1. POLO NENO CHUNY Chak Tich Oktoba 28

a. Ang’o momiyo Nyasaye nowilo Saulo kogole e loch mar Israel? 1Samwel 13:13,14. “Saulo ne dwaro chuny ka mar Israel, to Daudi en ng’ato madwaro chuny Nyasaye wuon.” – The SDA Bible Commentary [E.G. WhiteComments], vol.2, p.1015. b. Ang’o momiyo wuod Jesse makayo notamruok wire obed ruoth – kendo ang’o mowinjore wapuonjre koa kuom ma? 1 Samwel 16:1, 6-13. “Kaka yawuot Jesse ne kalo e nyim Samwel, dine oyiero Eliab, mane en ng’at marabora kendo man gi chia, to Malaika mar Nyasaye nochung’ e bathe mondo otaye e ng’ado weche madongo kendo puonje ni kik ong’i kido maoko. Eliab ok noluoro Nyasaye. Chunye ok ne nikare gi Nyasaye. Dine obedo jaloch ma sungore kendo chuno gik moko. Onge ma noyudi kuom yawuot Jesse makmana Daudi, machogo, ma tichne ne en matin mar kwayo rombe. Nokawo tichne mar bolruok mar kwath gi yor ratiro kendo gi chunye duto manomiyo Nyasaye oyiere obed jatend joge. E kinde mowionjore, nodhi wilo ludh kwath gi mar loch.” – The Spirit of Prophecy, vol. 1, pp. 367, 368.“En ber ma iye, ber mar chuny, ema nyalo chopo rwak marwa gi Ruodh ogendni. Mano kaka owinjore wapar adierani e yo matut e ng’ado bura ni wan wawegi kod jomoko.” – Patriarchs and Prophets, p.638

---

2. NYIEGO KUOM LUOR MAR NYASAYE Tich Ariyo Oktoba 29

a. Kaka Jo Israel ne tetni e nyim rabet mane thiano mar Gath, ang’o ma nochando pach Daudi ahinya? 1 Samwel 17:22-26. b. Ang’o ma nomiyo Daudi obedo gi adieri ni nonyalo loyo rabetni – kendo ere kaka mani nopogore gi thiano mar ng’ayi kod tok teko? 1 Samwel 17:32-37. “Ne en chuny mar ting’ruok kod neno ni oromo ma nomiyo (Daudi) obedo gi chir mar romo gi jalweny man gi teko ma necharo Israel mar Nyasaye? Daudi ok ne nigi chuny makama. Koikore kendo ka ok owuondre, ne ok omiyo ma ong’ere kogeno kuom riekone owuon, lony, kata teko, to kuom teko mar Nyasaye ma norese e kok sibuor kod dubu ....“Chuny Daudi ne ok obwok kata matin; nikech nong’eyo jal ma geno ne nitie”. – The Signs of the Times, March 4, 1886. c. Ang’o ma nomiyo Daudi otamore tiyo gi gik lweny mag Saulo? 1 Samwel 17:38’39. Kaka oket elwetwa ote mar Nyasaye mogik mar kech, mani puonjowa ang’o? 2 Timotheo 2:25,26. “E elo adiera ma ok ong’ere, ma oriwo msalaba mapek, joyalo onego tang’ ni wach ka wach en kaka Nyasaye dwaro. Wechegi ok onego ochwany. Onego giel adiera kuom bolruok. Ka gin gi hera matut moloyo kuom chunje, kod dwaro motegno mar warruokgi, kendo adiera ema mondo ong’eti. Ok onego gichar jotich mag dinde moko kendo dwaro mondo gikel mino wach. Ok onego gichung’ e kama chalo gi mar Goliath kane ocharo jolweny mag Israel. Israel ok nocharo Goliath, to Goliath ne thiano kod sunga ni Nyasaye kod joge. Charo, thiano, kod weche mag achaye nyaka nere kuom jogo makwedo adier, matimore kaka Goliath; to chuny machalo kama kik nere kuom jogo ma Nyasaye ooro mondo owuogi mondo oland ote mogik mar siem ni piny mokuong’ ....“(Daudi) nolonyo gir lweny mar ruoth nikech ne ok oyie kode. Noyie gi Nyasaye kendo, e geno kuome, noseyudo loch makende. Rwako gir lweny mar Saulo dipo ka nokelo paro ni en jalweny, kane ne en mana Daudi matin mane kwayo rombe. Ne ok odwar nyiso ni duong’ moro onego mi gir lweny mar Saulo, nikech geno mare ne nikuom Nyasach Israel. – Gospel Workers (1892), p. 188.

