SABATO, NOVEMBA 3, 2012 E kinde ma wantiegi mag higni miche 21, ka itiyo gi yore masani mag mbui, kitepe mag mbui, kod lendo mopogore e tero wach maber, nitie yo mopogore mar tiyo gi yore mathoth mar tero ote ma onge kit nyakalondo moro manyalo kawo kare: Kalatas mogo chapa en achiel kuom yore mabeyo ahinya mondo wach maber ochop nyaka tung’ piny mogik – maonge teko sitima. Kitiyo gi yorni wach maber henyo kendo chopo e pinje machon nodagi wach didni moro amora (communist), pinje ma kia Nyasaye (atheistic), kod pinje Islam, kendo inyalo yude koa kuon ng’at achiel kodhi e machielo. Jatich Ruoth wacho niya; “Mi mondo gik mondiki moting’o adiera mag muma oke mana kaka pot yath oro” (In Heavenly Places, p 323). “Gige wa mondiki onego odhi kamoro amora. Mi mondo opog gi e dhok mang’eny. Ote mar Malaika mar adek onego chiw kokalo e yorni kendo ka okalo kuom Japuonj. In ming’eyo adiera mar kindegi, chiew. En tichni mondo koro ikel nyalo duto mondo ikony jogo ma adiera donjo nigi lando adierano “ (Testimonies, vol.9, p.62). “Landuru wach, pakuru kuwacho, A Jehova, res jogi, mana jomodong’ kuom Israel” (Jeremia 31:7). Jo Nyasaye, jomodong’ kuom Israel, onego oland wach maber mar warruok. Kata obedo ni wan gi mumbe, kitepe, kod otese mondik matindo moromo mag yalo e pinje mathoth, podi nitie oganda maduong’ e piny maok nigi hawi kaka wan. En tich kod luor ma wan go mondo wakony pogo gigo mondiki e kuonde mopogore e piny. Muma ose loki e dhok kod wuoyo mathoth, kata kamano kitepe madwarore kaka ‘Steps to Christ’ (Okenge Mag Dhi Ir Kristo), kod ‘The Great Controversy’ (Lweny Maduong’) ji tara gi tara podi onge go. To kaponi wanyalo pogo ‘Sabbath Bible Lessons’ (Puonjruok Mag Muma) ni jogo mamanyo adiera masani? Par ane Chula mar Pacific kod pinje mag Joratenge kama ote mar Reform (losruok manyien) podi ok odonjoe. Wapar singo manie Eklesiastes 11:1, “Bol chiembi e nam; mi niyude bang’ ndalo mang’eny”. Nyaka wake wach Nyasaye ka podi ok olewo ahinya. Dwoko samoro ok nyal nenore piyo, to ok bi kawo kinde ka podi ok waneno keyo maduong’ ka kodh opon obiro moromo chuth. Mi mondo wabed jokungo mariek ma kano mwandu e polo – ok e pinynii. Waduoko erokamano ni duto ma owetewa, nyiminewa kod osiepewa osetimo e kinde mokalo – to dwaro nitie maduong’ koro moloyo kinde mokalo. Omiyo wayaw chunywa ni tijni! Migawo mar ‘General Conference’ mochung’ ni kitepe.