1. RANYISI MAR LOKRUOK Chak tich Desemba 16

a. Siem mane mowinjo wakaw kuom ngima mar Jaote Petro? Mathayo 26:33, 69-74. b. Ere kaka gik manotimore Gethsemane jiwowa mondo wabed gi lokruok matut moloyo kaka ne wabedo go motelo? Mathayo 26:33, 69-75; Jo Hibrania 12:3,4. “Petro nokwedo Jal ma neno masira e kinde ma nong’eyoe lit e saa mar wichkuot. To bang’e nolokore kendo ngimane lokore manyien. Ne en gi lit madieri mar chuny kendo nochiwore manyien owuon ni Jawarne. Ka wang’e oyimore gi pi wang’ nomako wuodhe kodhi kar kende e pwoth Gethsemane kendo kanyo nopodho piny auma kama noyudo osenenoe Jawarne kopdho auma ka luch remo nochun wuok e litne maduong’. Petro paro gi lit mar chuny ni ne onindo ka Yesu ne lemo e seche ma opong’ gi lworo. Chunye mar ng’ayi nobedo gi lit, kendo pi wang’ mar lokruok miyo lum kama luch remb wuod Nyasaye mohero nochwerie machiegni bedo mang’ich. Ne owuok e puodhono ka en ng’ama ng’imane olokore. Ne oikore mar neno lit ni joma itemo. Nomiye bolruok kendo nonyalo kecho jomanyap kod mobayo yo. Ne onyalo jiwo kendo siemo joma tok gi tek, kendo noikore chuth mar jiwo owetene.” - Testimonies, vol. 3, p. 416

---

2. LOKRUOK DUOGO E YORE NYASAYE Tich Ariyo Desemba 17

a. Hul ane siem achiel madwarore jip makende kawuono. 1 Johana 2:15-17. “Nitie gimoro monego olokruok mondo owe. Bedo gi paro mar piny, herruok kend, kod gombo osebedo ka chamo oko weche mag chuny kod ngima jo Nyasaye.“Chandruok mar jo Nyasaye kuom higni manok mosekalo osebedo hera mat piny. Koa kuom ma osewuokie richo mag herruok kend kod gombo.” – Testimonies, vol.1, p. 141. b. Ang’o momiyo wach Nyasaye en rayaw mar lokruok madieri? Jo Hibrania 4:12-16. “Lokrruok mar ngima em tich ma thoth ji ok orwako. Ok en wach matin mondo ilok paro mar piny, mohero richo kendo kele mondo owinj hera mar Kristo ma ok nyal pim e wuoyo, ng’wonoNe ma ywacho, kod ber moloyo mar Nyasaye, mondo omi chuny onyosre kuom hera mar polo kendo make gi maling’ ling’ mag polo. Ka ong’eyo gigi, ngimane motelo nenorene mojoge kendo ok odware. Odagi richo, kendo, ka chunye otur e nyim Nyasaye, omako Kristo kaka ngima kendo mor mar chuny. Oweyo gik ma nyocha miye mor. En gi paro manyien, ohero gik manyien, oketo chunye e gik manyien, dwaro manyien; lit mage kod dwarone, kod hera duto manyien. Gombo mag ringruok, gombo mar wang’, kod sunga mar ngima, ma e kinde mokalo oseketi motelo ni Kristo, koroni to iweyo, kendo Kristo ema koro ywayo ngima, osimbo mar ilo .....“Tich mar bedo maler, manyocha nenore ni tek, ema koro kelone mor. Wach Nyasaye mane ng’ich ng’ich kendo ok mak parone, ema koro oyiero mar nono, jalo mang’adone rieko. En barua mondikne koa ka Nyasaye, moting’o ndiko mag Jal mochwere. Parone, wechene, kod timbene ikelo e bwo chikni kendo itemo. Otetni kowinjo chikego kod bwog mantie eiye, komako motegno singo mage kendo jiwo chunye kuom kawogi kaka mage. Riwruok mar joma oluoro Nyasaye ahinya ema koro oyiero, kendo joma timbegi richo, ma nyocha ohero bedogo, koro ok omorgo. Pi wang’e chwer kuom richogo man kuomgi ma motelo nonyieroe. Herruok kend kod gik ma nono koro oweyo, kendo koro odak ni Nyasaye kendo ojamoko e timbe mabeyo. Mani e pwodhruok ma Nyasaye dwaro. Moremo ma ok obi rwako.” - Testimonies, vol.2, pp. 294–295.

