BIDIA BIA MUKELENGE “Luhanza lua disanka lutudi tuvuidijila disanka kaluena bobumue buetu mu mashi a Kilisto anyi ? Ne mutanda wa bidia utudi tutshibula kawena bobumue buetu mu mubidi wa Kilisto anyi ?” (1 Kolinto 10: 16).
Bia kubala:
Desire of Ages, pp. 652 – 661, 151, 152
“Hatudi tuangata bidia ne maluvu bidi bileja mubidi wa Kilisto mutshibula ne mashi akamata, tudi tuela menji mu kudisangisha mu kudia kua bidia bia bobumue bia mu nzubu wa kûlu”. - The Desire of Ages, p. 661
1. PASAKA (KUHITA KUA YEHOWA) Dia kumudilu26/04
a. M'bualu kayi bua ntendelelu buakatekibua mu tshikondo tshia dihikula dia Isalele mu Ejipitu ? Ekesode 12: 2-6“Kuenza bualu bua kuhita kua Yehowa buakabanga ne kuledibua kua tshisamba tshia bena Ebelu. Mu butuku bua ndekelu mu buhika buabo mu Ejipitu, tshikondo tshiakadi tshimanyinu tshia dihikula katshiyi tshianze kumueneka, Nzambi wakabambila bua kudilongolola bua dihikudibua dia musangu umue. Wakadimuisha ne wakambila bena Ebelu bua kusangisha meku abo mu nzubu yabo. Kumiamina ku biluwu bia bibi bia nzubu mashi a mukoko mushiha, bakadi ne bua kudia munyinyi mukanga (mosha) wa mukoko, ne diampa kadiyi diela luevene ne bisonsa bia bululu”. - The Desire of Ages, pp. 76, 77b. M'mushindu kayi utudi tumanya ne difesto dia kuhita kua Yehowa kadiakadi bualu bua disanka , Ekesode 12: 7 – 11. Nganyi wakadi kayi mukumbane bua kuabanyangana disanka dia kuhita kua Yehowa ? 12: 43 – 49“Bena Ejipitu ba bungi bakalombodibua bua kujandula ne kujingulula Nzambi wa bena Ebelu bu Nzambi amu umuehele mulelela, ne bantu aba bakasengelela bua kuikala banyishila bua kukeba tshisokomenu mu nzubu ya bena Isalele, tshikondo tshiakalua muanjelo mubutudi kuhita mu musoko. Bakabâkidila ne disanka, ne kuangata dihangadika dia kukuatshila Nzambi wa Yakoba mudimu ne kumbuka mu Ejipitu kuya ne bantu bandi”. - Patriarchs and Prophets, p. 279
1. TSHIKONDO TSHIA TSHISABU Dibidi27/04
a. M'bulongolodi kayi buakateka Yezu tshikondo tshiakelaye ku mukenji wa kuhita kua Yehowa bua tshikondo tshia ku nshikidilu ? Luka 22: 19, 20; 1 Kolinto 11: 23 – 26“Tshikondo tshiakafila Musungidi moyo wandi ku Golgotha, diunvuija dia disanka dia kuhita kua Yehowa diakimana, ne mukenji wa bidia bia Mukelenge wakatekibua bu tshivulukidi tshia bualu bua mushindu wa momumue, tshiakadi kuhita kua Yehowa kunvuija”. - Patriarchs and Prophets, p. 539“Kuhita kua Yehowa kuakafidibua bua kuvuluka dihikudibua dia Isalele mu buhika mu Ejipitu. Nzambi wakamba ne ku tshidimu ne ku tshidimu, hadi bana bebeja diunvuija dia mukenji ewu, muyuki wa kale udi ne bua kuambibua tshiakabidi. Nunku dihikudibua dia dikema didi ne bua kulamibua mu menji a bantu bonso. Mukenji wa bidia bia Mukelenge wakafidibua bua kuvuluka dihikula dinene diakenjibua, ku tshiheta tshia lufu lua Kilisto”. - The Desire of Ages, pp. 652, 653b. Ku mpala kua muntu kudia bidia bia Mukelenge, m'bujitu kayi budiye nabu ? 