1. NZAMBI WAJADIKA DIBAKA Dia kumudilu 24/05

a. Kunyima kua Adama muidika nyama mêna, m'bualu kayi buakamueneka , Genese 2: 18, 21, 22. M'mushindu kayi udi Nzambi utangila dibaka ? Ebelu 13: 4 “Nzambi wakasekelela dibaka dia kumpala. Nunku bualu ebu bua dibaka, mubujadiki wabo udi Mufuki wa diulu ne buloba . Tshikondo tshidi mikenji ya Nzambi mimanya ne mitumikila mu malanda â, dibaka didi disanka (dibenesha); didi dilama buimpe ne disanka bia bantu, didi dilongoluela muntu majinga a mu nsombelu, didi dibandisha ngikadilu wa bukole bua mubidi, wa ngelelu wa menji ne wa mu nsombelu”. - Patriarchs and Prophets, p. 46 b. Bidi biunvuija tshinyi ne Eva wakafukivua ne lubala lua Adama ? Efeso 5: 22-24; Kolosai 3: 18 “Eva wakafukibua ne lubala luangata mu lubadi lua Adama, kunvuija ne kakadi kumukosha bu mutu, anyi kudiatshibua muinshi mua makasa bu muntu mushadile, kadi bua kuimana ku luseke bu luandi, bu udi wa momumue nandi, bua kunangibua, kukubibua kudiye (Adama). tshituha tshia muntu lubala lua ku mbala yandi, musunya wa ku misunya yandi, wakadi tshituha tshiandi tshibidi, kuleja bobumue bukole ne kulamatangana, kuakadi mu bulelela ebu”. - Ibid, p. 46

---

2. TSHIKONDO TSHIA DISANKA Dibidi 25/05

a. M'bualu kayi budi buleja ne Mukelenge wakadi muanyishe dibaka ? Yone 2: 1, 2 “Kilisto wakalua ha buloba bua kufila munya wa mu malu a nsombelu. Wakalua bua kunvuija balume ne bakaji ne dibaka didi mukenji (bualu) wa tshijila. Dikalanganaku diandi mu dibaka dia mu Kana diakafila m'muenenu wa ha mûlu wa mukenji eu”. - Manuscripts Releases, vol. 10, p. 188“Kilisto kakalua bua kushiha mukenji ewu wa tshijila, kadi bua kûhingaja ku tshijila tshiawu tshia ku mbangidilu ne kûbandisha kûlu. Wakalua bua kuhingajilula tshinfuanyi tshia Nzambi mu muntu, ne kutuadija mudimu wandi mu kuanyisha dibaka. Yeye wakenza diku dia ku mudilu, ne n'Nyeye wakabafukila Mpaladisu, ne kutua tshintampi tshiandi ha mukenji wa dibaka, ne kudisekelela bua musangu wa kumpala mu Edene”. - Ibid, p. 203“Mu dihungila dikuluku ne mu dihia-dihia dibaka didi dilejamu bu dibaka dia tshijila didi hankatshi ha Kilisto ne bantu bandi, badi bahikudibue, ku mushinga wakafutaye ku Golgotha”. - Thoughts From The Mont of Blessing, p. 64 b. N'tshinyi tshidi mifundu yamba bua diku dia disanka ? Misambu 128 “Mifundu idi yamba ne Yezu ne bayidi bandi bakadi babikila mu disanka dia dibaji dia mu Kana. Kilisto wakahesha bena Kilisto ke ndianyisha bua kuamba ne, hatudi babikidibue mu disanka dia dibaka, tudi ne bua tshia kumueneka ne disanka diabungi. Mu kuya mu fête ewu Kilisto wakatuyisha ne udi usanka netu ne aba badi basanka mu kutumikila kua mikenji yandi. Katu muanji kutekesha bantu mu mikolo bua kuenza ma fêtes, hadiwu enzeka mu diunvuangana ne mikenji ya mu diulu. Disangisha didi Kilisto munemeshe ne dikalanganaku diandi, didi dimpe (dikumbane) bua balondi bandi kuyamu (disangisha). Kunyima kua mufike mu fête ewu, Kilisto wakahetangana ne bantu bakuabo babungi, kubajidila ne dikalanganaku diandi ne diyisha”. - The Signs of The Times, 30 Août 1899“ 'Bu bikala disanka didi bua kuvuija bantu bakuabo disanka, tudi ne disanka bulelela. Muyidi mulelela kena uya kuikala ne moyo wa kudisankisha kayandi nansha, kadi udiku bua kusankisha Kilisto, ne bua buimpe bua bantu bandi badi batambe kushadila. N'kufila kua masanka andi, kuikala kuandi kuimpe, disua diandi, ne kudieyemena kuandi bua bualu bua Kilisto, anyi kutunka ha yeye anyi ha nkuasa wandi wa butumbi'”. - Testomonies, vol. 1, pp. 85, 86“Dibaka didi bua moyo, tshimanyinu tshia bobumue budi hankatshi ha Kilisto ne Ekelezia wandi. Nyuma udi Kilisto uleja hatoke mu Ekelezia udi nyuma wa mulume ne mukaji udi umueneka kudi umue ne mukaji”. - Ibid, vol. 7, p. 46

