1. DAK E KINDE MAG LAODIKIA Chak tich Novemba 25

a. Pim ane kido manenore e tim jo Kristo duto monyuol e kinde sigana mar Kanisa miluongo ni Laodikia – mani en, bang’ 1844. Fweny 3:17. Ang’o monego watim kaluwore gi chandruogni? “Nyinge mag kanise abiriyo (ma nie Fweny) gin ranyisi mag kanisa e tienge mopogore mag sigana mar jo Kristo.” Acts of The Apostles, p.585.“Ote ni Laodikia owinjore kod kit ngimawa kaka wachalo.” – Review and Herald, July23, 1889.“Siem mar kanisa mogik .... nyaka land ni ji duto ma wacho ni gin jo Kristo. Ote mar Laodikia, kaka ligangla mabith ma dhoge ariyo, nyaka dhi ni kanise duto.” – Testimonies, vol.6, p.77. b. Ang’o ma ng’ato ka ng’ato kuomwa nyaka ng’e ka onono ote mar Laodikia? 2 Jo Korintho 10:13;13:5. “Ne ok en chenro mar ote (ma dhi ni jo Laodikia) mondo omi owadwa moro obed ka ng’ado bura ni owadwa ma chielo, mondo onyise gima onego otim, kendo ni onego odhi marom nadi; to ni mondo ng’ato ka ng’ato onon chunye owuon, kendo otim tichne owuon.” - Spiritual Gifts, vol.2, p.223.

---

2. MWANDU MAG NENGO MONEGO ONG’IEW KENDO OUS Tich Ariyo Novemba 26

a. En nag’o ma janeno madieri ni jo Laodikia ng’adonwa rieko mondo watim mokwongo – kendo ang’o momiyo wadwaro mani piyo ahinya? Fweny 3:18 (bathe mokwongo). “Jawar maduong’ onyisore owuon kaka jalok ohala mar polo, kopong’ gi mwandu, koluongo e dho ot ka ot, kokelo mwandune ma ok nigi nengo.” – The SDA Bible Commentry (E.G. White Comments), vol.7, p.965.“Yie kod hera gin moko madieri, dhahabu ma lilo ma Janeno Madieri ng’ado ni joma dhem dhem rieko mondo ong’iew. Kata obedo ni wan gi moko machalo nadi kuom mwandu mag pinyni, mwanduwa duto ok nomiwa nyalo ng’iewo yedhe manengo gi tek machango tuo mar chuny miluongo ni dhem dhem .....“Dhahabu moyiego ka ni osetem e mach en yie kod hera. Omiyo chuny bedo jamoko; nikech osepwodhe ma nyaka obed maler, kendo kaka imedo teme e kaka rieny mare medore .....“Jomoko nyalo wacho ni en ting’o berwa wawegi malo eka mondo Nyasaye oyie kodwa kokalo kuom timbewa mabeyo. Adieri, ok wanyal ng’iewo loch achiel gi timbe wa mabeyo; kata kamano ok wanyal bedo joloch ka waonge kodgi. Ng’iewo ma Kristo wuoyonwae en bedo e winjruok gi chike ma ose miyowa. Ng’wono madieri, ma nengo ne tek, kendo mabiro timo kinda e tem mar masiche kod chandruok, iyudo mana kokalo kuom yie kod bolruok, lemo kod winjo wach. Ng’wono matimo kinda e tem mag lit kod sand, kendo nyiso long’ogi kod chung’ e adiera, gin dhahabu motem e mach kendo yudo ka gin dhahabu madieri. Kristo ochiwore mar uso mwandu ma nengone tekni ne dhano: ‘Ng’iew kuoma dhahabu mopwodh gi mach.’ Timo tije motho, ka ok waketoe chunywa ok nyal miyowa bedo jo Kristo. Nyaka wawuogi e dhem dhem kendo wane lokruok madieri, ka ok kamano to wabiro rem enyim polo.” – Testimonies vol. 4, pp. 88,89. b. Ang’o ma fwenyo dwaro malich mar dhahabu mar polo? Ezekiel 33:30-33 “Tich maber mogudho noket kuom kanisa man Laodikia. Nojiw gi ni, ‘Emomiyo beduru malong’o, mana kaka wuonu ma e polo long’o’ (Mathayo 5:48). To kanisa ne ok oluwo mondo otiek tich ma nochak gi jotich Nyasaye. Ne giwinjo, to ne girem kawo adiear obed kuomgi, kendo dhi nyime gi puonj momigi.” - The SDA Bible Commentry (E.G. White Comments), vol.7, p.964.

