1. GOYO KOKO MAR ILO Chak tich Novemba 4

a. Hul ane yo achiel mowinjo mondo olam go Nyasaye. Zaburi 95:1,2; 100:1,2. “Wer noket mondo otim tich maler, mondo oting’ paro malo kama ler, man gi huma, kendo kama oting’ore malo, kendo ochiew chiwruok mar ngima kod erokamano ni Nyasaye e chuny .....“Wer kaka migawo e tich lemo en achiel gi lemo mana kaka kwayo.” - Patriarchs and Prophets p.594. b. Ang’o ma konenore nwa e yo maler to biro chiewo wa piyo mondo waket rageng’ e wende ma watiyogo ka walamo Nyasaye? – Ezeliel 28:13,14,17. “Satan ema ne en jatend wer e polo. En ema nochako dwol mokwongo, eka oganda duto mag malaika ne riwore kode.” – The Signs of the Times, January 16th , 1879.“Ji adi (kawuono) matiyo gi mich (mar werni) mondo giting’re go malo, kar tiyo kode mondo omi go Nyasaye duong’! Hero wer miyo joma ok otegno riwore gi jo ma ohero piny e chokruogegi mag mor kama Nyasaye osetamo joge mondo kik gidhie. Kamano mano ma en gweth maduong’ koti godo e yo makare, bedo achiel kuom yore mabeyo ahinya ma Satan ywayo go paro mondo kik oti kendo paro gik ngima mochwere.” - Patriarchs and Prophets p.594.

---

2. GIMA OMIYO ONEGO OWER Tich Ariyo Novemba 5

a. Karang’o ma wawinjo mokwongo ni Nyasaye nipako e wende maler? Ayub 38:4,7. “Ewi piny mochwe manyien, kaka ne en, kober kendo onge gimoro marach, ka en e bwo mor kuom Nyasaye, ‘Sulwe mag okinyi ne wer kanyakla, kendo yowuot Nyasaye nokok nikech ilo’ (Ayub 38:7).” – Education , p.161. b. Ang’o machielo bende manenore manokelo pak koa kuom malaika mag Nyasaye? Luka 2:13,14. “Onge ng’ato manonywol e piny, ok kata kuom nyithind Nyasaye mogwedh moloyo, mosetimni ranyisi machalo kamano mar ilo kaka mane orwako nyathi ma nonywol e Bethlehem. Malaika mag Nyasaye nowero pakNe e wi gode kod kuonde mopie mag Bethlehem.’Duong’ obedi ni Nyasaye e polo malo, kendo kwe obedi e piny kuom joma Nyasaye oyiero’ (Luka 2:14). Yaye madine bed ni dhano nyalo fwenyo wendni! Lendo ma notimno, wer manower, duol ma nochake, biro medore kendo dhiyo nyime nyaka giko mar ndalo, kendo biro winjore nyaka tung’ piny. En duong’ ma imiyo Nyasaye, en kwe manie e piny, dwaro maber ni dhano. Chieng ma wang’ chieng’ mar piny makare nowuogi gi ngima e bwombe, wendno ma nochakore e gode mag Bethlehem nochak owinjre kendo koa e dwond oganda maduong’, kaka duond pi mathoth, ka wacho niya ‘Haleluya! Nikech Ruoth Nyasaye manyalo duto oselocho! (Fweny 19:6).” – The Review and Herald, April 5, 1906. c. Ango mane Yesu owacho ni kelo mor e polo, kendo en lokruok mane ma soko mar morni onego okel kuomwa? Luka 15:6,7. “Nyaka waket e pachwa mor maduong’ manonyis gi Jakwath kane odwoko mano mane olal. Olwongo jobathe niya, ‘mor uru koda; nikech aseyudo rombo na ma nolal’ (Luka 15:6). Kendo polo duto nowero wend ilo. Wuoro owuon il kuom jal manores gi wer. Mano mor maler man gi ilo ma inyiso e ngeroni. Mor no en thuoloni mondo idonjie.” – Testimonies, vol.6, p.125.“Rieko mar warruok ema onego obedi gi pek e yalo moro amora, kendo thuon wach e wer ka wer.” – Evangelism, p.502.

