1. WAKABANANGA Dia kumudilu 19/04

a. N’tshinyi tshidi tshifunda bua dinanga dia Yezu kudi bayidi bandi kumpala kua bisama biandi ne lufu ? Yone 13: 1; 15: 12, 13 “Yezu, Muyishi wa bunzambi, wakajadikila bayidi bandi dinanga diandi kudibo. Wakangata ngikadilu wa bantu ke m’bua tshihatshila tshikuabo nansha, kadi tshia kuleja bantu luse, dinanga, ne buimpe bua Nzambi mu kulongololuela bifukibua biandi luhandu ne disanka”. – Testimonies on Sabbath School Work, pp. 39, 40 b. Batahuluke ne Yezu, nyuma kayi wakadi ukokesha bayidi hakadibo badisangisha bua kudia hohamue ? Luka 22: 24 “Bayidi, nansha muakadibo balekela bionso bua Yezu, mu mitshima yabo kabakadi balekela bua kukeba bintu binene bua bualu buabo nkayabo nansha. Nyuma ewu n’wakadi ukaba nvita kudi aba badi basua kuikala bantu batambe bunene”. – The Desire of Ages, p. 409“Bayidi bakadilamatshisha ku ngenyi yabo yakadibo basua, idi Kilisto musue kulejahu bukole buandi, ne kuangata muaba wandi mu nkuasa wa butumbi wa Davidi. Ne mu mutshima wa yonso wakadi anu muindile muaba wa ha mûlu mu bukelenge. Bakadibala nkayabo ne mushinga, ha mutu ha kutangila bana babo bakuabo bu bakumbane, bakaditeka nkayabo ha muaba wa kumpala”. – Ibid, pp. 643, 644

---

2. TSHILEJELU TSHIA MUYISHI MUNENE Dibidi 20/04

a. N'tshienzedi tshia Yezu kayi tshiakakemesha bayidi bonso ? Yone 13: 3 – 5 “Mu difesto, biakadi tshilele kudi muena mudimu bua kuôwesha makasa a benyi mayi, ne mu tshikondo atshi tshia kudilongolola bua mudimu wakadi ne bua kuenjibua. Mulondo, dilonga, ne dituaya biakadiku, bua kuôweshangana mayi ku makasa; kadi muena mudimu kakadiku bua kuenza bualu ebu, ne biakadi bualu bua bayidi bua bobo kuenza nunku. Kadi muyidi yonso, wakadi ne budisu, bua kuamba ne anu muena mudimu ke udi mua kuenza bualu ebu. Bonso bakaleja ne bualu kabuena bututangila, bamueneka kabayi ne dijinga dia kuenza bualu bua kôweshangana mayi ku makasa. Mu kushala kuabo kua bahuwe, bakabenga kudihuekesha”. - The Desire of Ages, p. 644“[Musungidi], ewu wakadi [Bayidi] banange, wakajuka kûlu, ne kubunya tshilulu tshiandi ku luseke ne kuangata dituaya kudisuika mu tshimono tshiandi, kuhongolola mayi mu dilonga. Aha bayidi bakakemeshibua ne kufuishibua bundu”. - The Review and Herald, 5 Juillet 1898“Tshienzedi tshia [Yezu] tshia kakangula mesu a bayidi. Bundu bukole ne kuhuekeshibua biakûla tente mu mitshima yabo. Bakunvua kutandisha kua kakuyi diyi dihatula, ne bakadimona mu munya muhia-muhia mene mene”. - The Desire of Ages, p. 644 b. Unvuija bua milandu ya Petelo ha bualu ebu, ne bua ngikadilu wandi, ne bua diandamuna dia Yezu ku menji andi ? Yone 13: 6 – 9 “Petelo wakafila makasa andi akadi ne manyanu, Mukelenge kuâlenga ne bianza; nunku, mushindu kayi ututu tualua ne mibi yetu, ne misuka yetu miatuke mu kusangila ne mutshima wa Kilisto, udi kawuyi ukina tshintu kadi anu bubi. Oh! mushindu kayi utudi tubungamija Nyuma Muimpe wa tshijila wa Kilisto ne mibi yetu! Katuena balongolole bua kuanyisha bidia bia tshijila bia Mukelenge ne Kilisto ne bantu bakuabo, anu tuetu basukula ku dikumbana diandi”. - The Review and Herald, 5 Juillet 1898 c. N'diunvuija kayi dia meyi â a Yezu: 'Udi mumane kowa ham'bidi, udi anu ne bua kowa ku makasa' ? Yone 13: 10 “Petelo ne bana babo, bakoweshibua ku mushimi munene mukangula bua bubi ne bua diatuka. Kilisto wakabamanya ne bakadi bandi. Kadi kuteyibua kuakabalombola mu bubi, ne bakadi dijinga ne ngasa wandi udi ulengeja. Tshikondo tshiakasuika Yezu dituaya mu tshifuka tshiandi bua kuôwesha makasa a [bayidi] akadi ne luhuishi, wakadi ujinga bua ku tshienzedi etshi kuôwesha butatakane, mukawu, ne budisu bia mitshima yabo. Ebi biakadi kule kutambe ne tshiheta tshia diowesha makasa abo akadi ne luhuishi”. - The Desire of Ages, p. 646

