1. LIT MOMEDORE MAR CHUNY Chak tich Novemba 18

a. Ang’o mondiki kaluwore gi lit momedore mar chuny wuod Nyasaye? Mathayo 26:38. “Mana kaka ji manok nigi paro kata matin kuom lit momedore mar chuny ma noyiecho chuny wuod Nyasaye kuom higni piero adek ma nodakgo e piny. Yo manoluwo kochakore kar chiemo mar jamni nyaka Kalvari nogeng’ gi tipo mar kuyo kod lit. Ne en ng’ato ma neno chandruok, kendo notimo kinda e lit mar chuny ma kamano maonge dhok mar dhano ma inyalo pime go.” – That I May Know Him, p.66. b. Ere kaka chandruok mar Yesu opim e yo maler ahinya? Isaiah 53:3-5,7,8. “Kodagi richo gi dagi malong’o, (ng’ato maneno chandruok) kata kamano nochoko richo mag piny duto e chunye, ka nowuotho e yo ma dhi Kalvari, ka oyudo sand mar kum nikech jaketho. Ka oonge gi ketho, noting’o kum mar jaketho; koler, kata kamano ka ochiwore owuon mondo oting’ kum mar ketho chik Nyasaye. Kum mar richo mar chuny ka chuny noting’ gi wuod Nyasaye maonge gikone. Ketho mar richo ka richo notielo pekne kuom chuny mar polo mar Jawar mar piny.” – Ibid.“(Jawar mowinjo omi duong’) ne ok otho kaka jaloch e nyim wenge mag piny, kopong’e gi luor kaka dhano manie e kedo. Notho kaka jal man gi ketho maduong’ mokwong’, koliere e kind polo gi piny – notho tho mayware mar wich kuot ka oweye ni ayany kod charo mar oganda maduong’ modok chien, e tim mopong’ gi richo madongo mokethore!” – Ibid. p.68.

---

2. KAMA YIECHO CHUNY Tich Ariyo Novemba 19

a. Ere kaka chunywa onego onyosre kendo olo kuom ng’iyo Kristo e msalaba? Luka 23:33,34. “Bende inyalo, ka ing’iyo msalaba chuth, ka ing’iyo gi wang' mar yie chandruok mar Kristo, wacho sigana mari mar lit, masicheni? Bende inyalo paro chulo kuor ni josiki ei chunyi ka lemo mar Kristo wuok e dhoge mool kendo tetni ni jo maluonge gi nyinge maricho, joma nege - ‘Wuoro, wenigi; gikiya gima gitimo’ (Luka 23:34)?” - That I MayKnow Him, p.65. b. Ere kaka neno sand malichni nyalo konyo chuny mar ting’ruok mantie kuomwa nga’to ka ng’ato? 1 Petro 1:18-21; Johana 1:29. “Sunga kod lamruok ok nyal dhi nyime e chuny ma gik ma notimore Kalvari omoko e paro” – The Desire of Ages, p.661.“Onego wakaw kar ikruok marwa e bolruok gi chuny motur e tiend msalaba. Wanyalo puonjre puonj mag muolo kod dembruok mar paro kaka waidho dhiyo got Kalvari, kendo, ka wang’iyo msalaba, waneno Jawar marwa ka nie lit, wuod Nyasaye ka tho, ng’ato makare ni joma ok kare. Nene Jal ma ne nyalo luongo oganda Malaika gi wach achiel mondo okonye, kobedo Jal micharo kendo il kuome, ma iwuoyoe marach kendo ma ihimo e chuny. Nochiwore owuon obed misango mar richo. Ka ne ochaye, ok nobwogo; ka nodonjne gi miriambo, ok noyawo dhoge. Olemo e msalaba ni joma nege. Otho nigi. Ochulo nengo maonge giko ni moro ka moro kuongi. Ok ne odwar mondo olal achiel kuom mago ma noseng’iewo gi nengo maduong’. Nochiwore owuon mondo ogoye kendo ochwade ka ok ong’ur. Kendo misango ma ok ywagreni en wuod Nyasaye. LochNe en ma nyaka nene, kendo piny Ruothe ok nobed gi giko.” –That I May Know Him, p.65“Wichkuotgi duto mag Jaloch mar polo ne gin mag dhano ma jaketho, mokuong’. Nodok piny kendo piny e wichkuotNe, nyake ne onge kama piny kendo mane onyalo lorie, mondo omi ogol dhano e chido mar dimbruok. Magi duto ne timore nikech in.” – ibid, p.68.

---

3. NENGO MAPEK MAR RICHO Tich Adek Novemba 20

a. Ere kaka koso neno ber mar misango mar Kristo otudore gi kit tim marwa mar nyak ni gombo? Jo Hibrania 10:26. “Jogo mawacho ni girito chik Nyasaye kendo kata kamano e chunygi to ginyak ni richo okwong’ gi Janeno Madier. Giwachi ni gin jomoko kuom ng’eyo adier; to ok gin e winjruok gi puonjgi maler. Adier ok pwodh ng’imagi. Wach Nyasaye yango ni jalo mawacho ni rito chik ma ngimane kwero yie mare en mwofu, ochandore, ojachan, kendo en duk.” – Faiths and Works, p.31 b. Ler ane tudruok manie kind richo, chik, kod msalaba. Jo Rumi 7:7; 1 Johana 3:4,5. “Yesu notho mondo ores joge e richogi, kendo warruok manie Kristo tiende ni weyo ketho chik Nyasaye kendo bedo thuolo kuom richo duto; onge chuny moketore e sigu gi chik Nyasaye manie winjruok gi Kristo, ma nosandore e Kalvari mondo osir kendo oting malo chik e nyim chwech duto.” – ibid, p.95.“Herawa ni Kristo biro luwore mana kod kaka waneno richowa e yo matut, kendo kuom chik ema wang’eyo go richo. To kaka wanenore wawegi, wagol wengewa kuomwa kendo ng’iyo Kristo, manochiwore owuon mondo mi onyal resowa e ketho duto. Kuom yie mak ber mag Kristo, kendo remo ma pwodho chuny ibiro kir. Kaka wamedo neno timbe maricho kod chandruok mochomowa e yo maler e kaka wabiro medo bedo mamor kuom resruok kokalo kuom Kristo. Wach maber mar Kristo ok mi dhano thuolo mar ketho chik, nikech en kokalo kuom ketho ema ne dhoudi mag oula mag chandruok oyawore ni pinywa.“Tinende podi en mana gimarach makelo chandruok machalo gi kinde mag Adam. Wach maber ok osingo winjruok mar Nyasaye ni ng’ato ang’ata ma ka onge chuny motur ketho chikne. Dok piny mar chuny dhano, ketho mar timo richo, kethruok ma richo kelo, duto oket maler gi msalaba kama Kristo ne olosonwae yor tony.” – ibid, p.96.