---

3. CHIKO IT NI RIEKO MA JANENO MADIERI ONG’ADO Tich Adek Desemba 18

a. Wan gi adiera mane ka watimo matek mi walokore ae kido mar dhem dhem? Tich Joote 3:19,20. “Chik iti ni rieko mar Janeno Madier. Ng’iew dhahabu mopuodhi gi mach, mondo inwang’ mwandu, nanga marachar mondo irwakri go, kod yadh wang’ mondo inen. Temie timo teko. Mwandu ma nengogi tekgi ok bi lwar kuomwa ka onge jiwruok koa kuomwa. Nyaka wang’iew – ‘ti matek kendo ilokri’ ae kitwa mar dhem dhem. Nyaka wachiew mondo wane kama ok wadhie maber, mondo wanon richowa kendo timo matek lokruok a kuomgi.“Naneno ni owete man gi mwandu nigi tich monego gitim mondo gipogre mabor gi mwandugi mag piny kendo mondo gilo hera mar piny. Thothgi ohero pinyni, ohero mwandugi, to ok gidwar nene. Nyaka gitim matek kendo lokore kuom gombo mag gi wegi, mondo hera mar adier onyal mwonyo gik moko te. Na neno ni thoth jogo man gi mwandu biro rem ng’iewo dhahabu, nanga marachar, kod yadh wang’. Kinda margi ok nigi jiwruok kod teko mowinjore gi nengo mar gima gilawo.“Naneno jogi ni kinde magitimo matek yudo mwandu mag pinyni; mano kaka ne gitiyo matek, ka gitimo kinda, gitiyo gi teko mondo giyud mwandu mag pinyni ma nyaka kethre machiegni! Kaka ne gitimo kweno mokwe! Gichano kendo tiyo matek a okinyi nyaka modeko, kendo ok giywe kata hore mos ka gimanyo mwandu mag piny. Tich matek machalo kamano koa kuomgi mondi giyud dhahabu, nanga marachar, kod yadh wang’ biro kelogi e yudo mwandu midwaro manengo gi tekgi kod ngima, ngima mochwere, e piny Ruodh Nyasaye. Na neno ni ka ng’ato nigi dwaro mar yadh wang’, gin jogo man gi mwandu mag pinyni. Thothgi gin muofni kuom chalgi giwegi, muofni kuom mako pinyni matek. Yaye, madine ginyalo neno!“ ’Ne, achung’ e dho ot, kendo adwong’o. ka ng’ato owinjo dwonda, mi oyawo dho ot, anadonj ire, kendo anachiem kode, to en bende nochiem koda’ (Fweny 3:20). Naneno ni thoth ji nigi yugi modhuro mochoki e dho od chunygi maok nyal miyo dho ot yawre. Jomoko nigi chandruok e kindgi gi owetegi ma onego ogol. Jomoko nigi chuny machuok, gombo magi giwegi, mondo gigol mkokwongo eka giyaw dho ot. Jomoko oseng’ielo piny mi odino go dho od chunygi, mageng’o dho ot. Yugi gi duto nyaka gol oko, kendo eka bang’e ginyalo yawo dho ot kendo rwako Jawar iye.” - Testimonies, Vol.1, pp. 142–143.

