1. YONE MUBATIJI Dia Kumudilu 12/04

a. Nganyi wakadi Mubatiji wa ku mpala udi muamba mu Dihungila Dihia-dihia, ne n'tshinyi tshiakadi tshiena bualu tshia kuyisha kuandi ? Matayo 3: 1–6 “Yone wakadi wakula bua dilua dia Mashiya, ne wakadi wambila bantu bua dikudimuna dia mutshima. Bu tshimanyinu tshia disukudibua ku mibi, Yone wakadi ubabatiza mu mayi a Yadena. Nunku mu tshihatshila tshia dilesona, wakadi wakula ne aba bakadi bamba ne m'bantu ba Nzambi basungula bakanyanguka mu bubi ne kakuyi dilengejibua edi dia mutshima - ne moyo, kabena ne muaba mu bukelenge bua Mashiya”. - The Desire of Ages, p. 104 b. Tshikondo tshiakadi bafalase ba bungi ne basadoke baya mu tshihela bua kubatijibua, Yone wakadi ubambila diyi kayi ? Matayo 3: 7 – 10 “Yone wakadi wambila bayishi ba bena Isalele bua budisu buabo, kuditekemena kuabo, ne tshikisu, wakadi ubaleja ne bakadi bana ba nyoka, wakabadimuisha ku mulawu ulualua anyi ? Bana ba Abalahama, muntu muakane ne mutumikidi . Mitshima yabo yakadi mimueneka katataka kayiyi moyo bu mabue a mu tshihela, kadi nyuma wandi udi mua kufila moyo kudibo, bua kuenza disua diandi, ne kuakidila dikumbana dia mulayi wandi”; - Ibid, pp. 106, 107

---

2. DIBATIZA DIA YEZU Dibidi 13/04

a. Munkatshi mua bantu ba bungi bakadi balue mu tshihela bua kutangila Yone Mubatiji, Yezu wakalua biandi. Bua tshinyi wakenza nunku ? Matayo 3: 13 – 15 “Yezu wakadi tshilejelu tshietu mu malu onso adi bua moyo ne bua buimpe. Wakabatijibua mu Yadene, ne bua nanku bonso badi balua kudiye badi ne tshia kubatijibua”. - Our High Calling, p. 157“Yezu kakangata dibatiza bu kutonda kua bubi bua dihila dibadibua ne n'diandi. Wakadileja nkayandi ne udi muena bubi, kuenda mu njila utudi tuendela, ne kuenza mudimu bu mutudi tuenza. Moyo wandi wa lutatu ne lutulu mu kutantamana kunyima kua dibatiza wakadi kabidi tshilejelu kutudi”. - The Desire of Ages, p; 111 b. Tshikondo tshiakahatuka Yezu mu mayi, m'bualu kayi buakamueneka ? Matayo 3: 16, 17 “Tshikondo tshihia-tshihia ne tshia mushinga tshiakamueneka ku mpala kua [Yezu], ne wakunvua hatoke makokeshi andi ne mudimu, wakadiye ne bua kukuata, ne bujitu buakadiye ne bua kuambula. Dibatiza diandi tshiakadi tshienzedi tshia ku mpala tshia mudimu wandi wa hatoke; Aha wakadileja mu benji ba mibi nkayandi bu muleji wa mpala wabo, mu kuangata mibi yabo, ne kudibala nkayandi munkatshi mua bashihi ba mikenji. Mu mutendelelu wandi, Kilisto, ne diboko diandi dia buntu, wakusinsakaja bantu bakuluke, hakadiye ne diboko diandi dia Bunzambi, olola ku nkuasa wa butumbi wa Udi kayi nshikidilu”. - The Youth's Instructor, 1 Mars 1874“Banjelo kabakateleja ku mutendelelu ewu. Bakadi ne kanyinganyinga bua kuambula mutendelelu wa meyi a Muhikudi a ditekemena ne dinanga. Kadi, nansha Tatu nkayandi udi uya kukuata mudimu mu muana wandi. Kumbukila musangu umue ku nkuasa wa butumbi wakadi utuma munya wa butumbi bua Nzambi. Diulu diakunzuludibua, ne nsese ya munya ne butumbi biakumbukilamu ne kuangata luidi lua nyunyu wa nkutshi, mu tshimuenekelu tshia bu ngolo mulengeja muimpe. Nyunyu wa nkutshi – tshimanyinu tshia lutulu lua Kilisto. “Mikungulu ne makubakuba ne mihenya biakamueneka mu kunzuluka kua diulu, ne diyi diakafuma mu diulu, mu butumbi bukole, diamba ne, 'Ewu udi Muana wanyi munanga, yeye udi unsankisha bimpe'. Meyi a kujadika akafidibua bua buimpe bua kujadika dibatiza diandi, ne kujadika Muana munanga wa Nzambi ne Tatu wakitabuja bantu mu Yeye, muhinganyi wa bantu, ne mubakubi wabo, ne nunku Nzambi wakadi kudisanga ne muntu' kudiye nkayandi, ne kunzulula diulu ku mitendelelu ya bantu mu kuakula kua muana wandi”. - Ibid,

