1. YAWO WANG’ MA OK NEN MALER Chak tich Desemba 9

a. Gima ber mar adek ma Janeno Madieri ng’ado ni jo Laodikia riewko mondo obedgo en ang’o – kendo ere kaka itiyo kode? Fweny 3:18 (bathe mogik): Mathayo 6:22. “Mo mar wiro en mo mar ng’wono mar (Kristo), ma biro miyo ngima manie muofu kod mudho wang mar chuny, mondo mi onyal pogo kind tich mar Roho mar Nyasaye kod roho mar jasigu.” - The SDA Bible Commentry (E.G. White Comments), vol.7, p.966.“Wang’ ema tiyo ahinya kuom timo yiero, ler ma iye, mar paro. Ngima kod ringruok duto oyiengore kuome ka oneno gik moko eyo makare. ‘Yadh wang”, ma en wach Nyasaye, miyo yiero adieri kuom miriambo nenore maler ka itiyo kode; nikech onyiso adier kuom richo. To nenruok maler dwarore mondo okel chang, kendo wang’ osiki mana kuom duong’ mar Nyasaye kendo yie kuom Ruodhwa Yesu Kristo .....“Jo Laodikia .... ok ne gin muofni chuth, ka kamano to yadh wang’ dine ok otimo gimoro mondo omi gichak ginen kendo, kendo miyogi neno kido madieri mar Kristo. Kristo wacho niya, kuom weyo neno ni un uwegi uromo, ka uweyo gik moko duto, kata gibernu machalo nadi, inyalo ng’iewo dhahabu, nanga, kod yadh wang’ mondo inyal neno.” – ibid., p. 965.

---

2. DWARO NENO MALONG’O Tich Ariyo Desemba 10

a. Ang’o mamiyo wang’ chunywa mondo obed gi chandruok mar neno malong’o – kendo ere kaka mani nyalo timore nyaka ni jogo man gi ler momedore: Ayub 6:30; 1 Johana 2:9-11. “Mokuongo chuny nyaka ng’e ni ojaricho motelo ni jaricho bedo gi dwaro mar biro ir Kristo. ‘Richo en ketho chik’ (1 Johana 3:4). ‘ Ka dine chik onge, ok dine ang’eyo richo’ (Romans 7:7). Ka chik ne oelore e pach Saulo, richo nochier, kendo en notho. Nonenore owuon ka en ng’ama okuong’ gi chik Nyasaye. Jaricho ok nyal yie kuom kethone nyaka ong’e gima kelo richo. Tek ni ngato owuon mondo okal e pwodhruok mar muma ka podi omoko e wach moro ni ka oseyie kuom Kristo to koro ok en gima lich bedi ni orito kata ok orito chik Nyasaye.“Jogo ma wacho ni orito chik Nyasaye to eka e chunygi gidonjo e richo okuong’ gi gi Janeno Madieri. Giwacho ni gin jomoko kuom ng’eyo adier; to ok gin e winjruok gi misene maler. Adiera ok pwodh ngimagi. Wach Nyasaye yango ni jal mowacho ni orito chik ma ngimane dhi ataro mar yiene en muofu, ochandore, ojachan, kendo en duk.“Chik Nyasaye en rang’i makelo kit dhano kaka ochalo owuon, kendo keto e nyim wang’e kaka ochalo adier. Jomoko biro lokore a kanyo kendo wigi wil gi pichani, ka moko to biro tiyo gi weche modhuro ka giwuoyo marach kuom chik, ka gima mano dhi chango rem mar timbegi. Moko bende mokwong’ gi chik biro lokore kuom kethogi kendo, kokalo kuom yie e timbe mabeyo mag Kristo, biro bedo malong’o e tim Kristo.” – Faith and Works, p. 31. b. Chiw ane ranyisi kama neno malong’o mar chuny nobedo ranyisi mar bedoe mar Nyasaye kanyo. Ang’o ma nobedo thuon wach e lamo mar Solomon, kendo ang’o momiyo mani nomoro Ruoth? 1 Ruodhi 3:9,10. “Nyasaye nopako lemo mar Solomon. Kendo obiro winjo kendo pako lemo mag jogo ma kuom yie kod bolruok ywak ni Nyasaye mondo okonygi kawuono. Kuom adier obiro duoko lemo mar kinda mar ikruok ni tich. E dwokono obiro wacho kama, An ka. Idwaro mondo atimni ang’o?” The SDA Bible Commentary (E.G. White Comments), vol.2, p. 1026.

