1. KATUHA KA DIULU HA BULOBA Dia kumudilu 31/05

a. Mu mushindu wa kuheta nzubu wa disanka, m'meyi kayi adi Nzambi muambila balume ne bakaji ? 1 Kolinto 7: 3, 4; Galatia 6: 2; Efeso 5: 33 “Kanuenzeji muntu mukuabo bua kuenza bu munudi nujinga. Kanuena mua kuenza bualu ebu ne kulama dinanga dia mukuabo. Kulejibua kua hatoke kua bumeme – nekuye kunyanga ditalala ne disanka bia diku. Moyo wenu wa dibaka kawikadi moyo wa matandu nansha. Binuikala nudi bena matandu, bonso kanuakuikala ne disanka nansha. Nuikale ne meyi mempe mu kuakula ne kalolo mu tshienzedi, kulekela majinga enu. Kutebelela menemene bimpe meyi enu, bualu adi ne buenzeji butambe bukole bua buimpe anyi bubi. Meyi adi ataha kâhatuki mukana muenu. M'bimpe kusangisha mu moyo wenu dihembu dia buena Kilisto”. - Testimonies, vol. 7, p. 47 b. M'mushindu kayi udi meyi a tshijila unvuija diku dia buena Kilisto ? Misambu 12: 8; Yeshaya 61: 9; M'mushindu kayi udi diku mua kuikala dibenesha anyi mulawu ? “Tudi ne tshia kulekela Kilisto abuele mu mitshima yetu, ne mu nzubu, bituikala tudi basue kuenda mu munya. Nzubu udi ne tshia kuvuijibua bu mudi diyi diamba. Didi (diku) ne tshia kuikala katuha ka diulu ha buloba, muaba udi dinanga didiundisha ha mutu ha kuikala muaba wa kukokesha. Disanka dietu didi dilua ku didiundisha eku kua dinanga, ne kanemu kalelela kudi umue ne mukuabo”. - Ibid, vol. 3, p. 539

---

2. BALEDI NE BANA Dibidi 01/06

a. N'tshinyi tshidi mifundu yamba bua bana ba Nzambi – bua kutshina kua baledi ? Misambu 127: 3; Nsumuinu 17: 6; Yeshaya 54: 13 “Bikala bivuluija bana ne kabena benzela bu badi bintu bientu nansha. Bana badi bumpianyi bua Mukelenge, ne tshifufu tshia luhandu tshidi kabidi bua luhandu luabo, bu mudilu luetu. Bakafidibua kudi baledi bua bobo kubadisha ne kubabela bidi bia Mukelenge, nunku bakadi kujadikibua bua kuenza mudimu wabo mu tshikondo etshi ne ku tshiendelele”. - The Adventist Home, p. 280“Bana badi bumpianyi bua Mukelenge, ne baledi badi babahesha nkoleshelu udi ubavuija bua kuikala bakumbane bua kulama njila ya Mukelenge, badi baya kulengulula mudimu wabo. Ke n'tshihatshila tshia Mukelenge anyi disua diandi bua bana kuluabo bena tshinvundu, kabayi kanemu, kabayi ditumikila, kabayi kusakidila, kabayi tshijila, bena mutu mukole, banangi ba masanka kutamba kunanga kua Nzambi. Mifundu idi yamba ne ngikadilu ewu wa mu nsombelu udi tshimanyinu tshia matuku a ku nshikidilu”. - Child Guidance, p. 229“[Bana] . badi ne tshia kulombodibua mu ngila wa ditumikila, kayi wa kudifila kua nkuka ya mubidi ne kua malu a hatuhu”. - The Adventist Home, p. 279 b. M'mukenji kayi udi Mukelenge muhesha baledi bonso badi basue kumona bana babo basungidibue ? Dutelenome 6: 4-7; 11: 18, 19; Nsumuinu 22: 6 “Munkatshi mua lumingu lujima, baledi bavuluke se nzubu yabo idi mikale kalasa muaba udi bana babo ne tshia kulongolodibua bua miaba ya kuikala ya mu diulu. Meyi abo ikale meyi malelela. Diyi nansha dimue didi bana babo kabayi ne tshia kuya kunvua kadihatuki mukana muabo. Baledi, munkatshi mua lumingu nuikale ne moyo bu mudi kumona kua Nzambi wa tshijila, Yeye wakanuhesha bana bua kukolesha bua bualu Buandi. Bakolesha bimpe badi Ekelezia mukese mu diku dienu, nunku mu dituku dia nsabatu bonso badi mua kudilongolola ne dilolo imanayi ne bana benu kumpala kua Nzambi bu mudi mashi andi akasumba bumpianyi. Nubayishe ne m'mudimu wabo munene ne disanka bua kunanga Nzambi ne kumukuatshila mudimu.“Baledi badi ne tshia kuteka tshiena bualu tshia ha buatshi, m'mushindu kayi wa kukukuila Nzambi kuleja bana babo. Mifundu ya tshijila idi ne tshia kuikala misangu yonso mukana muabo, nangananga mifundu idi ilongolola mutshima bua mudimu wa ntendelelu. Meyi a mushinga adi mimpe kuikala kuâmbulula adi ne: 'Mutshima wanyi uhuwe biebe talalâ; windile Nzambi nkayandi; bualu bua ditekemena dianyi didi difume kudiye' (Misambu 62: 5)”. - Testimonies, vol. 6: p. 354