1 Kolinto 11: 27 – 30; 2 Kolinto 13: 5“Kuditangila kudi kua mushinga, ne ku kudikonkoloja kukole mu munya wa diyi dia Nzambi, Ndi mukumbana anyi, heshi ndi muatuke mu mutshima wanyi ?Ndi muvuijibue muhia-muhia mu Kilisto anyi, heshi ntshidi anu muena mubidi mu mutshima, m'mueneka ha mbelu bu muntu muhia-muhia ne bilulu bihia-bihia buluata anyi ? Nudi badimanyine nkayenu ku tshilumbuluidi tshia Nzambi, ne nudi numona ne mu munya wa Nzambi kakuena bubi budi busokoka nansha, kutendelela kuenu kua mpingu kakuena kulekela. Tendelelayi, eyowa, tendelelayi, bu munuakadi kanuyi banze kutendelela diambedi, bualu kanuena mua kushimibua kudi malu mafuanyikija kudi N'satana, ne kanuena mua kuikala kanuyi badimuke, kanuyi ne kuela kua menji, ne nyuma wa hatuhu, ne kuikala ne ntema ku malu a ntendelelu, kuhuwa mu kondo kenu ka moyo”. - Messages to Young People, pp. 83, 84“Muladi wa tshitabêla wa tshijila wa mu diulu udi ku [makasa – â bua kuwôwesha mayi] bua kuâvuija mu bobumue ne kukeba kua musuka, bua kutuishibua bua bubi, ne ditushibua dia tshijila bua mibi mifuidibue luse . masanka mahua moyo, luse lunyanga, buimpe kabuyi bubala ne mushinga, ebi bionso bidi bikale mu menji. Miji ya bululu idi ya bungi kutamba tshikunyibua tshia mushinga tshia dinanga didi dimueneshibua hatoke. Bilema bia ngikadilu, kulengulula kua midimu idi yenu, kuhanga kusakidila kudi Nzambi, kuikala ne mashika kudi bana betu, bionso ebi bidi bikengela kubivuluka. Budi bulejibue (butangila) mu munya udi Nzambi muikale ubujoja”. - The Desire of Ages, pp. 650, 651
3. “BUA KU NVULUKA” Disatu28/04
a. Meyi a Kilisto â adi unvuija tshinyi “Enzayi nunku bua ku nvuluka” ? Luka 22: 19, 20; 1 Kolinto 11: 24, 25“Mu dituku dia dikumi ne dinayi dia ngondo wa ku mudilu wa bena Yuda, dituku dionso ne ngondo wakadi bua bihungu dikumi ne bitanu, kuhita kua Yehowa kua muana wa mokoko wakashihibua, Kilisto wakadia bidia bia kuhita kua Yehowa ne bayidi bandi, ne kujadika fête ewu bua kuikalayi tshivulukidi tshia lufu lua “Muana wa mukoko wa Nzambi udi ujimija mibi ya ba ha buloba' (Yone 1: 29).Mu butuku abu wakafidibua mu bianza bia bantu babi bua kuhohedibua ha mutshi mutshiamakane ne kushihibua”. - The Great Controversy, p. 399“Mu kujadika kua mudimu ewu bua wowu kuangata muaba wa disanka dia kuhita kua Yehowa, Kilisto wakashila Ekelezia wandi bualu bua kuvuluka bua kudifila kuandi, kunene bua muntu 'Enzayi nunku bua ku nvuluka' ke muakambaye. (Luka 22: 19). Ebu buakadi bualu bua kuhitshila hankatshi ha malu manene abidi ne ma fête abo manene abidi. Fête wa ku mudilu wakadi ufika ku nshikidilu tshiendelele; ne mukuabo kujadikibua mu kuangata muaba wa wakumudilu, ne kutungunuka mu bikondo bionso bua kuvuluka lufu luandi”. - Evangelism, pp. 273, 274b. M'mushindu kayi udi bidia bia Mukelenge bilongolola ne bidi bilongolola tô ne tshikondo kayi ? 