1. KU TSHIBANGIDILU Dia kumudilu 14/06

a. Ku tshibangidilu, hashishe Nzambi mujikije mudimu wa bufuki, m'mushindu kayi wakayukilaye ne Adama ne Eva ? Genese 3: 8, 9. M'mushindu kayi wakayukilaye ne bankambua ba kale ? “Diku dia tshijila [Adama ne Eva] kadiakadi anu bana bua kubakuba ne dikuba dia buledi dia nzambi, kadi bakadi bayidi, bakadi baheta diyisha kudi Mufuki wa bionso wa menji. Bakadi babakumbula kudi banjelo ne bakadi mu bobmumue ne Mufuki wabo, kakuyi tshimana hankatshi”. - Christian Education, p. 207“Adama, Nowa, Abalahama, Izaka, Yakoba, ne Mose bakunvua lumu luimpe. Bakatangila ku luhandu mu ewu udi muhinganyi wa muntu ne dikubibua diandi. Bantu aba ba tshijila ba kale bakadi mu bobumue ne Musungidi wakadi ne bua kulua ha buloba buetu ebu mu mubidi wa buntu; ne bakuabo ba ku bobo bakayikila ne Kilisto ne banjelo ba mu diulu mpala ha mpala”. - Patriarchs and Prophets, p. 366 b. M'mushindu kayi wakamanyisha Nzambi Mose disua diandi, Yeye mulombodi munene wa Isalele ? Ekesode 33: 11; Nomba 12: 7, 8 “Mose wakadi muntu munene, wakadi ku mutu bu mulombodi wa bantu ba Nzambi. Wakadi mutambe kunemekibua kudi Nzambi, ke ku malu andi mehitshisha, maheta mu nzubu wa bena Ejipitu, kadi bualu bua wakadi mudihuekeshi (muena lutulu) mu bantu. Nzambi wakakula nandi mpala ha mpala, bu mudi muntu wakula ne mulunda wandi”. - The SDA Bible Commentary [E.G.White Comments], vol. 1, p. 1113

---

2. BANTU BA TSHIJILA BA NZAMBI – BAPROFETE Dibidi 15/06

a. Kunyima kua bubi buela tshimana hankatshi ha Nzambi ne bantu (Yeshaya 59: 1, 2), m'banganyi bakakuata nabu Mukelenge mudimu bua kuleja hatoke disua diandi kudibo (kudi bantu) ? 1 Samuele 9: 9; 2 Petelo 1: 21 “Kilisto n'ngua kakula ne bantu bandi kuhitshila mu baprofete . n'diyi dia Kilisto didi diakula kutudi mu dihungila dikulu-kulu. 'Bualu bua bumanyishi bua Yezu budi Nyuma wa meyi a baprofete' (Buakabuluibua 19: 10)”. - Patriarchs and Prophets, pp. 366, 367“Kuakula kua Kilisto kakuena kuikala dibuluibua dihia-dihia nansha. Mikenji yakunvuija, hakayambilaye Mose mu dikunji dia ditutu, ne kudi baprofete, bakâkula ne kufunda bumuakadibo benzeja kudi Nyuma Muimpe”. - The Review and Herald, 7 Juillet 1896“Tudi bitabuje munya mufile kudi Nyuma Muimpe kuhitshila mu bena mudimu ba tshijila ba Nzambi, munya udi wa ndondo, mulelela udi nansha bua nkuasa wa butumbi wa tshiendelele udi uya kuleja hatoke malu malelela a tshiprofete tshia kale. Tudi ne tshia kutuishibua ne bantu ba Nzambi bakakula benzeja kudi Nyuma Muimpe. Bantu badi ne tshia kudifila muinshi mua buenzeji bua Nyuma Muimpe bua kunvua bidi Nyuma wamba kuhitshila mu baprofete”. - Selected Messages, bk. 2, p. 114 b. N'tshinyi tshiakalayibua kudi bantu ba Nzambi ha bidi bitangila disua diandi ne malongolodi andi ? Nomba 12: 6; Amose 3: 7 “Nzambi wakabikila Ekelezia wandi mu matuku â, bu muakabikilaye Isalele wa kale, bua kuikala munya ha buloba. Ku bukole butue bua bulelela, m'bila ya muanjelo wa ku mudilu, muibidi, ne muanjelo muisatu, bua kabatahulula ne ma Ekelezia ne buloba, ne kubasemeja ha buihi nandi. Wakabavuija bantu badi ne mikenji yandi, ne kubahesha malu malelela manene a tshiprofete bua tshikondo etshi”. - Testimonies, vol. 5, p. 455“Tudi ne tshia kulonda malu adi mafidibue mu Nyuma wa tshiprofete. Tudi ne tshia kunanga ne kutumikila bulelela-bulelela bua tshikondo etshi. Bualu ebu nebutusungile ku ditabuja dia mashimi makole. Nzambi wakakula kutudi mu diyi diandi. Wakatuakuila mu meyi a bumanyishi kudi Ekelezia ne mu mikanda idi ikuatshisha bua kutokesha bimpe mudimu wetu wa mpindieu ne muaba utudi ne tshia kuikala”. - Ibid, vol. 8, p. 298