---

3. MUKENJI MUITANU Disatu 02/06

a. N'tshinyi tshidi tshilombibue kudi bana bua kuenzela baledi babo ? Ekesode 20: 12; Efeso 6: 1-3 “Kakuena tshikondo mu moyo tshidi bana mua kuamba ne bua mpindieu kabena mua kunemeka baledi babo. Ewu udi mukenji udi musuika muana yonso wa balume ne wa bakaji, ne udi wa mu mikenji ya kukumbaja bua moyo wabo wikala wa musangu mule mu buloba budi Mukelenge muhesha muena lulamatu. Etshi ki tshienabualu tshidi katshiyi tshikumbana bua kuteyela ntema, kadi tshidi tshia mushinga mukole. Mulayi udi ne mukenji wa ne kutumikila. Binuikala nuakuhanga kutumikila, kanuakuikala ne moyo wa musangu mule mu buloba ebu”. - The Adventist Home, pp. 292, 293“Bana, nudi dijinga ne moyo wa tshiendelele anyi ? Nunku nemekayi baledi benu. Kanutahi mitshima yabo mputa ne kanyinganyinga, bua bobo kuhanga tulu mu butuku ne kunyingalala ne dibungama bua bualu buenu. Binuikala nuakuenza bibi mu kuhanga dinanga ne ditumikila kudibo, m'bimpe kutuadija katataka bua kuhikula tshikondo tshia kale. Kanuena mua kuikala ne mushindu mukuabo wa kunyema; bualu bidi kujimija kuenu kua moyo wa tshiendelele. Mutshima udi ne kukebulula udi umanya ne n'tshinyi tshidi tshikala ngikadilu webe kudi baledi bebe; bualu bua udi uhima ngikadilu wa mu nsombelu mu tshihiminu tshia ngolo tshia tshitendelelu tshia mu diulu. Oh, tonda dilengulula diebe dia baledi bebe, tonda kuhanga kuebe kubatangila, ne dihetula diebe dia mukenji wa tshijila wa Nzambi”. - The Youth's Instructor, 22 Juin 1893 b. N'tshimue tshia bimanyinu kayi bia kuhingana kua tshiakabidi kua Mukelenge wetu Yezu Kilisto ? Lomo 1: 30; 2 Timote 3: 2 “Bubi budi munkatshi mua bana ba lelu budi bua se, 'kabena batumikila meyi a baledi babo, kabayi ne kusakidila, kabayi tshijila, banangi ba masanka kabayi banangi ba Nzambi' (2 Tmote 3: 2, 4). Ne ngikadilu ewu wa malu udi muikala uya tô bua kuikala tshiena bualu tshia tshiprofete tshia tshimue tshia bimanyinu bitudi bikalangana nabi bia matuku a tshikondo tshia ku nshikidilu”. - Letters to Young Lovers, p. 53“Diyi dia Nzambi didi diamba bua mukenji wa kunemeka kua baledi. Udi utua tshintampi ha ba nsonga tshia mudimu wa aba bakabalombola katshia ku buana, ku bu nsonga, tô ne ku mulongo wa buntu bukole, ne badi mpindieu babeyemena (bana babo) bua ditalala ne disanka. Mukanda wa Nzambi kawena ufila meyi kâyi unvuika ha tshiena bualu etshi; nansha nanku, mayisha andi kaena matumikila”. - Fundamentals of Christian Education, p. 101