1 Kolinto 11: 26“Kilisto wakajadika bualu ebu Mesa a Mukelenge, bua musangu onso udibi bilongolola, bidi bituvuluija mulambu wandi mu kufila kua moyo wandi bua dilekelela dia bubi bua bonso baya kumuitabuja ne kumuakidila”. - God's Amazing Grace, p. 152“Bidia bia Mukelenge kabiakadi bilongolodibue ku mpukahuka anyi ku tshidimu. Kadi misangu ne misangu kutamba muakadi disanka dia kuhita kua Yehowa diakadi dia ku tshidimu. Mukenji ewu wa hatoke udi wa kulongolola bidia bia Mukelenge udi munene kutamba dihikudibua dia bana ba Isalele mu buhika mu Ejipitu. Dihikudibua adi diakadi mundidimbi wa dilengejibua dinene diakenza Kilisto mu mulambu wandi wa kufila kua moyo wandi bua dihikudibua dia ndekelu dia bantu bandi”. - The Spirit of Prophecy, vol. 1, p. 203“Nunku bakampingaja kunyima mu tshikondo tshiakangata Yezu bayidi bandi kuya nabo mu nzubu wa kûlu nkayabo, ne ku mpala kubowesha mayi ku makasa abo, ne kubahesha diampa ditshibula bua kudia, didi dileja mubidi wandi mutshibula, ne kubaha nvinyo, udi uleja mashi andi akamata handi . Bonso badi ne tshia kunvua ne kulonda tshilejelu tshia Yezu mu malu â, ne tshikondo tshidi malu â enjibua, bidi bimpe kuditahulula ne badi kabayi bena kuitabuja”. - The Present Truth, 1 Novembre 1850
4. MUBIDI NE MASHI BIA KILISTO Dinayi29/04
a. M'bualu kayi bulelela buakaleja Yezu hatoke mu kuyikila kuandi ne balombodi ba bena Yuda ? Yone 6: 32-35“Katuena, bua kudilamina moyo yetu ya mu mubidi ewu, bituikala tudia bidia ne tunua bia kudia bietu bia ku dituku ne dituku. Bua kulama bukole buetu bua mubidi ne bua nyuma, tudi ne tshia kudia tshidi Yezu Kilisto mu kuyila diyi diandi, ne kuenza malu onso akambaye mu diyi diandi. Etshi ne tshikale bobumue ne Kilisto. Ditamba didi dikuama mamuma, didi ne tshia kuikala nvinyo, wa ha buandi, kuheta bia kudia bidi bifuma ku diendakana dia baledi. Etshi ke kuikala ne moyo mu ditabuja dia Muana wa Nzambi”. - The Review and Herald, 7 Juin 1898“Lufu lua Kilisto ludi bua moyo wetu wa ha buloba ebu. Diampa ditudi tudia didi diangata muaba wa mubidi wandi mutshibula. Mayi atudi tunua adi masumba ku mashi andi akatumatshila. Muntu nansha umue wa tshijila nansha muena bubi utu wadia bidia biandi bia ku dituku ne dituku, kadi udi udishibue ku mubidi ne mashi bia Kilisto. Mutshi mutshiamakane wa ku Golgotha udi tshimanyinu tshia diampa. Udi mulejibue mu mushimi wa mayi. Bionso biakayisha Kilisto biakadi biya kuleja mulambu wa kudifila kuandi munene”. - The Desire of Ages, p. 660b. Meyi â adi unvuija tshinyi: “Mubidi wanyi udi bidia bilelela, mashi anyi adi bia kunua bilelela” ? Yone 6: 53 – 58“Kudia mubidi ne kunua mashi bia Kilisto, n'kumuakidila bu Musungidi webe, kuitabuja ne udi ufua mibi yetu luse, ne tudi bakumbaja mu Yeye. N'kutangila dinanga diandi, kuikala mu diodi, ne kunua mu diodi. Ahu tudi tulua babanyanganyi ba ngikadilu wandi. Bu mudi bia kudia bikale bua mubidi, Kilisto udi ne tshia kuikala bua musuka. Bidia kabiena bitukuatshisha hatuabidia, tô ne hadibio bivuijibua tshituha tshia mubidi wetu. Ne Kilisto kena ne mushinga kutudi, bituikala katuena bamumanye bu Musungidi wetu. Dimanya dia mukana hatuhu kadiakutuvuija bakane nansha. Tudi ne tshia kudishibua