---

3.RANYISI MAR CHAN MARWA Tich Adek Novemba 27

a. Ang’o ma en ranyisi mar kitwa mar bedo gi kiawa ni ote ni Laodikia adier omulowa ng’ato gi ng’ato? Yeremia 17:9; Mariko 4:17. “Nosiemna gik ma Nyasaye oketo kuom joge kendo nonyisa ni masira ka masira moiki gi chenro mar loso maler, kendo puodho kuom joma wacho ni jo Kristo ose fwenyo chilo. Nyading’eny dhahabu maler ok nen. E kinde duto mantie chandruok e dini jomoko podho e bwo tem. Pietho mar Nyasaye kwadho thothgi mabor kaka pot yath motwo. Oganda maduong’ ma wuondore medore e kanisa e kinde ma weche beyo. Chandruok to gologi oko mar kanisa. Kaka oganda, chunygi ok ochung’ motegno gi Nyasaye. Gi a kuomwa nikech ok gin jowa; nikech ka masira kata sand obiro nikech wach, thothgi chwanyore.“Mi mondo magi ong’i dweye manok chien kinde mane gibet ka ging’ado buche mag jomoko ma ne ni kama chalo gi kama koro gintie ni. Mi mondo ka gitang’ giparie paro ma ne gin go kuom jogo mitemo.” - Testimonies vol. 4, pp. 89“Mwandu mag polo ochiw ni kanisewa. Ng’ato ka ng’ato dwarore mondo oket chunye e luong mar Kristo. Owete gi nyimine, bende parou chalo kama? ‘Ni weche mabitho mose ng’adgi ok wuo kuoma; an e kido ma ok rach ahinya mar chuny, kata obedo ni ok an gi liet kod kinda kaka jomoko nigo. Ayie kuom adiera. Jogo ma adierani en margi nyalo kawe. Aparo ni jomoko ni kode gi dwaro.’ In miparo kendo wuoyo kama, bed gi adieri ni un e joge hie ma oteni en maru.” - The SDA Bible Commentry (E.G. White Comments), vol.7, p.964,965. b. Pim ane ranyisi moro ma fwenyo rem marach mar dhahabu. Mathayo 15:8; Jo Hibrania 3:12. Ere kaka inyal thiedh chandruogni? “Yie kod hera gin mwandu mag dhahabu, gik ma dwarore to orem kuom jo Nyasaye. Osenyisa ni koso yie koum weche mag neno mag siem, jip, kod kwer geng’o ler oko ni jo Nyasaye.” - Testimonies vol. 3, p. 255.“Ka podi mwandu mag polo ma nengo gi tek oelore e nyimi, sud machiegni kendo ing’iew mano mise lalo – dhahabu mar hera kod yie.” - The SDA Bible Commentry (E.G. White Comments), vol.7, p.965.