---

3. MAKASA ADI NE LUHUISHI Disatu 21/04

b. Mukelenge udi ujinga tshinyi bua tuetu kukuatshilangana mudimu mu kudihuekesha muan'abo ne muntu ne muan'abo koweshangana mayi ku makasa ? Misambu 51: 2, 7; Ebelu 10: 22 “Kabiakadi kuhuekesha kua Mukelenge, bua kumuitabuja bua kukuata mudimu bua dilengejibua dietu. Kudihuekesha kulelela kudi kuangatshibua ne mutshima wa kusakidila malu onso adi malongolola bua bualu buetu, ne dikuata dikole dia mudimu bua Kilisto”. - The Desire of Ages, p. 646“Nuakatonda mibi yenu, nenuyumbushe mu mitshima yenu. Nuakangata dihangadika dia kudifila kudi Nzambi. Katataka yayi kudiye, ne numulombe bua aya kunowesha ne kumbusha mibi yenu ne kunuhesha mutshima muhia-muhia. Nunku, nuitabuje ne wakuenza bualu ebu, bualu wakalaya nunku. Edi n'dilesona didi Yezu muyishe hakadiye ha buloba, nunku n'diha didi Nzambi mutulaya, tudi ne tshia kuitabuja ne tudi badiangate, ne didi dietu”. - Steps to Christ, pp. 49, 50“Kilisto wakahesha bayidi bandi bua kunvua ne diowesha dia makasa abo, kadiakadi diumbusha dia bubi buabo, kadi diakadi kusukula kua mitshima yabo, yakadi mitetshibua mu mudimu wa kudihuekesha. Bu bikala mitshima yakasukudibua, tshienzedi etshi tshionso tshiakadi tshia mushinga bua kuleja hatoke. Wakôwesha makasa a Yudasa; kadi wakamba ne: 'Bonso buenu kanuena batoke' (Yone 13: 11). Yudasa wakalua ne mutshima wa kudilangana majangi ku bualu ebu, ne Kilisto wakaleja hatoke kudi bonso ne wakadi mumumanye ne m'mutungidi wa Mukelenge wandi, ne diowesha dia makasa andi kadiakadi mukenji wa kusukuila musuka ku bubi buawu nansha”. - The Faith I Live By, p. 299

---

4. MUDIMU WA BUHUEKELE Dinayi 22/04

a. M'mabenesha kayi adi malaya badi benda mu kudihuekesha ku mpala kua Nzambi ? 2 Kulondolola 7: 14; Yeshaya 57: 15; Matayo 23: 12; Yakobo 4: 6, 10 “Kulumba konso kua bantu kua malu, kuditumbisha konso, bidi bikale bilombola mu luhuishi. Bumeme, bubi bua kuditekemena, bidi bikale bihuekesha, kabiena bitumbishibua”. - Testimonies, vol. 8, p. 234“Menji a kutamba kuditumbisha, atudi nawu, kujinga kukese kutudi tunvua kua Yezu. Malu mimpe kaena aditumbisha; kadi buakane – bua bumeme budi misangu yonso bufika ku butumbi ne buneme bia bantu. Badi bafika ku tshihidi tshia dishima, ne badi ne menji a ha mûlu adi abo. Bonso badi bakuluka ha dibue, badi batshibuka, Kilisto udi wibaka ha buhuangane budi bulelela ne tshijila”. - The Review and Herald, 7 Août 1888“Aba badi ne lutulu ne kudihuekesha balonda tshihatshila tshia mudimu wabo, ke m'bua kutumbishibua, kuikala bengeleka, batumbisha kudi bantu, kadi kutumbisha Nzambi, ne kuikala difutu, butumbi, buneme, ne moyo wa tshiendelele”. - Ibid, 22 Juillet 1890“Kilisto wakahesha bayidi bandi mukenji wa koweshangana mayi ku makasa bua kûteka mu tshienzedi, wakadi ne bua kubayisha malesona a buhuekele. Wakalamakaja mukenji ewu ku bidia bia Mukelenge. Kuleja se bualu ebu budi ne tshia kuikala buenzeka ne kuditangila kua mu mutshima nunku bantu bandi badi ne tshikondo tshia kuleja majinga malelela a mu mitshima yabo kudi Nzambi ne kudi umue ne mukuabo. Bu bikala budisu budi mu mitshima yabo, musangu umue budi buya kujandudibua kudi bantu bena bulelela – badi mu tshilema, bu mudibo badifila mu mudimu ewu wa buhuekele.Bu bikala bumeme ne lukinu bia kuikalaku, bu bikalabu bakubijandula ne lukasa, bu mudibo badifila mu mudimu ewu wa kudihuekesha. Mukenji ewu wakadi muteka bua kutondelangana mahanga, ne kudiunda kua majinga a kudikanda (lutulu), kufuilangana luse bua mahanga a umue ne mukuabo ne bua dinanga dilelela, kudilongolola ku dibuela mu mukenji wa divuluka makenga ne lufu bia Kilisto”. - The Signs of The Times, 2 Mars 1880 b. Dioweshangana mayi ku makasa didi ne diunvuija kayi, ne bua tshinyi Yezu wakatuambila bua kuenza bualu ebu mu tshikondo etshi ? Yone 13: 12 – 17 “Mu muntu mutu muikale lungenyi lua kudibala ne mushinga kutamba muan'abo, kudikuatshila mudimu kukeba muaba wa ha mûlu; ne misangu ya bungi biheta ebi bia kutshinkidila kubi ne bululu bua nyuma. Mukenji wa kuenzela ku mpala kua bidia bia Mukelenge, udi wa kutokesha ngunvuilu ewu mubi, kufikisha muntu bua kumbusha buiminyi buandi, kulekela kubanda kua mûlu ne kuditekemena, ne kufika ku buhuekele bua mutshima, budi buya kumulombola bua kukuatshila muan'abo mudimu”. - The Desire of Ages, p. 650

