1. ONYUMORE E DWOKO EROKAMANO Chak tich Desemba 29

a. Ere kaka Kristo pimo kit lemo ma Nyasaye orito mondo one? Johana 4:23. “Nyasachwa en Nyasaye ma ja nyiego; kendo odwaro mondo walame kuom Roho kendo kuom adier, e bidhruok mar chuny maler.” - Testimonies, vol. 5, p.592.“Ka chunywa oloki mar goyo erokamano ni jachwechwa, ok e wende mag Zaburi kod pak kod wende mag chuny kende to e ngimawa bende, wabiro dak e tudruok gi polo .... Biro bedoe dwoko erokamano e chuny kendo e dala, e kama intie kendi mana kaka e lalruok mar chokruok. Mani ema oriwo lamo Nyasaye madieri.” - That I May Know Him, p.322. b. Lemo madieri to kelo ng’eyo mane pachwa? Tito 3:5-7 “Bende ineno e chunyi ni nikech in jaricho ok inyalo yudo gweth moa kuom Nyasaye? Parie ni Kristo nobiro e piny mondo owar joricho. Waonge gimoro manyalo miyo Nyasaye yie kodwa; kwayo monego wajiw sani kendo mosiko en ni bedo maonge gima wanyalo, mamiyo tekoNe mar reso obedo dwaro maduong’.” – The Ministry of Healing, p. 65.

---

2. NG’A MOWINJORE GI NYING MABER Tich Ariyo Desemba 24

a. Nikech dwaromane manomiyo ochwewa – kendo ang’o ma Nyasaye paro e dwaroNe mondo omiwa ngima mochwere? Jo Efeso 2:4-10. “Onge gimoro kuomwa manyalo miyo wasungre. Waonge mise mar ting’ruok wawegi. Mise marwa makende mar geno en kuom tim makare mar Kristo moketnwa, kod mano motimo kuomwa gi Roho matiyo eiwa kendo kokalo kuomwa.” – Steps To Christ, p. 63. b. Kuom ang’o ma nyaka wategie wang’ewa mondo watony obadho maduong’ mar kit dhano mapodho? Yeremiah 9:23,24. “(Kristo) noneno ni nyawo, ma en kuong’ mar kanisa, ne dhi bedo chuny mar tim makare marwa wawegi ..... Thoth jogo ma nose sudo matin ne dhi ting’ore malo kendo paro ni gibeyo maloyo jomoko. Ne gidhi dwaro mondo opakgi, ka gibedo jonyiego ka ok one lich margi. Kristo dwaro mondo ogeng’ jopuonjrene ni chandruogni.“Sungruok duto mar ber ma nikuomwa onge gi thuolo.[Yeremiah 9:23,24 onwo]“Pok ok otenore kuom tich, dipo ka ng’ato osungore; to duto en mar ng’wono.” – Christ’s Object Lessons, pp. 400–401.“Hera il kuom adier kendo ok oket piemruok mar ich lit. Jalo man gi hera poro mana kit Kristo mar hera kod mare owuon maok long’o kende .....“kinde duto ma wadonjo e ting’ruok kod neno ni waromo, tich kethore.“Ok en kinde ma wakawo ka watimo tich to ka wabedo gi dwaro kod chiwruok e tich ema miyo Nyasaye yie godo. E tichwa duto weyo ng’iruok idwaro. Tich matin kotim e yor adier kendo ka waweyo ng’ire wawegi kelo mor ni Nyasaye moloyo tich maduong’ ahinya ka okethi gi nyisruok. Ong’iyo mondo one ni wahero chuny mar Kristo maromo nadi, kendo ni tijwa chalo gi mar Kristo marom nadi. Oketo nyime moloyo herano kod tiyo e yor ratiro moloyo rom mar tich ma watimo.“Mana ka herruok kend otho kende, ka kedo mar bedo gi kombe manyime oriemb oko, ka goyo erokamano opong’o chuny, kendo ng’ima dum tik mang’we mamit mar hera – en mana bang’ mano e ka Kristo siko e chuny, kendo ifwenyowa kaka jotich kaachiel gi Nyaasye.: - ibid,. p. 402.

