Sabato, Oktoba 6, 2012 Mobedo e yo milambo mar ataro miluongo ni Pacific, Fiji en kanyakla mar chulni madirom 300 mokere mailo 1,000 ka ing’ado atarono. Gi tol mopogo piny diere (equator) kong’ado yo ka giko mar Chula mar ariyo kuom duong’, miluongo ni Vanua Levu, Fiji nigi mor mar aluora maliet, chieng’ maliet, dho wedhe motimo kuoyo, yien kaachiel gi lum mang’ich, olemo mogudho, alote kod cham manyak ei lowo. Kwan mar jo pinyno gin chiegni 900,000. Ka nitie dhoudi ariyo madongo, jo Fiji wegi gin 48/100 to jo Indo – Fiji gin 45/100, kendo dhoudi moko gin 7/100. Dho Wagunda ema giwacho e ofis (kuonde tije). Dhoudi madongo wacho dho Fiji kod dho Hindi. Thoth weg jo Fiji gin jo Kristo (Methodist, Roman Catholic, Pentecostal, Seventh-day Adventist), kendo thoth jo Indo-Fiji dinigi en Hindu kod Islam. Ote mar loso gik moko manyien (Reformation) nodonjo e dho wedhe wa e higa mar 1974 kinde ma owete Alfredo C. Saz kod Milan Vukotic nolimo Fiji kendo ne gi batiso chunje ang’wen mokuongo. Australasian Union ne ooro owete John Cric kod Chris Gvehen kaka jo land wach e higa 1997, kendo kokalo kuom tich uso kitepe chunje 30 ne otisi e higa mar 1998. Tich osebedo ka dongo. Kuom ng’wono mar Nyasaye jogo moyie kaeni, kata obedo ni gin jochan kor ka mwandu mag pinyni, podi ginyalo nyayo wach maber, ka gichopo ir chunje man gi dwaro e kwonde ma oting’ore malo, e bombe, to gi chulni matindo. “Podi ne ok obedoe dwaro maduong’ mar kinda, chiwruok e tich Kristo moloyo kindeni, ka kinde mag lor dho od ng’wono okayo machiegni kendo ote mogik mar kech ochiw ne piny. Chunya otugore e iya ka awinjo ywak jo Makedonia a koni gi koni, ..... koa loka mar Atlantic kod pacific malach, kendo koa e chulni mag nembe ka wacho niya: “Bi lokani ..... ikonywa (Tich Joote 16:9). Owete gi nyimine, be ubiro duoko ywakno?” (Testimonies, Vol. 5, p. 732). Dwarowa maduong en od lemo kod thuolo mar ofis mondo obed log tich (headquarter) kendo moloyo to mar pogo kitepe gi otese. Udi mipango e kindegi oidho ahinya, kendo yuto magwa ni piny.. En lemowa gi kinda mondo Ruoth odonji e chunyi gi dwaro mantie e piny Fiji ka mana kaka bath puoth Mzabibu. Ka ibiro chiw mich makende mar sabato mokuongo oktoba 6, 2012, koyie chiw gi chuny moyawore, mondo od lemo onyal chungo mamiyo Nyasaye duong’ e pinyni. Erokamano, kendo ma di Ruoth ogwedh mogundho mich ka mich kaachiel gi jachiwo. Owete Gi Nyimine Man Fiji