---

4. BUKOLE BUVUDIJA MISANGU ISATU Dinayi 03/06

a. M'bualu kayi bua diku budi buamba mu tshiprofete buaya kukumbana mu matuku â a ku nshikidilu ? Malaki 4: 5, 6; Luka 1: 17 “Dienzulula ne dijula dia bantu mu diku. Mudimu wa baledi udi muleja onso. Tshisumbu tshia bantu tshidi tshienza ne meku, ne tshidi tshikale mudi mitu ya meku mikale. Mu mitshima mudi 'muhatuka mishimi yonso ya moyo' (Nsumuinu 4: 23); ne mutshima wa tshisumbu tshia bantu, bua dikasa dimpe dia Ekelezia bua ntungunukilu wa ditunga, bidi ku buenzeji bua diku”. - The Ministry of Healing, p. 349“Aba badi bikala batuala lubila lua nshikidilu lua luse bua buloba badi ne tshia kunvua ne mudimu wabo udi ne tshia kubanga mu kuleja ba tatu babo ne ba mamu ne bana mikenji ya Nzambi. Bidi mikenji ikengela bileja, balume ne bakaji badi batuishibua bua mudimu wabo udi wa kutumikila, kubaleja bujitu bua dihangadika diabo, ke anu buabo nkayabo nansha kadi bua bana babo”. - Child Guidance, p. 556 b. Hadi ba tatu, ba mamu, ne bana badisangisha mu diku dia disanka, n'tshinyi tshikala tshiheta ? Misambu 144: 12 “Menji matambe a bantu adi akengedibua kudi baledi mu bituha bionso, nunku, badi mua kuya kunvua m'mushindu kayi udibi bimpe bitambe bua kuyisha (kukolesha) bana babo bua kuikala ne dikuatshisha, ne moyo wa disanka, ne bua mudimu wabo wa ha mûlu ne disanka dinene dilualua. Ba tatu, ne ba mamu, nuvuluke ne nuakaheshibua ditekemena dia tshijila, Bukole bua tshilejelu budi butamba buenene. Binukala nuakuhanga bua kusungula tshisumbu tshilelela tshia bantu bua bana benu ne nubitabujila bua kudisangisha ne bantu badi kabayi ne nsombelu muimpe nudi nubateka anyi nubitabujila bua kuditekabo mu kalasa ka kuyila malesona matuke adi aya kuyishibua ne kutekibua mu tshienzedi”. - The Review and Herald 13 Septembre 1881“Baledi, nudi ne bujitu. M'mudimu wenu bua kukuatshishangana ne Kilisto mu kuambuluisha bana benu bua kuvuija ngikadilu mimpe. Yezu kena mua kuenza tshintu hadiku kakuyi dikuatshishangana ku luse anyi buimpe bidi bienza bua kuitabujila muana bua kulonda wandi, kudilombola, ne kulengulula kuhingaja kua ku bualu bubi, ne kunyoka, bua se udi mumunange. N'dinanga dia mushindu kayi didi diya kulekela muana bua kudiundisha ngikadilu udi uya kuvuija yeye, ne bakuabo bena lutatu ? Bimpe kumbusha dinanga dia nunku ! Dinanga dilelela didi diya kutangila bua malu mempe a mpindieu ne a tshiendelele a musuka”. - Ibid, 16 Juillet 1895

---

5. MUDIMU WA LULAMATU MUFUTA DIFUTU Ditanu 04/06

a. Mu tshiendelele – tshikondo tshidi basungidibue bateka mu dikubibua mu bukelenge bua Nzambi – n'tshinyi tshiaya baledi kuamba, ne n'tshinyi tshiaya bana babo kujadika ? Yeshaya 8: 18 “Tshikondo tshia tshilumbuluidi, tshiaya mikanda kubuludibua; tshikondo tshidibo bamba ne 'm'bienza bimpe' kudi mulumbulushi munene, ne tshifulu tshia butumbi tshia kuhanga kufua tshidi tshiashibua ku mutu kua mutshimunyi, babungi nebaye kumbusha bifulu biabo mu kumona kua bantu basangisha hamue ne nebatangila kudi ba mamu babo bamba ne, 'wakanvuija tshindi etshi mu ngasa wa Nzambi. mayisha andi, mitendelelu yandi, biakadi dibenesha ku luhandu luanyi lua tshiendelele”. - Messages to Young People, p. 330“Ba mamu, nuvuluke ne mu mudimu wenu Mufuki wa diulu ne buloba neanuhe dikuatshisha. Mu bukole buandi, ne mu dina diandi, nudi mua kulombola bana benu bua kuikala batshimunyi. Kubayisha bua kutangila kudi Nzambi bua kuheta bukole. Kubambila ne Udi (Nzambi) unvua mitendelelu yetu. Kubayisha bua kutshimuna bubi ku buimpe. Kubayisha bua kukuata mudimu ne buenzeji budi bujula kûlu ne bufila buneme. Kubalombola ku bobumue ne Nzambi, ne nunku nebaya kuikala ne bukole Nebaye kuheta nunku kukandamena buteyi bukole. Nebaya kuheta nunku difutu dia mutshimunyi”. - Child Guidance, pp. 172, 173 b. N'tshinyi tshikala difutu dia diku dia bena Kilisto badi mu bobumue hadibo babuela mu bukelenge bua Nzambi ? Misambu 132: 12; Buakabuluibua 5: 13 “Yezu udi umuambila bua kuikala babanyanganyi ba disanka diandi, ne didi tshinyi ? Didi disanka dia kumona mudimu mukole wa musuka wenu, ba tatu. Didi disanka dia kumona ne kudienzeja kuenu, ba mamu, kudi kufuta. Aha hadi bana benu; tshifulu tshia butumbi tshia moyo tshidi tshiasa ku mitu yenu, ne banjelo ba Nzambi badi balama mu moyo mena a ba mamu bakudienzeja bua kufikisha bana babo kudi Yezu Kilisto”. - Ibid, pp. 567, 568

Makonka a kuambulula dilesona Disambombo 05/06

a. N'tshinyi tshidi tshimanyisha diku dilelela dia bena Kilisto ? b. Tela amue malu manene a dikasa dimpe mu kukolesha bana badi batshina Nzambi ? c. N'kayanda kayi ka ha buaku kadi baledi ne bua kuela mu matuku â a ku nshikidilu ? d. Bua tshinyi meku malelela a buena Kilisto neamueneke makese ku nshikidilu kua tshikondo ? e. N'tshinyi tshidi tshikengela bua kumona bana betu mu bukelenge bua Nzambi ?