---

3. GIK MONEGO BEDI MOKWONGO OFWENY Tich Adek Oktoba 30

a. Chiw ane ranyisi ariyo manyiso huma mar timbe Daudi. 1 Samwel 26:2,7- 11; 1 Weche Mag Ndalo 11:15 -19. b. Ka Daudi nodoko ruoth, ang’o ma noketo obedo mokwongo? 1 Weche Mag Ndalo 13:1-3. Pim ane gima nomiyo chandruok oluwe. 1 Weche Mag Ndalo 13:6-11. “Buok mapoya nolwar kuom oganda mane nigi ilo. Daudi nobedo gi wuoro malich kendo noneno ni chandruok maduong’ ni e nyime, kendo e chunye nopenjore ka Nyasaye ng’ado bura kare. Nosebedo kodwaro mondo oluor sanduk mar Muma kaka ranyisi mar loch polo. Ang’o momiyo kindeno nokel bura makelo luoro mondo olok kinde mag mor obed kar lit kod ywak? Koparo e chunye ni ne onge rit ka obedo gi sanduk ma chiegni kode, Daudi nong’ado wach ni mondo odong’ kama ne entie. Noyudo kamoro machiegni e od Obed – Edom ja Giti.“Hawi marach mar Uzzah ne en bura mar polo kuom ketho chik mong’ere maler ahinya. Kokalo kuom Musa Ruoth noyudo ochiwo puonj makende kaluwore gi ting’o sanduk. Ok ng’ato ang’ata to mana jodolo, nyikwa Harun, ema nonego omule, kata ng’iye ka ok oume .....“Daudi kod joge ne jochokore mar timo tich maler, kendo ne gidonjoe gi mor kod chuny madwaro, to Nyasaye ne ok nyal yie tijno, nikech ne ok otime ka nie winjruok gi chikene. Jo Filisti, ma ne ok oyango chik Nyasaye, noketo sandugno e othiwi kane giduoke e piny Israel, kendo Ruoth noyie kod kaka ne gitemo. To jo Israel ne nigi wach moket maler mar dwaro mar Nyasaye elwetgi kuom wechegi duto kendo chando dewo margi kuom puonjgi ne en bedo maonge luor kuom Nyasaye. Kuom Uzza ema noyudie ketho maduong’ mar tok teko. Ketho chik Nyasaye nosedwoko piny parone mar ler Mare, kendo gi richo ma ok ohul ka ni kuome e nyim kwer mag polo, nobedo gi chir mar mulo ranyisi mar bedoe mar Nyasaye. Nyasaye ok nyal rwako winjo wach nyabathe, kawo chikne e yo mayot. Kuom bura manobiro ni Uzzah Nochano mar keto e pach Jo Israel duto duong’ mar chiko itgi e yo malong’o ni dwarone. Kuom mano tho mar ng’at achielno, kuom tero ji e lokruok, nyalo geng’o dwaro mar kum mar bura ni ji gana gi gana.” – Patriarchs and Prophets, pp. 705, 706.