---

3. PUONJRUOK KUOM DAUDI Tich Adek Novemba 6

a. Ere kaka Daudi notiyo gi wende mochan e yo malach e tije ma nie hekalu, kendo ang’o ma wanyalo puonjore kuom ranyisi ni? 1 Weche Mag Nadlo Mokuongo 15:22; 25:7. “Ruoth (Daudi) mane hike oniang’ kod wuode (Solomon) kod jong’ad nigi rieko noneno ni en gima duong’ mondo mi gimoro amora otim gi chenro, ka iluwo chik, e yor ratiro kendo piyo piyo. Kuom mano kaka nyalore, ne giluwo chenro mogur ma nomi jo Israel machiegni bang’ resogi koa Misri. Jo Lawi nomi tich ma nomakore gi tije manie hekalu, koriwo nyaka tich wer kod gik goyo thum kod rito mwandu.” – The Review and Herald, Oktoba 12, 1905.“Wer en achiel kod lamo Nyasaye, to eyo marach ma itime nyading’eny, ok omi adiera pak, kendo ok omi Nyasaye luor. Onego bedie chenro kod chik mana kaka e migawo moro amora mar tich Ruoth. Chanuru oganda mar jower mabeyo ahinya, madwondgi nyalo tayo chokruok, kendo bang’e jogo ma dwaro oriwre kodgi. Jogo mawer onego otem mondo ower e winjruok; onego giket kinde mar puonjruok, mondo ginyal tiyo gi mich ni e miyo Nyasaye duong’.” – ibid, July 24,1883. b. Tich mane ma Daudi nomiyo jodolo kod jower manie hekalu mondo odhi kaachiel gi wendegi e lamo Nyasaye? 1 Weche Mag Ndalo 16:42; 25:1,6. c. Ere kaka yiero mar Daudi mar gik wer ni jodolo kod jower ojiwo lemo mowinjore? 2 Weche Mag Ndalo 5:12,13. “ Wer onego obedi gi chia, ndhandhu, kod teko. Mi duol mondo oting’ malo e wende mag pak kod chiwruok. Ka nyalore, keluru gik goyo thum mondo okonyu, kendo winjruok maler odhi ni Nyasaye, mich mowinjore. To kinde moko bedo matek chiko jower kendo ketogi gi ti e chenro moloyo gero kitgi mar lemo kod jiwogi. Thoth ji dwaro timo gik moko e yor gi giwegi; gitamore lalruok kendo gionge kwe e bwo telo.” – Testimonies, vol.4, p.71.