---

3. WUOTHO E HERA Tich Adek Desemba 25

a. Pim ane wuodh ng’amoyie kuom Kristo madieri madum tik mamit. Jo Efeso 5:1-4. “Jaricho ok nyal yiengore kuom tijene mabeyo owuon kaka yo mar kete kare. Nyaka ochopi e kama okwedo richone duto, kendo mako gichunye duto okang’ mar ler koa e achiel kadhi e machielo kaka omedo rieny e wang’yore. E yo mayot omako kuom yie konyruok mochiw nono kendo mogundho e remb Kristo. Oyie kuom singo mag Nyasaye, ma kokalo kuom Kristo ose losne obedo pwodhruok kod tim makare kod resruok. Kendo koluwo Yesu, obiro wuotho kobolore e ler, koil e lerno kendo pogo lerno ni jomoko. Kokete kare kuom yie, obiro winjo wach ka en gi mor e ngimane duto.” - The SDA Bible Commentary (E.G. White Comments), vol.6, p. 1071. b. Ere kaka oket ngima ja Kristo man gi luor e yo machiek? Mika 6:8. “Lemo madieri oriwo bende tiyokaachiel gi Kristo.” – Christian Service, p. 96.“Rwak marwa gi Nyasaye bedoe adier mana kokalo kuom wuode mohero, kod timbe mabeyo to mani ka en dwoko mar tichne mar hera maweyo richo. Ok wabi yudo nying maber nikech timbewa wawegi, kendo waonge gimoro makelonwa winjruok nikech timbewa mabeyo ma wanyalo dwarogo warruok ni chunjewa kaka ratiro. Warruok en mich manono mar Nyasaye ni ng’ama oyie, momiye nikech Kristo kende. Chuny ma onge kwe nyalo yudo kwe kokalo kuom yie kuom Kristo, kendo kwe mare biro bedo moromore gi yie kod geno mare. Ok onyal kelo timbene mabeyo kaka kwayo ni warruok ni chunye.“To timbe mabeyogi onge gi bergi adieri? Bende jaricho matimo richo pile ma ok okum, okaw gi Nyasaye ni nitie winjruok kode machalre gi jal ma kokalo kuom yie e Kristo temo tiyo e chung’ne motegno? Ndiko dwoko kama, ‘Nikech wan e chwech Nyasaye mano chueyo e Kristo Yesu ni tich mabeyo, ma Nyasaye noiko chon mondo watim’ (Jo Efeso 2:10). E chenroNe mar polo, kuom winjruok motimo ok kuom ber mar ng’ato, ruoth osechano ni timbe mabeyo biro bedo gi pok. Irwakowa mana kokalo kuom timbe mabeyo mag Kristo kende; kod timbe mag kech, timbe mag kony, ma watimo, gin olemo mag yie; kendo gibedonwa gweth; nikech dhano ibiro miyo pok kaluwore gi timbegi.” - The SDA Bible Commentary (E.G. White Comments), vol.5, p. 1122..