---

4. LOSRUOK MANYIEN E YORE DUTO. Tich Ang’wen Oktoba 31

a. Pim ane nonro mar chuny mane Daudi okaloe e kinda mare mondo yore Nyasaye omed donjone. 1 Wech Mag Ndalo 13:12-14. “Kuom Daudi kwer mar polo notimo tichne. Nomiye fwenyo mopogore kod kaka nose fwenyo motelo ni chik Nyasaye owal maler kod dwaro mondo orite e yo malong’o ....“E giko mar dweche adek nong’ado mar temo kendo mondo ogol sanduk, kendo koro nochiko ite gi kinda mondo otim gimoro amora kaluwore kod kaka Ruoth ochiko.” – Patriarchs and Prophets, p. 706. b. Bang’ nono ndiko e yo matut kod lemo, ang’o mane Daudi opuonjore kaka onego oting’ sanduk? Kwan 4:15; 7:9. Ang’o monego wapuonjre kuom luor manotimo kodhi nyime kod yo ma yiene nokelone ohala? 1 Weche Mag Ndalo 15:25,26. “Ruoth noketo tenge lepe mag loch kendo norwakore gi efod makite achiel, kaka ma ne irwako gi jodolo. Kuom rwakruokne ne ok onyiso ni okawo tich dolo, nimar efod ne kinde moko irwako gi ji mamoko mopogore gi jodolo. To e tich malerni nodhi kawo kare e nyim Nyasaye, maromore gi joge ma norito. Kuom odiechieng’no Jehova ema nowinjo omi duong’. Chieng’no en kende ema nonego oluore ....“Miel mar Daudi ka en gi ilo e nyim Nyasaye mar miye luor osega kaw kaka ranyisi gi jogo mohero mor kipime gi miel ma kawuono, to kata kamano onge mise ni wach ma kamano .... Wer kod miel e ilo mar pako Nyasaye chieng’ golo sanduk ne ok chal kata matin gi miel mag mor mag kindeni. Achiel nodok kor ka rapar mar Nyasaye kendo ting’o nyinge maler malo. Machielo en gima satan oloso mondo mi wi ji wil gi Nyasaye kendo bedo maonge luor kuome.” – ibid, pp. 706,707.“JaKristo madieri ok bi dwaro donjo kama gimoro amora nyalo ywaye kata donjo e yo moro amora kama ok onyal kwayoe gweth mar Nyasaye. Ok bi yude e kuonde mor, ute mag tuke, kata e ute mag dusruok kod madho kong’o ..... Ni jogo masiro gik ma miyo ji we wang’yo, waduoko ni, ok wanya donjo e tim makamagi e nying Yesu ma ja Nazareth. Gweth mar Kristo ok bi yudi e seche ma otieki e kar mor kata miel.” – Message to Young People, p.398.

---

5. PIDHO TIMBE MALER MAG CHUNY Tich Abich Novemba 1

a. Kuom ng’iyo richo mar Daudi (2 Samwel 11:1-27), ang’o manyaka donjnwa ka wapare kaka ng’at man gi chuny kaka mar Nyasaye wuon? 1 Ruodhi 15:5. “Ka Daudi nopogore gi Nyasaye kendo chido timbene mabeyo kuom ketho chik mar dimbruok, koro kendo ok ne en ng’at man gi chuny Nyasaye wuon ..... Ka joma kare olokore oa e timbegi makare kendo timo richo, timbegi makare motelo ok noresgi kuom mirimb Nyasaye Makare kendo Maler.” – Spiritual Gifts, vol.4a, p.87. b. Kokalo kuom kech Nyasaye maduong’, paro mage ma nokonyo e dwoko Daudi e ng’wono kod ler mar polo? Zaburi 51:1-4, 10,17; 86:11; 119:113. “Lemo mar Daudi bang’ podhone nyiso kit lit madieri nikech richo. Lokruokne ne en madier kendo matut. Ne onge temo geng’o kethone; ne onge dwaro tony ae bura ma nochome, ma nomiyo olemo. Daudi noneno rach mar kethone; noneno chidruok mar chunye, richone ne ojoge. Ok nikech weyo richo kende ema nomiyo olemo to mar mondo obed gi chuny maler. Nodwaro ilo mar bedo maler – mondo odwoke e winjruok kod lalruok gi Nyasaye.” – Steps to Christ, pp. 24–25.“Daudi ne jalocho ei Nyasaye, kendo eka nojawuoyo kuom rem mare kod kite mar richo. Parone mar yiero ne ok nindi kata tho. Oywak ni ‘ wiya ok wil gi kethona ndalo duto’ (Zaburi 51:3). Ne ok owuondore owuon ni richo en wach maonge gima onyalo timoe kendo ni ok bi badhe. Kaka noneno tut mar wound e chunye, nosin ahinya gi en owuon kendo lemo ni Nyasaye mondo osire gi tekone kuom richo mag tok teko, kendo olwoke maler kuom kethone maling’ ling.” – The Youth’s Instructor, July 5, 1894.

PENJO MA OWINJORE INWO IWUON Tich Auchiel Novemba 2

1. Ang’o mano miyo Nyasaye yiero Daudi mondo otel ni joge kar yiero Eliab? 2. Ang’o ma nofwenyo gik mane Daudi oketo motelo e piemruok gi Goliath? 3. Ang’o ma nomiyo oneg Uzza? 4. Ang’o monego wafweny kaluwore gi “miel” mar Daudi e nyim Ruoth? 5. Ang’o ma nomiyo kit Daudi kalemo obedo ranyisi maber?