---

3. KULEDIBUA TSHIAKABIDI KUDI MAYI Disatu 14/04

a. Mu muyuki wa Yezu ne Nikodemu, m'bualu bulelela kayi buakalejibua budi bushale ne mushinga bua bantu bonso ? Yone 3: 5 – 7 “Mu tshinfuanyi tshia kuledibua kuhia-kuhia, tshidi Yezu muleje, katshiakadi tshimanya kudi Nikodemu. Kukudimuna mutshima ku ditabuja dia bena Isalele, ne kulekela buena diabolo buakadi bualu buakadi bufuanyikija misangu ya bungi ku kuledibua kua bana. Nunku wakadi ne bua kunvua ne meyi a Kilisto kâkadi mua kuangatshibua mu lunvu alu nansha. Kadi bualu buimpe bua kuledibua kuandi bu muena Isalele buakadi bumutangila yeye nkayandi, bua kutuishibua bua muaba mu bukelenge bua Nzambi. Wakunvua ne kakadi ne dijinga dia kushintuluka”. - The Desire of Ages, p. 171“Nikodemo wakamanya ne Kilisto Yezu wakadi wakula bua mayi a dibatiza ne kuvuija mutshima muhia-muhia mu Nyuma Muimpe”. - Ibid, p. 172“Hakadi Yezu wakula, imue nsesa ya bulelela yakadi mu menji a Mukelenge ewu. Kubotesha, kutekesha kua buenzeji bia Nyuma Muimpe biakatuibua tshimanyinu mu mutshima wandi”. - Ibid, p. 173“Bukole bua Nyuma Muimpe, budi bushintulula muntu mujima. Kushintuluka eku, kudi kuikale, kuledibua kuhia-kuhia”. - The Signs of The Times, 15 Novembre 1883 b. N'diunvuija kayi dia 'kuledibua kudi mayi' ne 'kuledibua kudi Nyuma' ? Lomo 6: 3-7; Yone 1: 12, 13 “Dibatiza didi kuleja kua hatoke kuhidia kua buloba. Aba badi babatijibua mu dina dia Tatu, dia Muana, ne dia Nyuma Muimpe, mu kubuela kuabo mu moyo wa buena Kilisto, badi bajadika hatoke ne bakulekela mudimu wa N'satana ne bakulua bena mu diku dia bukelenge, bana ba Mukelenge wa mu diulu”. - Testimonics, vol. 6, p. 91“Kunyingalala kulelela bua bubi, ditabuja mu malu mimpe a Yezu Kilisto, ne dibatiza mu lufu luandi, kujuka mu mayi bua moyo muhia-muhia, m'bidia bia ku mpala mu kuledibua kuhia-kuhia, kudi Kilisto muambila Nikodemo, m'bualu buakadiye ne bua kukumbaja bua kusungidibua”. - Lift Him Up, p. 79“Tudi babatijibue mu dina dia Tatu, dia Muana, ne dia Nyuma Muimpe, ne aba banene basatu, makole adi kâyi ne n'shikidilu adi masangila hamue bua kukuata mudimu bua bimpe bietu, anu bu bituikala tua kuya kukuata hohamue nabu mudimu. Tudi bajikibue ne Kilisto mu dibatiza bu tshimanyinu tshia lufu luandi. Tudi babike mu mayi bu tshimanyinu tshia dibika diandi. Tudi ne moyo bu misuka miledibue tshiakabidi, bu mutuabishibua mu dituku dinene dia ku nshikidilu”. - The General Conference Bulletin, 4 Avril 1901