---

4. KIT NYASAYE MANENORE Tich Ang’wen Desemba 26

a. Pim ane luong ma malo mar Kristo ni chuny ka chuny mayie. Mathayo 5:14-16; Jo Galatia 5:5,6. “Jalo mohero Kristo moloyo biro timo gik mabeyo madongo. Onge tong’ mar bedo gir tich ni jalo ma, kuom weyo ng’ire owuon, loso thuolo mar tich mar Roho Maler e chunye, kendo dago ngima maber mochiw chuth ni Nyasaye. Ka dhano biro timo kinda e chiko ngima e yo ma dwarore, ma onge ng’ur kata ol e wang’yo, Nyasaye biro puonjogi saa ka saa, kendo odiechieng’ kodiechieng’. Odwaro mondo ofweny ngwonone. Ka joge biro golo rageng’, obiro olo oko pi mag warruok e oula mogundho kokalo kuom dhano. Ka dine dhano modago ngima mar bolruok ojiw mondo gitim mabeyo duto ma ginyalo, ka lwedo mageng’o ok dine oket kuomgi mondo otamgi e timo matek, dine obedoe jotich mia achiel ni Kristo kama sani nitie achiel.“Nyasaye kawo ji kaka gin, kendo puonjogi ni tichne, ka gibiro chiworeNe giwegi. Roho mar Nyasaye, korwak e chuny, biro chiewo migepe duto mag paro. Ka gin e bwo telo mar Roho Maler, paro mowal ni Nyasaye chuth dongo e winjruok, kendo ijiwe mondo omak kendo ochop dwaro mag Nyasaye. Timbego ma yom yom, maok ochung’ motegno bedo gi lokruok mondo obed mano man gi teko kendo ochung’ motegno. Walruok mosiko guro motegno tudruok mantie machiegni e kind Yesu kod JopuonjreNe ma miyo ja Kristo bedo machalo kode e paro kendo e tim. Kokalo kuom makruok gi Kristo obiro neno gik moko e yo maler kendo moyawore. Fwenyruok mar parone biro dhi matut, obiro ng’ado buchene gi winjruok. Jalo madwaro bedo gir tich mar Kristo ichiewe ahinya gi teko mar wang’ chieng’ mar tim makare mamiyo onyago olembe mathoth mamiyo Nyasaye duong’.” – The Desire of Ages, pp. 250–251.“Tim madieri ok los koa oko, kendo irwako; orieny kowuok e iye. Ka waparo mar chiko jomoko e wang’ yor tim makare, adierago mobedo mise mag timbe makare nyaka wakan gi e chunjewa wegi. Hulo yie marwa nyalo lando ng’eyo mar dini, to en kitwa manenore mar dini ema biro siro wach mar adier. Ngima mochung’ motegno, mbaka maler, chung’ motegno maonge mindni, chuny mochiew, matimo maber, nyiso kit Nyasaye – magi e yore ma itiyogo ka itero ler ne piny.” – ibid., p. 307.

---

5. RIENY MOGIK MAG LER Tich Abich Desemba 27

a. E yore mage kendo gi chuny mane kende ma wanyalo yudo go thuolo mar keyo e yo makelo lokruok ote mar Nyasaye mogik ni dhano? Luka 17:3-10. “Rieny mogik mag ler mar kech, ote mogik mar kech monego ochiw ne piny, en fwenyruok mar kit (Nyasaye) mar hera. Nyithind Nyasaye onego ginyis duong’Ne. E ngima gi giwegi kendo e timgi onego gifweny gima ng’wono mar Nyasaye osetimonegi.“Ler mar wang’chieng’ mar tim makare onego orieny oko e tim mabeyo – e weche mag adiera kod timbe mag ler.” – Christ’s Object Lessons, pp. 415–416.“En tik madum mamit mar tim maber mar Kristo mamiyo timbewa mabeyo irwako gi Nyasaye, kendo en ng’wono ema miyowa timo tijego mabiro miyo omiwa pok. Timbewa wawegi kendo koa kuomgi onge ber. Ka wasetimo duto ma wanyalo timo, onego wakwanre wawegi kaka jotich maonge ohala. Ok owinjore wayud erokamano koa kuom Nyasaye. Wase mana timo mano kende ma en tijwa mondo watim, kendo tijewa dine ok otim kuom teko mar kitwa maricho.“Ruoth osechikowa ni wasud machiegni kode kendo obiro sudo machiegni kodwa; kendo sudo machiegni kode wayudo ng’wono mabiro miyo wati tijego mabiro miyowa pok koa e lwete. - The SDA Bible Commentary (E.G. White Comments), vol.5, p. 1122. b. Paro mane ma malo mogik mabiro rieny maler moloyo nyaka chieng’? Zakaria 13:6 “Mbala ka mbala mr musmar (e lwet Yesu) biro nyiso sigana mar warruok miwuoro mar dhano kod nengo ma jaber ma nong’iewe go.” – Early Writings, p.179.

PENJO MOWINJORE INWO IWUON Tich Auchiel Desemba 28

1. Ang’o momiyo bedo gi chuny mar erokamano en dwaro maler e tich ni Kristo? 2. Ere kaka ler mar polo landore e piny motimo mudhoni? 3. Ang’o matimore ka kata sunga matin odonjo ling’ ling’ e ngimawa? 4. Pim ane winjruok manie kind yie kod tim e ngima ja Kristo. 5. Ote mogik mar piny en ang’o – kod wach moduong’ e polo?