kudiye, kumuakidila mu mitshima, ke nanku moyo wandi udi ulua wetu. Dinanga diandi, ngasa wandi, bidi ne tshia kudibua (kufuanangana)” - Ibid, p; 389«'Udi udia mubidi wanyi', Udi wamba ne, 'ne udi unua mashi anyi, udi wikala munda muanyi, ne meme munda muandi. Bu muakantuma Tatu udi ne moyo, ne bu mundi ne moyo bualu bua Tatu, nunku wandia meme neyikale ne moyo bualu buanyi' (Yone 6: 54, 56, 57). N'ku bidia bia mesa a Mukelenge kudi mufundu ewu wamba. Bu mudi ditabuja ditangila Mulambu munene wa Mukelenge wetu, musuka udi udifuanyikija ku moyo wa mu nyuma wa Kilisto. Nunku musuka newuhete bukole bua mu nyuma budi bufuma ku bidia ebi”. - Ibid, pp. 660, 661
5. BIDIA BINENE Ditanu30/04
a. M'bualu kayi bua butumbi buaya kutukankamika bua kushala bena lulamatu mu bualu buetu buhitshisha bua buena Kilisto ? Buakabuluibua 19: 6 – 9“Yezu, Musungidi muena luse, wakenza dibikila bua bantu ba ha buloba, ne 'Luayi; bualu bua bintu bionso bidi bilongolola' (Luka 14: 17). Nenuidikije bena Yuda anyi bakabenga kuitaba ku dibikila ? Dibikila didi kutudi, ne Mukelenge udi musue kumona kutshina ne kuzakala kuenu ku diyi diandi, bualu udi mua kutemesha mu mitshima yenu ditekemena ne ditabuja ne dieyemena bia tshijila. Udi unuambila bua diambedi kukeba bukelenge bua Nzambi ne buakane buandi, ne kulaya bua kunukumbajila bionso binudi nabi dijinga hashishe. Udi uleja ku mpala kuenu butumbi bua mpaladisu ne lukonko ludi ne, nenuitabe ku dibikila diandi anyi ?”. - The Review and Herald, 5 Novembre 1895b. N'dibikila kayi dia ngasa didi dienzela bantu bonso ne n'kudi nganyi ? Yeshaya 55: 1-3; Buakabuluibua 22: 17“Nzambi udi ubikila bantu aba ku [mudimu wa kuamba Lumu Luimpe] lua kuambila buloba lumu lua kulua kua Kilisto katataka (tshituha tshihi). Tudi ne tshia kuhesha bantu dibikila dia ndekelu ku disanka dia Lumu Luimpe, dibikila dia ku nshikidilu ku bidia bia dibanji dia dibaka dia Muana wa mokoko. Miaba ya bungi yakadi kayiyi miunvua dibikila, idi katataka idiunvua”; - Gospel Workers, p; 64“Yezu muena dinanga ne luse, udi wamba ne kudi bubi bunene kutamba bua kafikisha dibutuka dia Sodomo. M'bubi bua aba badi, kunyima kua bobo bamane kunvua dibikila dia Lumu Luimpe bua kulua mu disanka dia dibanji dia dibaka dia Muana wa mukoko, baya kuhingana tshianyima, ne babenga kuandamuna ku dibikila dia mu diulu. Dibikila dia disanka dia Lumu Luimpe, ditu misangu ya bungi dihetula ne kulabidila”. - The Review and Herald, 5 Novembre 1895
Makonka a kuambulula dilesona Disambombo01/05
a. M'mushindu kayi udi bibia bia Mukelenge biamba bua kuhita kua Yehowa kua mu tshikondo tshia kale ?b. Bua tshinyi kuditangulula mu mutshima kudi ne mushinga ku mpala kua kuhita ku mesa a Mukelenge ?c. Bua tshinyi bena Ekelezia badi ne tshia kuditahulula ne badi kabayi bena ditabuja mu tshikondo atshi ?d. N'tshinyi tshidi bualu buhitshisha bua ku dituku buleja bua “kudia” ne “kunua” bia Kilisto ?e. M'bualu kayi budi ne tshia kutukankamika ne kukankamika bakuabo bua kukeba ?