---

3. MACHALO GI MA Tich Adek Desemba 11

a. Ere kaka Kristo nopimo ni yepo mar wang’ nyalo riwo koda ka tich ma dhi nyime? Mariko 8:22-24. Ler ane ngima mar chuny machalo gi ma e Laodikia. “Thoth ji manie kanisa osenyisa ni gineno dhano kaka yien mawuotho. Nyaka gibedi gi lony machielo kendo matut eka gine malong’o obadho moyar mondo omakgi e net mar jawuond. Ok onego bedie tich marem e kore koro.” – Selected Messages, bk. 2, p. 395.“Dhano ma ok nigi lony mapile e gik Nyasaye .... biro neno ler ni ok en adier, kendo tim marach mobiro e yo mariek ibiro lando ni en ler, ka gikawo gik maok adieri ni gin adieri, kendo gik ma adieri ni ok gin adieri, ka giluongo piny ni gimatin kendo gimatin ni piny .... Yesu dwaro mondo dhano kik ne ji kaka yien mawuotho to gine gik moko duto maler.” – Evangelism, pp. 593, 594. b. Mana kaka chang mar ng’at ma muofu cha, ere kaka wir makende mar yadh wang’ mar Kristo en rayaw makelo ng’eyo puonj, losruok manyien, kod achiel e kind jomoyie ma joratiro? Mariko 8:25; Jo Efeso 4:11-16 “Dini no madieri, dini no makende mar Muma, mapuonjo weyo richo kokalo kuom timbe mabeyo mag Jawar mogur kendo chier kende, ma lando tim makare ma iyudo kuom yie mar wuod Nyasaye, osekaw matin, owuoe marach, ojar, kendo ojwang’. Osewuoe marach e lela ni otero ji e dwaro ma malo kendo dhi mokalo tong’. To en ngima yesu Kristo e chuny, en mise mogurore matiyo mar hera ma okel gi Roho Maler, ema biro miyo chuny nyago olemo mag timbe mabeyo kende. Hera mar Kristo ema jiwo kendo e teko mar ote ka ote mar Nyasaye ma ose wuok e dho dhano. Kinde manie nyimwa chalo nadi ka wabiro rem bet e achiel mar yie?“Ka wariwore e achiel mane Kristo olemone, lweny moywareni ma osebedo kamedore kokal kuom gi tich mag satan biro gik, kendo ok wabi neno dhano ka keto chenro mar piny nikech gionge wang’ mar chuny mar neno malong’o gigo mag chuny. Kindeni gineno dhano kaka yien ma wuotho, kendo gidwaro mul mar polo, mondo ginyal neno kaka Nyasaye neno, kendo tiyo kaka Kristo ne tiyo. Eka jorit mag Sayun ka gin e achiel nogo tung’ gi dwol maler, maduong’.” – Testimonies To Monister, p.468.