---

4. BIFUKIBUA BIHIA-BIHIA Dinayi 15/04

a. Ku mpala kua kubatijibua kuetu, N'tshinyi tshidi Mukelenge ulomba kutudi, ne m'malanda kayi atudi mua kuikala nawu ? 2 Kolinto 6: 14 – 18 “Hatukayi munkatshi muabo, ne tahulukayi nabo, m'mudi Mukelenge muamba, ne neng'nuakidile, ne nenuikale bana banyi balume ne bakaji ba Mukelenge wa bukole bonso. M'mulayi kayi ewu! Udi musangisha kunudi, bua nuenu kuvuijibua bena diku dia bukelenge bahianyi ba bukelenge bua mu diulu”. - Testimonies, vol. 2, p. 592“Nudi ne bua kujimija balunda benu ne malanda mu kutumikila malu malelela a ha mûlu a diyi dia Nzambi anyi ? Ikalayi ne moyo mukole, Nzambi wakanulongoluela bintu bua bualu buenu, maboko andi adi munzulula bua kunuakidila. Hatukayi munkatshi muabo ne tahulukayi nabo, ne kanulengi tshintu tshibiha, ne neaye kunuakidila. Udi ulaya bua kuikala Tatu wenu. Oh! m'bulunda kayi ebu! Bua ha mûlu, ne bua tshijila, kutamba malunda onso a ha buloba. Bu binuikala nuakudifila, nuenu balekela Tatu wenu, mamu wenu, ne bana benu ba bakaji ne ba balume, mukanji webe, ne bana bebe bua bualu bua Kilisto, kuakuhangila balunda nansha. Nzambi udi ukuangata mu diku diandi; nudi nulua bena mu diku dia bukelenge, bana balume ne bakaji ba Mukelenge udi ulombola mu diulu. Nudi dijinga ne muaba mutumbishibue udi mulaya anyi nudi dijinga ne buloba ? Ke mbianji kukumbana anyi ?”. - Ibid, vol. 1, p. 510 b. Tshikondo tshidi muntu uledibua tshiakabidi, m'mushindu kayi udi Nzambi ubala muntu ewu ne m'bualu kayi budi buya kumueneka mu moyo wandi ? 2 Kolinto 5: 17; 1 Petelo 1: 23; 2: 1, 2 “Budisu budi bumbusha mu musuka. Buiminyi budi bujula. Mukokibue ne lukasa ku kudikanda kuakadi kakuyi kushala musangu mule kudi muntu; bua Yezu Kilisto wakalombola menji mu buhika kudiye. Kakuena diakula bia bungi, dikamakama dia ngakuilu, kadiena dihatuka mukana muenu; bualu Mukelenge udi Nzambi wa dimanya, ne mu Yeye bienzedi bidi bihima”. - The Signs of The Times, 26 Septembre 1892“Ngikadilu wa kale, udi muledibue mu mashi ne ku disua dia mubidi, kena mua kuhiana bukelenge bua Nzambi. Njila ya kale, majinga mahiana kudi baledi, bikadilu, bidi ne bua kumbushibua; bualu ngasa kena uhianyibua. Kuledibua kuhia-kuhia kudi ne bua kuikala ne menji mahia-mahia. Aba badi baledibue mu moyo muhia-muhia kudi Nyuma Muimpe badi balua babanyanganyi ba ngikadilu wa Bunzambi, ne bilele biabo bionso ne bienzedi, ne baye kuleja tshimanyinu tshia bulunda buabo ne Kilisto”. - Maranatha, p. 237

---

5. MUINSHI MUA TSHILUMBULUIDI TSHIA BUNZAMBI Ditanu 16/04

a. M'mu dina kayi mudi misuka idi ikudimuna mitshima mua kubatijibua, ne m'mulayi kayi udi mufidibue kudibo ? Matayo 28: 19, 20. N'disanka kayi ne bukokeshi bidi kudibo ? Kolosai 3: 1 – 3 “Bu mudi bena Kilisto benzejibue bua kuenza bualu ebu bua hatoke bua dibatiza, Nzambi udi ufunda kuditshiha kuabo kudiye [Nzambi] kulelela . Badi badienzeja nkayabo bua kubenga buloba ne kulonda mikenji ya bukelenge bua Nzambi. Ke nanku, badi benda mu moyo muhia-muhia. Kabena balonda mayisha ne bilele bia bantu. Kabena balonda ngenzelu wa dishima. badi batumikila mikenji ya mu diulu. Badi bakeba butumbi bua Nzambi. Bu bikalabo bakuditshiha mu bulelela, nebikale baheshibue ngasa ne bukole bidi biya kubambuluisha bua kukumbaja buakane bonso”. - Evangilism, pp. 307, 308“Dibatiza didi difidibue mu dina dia Tatu, dia Muana ne dia Nyuma Muimpe. Makole â manene asatu a mu diulu adi madisangishe hamue bua kuikala bakumbane bua bonso badi bakokela ku mukenji ewu, ne badi balama ne lulamatu mutshihu wabo wakaditshiha bo”. - Manuscript Releases, vol. 6, p. 27“Nudi muinshi mua dinyoka ne bukole bua basatu ba tshijila badi ne moyo mu diulu, badi bakumbane bua kunukuba ku dikuluka. Nudi ne bua kuleja hatoke ne nudi bafue ku bubi, moyo wenu udi musokoka ne Kilisto mu Nzambi”. - Ibid, vol; 7, p. 267 b. Hatudi tuangatshibua bu bana balume ne bakaji ba Nzambi, m'malu kayi mimpe ne manema bidi bietu ? Lomo 8: 16, 17; Galatia 3: 26 – 29; 4: 6, 7

Makonka a kuambulula dilesona Disambombo 17/04

a. M'mulayi kayi wakahesha Yone Mubatiji aba bakadi balua kudiye ? b. Bua tshinyi Yezu wakabatijibua ? c. N'diunvuija kayi dia Muyuki wa Kilisto ne Nikodemo bua bualu buetu ? d. N'tshinyi tshidi dibatiza diunvuija mu moyo wa musuka ? e. M'mu luidi kayi mudi Bunzambi bujima bubuela mu dibatiza dia bantu benzi ba mibi badi banyingalala bua bubi ?