---

4. NG’EYO RUODH KWE Tich Ang’wen Novemba 21

a. Ang’o ma weche mag roho puonjo kuom ywacho miwuoro mar gur mar Kristo? Johana 3:14,15; 12:32. “Masalaba mar Kalvari kwayo kuom teko, kochiwo gimomiyo owinjo waher Kristo sani, kendo gimomiyo owinjo wapare mokwongo, kendo maberie moloyo kendo mogik, e gik moko duto.” - That I May Know Him, p.65“Ka in gi ng’eyo kuom richo mari, kik iket tekoni duto kuom ywagruok e wigi, to ng’i kendo ibed mangima. Yesu kende e Jawarwa.” – Seleted Messages, bk.1, p.352. b. Okang’ mane mobedo mokwongo e kawo tim makare mar Kristo ni wan wawegi? Johana 6:37; 2Jo Korintho 5:21; 1 Johana 1:9. “Kani kik ng’ato one ni buche onge geno; nikech ok en kamano. Inyalo neno ni in jaricho kendo ibiro tho; to en mana nikech wach ni ema omiyo idwaro Jawar. Ka in gi richo monego ihul, kik iketh kinde. Seche gi gin mag dhahabu. ‘To kwahulo, en jadier, kendo makare, omiyo nowenwa richowa kendo nopwodhwa kuom tim duto ma ok kare” (1 Johana 1:9). Jogo ma nigi kech kod riyo mar tim makare nopong’gi; nikech Yesu osesingo kamano.” – ibid, pp. 352,353. c. Kinde ka kinde ma joma nie piny mawacho ni jo Kristo mor kuom nyasi mag joma kia Nyasaye e kinde Krismas, ang’o ma duong’ mar misango mar Kristo onego mi waket e paro. Yeremia 10:1-6. “Nyoro en Krismas. Bende ne itimo kaka jorieko notimo kuom chiwo michni ni Yesu? Koso jasigu oseloko chenro mag gik moko duto, kendo dwoko lamo kuome owuon? Mich e kindegi imiyo osiepe kar chiwo ni jal ma notimonwa misango maduong’. Mich duto onego odhi kamoro achiel, kama inyalo tiyoe kodgi e warruok mar dhano.” – Upward Look, p.374

---

5. TEKO MA MIYOWA TIMO Tich Abich Novemba 22

a. Ang’o ma wanyalo puonjore kuom mor mar Malaika mag polo kuom misango mar Kristo? Fweny 5:11,12. b. Ere kaka gur mar Kristo onego ojiw-wa e yo manenore? Jorumi 5:8-11; Jo Galatia 5:6; 2 Jo Korintho 5:14, 15. “En yie matiyo ema idwaro. Ere kaka otiyo? Otiyo kuom hera. Hera mane? Ang’o momiyo, hera marieny koa e msalaba mar Kalvari. Okete diere kind piny gi polo, kendo warruok iyudo kuom ng’iyo msalabani. Wuoro oseyie kode, kendo oganda malaika ose biro e msalaba cha, Nyasaye wuon ose kulore kuom yie gi misangono. Odwoko dwaro mar polo, kendo dhano inyalo waro kokalo kuom Yesu Kristo, mana ka wan gi yie kuome. Dhano odwok e winjruok gi Nyasaye, kendo Nyasaye gi dhano, kokalo kuom misangono duto moromo kendo malong’o ....“Koro, ka waneno bath ler wadwaro mondo wamake. Satan tiyo mondo otam ma kinde duto. En yie matiyo kuom hera ema Yesu bedo janeno mare e msalaba mar Kalvari. En hera mosebedogo ni ngimana. Kristo osethona. Oseng’iewa gi nengo maonge giko, kendo ose pwodho gimoro amora ma ok more. Nyaka abed jatich kode. Nyaka akaw jok mare kuoma awuon. Nyaka arwak jok mar Kristo. Nyaka ating’ misikeNe. Nyaka apuonj jomoko kaka inyalo ting’ gi ka igologi e kido mar richo kama ne antie kendo mako tim makare mar Kristo kuom yie mangima. Mano kende e yo minyalo resgo jaricho.” - Faith and Works, p.72

PENJO MA OWINJORE INWO IWUON Tich Auchiel Novemba 23

1. Kalvari en ranyisi mar ang’o? 2. Ere kaka thuon wachni onego okel lokruok e kit pachwa? 3. Ang’o ma gur mar Kristo nyisowa kuom chikNyasaye? 4. Ler ane teko ma ywayo mar msalaba. 5. Ere kaka onego waduok ni gur mar Kristo nikech wan?