---

3. MUDIMU WA MULUME Disatu 26/05

a. M'bualu kayi budi Mukanda wa Nzambi uleja bua mulume udi 'nshinga udi usuikakaja nzubu' ? Efeso 5: 25, 28, Kolosai 3: 19 “Mukelenge wakajadika mulume bua kuikala mutu wa mukaji bua kuikala mukubi wandi, udi monji, tshisuikidi tshia nzubu, diku, tshidi tshisuikakaja bena mu diku hohamue . bukokeshi bua Kilisto budi buenzeka mu lungenyi, mu buimpe bonso ne lutulu; nunku mulume akuata mudimu ne bukokeshi buandi bua mulume”. - The Ministry of Healing, p. 391 b. Jadika ngikadilu mimpe idi kayiyi mua kunvuangana ne idi mibi mu mulume ne Tatu ? Genese 18 : 18, 19 ; Efeso 6 : 4 ; Ebelu 12 : 7-9 “Tatu udi ne tshia kukolesha diku diandi ne malu mempe adi afila bukole, a buakane, kâyi kadiwu, a lutulu, a moyo mukole, a disuminyina, ne dikuatshisha tshia mu tshinzedi. Ne bualu budiye ulomba bana bandi bua kuenza, yeye udi ne tshia ku buenza, kuleja bukole buandi bua mulume”. – The Ministry of Healing, p. 391“Kakuena tshimanyinu tshia ngikadilu wa bulume mu mulume bua kuleja muaba wandi bu mutu wa diku. Kabiena bidiundisha kanemu bua bualu buandi bua kunvua utela mufundu udi umutua mpanda bua bukokeshi buandi. Kabiena biya kumuvuija mutambe kuikala mulume bua mukaji wandi kuenza bidiye ukengela, mamuandi wa bana bandi, bua kuenzela malongolodi andi bu adi kâyi mua kutuhakana”. - Manuscript Releases, vol. 13, p. 82“Balume babungi kabatu bakumbana bua kunvua ne kubala ne mushinga disumpakana ne lutatu bidi bakaji babu bunvua, nangananga badi batshintshimika dituku dionso ne midimu ya nzubu idi kayiyi ijika. Badi balua misangu yonso ku nzubu yabo ne mpala mivunga, kabiyi bituala munya mu tshijengu tshia diku. Bu bikala bia kudia kabiena ha diba, mukaji udi muhungile ne mudimu, udi misangu yonso mulami wa nzubu, udi ndeji mudishi, mulambi, ne muena mudimu wa ku nzubu, malu onso momekela anu muntu umue, udi wedibua moyo (mukumina mutshima) ne milandu.Mulume mulelela n'ngudi wambula muana udi wenza disalu mu maboko a mamu wandi udi muhungile bua kulongolola bia kudia bia diku ne lukasa; kadi bu bikala muana kena ne dikisha udi udiela mu maboko a tatu wandi, yeye neaye kudienzeja biandi bua kumulekesha disalu, kukeba bua kumuhuwisha ne kumulama bimpe. Kena mua kuikisha (kena mua kulekela) bua kuamba ne meba bungi nunku adi mamu muenze, biya kumufikisha tshiji lukasa, kayi lutulu udi ubikila mamu bua kulua kuangata muan'andi. Ki m'muan'andi yeye anyi (wa tatu anyi) ?Kena muinshi mua buenzejibua bua kuikala lutulu bua kuambula bujitu bua kukolesha muan'andi anyi ?”. - The Adventist Home, pp. 224, 225