---

3. MUDIMU WA MUPROFETE Disatu 16/06

a. Ngikadilu kayi wa mubidi wa baprofete balelela tshikondo tshidibo baheta malu mabulula a Nzambi ? Nomba 24: 2-4; Yobo 33: 14-16. N'tshinyi tshidibo ne bua kuenza ne bikena kumona bidibo baheta ? >Habakuka 2: 2 “Mu disangisha dienza ku Dorchster, Mass., mu ngondo wa dikumi ne umue mu 1848, Nakaheshibua bua kuamba bua lubila lua tshintampi, ne bua mudimu wa bana betu wa kuhatula munya ewu kûwambila bantu, ne bua wowo kutemesha mu njila; -“Kunyima kua tshikena kumona, nakambila mulume wanyi ne, 'Ndi ne mukenji webe. Udi ne tshia kubanga kufunda ne kuhatula kakanda kakese ne kukatumina bantu. Kikale kakese ku ntuadijilu; kadi bu mudi bantu baya kukabala, nebaye kutuma mishindu (biuma) ya kuikala kuhatula kakanda aka, ne nebikale bualu buhehele ku mbangily wabo. Ku mbangilu ewu mukese bakandeja ne nebikale bu muiji wa munya udi uya kukendesha buloba'”. - Life Sketches of Ellen G. White, p. 125 b. Ku luseke lua kuamba kua malu atshilualua, n'tshinyi kabidi tshiakadi mudimu wa Baprofete ? Hoshea 6: 5; 12: 10, 13; Nehemiya 6: 7 “Baprofete ba Nzambi bakatumibua kudi bena Isalele mu buhika, ne kutandisha, ne madimuisha. Bantu bakadi batabuluja bua kumona dihila diabo, kabadihuekesha kumpala kua Nzambi, ne kuhingana kudiye ne kunyingalala kulelela bua bubi. Nunku Mukelenge wakadi ubatumina mukenji (lubila) wa dikankamika, wamba ne, 'Neabahikule mu buhika buabo, ne kubahingaja ku buimpe buandi”. - Testimonies, vol. 5, p. 468“Mudimu wa Elisha bu muprofete wakadi wa kunemeka dishilangana dia Eliya. Bakahesha Eliya lubila (mukenji) wa kuhisha ne kulumbulula; wakadi diyi dia kutandisha kadiyi ne bowa, wambila mukelenge ne bantu bua kulekela njila yabo mibi. Mudimu wa Elisha wakadi wa ditalala; wakadi Eliya mubangishe; kuyisha bantu njila wa Mukelenge. Ubaleja binfuanyikiji bia Nyuma bu yeye wakadi mulue mu buntu bua kulenga bantu, juambuluisha bana balume ba baprofete, kuenza bishima ne kondaha bantu, ne disanka”. - Prophets and Kings, p. 235“Yone bu muprofete, wakadi muleji mpala wa Nzambi, bua kuleja bobumue budi hankatshi ha mikenji ne baprofete, ne kuha kua buena Kilisto. Mudimu wandi udi wakuhingaja bantu ku mikenji ne ku baprofete, hadiye, mu tshikondo tshimue uleja bantu Kilisto, bu Musungidi wa buloba”. - The Spirit of Prophecy, vol. 2, p. 57