---

4. “NG’IEWO” Tich Ang’wen Novemba 28

a. Ere kaka wanyalo “ng’iewo” mwandu mag polo ka onego oyudgi nono? Isaiah 55: 1,2. “Warruok en mich manono, to kata kamano onego ong’iwe kendo use. E chiro kama kech mar polo e ma nigi chik, kidi manengone tekni inyiso kaka en gima ing’iewo maonge senti kendo maonge nengo. E chironi ji duto nyalo yudo mwandu mag polo. Kar keno mar mwandu mag adieri oyaw ni ng’ato ka ng’ato. ‘Ne! aseketo dho ot moyaw e nyimi,’ Ruoth lando, ‘maonge ng’ato ma nyalo loro.” Onge ligangla mongeng’o yo madhi e od ni. Dwol mawuok e iye kendo mani e dho ot wacho niya, Bi. Duond jawar man gi kinda kod hera rwakowa niya; ‘Ang’ado ni rieko mondo ing’iew kuoma dhahabu mopwodh gi mach, mondo inwang’ mwandu’ (Fweny 3:8,18).“Wach maber mar Kristo en gweth ma ji duto nyalo yudo. Jachan ahinya mana machalre gi jamoko nyalo yudo warruok; nikech onge mwandu mag piny ma nyalo yude. Iyude kuom dwaro winjo wach, kuom chiwo ngimawa ni Kristo kaka mwanduNe moseng’iewo. Somo, kata mochopo e okang’ ma malo ahinya, mano ok nyal kelo dhano machiegni gi Nyasaye. Jo Farisai noher moloyo ka nomigi gik moko duto mag pinyni kod ber duto mag weche mag chuny, kendo ne giwacho gi ting’ruok mar ng’ayi niya, ‘Wan jomoko; waseyudo mwandu, kendo onge gimoro ma wachando; kata kamano ne gichandore moloyo, ne gin joma odhier chuth, kendo jochan, mwofni, kendo man duk’ (Fweny 3:17)....“Ok wanyal yudo warruok kata chudo, to onego wadware gi chunywa duto kod kinda mana ka gima dine waweyo gimoro amora e piny nikech mano.“Onego wamany kidi ma nengone tek, to ok kuonde loko kata e yore mag pinyni. Nengo midwaro mondo wachul ok en dhahabu kata fedha, nikech magi gin mag Nyasaye. We paro mar ni bedo kama ber e gik pinyni kata mag chuny nyalo miyo iyud warruok. Nyasaye luongi mondo ibed gi dwaro mar winjo wach. Okwayi mondo iwe richoni....“Nitie jomoko ma kinde duto chalo ka gima gimanyo mwandu mar polo. To ok gitim weyo chuth kitgi maricho. Ok githo kata weyo ng’iyore giwegi eka mondo Kristo odagi e igi. Emomiyo ok guyud kidi ma nengone tek. Podi ok giloyo dwarogi ma ok ler mar bedo joma nigi huma kod hero gik pinyni ma ywayogi. Ok gikaw msalaba kendo luwo Kristo e wang’ yor kwerruok kod chiwruok. Gidwaro chalo jo Kristo, kata kamano chutho ok gin, ginenore machiegni gi piny Ruodh polo, to ok ginyal donjo kuro. Gichiegni gi warruok to ok owar gi chuth, tiende ni ok ni gichiegni gilal to gin joma olal chuth.” – Christ’s Object Lessons, pp.116-118

---

5. PWODHO DHAHABU Tich Abich Novemba 29

a. Pim ane tich ma Kristo dwaro ni otim e chuny nga’to ka ng’ato kuomwa e kindegi mag Laodikia. Malaki 3:3,4. “Gimoro amora manie e timwa maok nyal donjo e dala Nyasaye ibiro kwero; ka wachiwre ni puodhruok mar Ruoth, chilo duto kod gik ma mienowa ibiro tieki. Kaka jog Ruoth moyier biro yudo ler mowinjore gi kindeni, onge gima biro miyogi ting’ore malo. Ok gibi keto rapim margi ma gipimogo timbe giwegi; nikech Ruoth osechiwo rapim achiel ma onego obed ni ipimogo timbe duto.” - The SDA Bible Commentary (E.G. White Comments), vol.4, p. 1181. b. Chiw ane ranyisi moko manenore kaka tich mar puothni timore. – Jo Rumi 5:1-5. “Ng’ato man gi chuny makoch ok opwodhi, oger; ok en ng’at ng’ima mar chuny, ok en gi chuny mar ring’o, to chuny maok nyal nyosore kaka kidi. Konyruok mare kende en kopodho e lwanda, kendo otur. Ruoth biro keto joma kamago duto e tem mager, kendo temogi e mach, kaka itemo dhahabu. Ka onyalo neno kite kofwenyore kuomgi obiro gologi; to ka onenore ni dhahabu malilo onge, eka ibiro tiekgi kaka chilo.” – Manuscripts Releases, vol. 17, p. 116.“Kuom yie kod hera, kido mabeyo mag Jawarwa, ma nengogi tek, e mabiro miyo wayud yo mar donjo e chunje jogo maok ong’eye, jogo mang’ich kendo opogore kuome kuom bedo maonge yie kod richo.” - The SDA Bible Commentary (E.G. White Comments), vol.7, p. 964.

PENJO MOWINJORE INWO IWUON Tich Auchiel Novemba 30

1. Ang’o momiyo Kristo oramo ni wan gi dwaro mar dhahabu mare? 2. Kuom chando dewo marwa ere kaka wanyalo bedo e chandruok mar tamruok mich mar Kristo? 3. Dhahabu mar chunyni dwaro nengo maromo nadi? 4. Ang’o momiyo dhahabu nengone tek moloyo to e kinde mag gikogi? 5. Ere kaka jomoko yudo ohala kuom dhahabu mar chuny ma wan’giewo?