---

4. LOKRUOK MATERO E LOCH Tich Ang’wen Desemba 19

a. Ng’eyo kod tich mage magin rayaw ni loch mar chuny kuom jo Nyasaye? Isaiah 55:8,9; 58:1. Ere kaka jomoko iwuondo e dwaro mondo wigi owil gi adierani? 1 Ruodhi 18:17. “Jomoko, ekinde ma gikalo e tem, keto chandruoge gi kod pek mag paro magin go e wi weche mag neno mag kwero gik maricho ma wase miyogi. Iparo ni chandruok nigi jogo mangi ote mar siem, masiemo richo mag oganda kendo rieyo kuonde ma gibamie. Thoth ji iwuondo gi jasik chunje. Giparo ni tije owadwa kod nyaminwa ‘White’ inyalo rwaki ka dine ok gisiko kuong’o gik ma ok kare kod kwero richo....“Jomoko ok bi rwako neno ma Nyasaye osemiyowa mondo wachiw, ka giwuondore kendgi ni dipo ka iwuondowa to gin to gin kare. Giparoni jo Nyasaye ok nigi dwaro mar mondo oti kodgi e yo maler kod mar kwer, to ni Nyasaye nikodgi. Jogi mitemo, machunjegi osebedo ka nie lweny gi kwer mag richo e yor ratiro ne nyalo kok niya: wachnwa weche mayot. En chenro mane ma gibiro loso mar ote mar Janeno Madieri ma oor ni jo Laodikia? Kani wound ok nyal bedoe. Oteni nyaka tere ni kanisa madhem dhem gi jotich Nyasaye. Nyaka ochiew joge kuom ritruok margi kod chandruok mar wound kaluwore gi chung’ margi adieri e nyim Nyasaye. Naneno ni, ka orwake, biro chiewo ji mondo oti kendo kelo duokruok piny kod hulo richo....“Jo Nyasaye nyaka ne kethogi kendo chiew mondo gitim matek e lokruok kod golo oko richogi mosekelogi e kido malichni mar dhier, mwofu, chandruok, kod wound makelo luoro. Nonyisa ni neno mabith nyaka siki e kanisa. Mani kende ema biro kelo dwoko ni ote ma oor ni Laodikia. Gik maricho nyaka kwer, richo nyaka luong ni richo, kendo ketho nyaka rakruokgo mapiyo piyo kendo maonge kiawa, kendo oket mabor kodwa kaka oganda.” - Testimonies, Vol.3, pp. 258–260. b. Ang’o matimore ka wayie yawo dho od chunywa ni Kristo? Fweny 3:20 (bathe mogik). “Kaka wayie piyo mar weyo richo, ka wayie gi kethowa, rageng’ igolo e kind chuny kod Jawar.” – Selected Messages, bk. 1, p. 325.

---

5. CHANG KOD RWAK GI NYASAYE Tich Abich Desemba 20

a. Ote mane mopong’ gi geno, man gi hoch ma dhi kaachiel gi ote ni jo Laodikia? Fweny 3:19; Yeremia 3:22,23. “Yaye, herano, herano miwuoro mar Nyasaye! Bang dhem dhemwa duto kod richo owacho ni: ‘duoguru ira, mi Anaduog iru kendo anachang doku chien duto.’ Mani ne onwo gi Malaika nyading’eny. ‘Duoguru ira, mi Anaduog iru, kendo anachang doku chien duto.’“Jomoko, ma neno, ne dhi duogo gi mor. Moko ne ok dhi miyo ote ni jokanisa man Laodikia bedo gi pek kuomgi. Ne gidhi nyime e yo mapoth, momedore mana kaka e kinde motelo, kendo ibiro ng’og gi oko mar dhog Ruoth. Jogo kende ma otimo matek molokore ema biro bedo e winjruok gi Nyasaye ....“Wanyalo loyo. Ee; chuth, maonge madong’. Yesu notho mondo olosnwa yor tony, mondo mi wanyal loyo kido duto maricho mag mirima, richo duto, tembe duto kendo gikone to wabed kode piny.“En ratiro marwa ma kende mondo wabed gi yie kod warruok. Teko Nyasaye podi ok odok chien. TekoNe, naneno, idhi chiw nono kawuono mana kaka e kinde mokalo. En kanisa mar Nyasaye ema oselalo yiegi mondo gidware kaka ratiro margi, teko ma i mondo giyude, kaka Jakobo notimo, ka giywak niya: ‘Ok naweyi idhi, mak igwedha’ (Chakruok 32:36). Yie matimo kinda osebedo ka tho. Nyaka chiere e chuny jo Nyasaye. Nyaka bedie dwaro gweth mag Nyasaye kaka ratiro.” – Testimonies, Vol.1, pp. 143–144.

PENJO MOWINJORE INWO IWUON Tich Auchiel Desemba 21

1. Ang’o monego wapuonjre kuom loch ma Petro noyudo koa kuom gik manokaloe e ngimane? 2. Olemo mane madhi kaachiel gi lokruok madieri? 3. Hul ane rageng’ moko manyalo bedo ni ogeng’o chuny? 4. Ang’o momiyo ote mar kwer en ote mar geno bende? 5. Ler ane geno mochiw gi Janeno Madieri ni jo Laodikia.