---

4. WER MA MIT NI RUOTH Tich Ang’wen Novemba 7

a. Pim ane tichwa e kinde ma watiyo gi mich mar wer. Jo Kolosai 3:16. “Jogo ma tiyo gi wer kaka migawo mar lemo mar polo onego giyier wende gi thum mowinjore gi kindeno, ok wende mag ywak, to majiwo ji, kata kamano wende man gi duong’.” – The Signs of The Times. June 22 , 1882. b. E lamo Nyasaye, wende wa owinjo wer koa kanye, kendo ang’o ma nyaka wergi go? – Jo Efeso 5:19; 1 Jo Korintho 14:15; Zaburi 47:7 “Ji mang’eny wero wende mamit e chokruoge, wende mag gik ma gibiro timo, kendo gik ma gidwaro timo; to jomoko ok tim gigi; ok giwer gi roho kod ng’eyo bende.” – The Review and Herald, Septemba 27, 1892.“Wer en gima owinjore ni Nyasaye mana ka chuny opwodhi kendo miye bedo mamuol kendo maler kaluwore gi gik manie iye.” – Evangelism, p.5, 12.“Onge gima ojogo Nyasaye e nyime kaka nyiso gik goyo thum ka jogo matime ok gin jo mowalore, ok giwer mamit e chunygi ne Ruoth.” - The Review and Herald, Novemba 14, 1899. c. Rieko mane mong’adnwa mowinjo wakan e chunywa kaluwore gi tiyo gi bul e lemo? – Jo Rumi 12:1,2. “Gik misepimo ni timore Indiana, Ruoth osenyisa ni biro timore ka dho od ng’wono ochiegni lor. Gimoro amora ma ok olony nonyisre. Biro bedoe goyo koko, gi bul, thum, kod miel. Pach chwech manyalo pogo wach biro nywandore ma ok nyal genogi ni ginyalo ng’ado weche makare. To mani iluongo ni teko mar Roho Maler.“Roho Maler ok fwenyre e yore machalo kamago, e kar nywandruok mar koko makamano. Mani en gima satan ofwenyo mondo ogeng’ go yore ne mariek mondo omi adiera masani maler, mogurore, moting’ malo, makelo huma, mapwodho kik kel lokruok .....“Kit lemo makama ok owinjore omi thuolo ..... Gigo mosebedoe e kinde mokalo biro bedoe e kinde manyime. Satan biro miyo thum obed obadho kaluwore gi yo ma itimee.” – Selected Messages, vol.2, pp. 36-38.

---

5. THUM KOD LWENY MAR LEMO Tich Abich Novemba 8

a. Migawo mane ma thum osekawo e kinde mokalo mondo ojiw lemo mar miriambo, kendo ere kaka itiyo kode kawuono mondo ochop dwaro achielno? – Daniel 3:7; Fweny 13:8. “Wer en nyasaye moro ma jo Kristo ma wacho ni rito Sabato lamo. Satan onge gi wach gi thum ka onyalo tiyo gi mano kaka yo mochopo go e pach rowere. Gimoro amora biro romo e dwarone mabiro golo paro kuom Nyasaye kendo kawo kinde monego otinego. Otiyo kokalo kuom yo moro amora mabiro kelo ywacho maduong’ mondo omak oganda mang’ongo e mor makelo fuwo, ka tekone miyogi ng’ol. Ka oloke oti kode maber, thum en gweth; to nyading’eny itime obedo achiel kuom gik tich mag satan maywacho mondo omak chunje. Ka oti kode e yo marach omiyo joma ok ochiwore bedo gi ting’ruok, gibedo jomanono, kendo mofuwo. Ka omiye thuolo mondo okaw kar chiwruok kod lemo en kuong’ malich. Jo matindo chokore mondo giwer, kendo, kata giwacho ni gin jo Kristo, nyading’eny ok gimi Nyasaye luor kendo yiegi kuom mbaka ma nono kod yiero margi mar thum. Thum maler ok konygi e dwarogi. Nochika kuom puonj maler mar wach Nyasaye mosekal ma ok ofweny. E ng’ado bura wechegi duto moa kuom Roho nokwong’ jogo mane ok ochiko itgi.” – Testimonies, vol.1, p.506. b. Ere kaka jogo ma olocho e lweny mogik ninyis pakgi ni Nyasaye? – Fweny 14:1-5; 15:2-4. “Onge machielo mak mana ji gana pieero apar achiel gi gana piero ang’wen gi ang’wen ema nyalo puonjore wendno (mar resruok); nikech en wer mar gik ma gise kaloe – gik ma onge oganda moro ma oseneno.” – The Great Controversy, p.649.

PENJO MOWINJORE INWO IWUON Tich Auchiel Novemba 9

1. Dwaro mokwongo mar thum en ang’o? 2. Dwol mane ma ibiro wero nyak giko mar ndalo? 3. Ere kaka wanyalo medo yore ma walamo go Nyasaye gi wer? 4. Ang’o ma nyaka wachopie mondo thumbewa obed mowinjore ni Nyasaye? 5. Ere kaka satan biro tiyo gi thum e kedo mogik gi lemo mowinjore?