---

4. NENO MALONG’O MADWARORE Tich Ang’wen Desemba 12

a. Ang’o mobedo ting’ maduong’ ahinya ni jotich Nyasaye, moloyo to e chuny mibadhi mag kinde mogik? Ezekiel 44:23. “Yadh wang’ en rieko cha kod ng’wono mamiyowa neno malong’o kind gik maricho kod mabeyo, kendo fwenyo richo e bwo geng’ruok moro amora. Nyasaye osemiyo kanisaNe wang’ ma odwaro ni giwir gi rieko, mondo ginyal neno maler; to thoth gi biro nego wenge kanisa ka ginyalo; nikech ok gibi yie ni timbegi obi e ler, ni dipo ka okwergi.” – Testimonies, Vol.4, pp. 88–89.“Dwarore mondo wabed motang’ ahinya, kendo wuotho gi bolruok e nyim Nyasaye, mondo wanyal bedo gi yadh wang’ mar chuny mondo wanyal pogo tijego mag Roho Maler mar Nyasaye kuom tijego mag chunyno mabiro kelo timbe maricho kod kalo tong. ‘Un ung’egi gi olembegi’ (Mathayo 7:20). Jogo ma kuom adier ng’iyo Kristo ibiro lokgi e kite owuon, mana gi Roho mar Ruoth, kendo gibiro dongo ma gichopi e kido chuth mar chwo kod mon e Kristo Yesu. Roho Maler mar Nyasaye biro jiwo dhano gi hera kod ler; kendo bedo ni olosgi manyien biro nenore e timbegi.” – Selected Messages, bk. 1, p. 142. b. Pim ane duoko mar gerruok e neno malong’o mar chuny – kod kwayo ma ikwayogo ng’ato ka ng’ato kuomwa. Eklesiastes 8:5 “Yadh wang en neno malong’o cha mar chuny ma biro miyou neno wound mariek mag satan kendo tamogi, fwenyo richo kendo neno rachne, neno adier kendo winje.” - Testimonies, vol. 5, p. 233.“Chuny man gi luor fwenyo ni chuny nyaka rit mana gi teko Nyasaye. Malaika ma jotich yawo wang’ mar paro kod chuny mondo one gik miwuoro manie chik polo, e chwech manie e piny kod gik mochwere ma ofweny go Roho Maler.” – My Life Today, p. 291.“Nyasaye osemiyo ng’ato ka ng’ato tichne, kendo onge ng’ama chielo manyalo timone tijno. Yaye, in iwuon ma dine iwiro yadh wang’ mondo omi inyal neno rem mari kuom timbeni kendo fwenyo kaka Nyasaye neno kaka ihero piny, ma riembo hera mar Nyasaye.” - Testimonies, vol. 4, p. 615.

---

5. LEMO KOD TIMO Tich Abich Desemba 13

a. Gima lit ni, ang’o mamiyo thoth ji biro lal kuom rem ma ok giyudo wir mar yadh wang’ mar polo? 1 Jo Korintho 2:14. “Kawuono jogo man gi migepe mag tije mogen, kamoro amora, onego bed jo ratiro ka girito ler mar kanisa kod gimoro amora momakore kode. Wan gi dwaro, yaye dwaro maduong’ ahinya, neno malong’o ahinya kod wang’ maler mar chuny. E kindegi mar richo kod ketho momedore, wengewa dwarore owir gi yadh wang’ mar polo mondo wanyal neno gik moko duto maler.” – The Review and Herald, October 26, 1905. b. Mondo mi wayud gweth mar neno malong’o, ango manyaka bed lemowa ma pile kod tim? Zaburi 119:18; Jo Hibrania 5:14. “Muma ok onego non ma onge lemo. Roho Maler kende ema nyalo miyowa ng’eyo duong’ mag gigo mayot mondo odonjnwa, kata geng’owa kuom kedo gi adiera ma tek winjo ....“Tem nyadingeny nenore ni tek geng’o nikech, kuom jwang’o lemo kod nono Muma, jal mitemo ok oyikore paro singo mag Nyasaye kendo romo gi satan gi gik kedo mag ndiko. To malaika olworo koni gi koni jogo man gi dwaro mondo opuonjgi e gigo mag polo; kendo e kinde mag dwaro maduong’ gibiro kelo e pachgi adiera go hie madwarore.” – Reflecting Christ, p.116.

PENJO MOWINJORE INWO IWUON Tich Auchiel Desemba 14

1. Ango momiyo wan gi dwaro mar yadh wang mar Janeno Madieri ni jo Laodikia? 2. Ere kaka itiyo gi yadh wang’? 3. Ango momiyo yadh wang’ chalo ka gima kacho? 4. Hul ane yore mathoth ma ji mang’eny nenogo dhano kaka yien mawuotho? 5. Pim ane kido kod lemo mar jogo mabiro yudo yadh wang’.