---

4. BAPROFETE BAKAJI Dinayi 17/06

a. Tela amue mena abakaji bakabikidibua kudi Nzambi bua kukuata mudimu wa buprofete. Ekesode 15: 20; Balumbuluishi 4: 4; 2 Bakalenge 22: 14; Luka 2: 36; Bienzedi 21: 8, 9 “Mu Isalele muakadi mukaji mumanya bikole bua luse luandi, ne Mukelenge wakamusungalu bua kuhikula banku bandi. Dina diandi diakadi Debola. Wakamanyibua bu muprofete mukaji, ne mu tshikondo tshiakadi balumbuluishi kabayiku, bantu bakadi balua kudiye bua mibelu ne kukosa kua bilumbu”. - Daugters of God, p. 37“Muprofete mukaji Huleda wakadi muikale mu Yelushalema habuihi ne ntempelo. Menji a mukelenge akadi mûle tente ne kanyinganyinga kakadi kamusaka bua kuhingana kudiye (muprofete mukaji), ne kuangata mu mutumibue ewu musungula bua kuyila, bua kusungila ku bukole buandi Yuda udi mu tshilema, ne ku mulangala wa kabutu”. - Ibid, p. 44 b. Kunyima kua bantu aba babidi (William Foy ne Haren Foss) babenga bua kuleja hatoke alu mabulula a Nzambi kudi bantu, n'tshinyi tshiakalejabo Ellen Gould Harmon ? M'muanzu kayi wakadiheshaye nkayandi – ne m'bua tshinyi ? “Kakuakahita tshikondo tshile kunyima kua tshidimu tshia 1844, nakaheshibua tshikena kumona tshianyi tshia kumpala. Nakaya kukumbula muan'etu wa bakaji munanga mu Kilisto, ne mutshima mujima tuakadisangisha nandi, meme, ne bantu batanu bakadi n'etu, bakaji bonso, tuakatua binu hanshi ku tshioshelu tshia mu diku. Hatuakadi mu kutendelela, bukole bua Nzambi buakalua kundi, bunakadi tshiyi munvua diambedi. Nakamona meme munyungulula ne munya, ne kubandishibua kûlu ha mutu ha buloba. Nakatangila bantu bakadi bindila dilua dia tshiakabidi dia Mukelenge ha buloba, kadi tshiakabasangana, mpadi diyi dilua kundi diamba ne, 'Tangila kabidi, ne kutangila kûlu kakese'. Meme kujula mesu anyi ne kumona njila mululame ne njila mubumbakane, mitangile kûlu ha mutu ha buloba. Mu njila ewu bantu bakadi bindila dilua dia Yezu bakadi benza luendu batangile mu musoko”. - Testimonies, vol. 1, pp. 58, 59“Kuamba ne udi muprofete mukaji m'bualu bûntu tshiyi muanji kuenza nansha. Bu bikala bantu badi bambikila ne Muprofete, tshiena ne bualu bua kukokangana nabu. Kadi mudimu wanyi udi mubuikile malu a bungi, mundi tshiyi mua kudibikila mushindu mukuabo, Ndi muikale mutumibue, kudi Mukelenge ne mukenji wa kuambila bantu bandi, ne kuenza mudimu mu njila udi ukengela bua kuenza”. - Selected Messages, bk. 1, p. 31

---

5. BAPROFETE BALELELA NE BA MASHIMI Ditanu 18/06

a. N'tshimue tshia kubimanyinu kayi bidi bileja Ekelezia wa bishadila bia Nzambi mu matuku â a ku nshikidilu ? Efeso 4: 11; Buakabuluibua 12: 17; 19: 10b “Mikenji ya Nzambi ne Nyuma wa tshiprofete bidi bienda kaba kamue, bua kulombola ne kubela Ekelezia, ne misangu yonso idi Ekelezia ujadika bua kutumikila mikenji yandi, nyuma wa tshiprofete wakatumibua bua kumulombola (Ekelezia) mu njila wa bulelela. .“Ekelezia wa bishadila neaye kujadika Nzambi mu mikenji yandi ne neyikale diha dia tshiprofete. Ditumikila ku mikenji ya Nzambi, ne nyuma wa tshiprofete ne bitahulule bantu balelela ba Nzambi, ne diteta didi difidibue misangu yonso mu malu adi afidibua malejibue hatoke”. - Loma Linda Messages, p. 33“M'bulongolodi bua Nsatana bua kutekesha ditabuja dia bantu ba Nzambi mu bumanyishi. Nunku kunyima baya kulonda mpata ha malu a mushinga a ditabuja dietu, makunji a muaba wetu utudi, hadi mpata imueneka ku mifundu ya tshijila, ne nunku njila wa dibutuka udi mumueneke. Tshikondo tshidi bumanyishi buakitabujibua buela mpata ne bulekela, Nsatana udi mumanye udi mushima bantu ne kena ulekela kuenza nunku, udi uvudija makole andi tô ne hadiye ubabueja mu butomboke budi buya kubafikisha ku dibutuka”. - Testimonies, vol. 4, p. 211“Binuikala nudi nujimija ditekemena (dieyemena) mu bumanyishi nudi nuya kule ne bulelela bua mu Mukanda wa Nzambi”. - Ibid, vol. 5, p. 98“Dishima dia ndekelu dia Nsatana nedikale bua kuvuija hatuhu bumanyishi bua Nyuma wa Nzambi”. - The Faith I Live By, p. 296 b. Hadiku ku luseke kuikala njiwu ya kubenga kua meyi a baprofete balelela, ku luabo m'budimuishi kayi budi bufidibue kutudi bua kudimukila Baprofete ba mashimi ? Matayo 7: 15; 24: 24, 25; 2 Petelo 2: 1, 2; 1 Yone 4: 1

Makonka a kuambulula dilesona Disambombo 19/06

a. M'mushindu kayi wakayukila Nzambi ne Adama ne Eva mu Edene ? b. M'mushindu kayi udi Nzambi muakula ne bantu bandi mu matuku â a ku nshikidilu ? c. Tela midimu ya Muprofete. d. M'mushindu kayi wakadi mudimu wa Ellen Gould White mufuanangane ne wa baprogete ba kale ? e. N'tshinyi tshitudi ne bua kuenza bu bikala bumanyishi buhita disua dietu, njila yetu, anyi bienzedi ?