MBANGILU Mu ngondo eyi isatu, balongi ba Kalasa ka Nsabatu mu buloba bujima, ne batungunuke ne kuyila mayisha adi ne tshiena bualu ne ‘TSHITUDI BITABUJE’ “Katuena ne bualu bua tuetu kutshina matuku atshilualua, anu tuetu ne bua kuya kuhua moyo njila wa Mukelenge wakatulombola, ne mayisha andi mu matuku etu akashala kunyima” (The General Conference Daily Bulletin, 29 Janvier 1893Kudi malu malelela a bungi a ntaku atudi ne bua kunvua a Lumu Luimpe lua tshiendelele lua Yezu Kilisto. Malu malelela a butumbi bua bungi adi ne tshia kunvuika bimpe, ne kuelela menji, bualu bua dimanya dia ha mutu ha mutu dia malu â malelela, kadiena diya kusankisha (kujikija) dijinga dia musuka. Tudi ne tshia kuikala ne nzala ne nyota ya buakane, bua nunku ne tûkute. (Matayo 5 : 6) “Kudi mushindu wa ditabuja didi diangatshibua, didi difila, bulelela butudi nabu ; kadi ditabuja ditudi tuangata kudi Nzambi didi mu diyi diandi, didi dikuata mudimu mu dinanga ne didi dilengeja mutshima utekenyika. Bonso badi bakula bua bulelela, kabena bakudimune mutshima, nansha nanku, badi bela menji ne badi bikale bu mudi bulelela budibo bamba. Bakuabo badi benza bilema bidi bifikisha ku malu adi asamisha moyo, ngenyi, ne bienjenji, anyi matshinkidila adi menza ku bukole buabo bua dikudimuna dia mutshima. Kadi ditabuja didi ne moyo, didi dikale bualu budi kuenzela. Tshihatshila tshiadi tshidi bulelela bua Nzambi, bulelela bua tshiendelele, budi kabuyi bushintuluka. Ditabuja dilelela didi disungila kadiena ditahuluka ne kunyingalala bua bubi, ne dikudimuna dia mutshima, ne didi diya kuleja hatoke mamuma a Nyuma. Didi ne ditekemena didi kadiyi dimana mu Yezu. Ditekemena dimuehele dia muena bubi didi amu mu malu mempe a Musungidi wa kahohedibua ku mutshi mutshiamakane ne wakabika ku lufu. Kakuena dikisha mu kudienzeja kuetu nunku kudienzeja eku kudi ne bua kuenzeka.“Tudi ne lubila lukole, ne kaluena luhesha amu bambi (Ba mpasata) nkayabo nansha. Balume ne bakaji badi kabayi babikila bua kuikala bambi, badi biabu ne tshituha tshiabu mu kudimuisha kua buloba. Munya wabo udi ne tshia kukenka”. – The Review and Herald, 27 Novembre 1883Biena bualu ebi bidi ne mushinga wa bungi bua luhandu luetu. Mikenji (malu) idi miyisha mu mayisha a ntaku, adi ne tshia kuikala maleja bimpe mu malu etu mahitshisha a ku dituku ne dituku, ne maleja kudi bantu miaba yonso. Tshikondo tshidi tshishala kumpala kuetu bua dihingana dia Mukelenge tshidi tshihi, ne buloba budi mu midima minene ne dihanga kumanya dia malu â malelela adi asungila. “halua Muana wa muntu, neasangane ditabuja ha buloba, anyi ?” (Luka 18 : 8). Mayisha â a mushinga adi atungunuka bua kuikala dibenesha dia mushinga mukole ne mushimi wa munya ne bukole kudi misuka ya lulamatu idi ha buloba bujima, etshi ke mutendelelu mukole wa tshibambalu tshia Kalasa ka N’sabatu ku Conférence Générale.
