani ba gentail nanira pas smalkan satkata ju nani aimapara buwaia kan, an baha wal sip Dawan warkka ba pawaia apia kan, baha mita pastaura ju nanira smalkan. Dawan wantkan ba sika ju nani kasak lukbia ba wal sipkaia kan gentail nanira wednis kasak kum kaia gaspel bila smalkaia warkkara. Disaipil nani pali kat sin witin nani pastaura aitanka briraskan naha warkka tnatka tanka."—Idem 317. c. Disaipil 70 nani ba upla watla nanira wan bara, ¿Nahki tnatkara watla dawankara tingki laka wal aisabia win? Luk 10:7-9. ¿dia muni?. "(Luk 10:1-3,8,9) ra wan aisisa disaipil (70) nani blikata pyuara adar yaban diara bahki dukiara upla wal unsabia apia sakuna Jisas kasakka tanka ba upla nanira smalkaia. Kan sika baha pyuara ju nani wihki gentail nani wal aisaras kan ju nani lukikan witin nani uba klin an holi bara taski takaia apia gentail nani wal sturi aisi. Bara Jisas aidisaipilka nanira blikan pyuara naha dukiara upla nanira aisabia wiras kan sakuna gaspel bila ba smalkbia wisata." —Cada día con Dios, pág.113.

---

4. SIPLUPIA BAKU LAYAN NANI TILARA Winsdi Waupasa kati 15

a. ¿Jisas Matyu 10:16 ra kupia kraukan yabiba dia tanka? "Dawan albika nani selp aikupia lakakat diara daukaia apia kan sakuna Jisas wal asla palikaia sa. Kan upla baku wan prautka laka wal tila aima manas wantsa tara pulaia, an sturi sinskas ban sipsa aisaia. Naku daukisa pyuara Dawan latwanka wina wihkara yawan wataukisa. Setan wantyaba sika Dawan albika nani yakan traikaikbia warkba daukaia, aipura sunras, Dawan dairiksanka sin plikras, Spirit Holikira ra yaban yabalba marikras.Sakuna disaipil kasakkira kumi bani witin nukaia ba sika yakan sip Dawan warkka daukras nitsa heven wina karnika briaia, Jisas ingnikara wapaia, an ainakra witinra kaikaia, baku baman sipkabia gaspel smalkanka ba karnika an tankira smalkan kaia upla kiama nanira.Jisas ra misbara kaiki nani mita wan mapara dusa kuhban an kunin wal buwisa pyuara yawan Dawan bila kasak ka purara bukan kaiasa upla nanira baman lika apia sakuna setan palira sinbaku. (Luk 10:3) ra Jisas aisan kaiks yang maiblikisna siplupia baku layan nani tilara. Dawan ra kasak luki sapkira bila kaiks kunin dauki wandusa kuhbanka dauki kabia tilara. Spirit Holikira mita karnika wankbia bara minit kumira sin sibrin spiritka bribia apia. "—DTG 319,320."Spirit Holikira wan tabrisa pyuara yawan ban isti tankas diara daukbia apia, sakuna sapkabia an karna buwan kabia minit kumira sin wannira tauras. Ao, smalkanka ailal kunin wal miks dauki wan mapara bukbia sakuna baha wal wansinska lakbia apia " OE. 306 b. ¿Dia Jisas wiaia wantkan, instruksan yabikan pyuara aisan “waikna nani ra aman kaiki bas? Matyu 10:17 " Dawan albika nani minit kumira sin sipapia sa aidul nina bliki nani wal panatakaia, kan naha lika Setan wina sa an witin wantsa sauhki wantikaia." —DTG, pág. 320..

---

5. JISAS WEDNISKA PARAM AISAIA Tausdi Waupasa kati 16

a. Kau instruksan yabikan pyuara ¿Nahki Jisas aisan upla nanira Jisas sturka kasak smalkaia? Matyu 10:32,33. "Man nani tasbara yang wedniski aimakram kaiasa, kan man naniwal yang wantsna idan nanira swaki sakaia. Baku sin man nani dukira maiwan sakamna aisiki mawanra hevenra. Bara Dawan aisa man nani saurkam kaikbia apia sakuna Jisas kasakka kaikan kabia. Upla bani Jisas dukiara aiswira briras param aisisa kaka pana Jisas mita sin Dawan aisa mawanra witin helpkara aisan kabia.Jisas disaipilka nani lika ban yakan aikupia wina sturi aisaras sakuna Dawan Spiritka Holikira witin ra yus munbia, aitwisa, aisinska sut ba dia aisaia ba tanka kat wapni, an kasak ka tanka kat aisan kabia. Jisas daukanka, wapanka, iwanka, aisanka nani sutba kristian kum nina blablikra kasak sa kaka daukan kaiasa." —El Deseado de Todas las Gentes, pág.323,324. b. ¿Ya Jisas wedniska param aisabia naniba dia pramiska sipsa makabaia? Param marikan 3:5.

MAKABANKA LUAN NANI BA LAKI KAIKS Praidi Waupasa kati 17

1. Aisas disailpil 70 nanira warkka yaban kan yaba sturka 2. ¿Naiwa kristian nani dia sipsa daukaia sikniskira nani helpka?. 3. Aisas dia tnatka nani ba yamnisa upla watlara smalkisa pyuara. 4. ¿Nahki yawan sipsa wantanka briaia “siplupia baku layan tilara? 5. ¿Nahki yawan wan rayaka wal marikaia sipsa Jisas wedniska kasak kum baku?