---

5. “NUDI BASANKISHIBUE” Ditanu 23/04

a. Kunyima kua Yezu mumane kujikija diowesha bayidi mayi ku makasa, mowesha ne makasa a Yudasa, N'tshinyi tshiakamba Mukelenge ne tshiakadi ne bua kulua ? Yone 13: 21 – 26 “Bukole budi buenzeja bua dinanga dia Yezu buakabuikila Yudasa. Tshikondo tshiakalenga bianza bia Musungidi makasa a luhuishi a Yudasa bua kuwowesha mayi, ne kuâkuhula ne dituaya, mutshima wa Yudasa wakazakala mu biakadi bimusaka ne nunku wakadi kutonda bubi buandi. Kadi kakadi mudihuekeshe. Wakakolesha mutshima wandi bua kutonda ne kunyingalala bua bubi, ne biakadi biteka ku luseka, ne kabidi biakalua kumukokesha”. - The Desire of Ages, p. 645 b. N'tshinyi tshitudi ne tshia kuyila ku bualu bubi buhitshisha bua Yudasa, ne m'mushindu kayi utudi ne tshia kusemena ha buihi ne bualu ebu bua tshijila bua dioweshangana mayi ku makasa ? Bienzedi 1: 15 – 20 “Kuteka kua mu tshienzedi kua malu malelela adi Kilisto muyishe kuakadi ku dihanga kuhetangana ku majinga a Yudasa ne bihatshila, ne kakadi mua kudifila nkayandi ku menji andi mu mushindu wa kuheta menji a mu diulu. Ha mutu ha kuenda mu munya, wakasungula bua kuenda mu midima. Majinga mabi, lukuka lua biuma, majinga a disombola, menji a midima ne mabi akalabibua manyi tô ne hakamukokesha N'satana”. - The Acts of The Apostles, p. 558“Kukumbaja mukenji wa buhuekele kudi kukeba kuditangulula. Mikenji ya mushinga ya musuka idi ikolesha mu bikondo bionso. Kilisto udi ne moyo munda muentu, ne kukoka mutshima kudi mukuabo. Tudi balombola bua kunanga bana betu, kuikala bena meyi mimpe, ne kanemu mu mudimu wetu wa ku dituku ne dituku, kuikala ne mitshima idi yunvua dikenga (lutatu) dia bantu bakuabo”. - The SDA Bible Commentary [E.G.White Comments], vol. 5, p. 1139

Makonka a kuambulula dilesona Disambombo 24/04

a. Ngikadilu wa Kilisto wakadi munyi mu nzubu wa kûlu mualabale, mushilangane wa bayidi bandi ? b. Bua tshinyi kuôwesha kua Kilisto makasa a bayidi kuakabakemesha ? c. M'mushindu kayi wakashintulula tshienzedi tshia Kilisto mitshima ya bayidi ? d. Bua tshinyi buhuekele budi bua mushinga mu moyo wa buena Kilisto ? e. M'masanka kayi atudi tuheta bu tshiheta tshia dioweshangana dia mayi ku makasa ?