---

4. MUKELENGE MUKAJI WA NZUBU Dinayi 27/05

a. M'mushindu kayi udi Mukanda wa Nzambi wamba bua mukaji muena Kilisto, muena nyikadilu muimpe ? Nsumuinu 18: 22; 19: 14; 31: 10, 11, 30 “Mulume udi muikale mutu wa diku, bu mudi Kilisto muikale mutu wa Ekelezia; ne bualu bonso budi mukaji mua kuenza kabuena mua kukehesha buenzeji buandi ne kumulombola kuinshi kua buneme, ha muaba udi kawuyi usankisha Nzambi. M'mudimu wa mukaji bua kutuala majinga andi ne disua kudi mulume wandi. Bonso badi ne tshia kutuadilangana majinga, kadi diyi dia Nzambi didi ditamba kuamba nangananga bua m'muenenu wa malu wa mulume. Ne kabia kuikala bihuekesha buneme bua mukaji bua kudifila kudiye (mulume) yeye wakasungulaye bua kuikala mumuheshi wa mibelu, ne mukubi”. - Testimonies, vol. 1, pp. 307, 308“Balume babungi batu bimana ha meyi â, 'Bakaji nukokele nuenu' kadi tudi tuya kubala nkomenu ne 'Bu mudibi bimpe mu Mukelenge'”. - Manuscript Releases, vol. 13, p. 74 b. M'mukenji kayi udi Mukelenge wambila mukelenge mukaji wa nzubu ? 1 Petelo 3: 1, 2; Filipoi 2: 14 “Hadi mukelenge mukaji wa nzubu ukuata mudimu wandi bimpe, utu amu wela mbila bua buhika budiye muikale, ne dileleka bua makokeshi andi ne binkandi mukufuanyikija dikasa diandi (dimpe anyi dibi) ne ngikadilu wandi wa ha mûlu wa mukaji, ne kulaba manyi majinga adi kâyi a tshijila bua muaba muhehele udi kawuyi lutatu, mudikadile ku ntatu idi kayiyi ya mushinga ne kukengeshibua bidi bibungamija nyuma wandi. Udi ulota mu bihahu binene bishilangane bia tshienzedi tshidiye ulumba mateyi a bungi a disuya, imue misangu dikasa diandi dimpe anyi dibi didi mua kuikala ha buihi n'andi. Hadiye muikale tshianana ne dijinga dikole bua moyo mushilangane, udi udishibua ne kunyingalala kua bubi, ne kuenza nzubu wandi muaba udi kawuyi wa disanka bua mulume wandi ne bana.“Mukaji mulelela ne mamu kena mua kuya mu njila wa nunku nansha, udi mutahuluke. Neakuate mudimu wandi ne buneme ne disanka, kayi ubala ne n'kudihuekesha bua kukuata mudimu ne bianza biandi, udi muimpe bua yeye kuenza bua bukole buandi ne dikankamika, ne mu lungenyi luandi ne kutshina bua kuenza mudimu wandi wa ku dituku neaye kusuika mulume wandi mu mutshima wandi ne kumona bana bandi bakole, balue bantu bakole, balume ne bakaji bakunemekibua, badi ne nsombelu mimpe ya bukole bua kulonda tshilejelu tshia mamu wabo”. - The Helth Reformer, 1 Août 1877

---

5. TSHISUIKIDI TSHIA MU MOYO MUJIMA Ditanu 28/05

a. Mu diunvuangana ne diyi dia Nzambi, M'musangu bula munyi udi mutshihu wa dibaka udi musuika mulume ne mukaji ushala ? Mâko 10: 6-12; Lomo 7: 1-3; 1 Kolinto 7: 39 “Mutshihu wa dibaka udi musuika bantu babidi kawena ufua, anu lufu”. - Testimonies, vol. 4, p. 507“M'mushindu kayi udi dibaka lelu ? Kadiena dinyanga ne diatuke bu mu tshikondo tshia Nowa anyi ? Kushiha kua mabaka kudi kuenza matuku onso. Ke dibaka didi Kilisto wamba ne lumpala kua nvula munene bantu 'bakadi babaka, bakadi babakibua' (Matayo 24: 38)”. - Manuscript Releases, vol. 7, p. 56 b. Bu bikalaku kudi ditahuluka hankatshi ha mulume ne mukaji, m'malu kayi abidi a disungula adiku ? “Yezu wakalua ha buloba hetu aha bua kulongolola bilema bia muntu ne kuhingajilula tshinfuanyi tshia Nzambi mu muntu. Menji mabi ha bidi bitangila dibaka akadi maheta muaba munkatshi mua bayishi ba Isalele. Kadakenza tshienzedi nansha tshimue bua mukenji wa tshijila wa dibaka. Muntu wakavuijibua mutambe kuikala mukole mutshima, bua kudibingisha kudi kakuyi mushinga bua kutahuluka ne mukaji wandi .“Kilisto wakalua kulongolola bubi ebu, ne tshishima tshiandi tshia kumpala wakatshienza mu disanka dia dibaka. Nunku wakambila buloba ne dibaka hadidi dilama bimpe, kadiyi dinyanga, didi mukenji wa tshijila”. - Ibid, vol. 10, p. 198

Makonka a kuambulula dilesona Disambombo 29/05

a. M'mushindu kayi udi Mukanda wa Nzambi wamba bua difukibua dia mukaji ? b. N'tshikondo tshimuehele tshidi tshia disanka dia dibaka tshikale bulelela tshikondo tshia disanka ne m'buatshinyi ? c. M'mushindu kayi udi mulume mua kulongolola malanda andi ne mukaji wandi ? d. M'mushindu kayi udi mukaji mua kulongolola malanda andi ne mulume wandi ? e. N'tshimanyinu kayi tshidi Nzambi mu lungenyi luanyi uleja dibaka ne m'kuditshiha kudi bua moyo mujima wa muntu ha buloba ?